आनुष्टुभो वा एष वज्रो यत्षोडशी ।
17,1.1तद्यत्षोडशिनमुपयन्ति ।
17,1.2आनुष्टुभेन एव तद्वज्रेण यजमानस्य पाप्मानमपघ्नन्ति ।
17,1.3स वै हरिवान्भवति ।
17,1.4प्राणो वै हरिः ।
17,1.5स हि हरति ।
17,1.6तस्माद्द्हरिवान्भवति ।
17,1.7तदसौ वै षोडशी यो असौ तपति ।
17,1.8एतमेव तत्प्रीणाति ।
17,1.9अथो षोडशम्वा एतत्स्तोत्रम्षोडशम्शस्त्रम् ।
17,1.10तस्मात्षोडशी इत्याख्यायते ।
17,1.11तद्यत्षोडशिनमुपयन्ति ।
17,1.12षोडश कलम्वा इदम्सर्वम् ।
17,1.13अस्य एव सर्वस्य आप्त्यै ।
17,1.14अथो इन्द्रो वै षोडशी ।
17,1.15तस्माद्द्हरिवान्भवति ।
17,1.16हरि स्तवो हि इन्द्रः ।
17,1.17इन्द्र जुषस्व प्र वहा याहि शूर हरी इह इति ।
17,1.18ताः पञ्चविंशत्यक्षराः ।
17,1.19एक एका नवभिर्नवभिरक्षरैरुपसृष्टाः ।
17,1.20आत्मा वै पञ्चविंशः ।
17,1.21प्रजा पशव उपसर्गः ।
17,1.22प्रजया एव तत्पशुभिः प्रेष्यैरन्न अद्येन इत्यात्मानमुपसृजते ।
17,1.23ताश्चतुस्त्रिंशदक्षराः सम्पद्यन्ते ।
17,1.24स्वराड्वै तच्छन्दः ।
17,1.25यत्किंच चतुस्त्रिंशदक्षरम्स्वाराज्यमनेन आप्नोति ।
17,1.26ताः संशस्ताः पञ्च अन्बुष्टुभः सम्पद्यन्ते ।
17,1.27दश अक्षरम्च पदमुदैति ।
17,1.28एक एकस्यै द्वे द्वे ।
17,1.29त्वावतः पुरूवसो इति गायत्रीमुपसंशंसति ।
17,2.1एतेषामेव अक्षराणाम्सम्पदे ।
17,2.2अथो एतया सह स्तोत्रियः षडनुष्टुभः सम्पद्यन्ते ।
17,2.3तस्मादेताम्शंसति सम्पदे ।
17,2.4एतत्प्रतिरूपमु ह एके अनुरूपम्कुर्वन्ति ।
17,2.5तदु वा आहुरसौ वै षोडशी यो असौ तपति ।
17,2.6न वा एतस्य अन्यो अनुरूपो अस्ति ।
17,2.7स यो अत्र अनुरूपम्कुर्वन्तम्ब्रूयात् ।
17,2.8अथ अतः ऊर्ध्वानि छन्दांसि विहरति ।
17,2.11प्राणा वै छन्दांसि ।
17,2.12प्राणानेव तदात्मन्व्यतिषजत्यविवर्हाय ।
17,2.13तस्माद्द्हि इमे प्राणा विष्वञ्चो वा अन्तो न निर्वान्ति ।
17,2.14अथो आनुष्टुभो वै षोडशी ।
17,2.15सर्वाण्येव एतत्छन्दांस्यनुष्टुभमभिषम्पादयति ।
17,2.16गायत्रीश्च पङ्क्तीश्च विहरति ।
17,2.17यजमानच्छन्दसम्पङ्क्तिः ।
17,2.18तेजो ब्रह्म वर्चसम्गायत्री ।
17,2.19तेज एव तद्ब्रह्म वर्चसम्यजमाने दधाति ।
17,2.20उष्णिहश्च बृहतीश्च विहरति ।
17,2.21यजमानच्छन्दसमेव उष्णिक् ।
17,2.22पशवो बृहती ।
17,2.23बार्हतानेव तत्पशून्यजमाने दधाति ।
17,2.24द्विपदाम्च विंशत्यक्षराम्त्रिष्टुभम्च विहरति ।
17,2.25यजमानच्छन्दसमेव द्विपदा ।
17,2.26बलम्वै वीर्यम्त्रिष्टुप् ।
17,2.27बलमेव तद्वीर्यम्यजमाने दधाति ।
17,2.28द्विपदाश्च षोडश अक्षरा जगतीश्च विहरति ।
17,2.29यजमानच्छन्दसमेव द्विपताः ।
17,2.30पशवो जगती ।
17,2.31जागतानेव तत्पशून्यजमाने दधाति ।
17,2.32गायत्रीः शंसति ।
17,3.1प्राणो वै गायत्र्यः ।
17,3.2प्राणमेव तदात्मन्धत्ते ।
17,3.3सप्त पदाम्शंसति ।
17,3.4सप्त वै छन्दांसि ।
17,3.5सर्वेषामेव छन्दसामाप्त्यै ।
17,3.6अथो एतया सह गायत्र्यश्चतस्रो अनुष्टुभः सम्पद्यन्ते ।
17,3.7तस्मादेताम्शंसति सम्पदे ।
17,3.8अथ नित्या अनुष्टुभः शंसति ।
17,3.9आनुष्टुभो वै षोडशी ।
17,3.10तदेनत्स्वेन छन्दसा समर्धयति ।
17,3.11ता वा अष्टौ भवन्ति ।
17,3.12एताभिर्वै देवाः सर्वा अष्टीराश्नुवत ।
17,3.13तथो एव एतद्यजमान एताभिरेव सर्वा अष्टीरश्नुते ।
17,3.14त्रिः शस्तया परिधानीयया दश सम्पद्यन्ते ।
17,3.15दश दशिनी विराट् ।
17,3.16श्रीर्विराडन्न अद्यम् ।
17,3.17श्रियो विराजो अन्न अद्यस्य उपाप्त्यै ।
17,3.18उद्यद्ब्रध्नस्य विष्टपमिति परिदधाति ।
17,3.19अदो वै ब्रध्नस्य विष्टपम्यत्र असौ तपति ।
17,3.20तदेव तद्यजमानम्दधाति ।
17,3.23त्रिवृता एव तद्वज्रेण यजमानस्य पाप्मानम्हन्ति ।
17,3.24त एते श्लोका घोषा वीर्याणि इत्युक्थानाम् ।
17,3.25श्लोकी घोषी वीर्यवान्कीर्तिमान्भवति य एवम्वेद उक्थानाम्वीर्याणि ।
17,3.26ताः संशस्ताश्चत्वारिंशदनुष्टुभः सम्पद्यन्ते ।
17,3.27चत्वारिंशदक्षरा पङ्क्तिः ।
17,3.28प्रतिष्ठा वै पङ्क्तिः ।
17,3.29सर्वेष्वेव तद्भूतेषु यजमानम्प्रतिष्ठापयति ।
17,3.30विहृतया त्रिष्टुभा यजेदिति ह एक आहुः ।
17,3.31एवा हि वाज्यपाः पूर्वेषाम्हरिवः सुतानाम्वाजो हि वाज्यथो इदम्सवनम्केवलम्ते ।
17,3.32वोढा हि वाजी ममद्द्हि सोमम्मधुमन्तमिन्द्र जिष्णुर्हि वाजी सत्रा वृषन्जठर आवृषस्व इति ।
17,3.33अविहृतया इत्त्वेव स्थितम् ।
17,4.1संसिद्धानि वा एतानि देव पात्राणि यद्याज्याः ।
17,4.2संसिद्धेन एव तद्देव पात्रेण देवेभ्यो हविः प्रयच्छति ।
17,4.3तन्न रात्र्यामुपेयात् ।
17,4.4इन्द्रो वै षोडशी ।
17,4.5न वा इन्द्रादन्यदुत्तरमस्ति ।
17,4.6बहु रात्र्यामुपाह्वयते ।
17,4.7पर्याया इव त्वदाश्विनम् ।
17,4.8तत एव एनम्चतुर्थे अहन्युपेयात् ।
17,4.9तद्वै षोडशिन आयतनम् ।
17,4.10तद्वै तदहः षोडश्यन्तम्संतिष्ठते ।
17,4.11तदु वा आहुरुपेयादेव एतत् ।
17,4.12कृत्स्नो वा अहोरात्रे यत्षोडशी ।
17,4.13तद्यद्षोडशिनमुपयन्ति ।
17,4.14अहोरात्रयोरेव कृत्स्नतायै ।
17,4.15अथ यदतिरात्रमुपयान्ति ।
17,4.16एतावान्वै संवत्सरो यदहोरात्रे ।
17,4.17तद्यदतिरात्रमुपयन्ति ।
17,4.18संवत्सरस्य एव आप्त्यै ।
17,4.19अथो द्वयम्वा इदम्सर्वम्स्नेहश्चैव तेजश्च ।
17,4.20तदुभयमहोरात्राभ्यामाप्तम् ।
17,4.21तद्यदतिरात्रमुपयन्ति ।
17,4.22स्नेह तेजसोरेव आप्त्यै ।
17,4.23गायत्रान्त्स्तोत्रिय अनुरूपान्शंसन्ति ।
17,5.1ज्योतिर्वै गायत्री ।
17,5.2तमः पाप्मा रात्रिः ।
17,5.3तेन तज्ज्योतिषा तमः पाप्मानम्तरन्ति ।
17,5.4पुनरादायम्शंसन्ति ।
17,5.5एवम्हि सामगाः स्तुवते ।
17,5.6यथा स्तुतम्वनुशस्तम्भवति इति ।
17,5.7तदाहुरतः कस्मादुत्तमात्प्रतीहारादूर्ध्वमाहूय साम्ना शस्त्रमुपसंतन्वन्ति इति ।
17,5.8पुरुषो वै यज्ञः ।
17,5.9तस्य शिर एव हविर्धाने मुखमाहवनीय उदरम्सदो अन्नमुक्थानि ।
17,5.10बाहू मार्जालीयश्च अग्नीध्रियश्च ।
17,5.11या इमा अन्तर्देवतास्ते अन्तः सदनम्धिष्ण्याः ।
17,5.12प्रतिष्ठा गार्हपत्य व्रत श्रपणाविति ।
17,5.13अथ अपरम् ।
17,5.14तस्य मन एव ब्रह्मा प्राण उद्गाता अपानः प्रस्तोता व्यानः प्रतिहर्ता वाग्घोता चक्षुरध्वर्युः प्रजातिः सदस्य आत्मा यजमानः ।
17,5.15अङ्गानि होत्राशंसिनः ।
17,5.16तद्यदध्वर्युः स्तोत्रमुपाकरोति ।
17,5.16चक्षुरेव तत्प्राणैः संदधाति ।
17,5.18अथ यत्प्रस्तोता ब्राह्मणमामन्त्रयते ब्रह्मन्त्स्तोष्याम इति ।
17,5.19मनो वा अग्रणीर्भवत्येषाम्प्राणानाम् ।
17,5.20मनसा एव प्रसूताः स्तोमेन स्तुयाम इति ।
17,5.21अथो अपानमेव तन्मनसा संतनोति । ण्ण्ण्
17,5.22अथ यद्ब्रह्मा स्तोत्रमनुमन्यते ।
17,6.1मन एव तत्प्राणैः संदधाति ।
17,6.2अथ यत्प्रस्तोता प्रस्तौति ।
17,6.3अपानमेव तत्प्राणैः संदधाति ।
17,6.4अथ यत्प्रतिहर्ता प्रतिहरति ।
17,6.5व्यानमेव तत्प्राणैः संदधाति ।
17,6.6अथ यदुद्गाता उद्गायति ।
17,6.7प्राणमेव तद्व्याने दधाति ।
17,6.8ता वा एताः सर्वा देवताः प्राण एव प्रतिष्ठिताः ।
17,6.9अथ यद्द्होता साम्ना शस्त्रमुपसंतनोति ।
17,6.10वाग्वै होता ।
17,6.11वाचमेव तत्प्रणैः संदधाति ।
17,6.12अथ यद्द्होत्राशंसिनः साम संततिम्कुर्वन्ति ।
17,6.13अङ्गान्येव तत्प्राणैः संदधाति ।
17,6.14अथ यद्यजमानः स्त्रोत्रमुपगाति ।
17,6.15प्राणा वा उद्गातारः ।
17,6.16प्राणानेव तदात्मन्धत्ते ।
17,6.17तस्मान्न एनम्बहिर्वेद्यभ्यस्तमियात् ।
17,6.18न अभ्युदियान्न अभ्याश्रावयेत् ।
17,6.19न स्तोत्रमुपाकुर्वन्ति ।
17,6.20न अधिष्ण्ये प्रतपेत् ।
17,6.21न इत्प्राणेभ्य आत्मानमपादधानि इति ।
17,6.22अथ यत्प्रथमेषु पर्यायेषु प्रथमेषु पदेषु निनर्तयन्ति ।
17,6.23प्रथम रात्रादेव तदसुरान्निर्घ्नन्ति ।
17,6.24अथ यन्मध्यमेषु पर्यायेषु मध्यमेषु पदेषु निनर्तयन्ति ।
17,6.25मध्य रात्रादेव तदसुरान्निर्घ्नन्ति ।
17,6.26अथ यदुत्तमेषु पर्यायेषु उत्तमेषु पदेषु निनर्तयन्ति ।
17,6.27उत्तम रात्रादेव तदसुरान्निर्घ्नन्ति ।
17,6.28तद्यथा अभ्यागारमभिनिनर्तम्पुनः पुनः पाप्मनम्निर्हण्यात् ।
17,6.29एवमेव एतत्स्तोत्रिय अनुरूपैरहोरात्राभ्यामसुरान्निर्घ्नन्ति ।
17,6.30यथा अस्तुतंवनुशस्तम्भवति इति ।
17,6.31गायत्राण्युक्थ मुखनै शंसन्ति ।
17,7.1तेजो ब्रह्म वर्चसम्गायत्री ।
17,7.2तेज एव तद्ब्रह्म वर्चसम्यजमाने दधति ।
17,7.3गायत्रीः शस्त्वा जगतीः शंसन्ति ।
17,7.4व्याह्वयन्ते गायत्रीश्च जगतीश्च अन्तरे अ।
17,7.5छन्दांस्येव एतन्नाना वीर्याणि कुर्वन्ति ।
17,7.6जगतीः शस्त्वा त्रिष्टुब्भिः परिदधति ।
17,7.7बलम्वै वीर्यम्त्रिष्टुप् ।
17,7.8पशवो जगती ।
17,7.9बल एव तद्वीर्ये अन्ततः पशुषु च प्रतितिष्ठन्ति ।
17,7.10अन्धस्वत्यो मद्वत्यः पीतवत्यस्त्रिष्टुभो याज्याः समृद्धस्त्रिलक्षणाः ।
17,7.11एतद्वै रात्रे रूपम् ।
17,7.12जागृयू रात्रिम् ।
17,7.13ज्योतिर्वै जागरितम् ।
17,7.14तमः पाप्मा रात्रिः ।
17,7.15तेन तज्ज्योतिषा तमः पाप्मानम्तरन्ति ।
17,7.16यावदु ह वै न वा स्तूयते न वा शस्यते ।
17,7.17तावदीश्वरा यदि न असुर रक्षसान्यन्ववपातोः ।
17,7.18तस्मादाहवनीयम्समीद्ध्वमाग्नीध्रियम्गार्हपत्यम्धिष्ण्यान्त्समुज्ज्वलयत इति भाषेरन् ।
17,7.19ज्वलयेयुः प्रकाशमिव एव स्यात् ।
17,7.20आलेभन्तः शयीरन् ।
17,7.21तान्ह तच्चेष्टन्ति न्वा इति ।
17,7.22पाप्मा न अपधृष्णोति ।
17,7.23ते पाप्मानमपघ्नते ते पाप्मानमपघ्नते ।
17,7.24