Om .. Hira̍ṇyavarṇām̱ hari̍ṇīm su̱varṇa̍raja̱tasra̍jām .
Ca̱ndrām hi̱raṇma̍yīm la̱kṣmīm jāta̍vedo ma̱ āva̍ha .. 1..
Tām ma̱ āva̍ha̱ jāta̍vedo la̱kṣmīmana̍pagā̱minī̍m .
Yasyām̱ hira̍ṇyam vi̱ndeyam̱ gāmaśvam̱ puru̍ṣāna̱ham .. 2..
A̱śva̱pū̱rvām ra̍thama̱dhyām ha̱stinā̍dapra̱bodhi̍nīm .
Śriyam̍ de̱vīmupa̍hvaye̱ śrīrmā̍de̱vīrju̍ṣatām .. 3..
Kām̱ so̱smi̱tām hira̍ṇyaprākārāmā̱rdrām jvala̍ntīm tru̱ptām ta̱rpaya̍ntīm .
Pa̱dme̱ sthi̱tām pa̱dmava̍rṇām̱ tāmi̱hopa̍hvaye̱ śriya̍m .. 4..
Ca̱ndrām pra̍bhā̱sām ya̱śasā̱ jvala̍ntīm̱ śriyam̍ lo̱ke de̱vaju̍ṣṭāmudā̱rām .
Tām pa̱dminī̍mīm̱ śara̍ṇama̱ham prapa̍dye’la̱kṣmīrme̍ naśyatām̱ tvām vru̍ṇe .. 5..
Ā̱di̱tyava̍rṇe̱ tapa̱so’dhi̍jā̱to vana̱spati̱stava̍ vru̱kṣo’tha bi̱lvaḥ .
Tasya̱ phalā̍ni̱ tapa̱sā nu̍dantu mā̱yānta̍rā̱yāśca̍ bā̱hyā a̍la̱kṣmīḥ .. 6..
Upai̍tu̱ mām de̍vasa̱khaḥ kī̱rtiśca̱ maṇi̍nā sa̱ha .
Prā̱du̱rbhū̱to’smi̍ rāṣṭre̱’smiṉ kī̱rtimru̍ddhim da̱dātu̍ me .. 7..
Kṣutpi̍pā̱sāma̍lām jye̱ṣṭhāmala̱kṣmīm nā̍śayā̱myaham .
Abhū̍ti̱masa̍mruddhim̱ ca sarvām̱ nirṇu̍da me̱ gruhā̍t .. 8..
Gaṉdha̱dvā̱rām du̍rādha̱rṣām̱ ni̱tyapu̍ṣṭām karī̱ṣiṇī̍m .
Ī̱śvarīm̍ sarva̍bhūtā̱nām̱ tāmi̱hopa̍hvaye̱ śriya̍m .. 9..
Mana̍sa̱ḥ kāma̱mākū̍tim vā̱caḥ sa̱tyama̍śīmahi .
Pa̱śū̱nām rūpa̍manna̱sya mayi̱ śrīḥ śra̍yatām̱ yaśa̍ḥ .. 10..
Karda̍me̱na pra̍jābhū̱tā ma̱yi sam̍bhava̱ karda̍ma .
Śriyam̍ vā̱saya̍ me ku̱le mā̱taram̍ padma̱māli̍nīm .. 11..
Āpa̍ḥ sru̱jantu̍ sni̱gdhā̱ni ciklī̍ta̱ vasa̍ me gru̱he .
Ni ca̍ de̱vīm mā̱taram̱ śriyam̍ vā̱saya̍ me ku̱le .. 12..
Ā̱rdrām pu̱ṣkari̍ṇīm pu̱ṣṭim̱ su̱varṇām̍ hema̱māli̍nīm .
Sū̱ryām hi̱raṇma̍yīm la̱kṣmīm jāta̍vedo ma̱ āva̍ha .. 13..
Ā̱rdrām ya̱ḥ kari̍ṇīm ya̱ṣṭim̱ pi̱ṅgal̤ām̍ padma̱māli̍nīm .
Ca̱ndrām hi̱raṇma̍yīm la̱kṣmīm̱ jāta̍vedo ma̱ āva̍ha .. 14..
Tām ma̱ āva̍ha̱ jāta̍vedo la̱kṣmīmana̍pagā̱minī̍m .
Yasyām̱ hira̍ṇyam̱ prabhū̍tam̱ gāvo̍ dā̱syo’śvā̍nvi̱ndeyam̱ puru̍ṣāna̱ham .. 15..
Yaḥ śuci̱ḥ praya̍to bhū̱tvā ju̱huyā̍dājya̱ manva̍ham .
Sūktam̍ pa̱ñcada̍śarcam̱ ca śrī̱kāma̍ḥ sata̱tam ja̍pet .. 16..
Pa̱dmā̱na̱ne pa̍dmaū̱ru pa̱dmākṣi̍ padma̱sambha̍ve .
Tanme̍ bha̱jasi̍ padmā̱kṣi ye̱na sau̍khyam la̱bhāmya̍ham .. 17 ..
A̱śva̱dāyi̍ godā̱yī̱ dha̱nadā̍yi ma̱hādha̍ne .
Dhanam̍ me̱ juṣa̍tām de̱vi̱ sa̱rvakā̍māmśca̱ dehi̍ me .. 18 ..
Padmā̍na̱ne pa̍dma̱vipa̍dmapa̱tre padma̍priye̱ padma̱dal̤ā̍yatā̱kṣi .
Viśva̍priye̱ viṣṇu mano̍’nukū̱le tvatpā̍dapa̱dmam mayi̱ sanni̍dhatsva ..1 9 ..
Pu̱tra̱pau̱tra dha̍nam dhā̱nyam ha̱styaśvā̍diga̱ve ra̍tham .
Pra̱jā̱nām bha̍vasi mā̱tā ā̱yuṣma̍ntam ka̱rotu̍ me .. 20 ..
Dhana̍ma̱gnirdha̍nam vā̱yurdhanam̱ sūryo̍ dhanam̱ vasu̍ḥ .
Dhana̱mindro̱ bruha̱spati̱rvaru̍ṇo̱ dhana̱maśvi̍nā .. 21 ..
Vaina̍teya̱ somam̍ piba̱ somam̍ pibatu vrutra̱hā .
Somam̱ dhana̍sya so̱mino̱ mahyam̱ dadā̍tu so̱mina̍ḥ .. 22 ..
Na krodho̱ na ca̍ mātsa̱ryam na̱ lobho̍ nāśu̱bhā ma̍tiḥ .
Bhava̍nti̱ kruta̍puṇyā̱nām bha̱ktyā śrīsū̍kta̱jāpi̍nām .. 23 ..
Sarasijanilaye saro̍jaha̱ste dhaval̤atarāmśukagaṉdhamā̍lyaśo̱bhe .
Bhagavati harivallabhe̍ mano̱jñe tribhuvanabhūtikariprasī̍da ma̱hyam .. 24 ..
Viṣṇu̍pa̱tnīm kṣa̍mām de̱vīm mā̱dhavīm̍ mādha̱vapri̍yām .
Lakṣmīm̍ pri̱yasa̍khīm de̱vīm na̱māmya̍cyuta̱valla̍bhām .. 25 ..
Ma̱hā̱la̱kṣmyai ca̍ vi̱dmahe̍ viṣṇupa̱tnyai ca̍ dhīmahī .
Tanno̍ lakṣmīḥ praco̱dayā̍t .. 26 ..
Ānan̍da̱: karda̍maḥ śrī̱daści̱klīta̍ iti̱ viśru̍tāḥ .
Ruṣa̍ya̱ḥ śriya̍ḥ putrā̱śca śrī̱rdevī̍rdeva̱tā ma̍tāḥ 27 ..
Ruṇa̍ro̱gādi̍dāri̱dryapā̱pakṣu̍dapa̱mrutya̍vaḥ .
Bhaya̍śo̱kama̍nastā̱pā na̱śyantu̍ mama̱ sarva̍dā .. 28 ..
Śrīvarca̍sva̱māyu̍ṣya̱māro̍gya̱māvi̍dhā̱cchobha̍mānam mahī̱yate̍ .
Dha̱nam dhā̱nyam pa̱śum ba̱hupu̍tral̤ā̱bham śa̱tasam̍vatsa̱ram dī̱rghamāyu̍ḥ .. 29 ..
Pāṭhabhedā:
1.Srajam . Mamā vaha
3.Aśvapūrṇām , pramodinīm . Devī juṣatām
5.Padmanemim, padmanemīm . Śaraṇam prapadye , vruṇomi
6.Yā antarā, mamāntarā
7.Bhūta:su, bhūtostu, bhūtosi . Ruddhim, vruddhim
11.Me gruhe
12.Srajantu, srajanti
13.Piṅgal̤ām padmamālinīm, candrām . Suvarṇām hemamālinīm, sūryām
15.Malapa . Prabhūtim
16.Śriya:
18.Padmāsane
19.Aśvadāyai ca godāyai dhanadāyai . Labhatām
20.Hastyaśvāśvatarī ratham . Karotu mām
21.Varuṇam dhanamastu me , te , dhanamaśnute
23.Śrī sūkta japakāriṇām , bhaktānām śrī sūktam japet, japetsadā
29.Dhānyam dhanam
Read also in: English (IAST) देवनागरी தமிழ்