pāramparikam
skanda uvāca
yogīśvaro mahāsenaḥ kārttikeyo'gninandanaḥ .
skandaḥ kumāraḥ senānīḥ svāmī śaṅkarasambhavaḥ ..
||1||gāṅgeyastāmracūḍaśca brahmacārī śikhidhvajaḥ .
tārakārirumāputraḥ krauñcāriśca ṣaḍānanaḥ ..
||2||śabdabrahmasamudraśca siddhaḥ sārasvato guhaḥ .
sanatkumāro bhagavān bhogamokṣaphalapradaḥ ..
||3||śarajanmā gaṇādhīśapūrvajo muktimārgakṛt .
sarvāgamapraṇetā ca vāñchitārthapradāyakaḥ ..
||4||aṣṭāviṃśatināmāni madīyānīti yaḥ paṭhet .
pratyūṣaṃ śraddhayā yukto mūko vācaspatirbhavet ..
||5||mahāmantramayānīti mama nāmānukīrtanam .
mahāprajñāmavāpnoti nātra kāryā vicāraṇā ..
||6||puṣyanakṣatram ārabhya daśavāraṃ paṭhennaraḥ
puṣyanakṣatra-paryante'śvatthamūle dine dine
puraścaraṇa-mātreṇa sarvapāpaiḥ pramucyate ..
||7||iti śrī-rudrayāmalarahasye prajñāvivardhana-kārttikeya-stotraṃ sampūrṇam