pustakāni maṇḍale saṃsthāpya tatra durgālakṣmīyuktāṃ sarasvatīmāvāhya pūjayet|
Pūrvāṅgapūjā. Do this common opening first, then continue with the principal worship below. Pūrvāṅgapūjā
Pūrvāṅgapūjā
Hide
ācamanam
dhyānam
śuklāmbaradharaṃ viṣṇuṃ śaśivarṇaṃ caturbhujam|
prasannavadanaṃ dhyāyet sarvavighnopaśāntaye ||
prāṇāyāmaḥ — saṅkalpaḥ
apa upaspṛśya
mamopāttasamastaduritakṣayadvārā śrīparameśvaraprītyarthaṃ kariṣyamāṇasya karmaṇaḥ nirvighnena parisamāptyarthaṃ ādau vighneśvarapūjāṃ kariṣye|
mahadbhandanam
ābrahmalokādārohāt ālokāt lokaparvatāt|
ye vasanti dvijā devāstebhyo nityaṃ namo namaḥ ||
āsanapūjā
pṛthivyā merupṛṣṭha ṛṣiḥ| sutalaṃ chandaḥ| kūrmo devatā| āsane viniyogaḥ|
pṛthivi tvayā dhṛtā lokā devi tvaṃ viṣṇunā dhṛtā|
tvaṃ ca dhāraya māṃ devi pavitraṃ cāsanaṃ kuru ||
ghaṇṭāpūjā
ghaṇṭānādaṃ kṛtvā|
āgamārthaṃ tu devānāṃ gamanārthaṃ tu rakṣasām|
ghaṇṭāravaṃ karomyādau devatāhvānakāraṇam ||
vighneśvarapūjā
asmin haridrābimbe śrīvighneśvaraṃ dhyāyāmi|
āvāhayāmi| āsanaṃ samarpayāmi| pādayoḥ pādyaṃ samarpayāmi| arghyaṃ samarpayāmi| ācamanīyaṃ samarpayāmi| madhuparkaṃ samarpayāmi| snānaṃ samarpayāmi| ācamanīyaṃ samarpayāmi| vastraṃ samarpayāmi| upavītaṃ samarpayāmi| divyaparimalagandhān dhārayāmi| akṣatān samarpayāmi| puṣpaiḥ pūjayāmi|
| sumukhāya namaḥ |
| ekadantāya namaḥ |
| kapilāya namaḥ |
| gajakarṇikāya namaḥ |
| lambodarāya namaḥ |
| vikaṭāya namaḥ |
| vighnarājāya namaḥ |
| vināyakāya namaḥ |
| dhūmaketave namaḥ |
| gaṇādhyakṣāya namaḥ |
| phālacandrāya namaḥ |
| gajānanāya namaḥ |
| vakratuṇḍāya namaḥ |
| śūrpakarṇāya namaḥ |
| herambāya namaḥ |
| skandapūrvajāya namaḥ |
| siddhivināyakāya namaḥ |
| śrīmahāgaṇapataye namaḥ |
upacārāḥ
dhūpamāghrāpayāmi| dīpaṃ darśayāmi| nivedayāmi| karpūranīrājanaṃ darśayāmi| samastopacārapūjāṃ samarpayāmi|
prārthanā
vakratuṇḍa mahākāya sūryakoṭisamaprabha|
nirvighnaṃ kuru me deva sarvakāryeṣu sarvadā ||
iti prārthya| prāṇāyāmaḥ|
saṅkalpaḥ
śubhe śobhane muhūrte ādyabrahmaṇaḥ dvitīyaparādhe śvetavarāhakalpe vaivasvatamanvantare aṣṭāviṃśatitame kaliyuge prathame pāde jambūdvīpe bhāratavarṣe bharatakhaṇḍe merordakṣiṇe pārśve śakābde asmin vartamāne vyāvahārike prabhavādiṣaṣṭisaṃvatsarāṇāṃ madhye …… nāma saṃvatsare …… ayane …… ṛtau …… māse …… pakṣe …… śubhatithau …… vāsarayuktāyāṃ …… nakṣatrayuktāyāṃ śubhayogaśubhakaraṇasakalaviśeṣaṇaviśiṣṭāyāmasyāṃ śubhatithau mamopāttasamastaduritakṣayadvārā śrīparameśvaraprītyarthaṃ sarasvatīprītyarthaṃ sarasvatīpūjāṃ kariṣye|
apa upaspṛśya| śrīvighneśvarāya namaḥ yathāsthānaṃ pratiṣṭhāpayāmi| śobhanārthe kṣemāya punarāgamanāya ca| iti vighneśvaramudrām|
kalaśapūjā
kalaśaṃ gandhapuṣpākṣatairabhyarcya| kalaśajalena tattaddevatānāma yojayet| pūjādravyāṇi ātmānaṃ ca prokṣya|
gaṅge ca yamune caiva godāvari sarasvati|
narmade sindhu kāveri jale'smin sannidhiṃ kuru ||
| gaṅgāyai namaḥ | |
| yamunāyai namaḥ | |
| godāvaryai namaḥ | |
| sarasvatyai namaḥ | |
| narmadāyai namaḥ | |
| sindhave namaḥ | |
| kāveryai namaḥ | puṣpaiḥ pūjayāmi| |
śaṅkhapūjā
kalaśodakena śaṅkhaṃ pūrayet| śaṅkhajalena pūjopakaraṇāni dravyāṇi ātmānaṃ ca triḥ prokṣya, punaḥ śaṅkhaṃ pūrayet|
tvaṃ purā sāgarotpanno viṣṇunā vidhṛtaḥ kare|
devaiśca pūjitaḥ sarvaiḥ pāñcajanya namo'stu te ||
ātmapūjā
deho devālayaḥ prokto jīvo devaḥ sanātanaḥ|
tyajāmyajñānanirmūlyaṃ so'haṃbhāvena pūjaye ||
pīṭhapūjā
| oṃ sakalaguṇātmaśaktiyuktāya yogapīṭhāya namaḥ |
| ādhāraśaktyai namaḥ |
| mūlaprakṛtyai namaḥ |
| ādivarāhāya namaḥ |
| ādikūrmāya namaḥ |
| anantāya namaḥ |
| pṛthivyai namaḥ |
| ādityādinavagrahadevatābhyo namaḥ |
| daśadikpālebhyo namaḥ |
gurudhyānam
gururbrahmā gururviṣṇurgururdevo maheśvaraḥ|
guruḥ sākṣāt paraṃ brahma tasmai śrīgurave namaḥ ||
śrīguruṃ dhyāyāmi|
Pradhānapūjā
dhyānam
śuklāmbaradharaṃ viṣṇuṃ śaśivarṇaṃ caturbhujam|
prasannavadanaṃ dhyāyet sarvavighnopaśāntaye ||
sarasvatīdhyānam
sarasvatīṃ satyavāsāṃ sudhāṃśusamavigrahām|
sphaṭikākṣasrajaṃ padmaṃ pustakaṃ ca śukaṃ karaiḥ ||
caturbhirdadhatīṃ devīṃ candrabimbasamānanām|
vallabhāmakhilārthānāṃ vallakīvādanapriyām ||
bhāratīṃ bhāvaye devīṃ bhāṣāṇāmadhidevatām|
bhāvitāṃ hṛdaye sadbhirbhāminīṃ parameṣṭhinaḥ ||
āvāhanam
asmin pustakamaṇḍale durgālakṣmīyuktāṃ sarasvatīmāvāhayāmi|
caturbhujāṃ candravarṇāṃ caturānanavallabhām|
āvāhayāmi vāṇi tvāmāśritārtivināśinīm ||
āsanam
āsanaṃ saṅgṛhāṇedamāśrite sakalāmaraiḥ|
ādṛte sarvamunibhirārtide suravairiṇām ||
sarasvatyai namaḥ| āsanaṃ samarpayāmi|
pādyam
pādyamādyantaśūnyāyai vedyāyai vedavādibhiḥ|
dāsyāmi vāṇi varade devarājasamarcite ||
sarasvatyai namaḥ| pādyaṃ samarpayāmi|
arghyam
aghahantri gṛhāṇemamarghyamaṣṭāṅgasaṃyutam|
ambākhilānāṃ jagatāmambujāsanasundari ||
sarasvatyai namaḥ| arghyaṃ samarpayāmi|
ācamanīyam
ācamyatāṃ toyamidamāśritārthapradāyini|
ātmabhūvadanāvāse ādhihāriṇi te namaḥ ||
sarasvatyai namaḥ| ācamanīyaṃ samarpayāmi|
madhuparkaḥ
madhuparkaṃ gṛhāṇedaṃ madhusūdanavandite|
mandasmite mahādevi mahādevasamarcite ||
sarasvatyai namaḥ| madhuparkaṃ samarpayāmi|
pañcāmṛtam
pañcāmṛtaṃ gṛhāṇedaṃ pañcānanasamarcite|
payodadhighṛtopetaṃ pañcapātakanāśini ||
sarasvatyai namaḥ| pañcāmṛtaṃ samarpayāmi|
snānam
sādhvīnāmagrato gaṇye sādhusaṅghasamādṛte|
sarasvati namastubhyaṃ snānaṃ svīkuru samprati ||
sarasvatyai namaḥ| snānaṃ samarpayāmi|
vastram
dukūladvitayaṃ devi duritāpahavaibhave|
vidhipriye gṛhāṇedaṃ sudhānidhisamaṃ śive ||
sarasvatyai namaḥ| vastraṃ samarpayāmi|
upavītam
upavītaṃ gṛhāṇedamupamāśūnyavaibhave|
hiraṇyagarbhamahiṣi hiraṇmayaguṇaiḥ kṛtam ||
sarasvatyai namaḥ| upavītaṃ samarpayāmi|
ābharaṇāni
varṇarūpe gṛhāṇedaṃ svarṇavaryapariṣkṛtam|
arṇavoddhṛtaratnāḍhyaṃ karṇabhūṣādibhūṣaṇam ||
sarasvatyai namaḥ| ābharaṇāni samarpayāmi|
saubhāgyadravyam
kuṅkumāñjanasindūrakañcukādikamambike|
saubhāgyadravyamakhilaṃ suravandye gṛhāṇa me ||
sarasvatyai namaḥ| saubhāgyadravyaṃ samarpayāmi|
gandhaḥ
andhakāripriyārādhye gandhamuttamasaurabham|
gṛhāṇa vāṇi varade gandharvaparipūjite ||
sarasvatyai namaḥ| gandhaṃ samarpayāmi|
akṣatāḥ
akṣatāṃstvaṃ gṛhāṇemān ahatānamarārcite|
akṣate'dbhutarūpāḍhye yakṣarājādivandite ||
sarasvatyai namaḥ| akṣatān samarpayāmi|
puṣpāṇi
punnāgajātīmallyādipuṣpajātaṃ gṛhāṇa me|
pumarthadāyini pare pustakāḍhyakarāmbuje ||
sarasvatyai namaḥ| puṣpāṇi samarpayāmi|
aṅgapūjā
| pāvanāyai namaḥ | pādau pūjayāmi| |
| gire namaḥ | gulphau pūjayāmi| |
| jagadvandyāyai namaḥ | jaṅghe pūjayāmi| |
| jalajāsanāyai namaḥ | jānunī pūjayāmi| |
| uttamāyai namaḥ | ūrū pūjayāmi| |
| kamalāsanapriyāyai namaḥ | kaṭiṃ pūjayāmi| |
| nānāvidyāyai namaḥ | nābhiṃ pūjayāmi| |
| vāṇyai namaḥ | vakṣaḥ pūjayāmi| |
| kuraṅgākṣyai namaḥ | kucau pūjayāmi| |
| kalārūpiṇyai namaḥ | kaṇṭhaṃ pūjayāmi| |
| bhāṣāyai namaḥ | bāhūn pūjayāmi| |
| cirantanāyai namaḥ | cibukaṃ pūjayāmi| |
| mugdhasmitāyai namaḥ | mukhaṃ pūjayāmi| |
| lolekṣaṇāyai namaḥ | locane pūjayāmi| |
| kalāyai namaḥ | lalāṭaṃ pūjayāmi| |
| varṇarūpāyai namaḥ | karṇau pūjayāmi| |
| karuṇāyai namaḥ | kacān pūjayāmi| |
| śivāyai namaḥ | śiraḥ pūjayāmi| |
| sarasvatyai namaḥ | sarvāṇyaṅgāni pūjayāmi| |
aṣṭottaraśatanāmārcanā
Sarasvatī aṣṭottaraśata nāmāvaliḥOpen as a separate page
- 1oṃ sarasvatyai namaḥ
- 2oṃ mahābhadrāyai namaḥ
- 3oṃ mahāmāyāyai namaḥ
- 4oṃ varapradāyai namaḥ
- 5oṃ śrīpradāyai namaḥ
- 6oṃ padmanilayāyai namaḥ
- 7oṃ padmākṣyai namaḥ
- 8oṃ padmavaktrakāyai namaḥ
- 9oṃ śivānujāyai namaḥ
- 10oṃ pustakabhṛte namaḥ
- 11oṃ jñānamudrāyai namaḥ
- 12oṃ ramāyai namaḥ
- 13oṃ parāyai namaḥ
- 14oṃ kāmarūpāyai namaḥ
- 15oṃ mahāvidyāyai namaḥ
- 16oṃ mahāpātakanāśinyai namaḥ
- 17oṃ mahāśrayāyai namaḥ
- 18oṃ mālinyai namaḥ
- 19oṃ mahābhogāyai namaḥ
- 20oṃ mahābhujāyai namaḥ
- 21oṃ mahābhāgāyai namaḥ
- 22oṃ mahotsāhāyai namaḥ
- 23oṃ divyāṅgāyai namaḥ
- 24oṃ suravanditāyai namaḥ
- 25oṃ mahākālyai namaḥ
- 26oṃ mahāpāśāyai namaḥ
- 27oṃ mahākārāyai namaḥ
- 28oṃ mahāṅkuśāyai namaḥ
- 29oṃ pītāyai namaḥ
- 30oṃ vimalāyai namaḥ
- 31oṃ viśvāyai namaḥ
- 32oṃ vidyunmālāyai namaḥ
- 33oṃ vaiṣṇavyai namaḥ
- 34oṃ candrikāyai namaḥ
- 35oṃ candravadanāyai namaḥ
- 36oṃ candralekhavibhūṣitāyai namaḥ
- 37oṃ sāvitryai namaḥ
- 38oṃ surasāyai namaḥ
- 39oṃ devyai namaḥ
- 40oṃ divyālaṅkārabhūṣitāyai namaḥ
- 41oṃ vāgdevyai namaḥ
- 42oṃ vasudāyai namaḥ
- 43oṃ tīvrāyai namaḥ
- 44oṃ mahābhadrāyai namaḥ
- 45oṃ mahābalāyai namaḥ
- 46oṃ bhogadāyai namaḥ
- 47oṃ bhāratyai namaḥ
- 48oṃ bhāmāyai namaḥ
- 49oṃ govindāyai namaḥ
- 50oṃ gomatyai namaḥ
- 51oṃ śivāyai namaḥ
- 52oṃ jaṭilāyai namaḥ
- 53oṃ vindhyavāsāyai namaḥ
- 54oṃ vindhyācalavirājitāyai namaḥ
- 55oṃ caṇḍikāyai namaḥ
- 56oṃ vaiṣṇavyai namaḥ
- 57oṃ brāhmyai namaḥ
- 58oṃ brahmajñānaikasādhanāyai namaḥ
- 59oṃ saudāminyai namaḥ
- 60oṃ sudhāmūrtyai namaḥ
- 61oṃ subhadrāyai namaḥ
- 62oṃ surapūjitāyai namaḥ
- 63oṃ suvāsinyai namaḥ
- 64oṃ sunāsāyai namaḥ
- 65oṃ vinidrāyai namaḥ
- 66oṃ padmalocanāyai namaḥ
- 67oṃ vidyārūpāyai namaḥ
- 68oṃ viśālākṣyai namaḥ
- 69oṃ brahmajāyāyai namaḥ
- 70oṃ mahāphalāyai namaḥ
- 71oṃ trayīmūrtyai namaḥ
- 72oṃ trikālajñāyai namaḥ
- 73oṃ triguṇāyai namaḥ
- 74oṃ śāstrarūpiṇyai namaḥ
- 75oṃ śumbhāsurapramathinyai namaḥ
- 76oṃ śubhadāyai namaḥ
- 77oṃ svarātmikāyai namaḥ
- 78oṃ raktabījanihantryai namaḥ
- 79oṃ cāmuṇḍāyai namaḥ
- 80oṃ ambikāyai namaḥ
- 81oṃ muṇḍakāyapraharaṇāyai namaḥ
- 82oṃ dhūmralocanamardanyai namaḥ
- 83oṃ sarvadevastutāyai namaḥ
- 84oṃ saumyāyai namaḥ
- 85oṃ surāsuranamaskṛtāyai namaḥ
- 86oṃ kālarātryai namaḥ
- 87oṃ kalādhārāyai namaḥ
- 88oṃ rūpasaubhāgyadāyinyai namaḥ
- 89oṃ vāgdevyai namaḥ
- 90oṃ varārohāyai namaḥ
- 91oṃ vārāhyai namaḥ
- 92oṃ vārijāsanāyai namaḥ
- 93oṃ citrāmbarāyai namaḥ
- 94oṃ citragandhāyai namaḥ
- 95oṃ citramālyavibhūṣitāyai namaḥ
- 96oṃ kāntāyai namaḥ
- 97oṃ kāmapradāyai namaḥ
- 98oṃ vandyāyai namaḥ
- 99oṃ vidyādharasupūjitāyai namaḥ
- 100oṃ śvetānanāyai namaḥ
- 101oṃ nīlabhujāyai namaḥ
- 102oṃ caturvargaphalapradāyai namaḥ
- 103oṃ caturānanasāmrājyāyai namaḥ
- 104oṃ raktamadhyāyai namaḥ
- 105oṃ nirañjanāyai namaḥ
- 106oṃ haṃsāsanāyai namaḥ
- 107oṃ nīlajaṅghāyai namaḥ
- 108oṃ brahmaviṣṇuśivātmikāyai namaḥ
dhūpaḥ
daśāṅgo guggulūpetaḥ sugandhaḥ sumanoharaḥ|
āghreyaḥ sarvadevānāṃ dhūpo'yaṃ pratigṛhyatām ||
sarasvatyai namaḥ| dhūpaṃ samarpayāmi| ācamanīyaṃ samarpayāmi|
dīpaḥ
sājyaṃ trivartisaṃyuktaṃ vahninā yojitaṃ mayā|
gṛhāṇa maṅgalaṃ dīpaṃ trailokyatimirāpaham ||
sarasvatyai namaḥ| dīpaṃ samarpayāmi| ācamanīyaṃ samarpayāmi|
naivedyam
annaṃ caturvidhaṃ sūpaphalabhakṣyasamanvitam|
dadhimadhvājyasaṃyuktaṃ naivedyaṃ pratigṛhyatām ||
sarasvatyai namaḥ| amṛtaṃ mahānaivedyaṃ samarpayāmi| madhye madhye pānīyaṃ samarpayāmi| ācamanīyaṃ samarpayāmi|
tāmbūlam
pūgīphalasamāyuktaṃ nāgavallīdalairyutam|
karpūracūrṇasaṃyuktaṃ tāmbūlaṃ pratigṛhyatām ||
sarasvatyai namaḥ| karpūratāmbūlaṃ samarpayāmi|
nīrājanam
candrādityau ca nakṣatraṃ vidyudagnistvameva ca|
tvameva sarvajyotīṃṣi kuryāṃ nīrājanaṃ tava ||
sarasvatyai namaḥ| sarvamaṅgalaprāptyarthaṃ sarvāparādhakṣamāpaṇārthaṃ karpūranīrājanaṃ darśayāmi| ācamanīyaṃ samarpayāmi|
puṣpāñjaliḥ
mandāranīlotpalakundajātīpunnāgamallīkaravīrapaṅkajaiḥ|
puṣpāñjaliṃ bilvadalaistulasyā devi tvadaṃghrau viniveśayāmi ||
sarasvatyai namaḥ| mantrapuṣpāñjaliṃ samarpayāmi|
pradakṣiṇanamaskārāḥ
yāni kāni ca pāpāni janmāntarakṛtāni ca|
tāni tāni vinaśyanti pradakṣiṇapade pade ||
prakṛṣṭapāpanāśāya prakṛṣṭaphalasiddhaye|
pradakṣiṇaṃ karomi tvāṃ prasīda parameśvari ||
namo namaḥ suravarapūjitāṅghraye
namo namo nirupamamaṅgalātmike|
namo namo vipulapadaikasiddhaye
namo namaḥ paramadayānidhe namaḥ ||
sarasvatyai namaḥ| pradakṣiṇanamaskārān samarpayāmi|
prārthanā
yā kundendutuṣārahāradhaval̤ā yā śubhravastrāvṛtā
yā vīṇāvaradaṇḍamaṇḍitakarā yā śvetapadmāsanā|
yā brahmācyutaśaṅkaraprabhṛtibhirdevaiḥ sadā pūjitā
sā māṃ pātu sarasvatī bhagavatī niḥśeṣajāḍyāpahā ||
namaskārān samarpayāmi|
brāhmaṇapūjā
brāhmaṇapūjā| upāyanadānam|