पूर्वाङ्गपूजा. इदं पूर्वाङ्गं सर्वासु पूजासु समानम् — आदौ आचर्य पश्चात् प्रधानपूजां कुर्यात्। पूर्वाङ्गपूजा
पूर्वाङ्गपूजा
संवृणु
आचमनम्
ध्यानम्
शुक्लाम्बरधरं विष्णुं शशिवर्णं चतुर्भुजम्।
प्रसन्नवदनं ध्यायेत् सर्वविघ्नोपशान्तये ॥
प्राणायामः — सङ्कल्पः
अप उपस्पृश्य
ममोपात्तसमस्तदुरितक्षयद्वारा श्रीपरमेश्वरप्रीत्यर्थं करिष्यमाणस्य कर्मणः निर्विघ्नेन परिसमाप्त्यर्थं आदौ विघ्नेश्वरपूजां करिष्ये।
महद्भन्दनम्
आब्रह्मलोकादारोहात् आलोकात् लोकपर्वतात्।
ये वसन्ति द्विजा देवास्तेभ्यो नित्यं नमो नमः ॥
आसनपूजा
पृथिव्या मेरुपृष्ठ ऋषिः। सुतलं छन्दः। कूर्मो देवता। आसने विनियोगः।
पृथिवि त्वया धृता लोका देवि त्वं विष्णुना धृता।
त्वं च धारय मां देवि पवित्रं चासनं कुरु ॥
घण्टापूजा
घण्टानादं कृत्वा।
आगमार्थं तु देवानां गमनार्थं तु रक्षसाम्।
घण्टारवं करोम्यादौ देवताह्वानकारणम् ॥
विघ्नेश्वरपूजा
अस्मिन् हरिद्राबिम्बे श्रीविघ्नेश्वरं ध्यायामि।
आवाहयामि। आसनं समर्पयामि। पादयोः पाद्यं समर्पयामि। अर्घ्यं समर्पयामि। आचमनीयं समर्पयामि। मधुपर्कं समर्पयामि। स्नानं समर्पयामि। आचमनीयं समर्पयामि। वस्त्रं समर्पयामि। उपवीतं समर्पयामि। दिव्यपरिमलगन्धान् धारयामि। अक्षतान् समर्पयामि। पुष्पैः पूजयामि।
| सुमुखाय नमः |
| एकदन्ताय नमः |
| कपिलाय नमः |
| गजकर्णिकाय नमः |
| लम्बोदराय नमः |
| विकटाय नमः |
| विघ्नराजाय नमः |
| विनायकाय नमः |
| धूमकेतवे नमः |
| गणाध्यक्षाय नमः |
| फालचन्द्राय नमः |
| गजाननाय नमः |
| वक्रतुण्डाय नमः |
| शूर्पकर्णाय नमः |
| हेरम्बाय नमः |
| स्कन्दपूर्वजाय नमः |
| सिद्धिविनायकाय नमः |
| श्रीमहागणपतये नमः |
उपचाराः
धूपमाघ्रापयामि। दीपं दर्शयामि। निवेदयामि। कर्पूरनीराजनं दर्शयामि। समस्तोपचारपूजां समर्पयामि।
प्रार्थना
वक्रतुण्ड महाकाय सूर्यकोटिसमप्रभ।
निर्विघ्नं कुरु मे देव सर्वकार्येषु सर्वदा ॥
इति प्रार्थ्य। प्राणायामः।
सङ्कल्पः
शुभे शोभने मुहूर्ते आद्यब्रह्मणः द्वितीयपराधे श्वेतवराहकल्पे वैवस्वतमन्वन्तरे अष्टाविंशतितमे कलियुगे प्रथमे पादे जम्बूद्वीपे भारतवर्षे भरतखण्डे मेरोर्दक्षिणे पार्श्वे शकाब्दे अस्मिन् वर्तमाने व्यावहारिके प्रभवादिषष्टिसंवत्सराणां मध्ये …… नाम संवत्सरे …… अयने …… ऋतौ …… मासे …… पक्षे …… शुभतिथौ …… वासरयुक्तायां …… नक्षत्रयुक्तायां शुभयोगशुभकरणसकलविशेषणविशिष्टायामस्यां शुभतिथौ ममोपात्तसमस्तदुरितक्षयद्वारा श्रीपरमेश्वरप्रीत्यर्थं तुलसीमहाविष्णुप्रसादसिद्ध्यर्थं तुलसीमहाविष्णुपूजां करिष्ये।
अप उपस्पृश्य। श्रीविघ्नेश्वराय नमः यथास्थानं प्रतिष्ठापयामि। शोभनार्थे क्षेमाय पुनरागमनाय च। इति विघ्नेश्वरमुद्राम्।
कलशपूजा
कलशं गन्धपुष्पाक्षतैरभ्यर्च्य। कलशजलेन तत्तद्देवतानाम योजयेत्। पूजाद्रव्याणि आत्मानं च प्रोक्ष्य।
गङ्गे च यमुने चैव गोदावरि सरस्वति।
नर्मदे सिन्धु कावेरि जलेऽस्मिन् सन्निधिं कुरु ॥
| गङ्गायै नमः | |
| यमुनायै नमः | |
| गोदावर्यै नमः | |
| सरस्वत्यै नमः | |
| नर्मदायै नमः | |
| सिन्धवे नमः | |
| कावेर्यै नमः | पुष्पैः पूजयामि। |
शङ्खपूजा
कलशोदकेन शङ्खं पूरयेत्। शङ्खजलेन पूजोपकरणानि द्रव्याणि आत्मानं च त्रिः प्रोक्ष्य, पुनः शङ्खं पूरयेत्।
त्वं पुरा सागरोत्पन्नो विष्णुना विधृतः करे।
देवैश्च पूजितः सर्वैः पाञ्चजन्य नमोऽस्तु ते ॥
आत्मपूजा
देहो देवालयः प्रोक्तो जीवो देवः सनातनः।
त्यजाम्यज्ञाननिर्मूल्यं सोऽहंभावेन पूजये ॥
पीठपूजा
| ओं सकलगुणात्मशक्तियुक्ताय योगपीठाय नमः |
| आधारशक्त्यै नमः |
| मूलप्रकृत्यै नमः |
| आदिवराहाय नमः |
| आदिकूर्माय नमः |
| अनन्ताय नमः |
| पृथिव्यै नमः |
| आदित्यादिनवग्रहदेवताभ्यो नमः |
| दशदिक्पालेभ्यो नमः |
गुरुध्यानम्
गुरुर्ब्रह्मा गुरुर्विष्णुर्गुरुर्देवो महेश्वरः।
गुरुः साक्षात् परं ब्रह्म तस्मै श्रीगुरवे नमः ॥
श्रीगुरुं ध्यायामि।
प्रधानपूजा
तुलसीध्यानम्
ध्यायामि तुलसीं देवीं श्यामां कमललोचनाम्।
प्रसन्नवदनाम्भोजां वरदामभयप्रदाम् ॥
तुलसीं ध्यायामि।
महाविष्णुध्यानम्
ध्यायामि विष्णुं वरदं तुलसीप्रियवल्लभम्।
पीताम्बरं पद्मनेत्रं वासुदेवं वरप्रदम् ॥
महाविष्णुं ध्यायामि।
आवाहनम्
वासुदेवप्रिये देवि सर्वदेवस्वरूपिणि।
आगच्छ पूजाभवने सदा सन्निहिता भव ॥
आगच्छागच्छ देवेश तेजोराशे जगत्पते।
क्रियमाणां मया पूजां वासुदेव गृहाण भोः ॥
तुलसीविष्णू आवाहयामि।
आसनम्
नानारत्नसमायुक्तं कार्तस्वरविभूषितम्।
आसनं कृपया विष्णो तुलसि प्रतिगृह्यताम् ॥
तुलसीविष्णुभ्यां नमः। आसनं समर्पयामि।
पाद्यम्
गङ्गादिसर्वतीर्थेभ्यो वासुदेव मया हृतम्।
तोयमेतत्सुखस्पर्शं पाद्यार्थं प्रतिगृह्यताम् ॥
नानानदीसमानीतं सुवर्णकलशस्थितम्।
पाद्यं गृहाण तुलसि पापं मे विनिवारय ॥
तुलसीविष्णुभ्यां नमः। पाद्यं समर्पयामि।
अर्घ्यम्
नमस्ते देवदेवेश नमस्ते कमलापते।
नमस्ते सर्वविनुत गृहाणार्घ्यं नमोऽस्तु ते ॥
अर्घ्यं गृहाण देवि त्वमच्युतप्रियवल्लभे।
अक्षतादिसमायुक्तमक्षय्यफलदायिनि ॥
तुलसीविष्णुभ्यां नमः। अर्घ्यं समर्पयामि।
आचमनीयम्
कर्पूरवासितं तोयं गङ्गादिभ्यः समाहृतम्।
आचम्यतां जगन्नाथ मया दत्तं च भक्तितः ॥
गृहाणाचमनार्थाय विष्णुवक्षःस्थलालये।
स्वच्छं तोयमिदं देवि सर्वपापविनाशिनि ॥
तुलसीविष्णुभ्यां नमः। आचमनीयं समर्पयामि।
मधुपर्कः
दध्याज्यमधुसंयुक्तं मधुपर्कं मयाऽऽहृतम्।
गृहाण विष्णो वरद लक्ष्मीकान्त नमोऽस्तु ते ॥
मधुपर्कं गृहाणेमं मधुसूदनवल्लभे।
मधुदध्याज्यसंयुक्तं महापापविनाशिनि ॥
तुलसीविष्णुभ्यां नमः। मधुपर्कं समर्पयामि।
पञ्चामृतम्
मध्वाज्यशर्करायुक्तं दधिक्षीरसमन्वितम्।
पञ्चामृतं गृहाणेदं भक्तानामिष्टदायक ॥
पञ्चामृतं गृहाणेदं पञ्चपातकनाशिनि।
दधिक्षीरसमायुक्तं दामोदरकुटुम्बिनि ॥
तुलसीविष्णुभ्यां नमः। पञ्चामृतं समर्पयामि।
स्नानम्
गङ्गा कृष्णा च यमुना नर्मदा च सरस्वती।
तुङ्गा गोदावरी वेणी क्षिप्रा सिन्धुर्घटप्रभा ॥
तापी पयोष्णी सरयूस्ताभ्यः स्नानार्थमाहृतम्।
तोयमेतत्सुखस्पर्शं स्नानीयं गृह्यतां हरे ॥
गङ्गागोदावरीकृष्णातुङ्गादिभ्यः समाहृतम्।
सलिलं देवि तुलसि स्नानार्थं प्रतिगृह्यताम् ॥
तुलसीविष्णुभ्यां नमः। स्नानं समर्पयामि।
वस्त्रम्
सर्वभूषाधिके सौम्ये लोकलज्जानिवारणे।
वाससी प्रतिगृह्णातु लक्ष्मीजानिरधोक्षजः ॥
पीताम्बरमिदं दिव्यं पातकव्रजनाशिनि।
पीताम्बरप्रिये देवि परिधत्स्व परात्परे ॥
तुलसीविष्णुभ्यां नमः। वस्त्रं समर्पयामि।
आभरणानि
भूषणानि वरार्हाणि गृह्णीतं तुलसीश्वर।
किरीटहारकेयूरकटकानि हरेऽमृते ॥
तुलसीविष्णुभ्यां नमः। आभरणानि समर्पयामि।
गन्धः
चन्दनागरुकर्पूरकस्तूरीकुङ्कुमान्वितम्।
गन्धं स्वीकुरुतं देवौ रमेश हरिवल्लभे ॥
तुलसीविष्णुभ्यां नमः। गन्धं समर्पयामि।
पुष्पाणि
मल्लिकाकुन्दमन्दारजाजीवकुलचम्पकैः।
शतपत्रैश्च कल्हारैरर्चये तुलसीहरी ॥
तुलसीविष्णुभ्यां नमः। पुष्पैः पूजयामि।
अङ्गपूजा
| वृन्दायै अच्युताय नमः | पादौ पूजयामि। |
| तुलस्यै अनन्ताय नमः | गुल्फौ पूजयामि। |
| जनार्दनप्रियायै तुलसीकान्ताय नमः | जङ्घे पूजयामि। |
| जन्मनाशिन्यै गङ्गाधरपदाय नमः | जानुनी पूजयामि। |
| उत्तमायै उत्तमाय नमः | ऊरू पूजयामि। |
| कमलाक्ष्यै कमलाक्षाय नमः | कटिं पूजयामि। |
| नारायण्यै नारायणाय नमः | नाभिं पूजयामि। |
| उन्नतायै उन्नताय नमः | उदरं पूजयामि। |
| वरदायै वरदाय नमः | वक्षः पूजयामि। |
| स्तव्यायै स्तव्याय नमः | स्तनौ कौस्तुभं पूजयामि। |
| चतुर्भुजायै चतुर्भुजाय नमः | भुजान् पूजयामि। |
| कम्बुकण्ठ्यै वनमालिने नमः | कण्ठं पूजयामि। |
| कल्मषघ्न्यै कल्मषघ्नाय नमः | कर्णौ पूजयामि। |
| मुनिप्रियायै मुनिप्रियाय नमः | नेत्रे पूजयामि। |
| शुभप्रदायै शुभप्रदाय नमः | शिरः पूजयामि। |
| सर्वार्थदायिन्यै सर्वार्थदायिने नमः | सर्वाण्यङ्गानि पूजयामि। |
अष्टोत्तरशतनामार्चना
तुलसी अष्टोत्तरशत नामावलिःपृथक्पृष्ठे पठ
- १ॐ तुलस्यै नमः
- २ॐ पावन्यै नमः
- ३ॐ पूज्यायै नमः
- ४ॐ वृन्दावननिवासिन्यै नमः
- ५ॐ ज्ञानदात्र्यै नमः
- ६ॐ ज्ञानमय्यै नमः
- ७ॐ निर्मलायै नमः
- ८ॐ सर्वपूजितायै नमः
- ९ॐ सत्यै नमः
- १०ॐ पतिव्रतायै नमः
- ११ॐ वृन्दायै नमः
- १२ॐ क्षीराब्धिमथनोद्भवायै नमः
- १३ॐ कृष्णवर्णायै नमः
- १४ॐ रोगहन्त्र्यै नमः
- १५ॐ त्रिवर्णायै नमः
- १६ॐ सर्वकामदायै नमः
- १७ॐ लक्ष्मीसख्यै नमः
- १८ॐ नित्यशुद्धायै नमः
- १९ॐ सुदत्यै नमः
- २०ॐ भूमिपावन्यै नमः
- २१ॐ हरिद्रान्नैकनिरतायै नमः
- २२ॐ हरिपादकृतालयायै नमः
- २३ॐ पवित्ररूपिण्यै नमः
- २४ॐ धन्यायै नमः
- २५ॐ सुगन्धिन्यै नमः
- २६ॐ अमृतोद्भवायै नमः
- २७ॐ सुरूपायै आरोग्यदायै नमः
- २८ॐ तुष्टायै नमः
- २९ॐ शक्तित्रितयरूपिण्यै नमः
- ३०ॐ देव्यै नमः
- ३१ॐ देवर्षिसंस्तुत्यायै नमः
- ३२ॐ कान्तायै नमः
- ३३ॐ विष्णुमनःप्रियायै नमः
- ३४ॐ भूतवेतालभीतिघ्न्यै नमः
- ३५ॐ महापातकनाशिन्यै नमः
- ३६ॐ मनोरथप्रदायै नमः
- ३७ॐ मेधायै नमः
- ३८ॐ कान्त्यै नमः
- ३९ॐ विजयदायिन्यै नमः
- ४०ॐ शङ्खचक्रगदापद्मधारिण्यै नमः
- ४१ॐ कामरूपिण्यै नमः
- ४२ॐ अपवर्गप्रदायै नमः
- ४३ॐ श्यामायै नमः
- ४४ॐ कृशमध्यायै नमः
- ४५ॐ सुकेशिन्यै नमः
- ४६ॐ वैकुण्ठवासिन्यै नमः
- ४७ॐ नन्दायै नमः
- ४८ॐ बिम्बोष्ठ्यै नमः
- ४९ॐ कोकिलस्वरायै नमः
- ५०ॐ कपिलायै नमः
- ५१ॐ निम्नगाजन्मभूम्यै नमः
- ५२ॐ आयुष्यदायिन्यै नमः
- ५३ॐ वनरूपायै नमः
- ५४ॐ दुःखनाशिन्यै नमः
- ५५ॐ अविकारायै नमः
- ५६ॐ चतुर्भुजायै नमः
- ५७ॐ गरुत्मद्वाहनायै नमः
- ५८ॐ शान्तायै नमः
- ५९ॐ दान्तायै नमः
- ६०ॐ विघ्ननिवारिण्यै नमः
- ६१ॐ श्रीविष्णुमूलिकायै नमः
- ६२ॐ पुष्ट्यै नमः
- ६३ॐ त्रिवर्गफलदायिन्यै नमः
- ६४ॐ महाशक्त्यै नमः
- ६५ॐ महामायायै नमः
- ६६ॐ लक्ष्मीवाणीसुपूजितायै नमः
- ६७ॐ सुमङ्गल्यर्चनप्रीतायै नमः
- ६८ॐ सौमङ्गल्यविवर्धिन्यै नमः
- ६९ॐ चातुर्मास्योत्सवाराध्यायै नमः
- ७०ॐ विष्णुसान्निध्यदायिन्यै नमः
- ७१ॐ उत्थानद्वादशीपूज्यायै नमः
- ७२ॐ सर्वदेवप्रपूजितायै नमः
- ७३ॐ गोपीरतिप्रदायै नमः
- ७४ॐ नित्यायै नमः
- ७५ॐ निर्गुणायै नमः
- ७६ॐ पार्वतीप्रियायै नमः
- ७७ॐ अपमृत्युहरायै नमः
- ७८ॐ राधाप्रियायै नमः
- ७९ॐ मृगविलोचनायै नमः
- ८०ॐ अम्लानायै नमः
- ८१ॐ हंसगमनायै नमः
- ८२ॐ कमलासनवन्दितायै नमः
- ८३ॐ भूलोकवासिन्यै नमः
- ८४ॐ शुद्धायै नमः
- ८५ॐ रामकृष्णादिपूजितायै नमः
- ८६ॐ सीतापूज्यायै नमः
- ८७ॐ राममनःप्रियायै नमः
- ८८ॐ नन्दनसंस्थितायै नमः
- ८९ॐ सर्वतीर्थमय्यै नमः
- ९०ॐ मुक्तायै नमः
- ९१ॐ लोकसृष्टिविधायिन्यै नमः
- ९२ॐ प्रातर्दृश्यायै नमः
- ९३ॐ ग्लानिहन्त्र्यै नमः
- ९४ॐ वैष्णव्यै नमः
- ९५ॐ सर्वसिद्धिदायै नमः
- ९६ॐ नारायण्यै नमः
- ९७ॐ सन्ततिदायै नमः
- ९८ॐ मूलमृद्धारिपावन्यै नमः
- ९९ॐ अशोकवनिकासंस्थायै नमः
- १००ॐ सीताध्यातायै नमः
- १०१ॐ निराश्रयायै नमः
- १०२ॐ गोमतीसरयूतीररोपितायै नमः
- १०३ॐ कुटिलालकायै नमः
- १०४ॐ अपात्रभक्ष्यपापघ्न्यै नमः
- १०५ॐ दानतोयविशुद्धिदायै नमः
- १०६ॐ श्रुतिधारणसुप्रीतायै नमः
- १०७ॐ शुभायै नमः
- १०८ॐ सर्वेष्टदायिन्यै नमः
विष्णु अष्टोत्तरशत नामावलिःपृथक्पृष्ठे पठ
- १ॐ विष्णवे नमः
- २ॐ जिष्णवे नमः
- ३ॐ वषट्काराय नमः
- ४ॐ देवदेवाय नमः
- ५ॐ वृषाकपये नमः
- ६ॐ दामोदराय नमः
- ७ॐ दीनबन्धवे नमः
- ८ॐ आदिदेवाय नमः
- ९ॐ अदितेस्तुताय नमः
- १०ॐ पुण्डरीकाय नमः
- ११ॐ परानन्दाय नमः
- १२ॐ परमात्मने नमः
- १३ॐ परात्पराय नमः
- १४ॐ परशुधारिणे नमः
- १५ॐ विश्वात्मने नमः
- १६ॐ कृष्णाय नमः
- १७ॐ कलिमलापहारिणे नमः
- १८ॐ कौस्तुभोद्भासितोरस्काय नमः
- १९ॐ नराय नमः
- २०ॐ नारायणाय नमः
- २१ॐ हरये नमः
- २२ॐ हराय नमः
- २३ॐ हरप्रियाय नमः
- २४ॐ स्वामिने नमः
- २५ॐ वैकुण्ठाय नमः
- २६ॐ विश्वतोमुखाय नमः
- २७ॐ हृषीकेशाय नमः
- २८ॐ अप्रमेयात्मने नमः
- २९ॐ वराहाय नमः
- ३०ॐ धरणीधराय नमः
- ३१ॐ वामनाय नमः
- ३२ॐ वेदवक्त्रे नमः
- ३३ॐ वासुदेवाय नमः
- ३४ॐ सनातनाय नमः
- ३५ॐ रामाय नमः
- ३६ॐ विरामाय नमः
- ३७ॐ विरजाय नमः
- ३८ॐ रावणारये नमः
- ३९ॐ रमापतये नमः
- ४०ॐ वैकुण्ठवासिने नमः
- ४१ॐ वसुमते नमः
- ४२ॐ धनदाय नमः
- ४३ॐ धरणीधराय नमः
- ४४ॐ धर्मेशाय नमः
- ४५ॐ धरणीनाथाय नमः
- ४६ॐ ध्येयाय नमः
- ४७ॐ धर्मभृतांवराय नमः
- ४८ॐ सहस्रशीर्षाय नमः
- ४९ॐ पुरुषाय नमः
- ५०ॐ सहस्राक्षाय नमः
- ५१ॐ सहस्रपदे नमः
- ५२ॐ सर्वगाय नमः
- ५३ॐ सर्वविदे नमः
- ५४ॐ सर्वाय नमः
- ५५ॐ शरण्याय नमः
- ५६ॐ साधुवल्लभाय नमः
- ५७ॐ कौसल्यानन्दनाय नमः
- ५८ॐ श्रीमते नमः
- ५९ॐ रक्षसःकुलनाशकाय नमः
- ६०ॐ जगत्कर्त्रे नमः
- ६१ॐ जगद्धर्त्रे नमः
- ६२ॐ जगज्जेत्रे नमः
- ६३ॐ जनार्तिहराय नमः
- ६४ॐ जानकीवल्लभाय नमः
- ६५ॐ देवाय नमः
- ६६ॐ जयरूपाय नमः
- ६७ॐ जलेश्वराय नमः
- ६८ॐ क्षीराब्धिवासिने नमः
- ६९ॐ क्षीराब्धितनयावल्लभाय नमः
- ७०ॐ शेषशायिने नमः
- ७१ॐ पन्नगारिवाहनाय नमः
- ७२ॐ विष्टरश्रवसे नमः
- ७३ॐ माधवाय नमः
- ७४ॐ मथुरानाथाय नमः
- ७५ॐ मुकुन्दाय नमः
- ७६ॐ मोहनाशनाय नमः
- ७७ॐ दैत्यारिणे नमः
- ७८ॐ पुण्डरीकाक्षाय नमः
- ७९ॐ अच्युताय नमः
- ८०ॐ मधुसूदनाय नमः
- ८१ॐ सोमसूर्याग्निनयनाय नमः
- ८२ॐ नृसिंहाय नमः
- ८३ॐ भक्तवत्सलाय नमः
- ८४ॐ नित्याय नमः
- ८५ॐ निरामयाय नमः
- ८६ॐ शुद्धाय नमः
- ८७ॐ वरदेवाय नमः
- ८८ॐ जगत्प्रभवे नमः
- ८९ॐ हयग्रीवाय नमः
- ९०ॐ जितरिपवे नमः
- ९१ॐ उपेन्द्राय नमः
- ९२ॐ रुक्मिणीपतये नमः
- ९३ॐ सर्वदेवमयाय नमः
- ९४ॐ श्रीशाय नमः
- ९५ॐ सर्वाधाराय नमः
- ९६ॐ सनातनाय नमः
- ९७ॐ सौम्याय नमः
- ९८ॐ सौम्यप्रदाय नमः
- ९९ॐ स्रष्ट्रे नमः
- १००ॐ विष्वक्सेनाय नमः
- १०१ॐ जनार्दनाय नमः
- १०२ॐ यशोदातनयाय नमः
- १०३ॐ योगिने नमः
- १०४ॐ योगशास्त्रपरायणाय नमः
- १०५ॐ रुद्रात्मकाय नमः
- १०६ॐ रुद्रमूर्तये नमः
- १०७ॐ राघवाय नमः
- १०८ॐ मधुसूदनाय नमः
धूपः
धूपं गृहाण वरदे दशाङ्गेन सुवासितम्।
तुलस्यमृतसम्भूते धूतपापे नमोऽस्तु ते ॥
दशाङ्गो गुग्गुलूपेतः सुगन्धः सुमनोहरः।
श्रीवत्साङ्क हृषीकेश धूपोऽयं प्रतिगृह्यताम् ॥
तुलसीविष्णुभ्यां नमः। धूपं समर्पयामि।
दीपः
वर्तित्रययुतं दीप्तं गोघृतेन समन्वितम्।
दीपं देवि गृहाणेमं दैत्यारिहृदयस्थिते ॥
साज्यं त्रिवर्तिसंयुक्तं दीप्तं देव जनार्दन।
गृहाण मङ्गलं दीपं त्रैलोक्यतिमिरं हर ॥
तुलसीविष्णुभ्यां नमः। दीपं समर्पयामि।
नैवेद्यम्
नानाभक्ष्यैश्च भोज्यैश्च फलैः क्षीरघृतादिभिः।
नैवेद्यं गृह्यतां युक्तं नारायणमनःप्रिये ॥
भोज्यं चतुर्विधं चोष्यभक्ष्यसूपफलैर्युतम्।
दधिमध्वाज्यसंयुक्तं गृह्यतामम्बुजेक्षण ॥
तुलसीविष्णुभ्यां नमः। महानैवेद्यं समर्पयामि।
ताम्बूलम्
कर्पूरचूर्णताम्बूलवल्लीपूगफलैर्युतम्।
जगतः पितरावेतत्ताम्बूलं प्रतिगृह्यताम् ॥
तुलसीविष्णुभ्यां नमः। ताम्बूलं समर्पयामि।
नीराजनम्
नीराजनं गृहाणेदं कर्पूरैः कलितं मया।
तुलस्यमृतसम्भूते गृहाण हरिवल्लभे ॥
चन्द्रादित्यौ च नक्षत्रं विद्युदग्निस्त्वमेव च।
त्वमेव सर्वज्योतींषि कुर्यां नीराजनं हरे ॥
तुलसीविष्णुभ्यां नमः। नीराजनं समर्पयामि।
प्रदक्षिणम्
प्रकृष्टपापनाशाय प्रकृष्टफलसिद्धये।
युवां प्रदक्षिणी कुर्वे तुलसीशौ प्रसीदतम् ॥
तुलसीविष्णुभ्यां नमः। प्रदक्षिणं समर्पयामि।
नमस्काराः
नमोऽस्तु पीयूषसमुद्भवायै
नमोऽस्तु पद्माक्षमनःप्रियायै।
नमोऽस्तु जन्माप्ययभीतिहन्त्र्यै
नमस्तुलस्यै जगतां जनन्यै ॥
शङ्खचक्रगदापाणे द्वारकानिलयाच्युत।
गोविन्द पुण्डरीकाक्ष रक्ष मां शरणागतम् ॥
तुलसीविष्णुभ्यां नमः। नमस्कारान् समर्पयामि।
मन्त्रपुष्पाञ्जलिः
पुष्पाञ्जलिं गृहाणेदं पङ्कजाक्षस्य वल्लभे।
नमस्ते देवि तुलसि नताभीष्टफलप्रदे ॥
मन्दारनीलोत्पलकुन्दजातीपुन्नागमल्लीकरवीरपद्मैः।
पुष्पाञ्जलिं ते जगदेकबन्धो हरे त्वदङ्घ्रौ विनिवेशयामि ॥
तुलसीविष्णुभ्यां नमः। मन्त्रपुष्पाञ्जलिं समर्पयामि।
प्रार्थना
आयुरारोग्यमतुलमैश्वर्यं पुत्रसम्पदः।
देहि मे सकलान्कामान् तुलस्यमृतसम्भवे ॥
नमो नमः सुखवरपूजिताङ्घ्रये
नमो नमो निरुपममङ्गलात्मने।
नमो नमो विपुलपदैकसिद्ध्ये
नमो नमः परमदयानिधे हरे ॥
अर्घ्यप्रदानम्
नमस्ते देवि तुलसि नमस्ते मोक्षदायिनि।
इदमर्घ्यं प्रदास्यामि सुप्रीता वरदा भव ॥
लक्ष्मीपते नमस्तुभ्यं तुलसीदामभूषण।
इदमर्घ्यं प्रदास्यामि गृहाण गरुडध्वज ॥
श्रीतुलस्यै महाविष्णवे च नमः। इदमर्घ्यमिदमर्घ्यमिदमर्घ्यम् ॥ इति त्रिः।
प्रार्थना
नमस्ते देवि तुलसि माधवेन समन्विता।
प्रयच्छ सकलान्कामान् द्वादश्यां पूजिता मया ॥
समर्पणम्
कायेन वाचा मनसेन्द्रियैर्वा बुद्ध्यात्मना वा प्रकृतेः स्वभावात्।
करोमि यद्यत्सकलं परस्मै नारायणायेति समर्पयामि ॥
ॐ तत्सत् ॥