३ सार्पराज्ञी। आत्मा,सूर्यो वा। गायत्री।
आयं गौः पृश्नि॑रक्रमी॒दस॑दन्मा॒तरं॑ पु॒रः । पि॒तरं॑ च प्र॒यन्त्स्व॑: ॥10.189.1॥
āyaṃ gauḥ pṛśni̍rakramī̱dasa̍danmā̱tara̍ṃ pu̱raḥ | pi̱tara̍ṃ ca pra̱yantsva̍:
अ॒न्तश्च॑रति रोच॒नाऽस्य प्रा॒णाद॑पान॒ती । व्य॑ख्यन्महि॒षो दिव॑म् ॥10.189.2॥
a̱ntaśca̍rati roca̱nā'sya prā̱ṇāda̍pāna̱tī | vya̍khyanmahi̱ṣo diva̍m
त्रिं॒शद्धाम॒ वि रा॑जति॒ वाक्प॑तं॒गाय॑ धीयते । प्रति॒ वस्तो॒रह॒ द्युभि॑: ॥10.189.3॥
tri̱ṃśaddhāma̱ vi rā̍jati̱ vākpa̍ta̱ṃgāya̍ dhīyate | prati̱ vasto̱raha̱ dyubhi̍: