अध्ययनम्
- अनुक्रमणिका
- मूलम्
२३ गोतमो राहूगणः। सोमः। त्रिष्टुप्, ५-१६ गायत्री, १७ उष्णिक्।
सोमो॑ धे॒नुं सोमो॒ अर्व॑न्तमा॒शुं सोमो॑ वी॒रं क॑र्म॒ण्यं॑ ददाति ।
सा॒द॒न्यं॑ विद॒थ्यं॑ स॒भेयं॑ पितृ॒श्रव॑णं॒ यो ददा॑शदस्मै ॥1.91.20॥
somo̍ dhe̱nuṃ somo̱ arva̍ntamā̱śuṃ somo̍ vī̱raṃ ka̍rma̱ṇya̍ṃ dadāti |
sā̱da̱nya̍ṃ vida̱thya̍ṃ sa̱bheya̍ṃ pitṛ̱śrava̍ṇa̱ṃ yo dadā̍śadasmai
१० गोतमो राहूगणः। विश्वेदेवाः, (१-२, ८-९ देवाः, १० अदितिः)। जगती, ६ विराट्-स्थाना, ८-१० त्रिष्टुप्।
तमीशा॑नं॒ जग॑तस्त॒स्थुष॒स्पतिं॑ धियंजि॒न्वमव॑से हूमहे व॒यम् ।
पू॒षा नो॒ यथा॒ वेद॑सा॒मस॑द् वृ॒धे र॑क्षि॒ता पा॒युरद॑ब्धः स्व॒स्तये॑ ॥1.89.5॥
tamīśā̍na̱ṃ jaga̍tasta̱sthuṣa̱spati̍ṃ dhiyaṃji̱nvamava̍se hūmahe va̱yam |
pū̱ṣā no̱ yathā̱ veda̍sā̱masa̍d vṛ̱dhe ra̍kṣi̱tā pā̱yurada̍bdhaḥ sva̱staye̍
४ कश्यपो मारीच: । पवमान: सोम: । पङ्क्ति: ।
ऋषे॑ मन्त्र॒कृतां॒ स्तोमै॒: कश्य॑पोद्व॒र्धय॒न्गिर॑: ।
सोमं॑ नमस्य॒ राजा॑नं॒ यो ज॒ज्ञे वी॒रुधां॒ पति॒रिन्द्रा॑येन्दो॒ परि॑ स्रव ॥9.114.2॥
ṛṣe̍ mantra̱kṛtā̱ṃ stomai̱: kaśya̍podva̱rdhaya̱ngira̍: |
soma̍ṃ namasya̱ rājā̍na̱ṃ yo ja̱jñe vī̱rudhā̱ṃ pati̱rindrā̍yendo̱ pari̍ srava
९ भौमोऽत्रिः। इन्द्रः, ५ सूर्यः, ६-९ अत्रिः। १-३ उष्णिक्, ५-९ अनुष्टुप्, ४, ६-८ त्रिष्टुप्।
स्व॑र्भानो॒रध॒ यदि॑न्द्र मा॒या अ॒वो दि॒वो वर्त॑माना अ॒वाह॑न् ।
गू॒ळहं सूर्यं॒ तम॒साप॑व्रतेन तु॒रीये॑ण॒ ब्रह्म॑णाविन्द॒दत्रि॑: ॥5.40.6॥
sva̍rbhāno̱radha̱ yadi̍ndra mā̱yā a̱vo di̱vo varta̍mānā a̱vāha̍n |
gū̱l̤ahaṃ sūrya̱ṃ tama̱sāpa̍vratena tu̱rīye̍ṇa̱ brahma̍ṇāvinda̱datri̍:
३ क्रमेण- प्रथो वासिष्ठः, सप्रथो भारद्वाजः, धर्मः सौर्यः। विश्वेदेवाः। त्रिष्टुप्।
अवि॑न्द॒न्ते अति॑हितं॒ यदासी॑द्य॒ज्ञस्य॒ धाम॑ पर॒मं गुहा॒ यत् ।
धा॒तुर्द्युता॑नात्सवि॒तुश्च॒ विष्णो॑र्भ॒रद्वा॑जो बृ॒हदा च॑क्रे अ॒ग्नेः ॥10.181.2॥
avi̍nda̱nte ati̍hita̱ṃ yadāsī̍dya̱jñasya̱ dhāma̍ para̱maṃ guhā̱ yat |
dhā̱turdyutā̍nātsavi̱tuśca̱ viṣṇo̍rbha̱radvā̍jo bṛ̱hadā ca̍kre a̱gneḥ