३ भौमोऽत्रिः। पृथिवी। अनुष्टुप्।
बळि॒त्था पर्व॑तानां खि॒द्रं बि॑भर्षि पृथिवि । प्र या भूमिं॑ प्रवत्वति म॒ह्ना जि॒नोषि॑ महिनि ॥5.84.1॥
bal̤i̱tthā parva̍tānāṃ khi̱draṃ bi̍bharṣi pṛthivi | pra yā bhūmi̍ṃ pravatvati ma̱hnā ji̱noṣi̍ mahini
स्तोमा॑सस्त्वा विचारिणि॒ प्रति॑ ष्टोभन्त्य॒क्तुभि॑: । प्र या वाजं॒ न हेष॑न्तं पे॒रुमस्य॑स्यर्जुनि ॥5.84.2॥
stomā̍sastvā vicāriṇi̱ prati̍ ṣṭobhantya̱ktubhi̍: | pra yā vāja̱ṃ na heṣa̍ntaṃ pe̱rumasya̍syarjuni
दृ॒ळहा चि॒द् या वन॒स्पती॑न् क्ष्म॒या दर्ध॒र्ष्योज॑सा । यत् ते॑ अ॒भ्रस्य॑ वि॒द्युतो॑ दि॒वो वर्ष॑न्ति वृ॒ष्टय॑: ॥5.84.3॥
dṛ̱l̤ahā ci̱d yā vana̱spatī̍n kṣma̱yā dardha̱rṣyoja̍sā | yat te̍ a̱bhrasya̍ vi̱dyuto̍ di̱vo varṣa̍nti vṛ̱ṣṭaya̍: