अध्ययनम्
- अनुक्रमणिका
- दुर्गा · महागणपतिः · क्षेत्रपालः · वास्तोष्पतिः · त्र्यम्बकः · अभयङ्करेन्द्रः · मृत्युः · मूर्धात्मा
- मूलम्
- तैत्तिरीय-ऋग्वेदपाठः याजुषमन्त्ररत्नाकरानुसारेण। स्वरः गुरोः समीपे एव।
दुर्गा
जा॒तवे॑दसे सुनवाम॒ सोम॑मरातीय॒तो निद॑हाति॒ वेदः॑। स नः॑ पर्ष॒दति॑ दु॒र्गाणि॒ विश्वा॑ ना॒वेव॒ सिन्धुं॑ दुरि॒तात्य॒ग्निः॥ दुर्गायै नमः॥
॥१॥महागणपतिः
ग॒णानां᳚ त्वा ग॒णप॑तिꣳ हवामहे क॒विं क॑वी॒नामु॑प॒मश्र॑वस्तमम्। ज्ये॒ष्ठ॒राजं॒ ब्रह्म॑णां ब्रह्मणस्पत॒ आ नः॑ शृ॒ण्वन्नू॒तिभिः॑ सीद॒ साद॑नम्॥ महागणपतये नमः॥
॥२॥क्षेत्रपालः
क्षेत्र॑स्य॒ पति॑ना व॒यꣳ हि॒तेने॑व जयामासि। गामश्वं॑ पोषयि॒त्न्वा स नो॑ मृडाती॒दृशे᳚॥ क्षेत्रपालाय नमः॥
॥३॥वास्तोष्पतिः
वास्तो᳚ष्पते॒ प्रति॑ जानीह्य॒स्मान् स्वा॑वे॒शो अ॑नमी॒वो भ॑वा नः। यत्त्वेम॑हे॒ प्रति॒ तं नो॑ जुषस्व॒ शं न॑ एधि द्वि॒पदे॒ शं चतु॑ष्पदे॥ वास्तोष्पतये नमः॥
॥४॥त्र्यम्बकः
त्र्य॑म्बकं यजामहे सुग॒न्धिं पु॑ष्टि॒वर्ध॑नम्। उ॒र्वा॒रु॒कमि॑व॒ बन्ध॑नान्मृ॒त्योर्मु॑क्षीय॒ माऽमृता᳚त्॥ त्र्यम्बकाय नमः॥
॥५॥अभयङ्करेन्द्रः
यत॑ इन्द्र॒ भया॑महे॒ ततो॑ नो॒ अभ॑यं कृधि। मघ॑वञ्छ॒ग्धि तव॒ तन्न॑ ऊ॒तये॒ विद्द्विषो॒ विमृधो॑ जहि॥ स्व॒स्ति॒दा वि॒शस्पति॑र्वृत्र॒हा विमृधो॑ व॒शी। वृषेन्द्रः॑ पु॒र ए॑तु नः स्वस्ति॒दा अ॑भयङ्क॒रः॥ अभयङ्करेन्द्राय नमः॥
॥६॥मृत्युः
ये ते॑ स॒हस्र॑म॒युतं॒ पाशा॒ मृत्यो॒ मर्त्या॑य॒ हन्त॑वे। तान् य॒ज्ञस्य॑ मा॒यया॒ सर्वा॒नव॑ यजामहे॥ मृत्यवे नमः॥
॥७॥मूर्धात्मा
मू॒र्धानं॑ दि॒वो अ॑र॒तिं पृ॑थि॒व्या वै᳚श्वान॒रमृ॒ताय॑ जा॒तम॒ग्निम्। क॒विꣳ स॒म्राज॒मति॑थिं॒ जना॑नामा॒सन्ना पात्रं॑ जनयन्त दे॒वाः॥ मूर्धात्मने नमः॥
॥८॥