Study
- Anukramaṇī
- durgā · mahāgaṇapatiḥ · kṣetrapālaḥ · vāstoṣpatiḥ · tryambakaḥ · abhayaṅkarendraḥ · mṛtyuḥ · mūrdhātmā
- Source
- Taittirīya / Ṛgveda corpus, as compiled in Yājuṣa Mantra Ratnākaram. Learn svara from a guru.
durgā
jā̱tave̍dase sunavāma̱ soma̍marātīya̱to nida̍hāti̱ veda̍ḥ| sa na̍ḥ parṣa̱dati̍ du̱rgāṇi̱ viśvā̍ nā̱veva̱ sindhu̍ṃ duri̱tātya̱gniḥ|| durgāyai namaḥ||
||1||mahāgaṇapatiḥ
ga̱ṇānā̎ṃ tvā ga̱ṇapa̍tigͫ havāmahe ka̱viṃ ka̍vī̱nāmu̍pa̱maśra̍vastamam| jye̱ṣṭha̱rāja̱ṃ brahma̍ṇāṃ brahmaṇaspata̱ ā na̍ḥ śṛ̱ṇvannū̱tibhi̍ḥ sīda̱ sāda̍nam|| mahāgaṇapataye namaḥ||
||2||kṣetrapālaḥ
kṣetra̍sya̱ pati̍nā va̱yagͫ hi̱tene̍va jayāmāsi| gāmaśva̍ṃ poṣayi̱tnvā sa no̍ mṛḍātī̱dṛśe̎|| kṣetrapālāya namaḥ||
||3||vāstoṣpatiḥ
vāsto̎ṣpate̱ prati̍ jānīhya̱smān svā̍ve̱śo a̍namī̱vo bha̍vā naḥ| yattvema̍he̱ prati̱ taṃ no̍ juṣasva̱ śaṃ na̍ edhi dvi̱pade̱ śaṃ catu̍ṣpade|| vāstoṣpataye namaḥ||
||4||tryambakaḥ
trya̍mbakaṃ yajāmahe suga̱ndhiṃ pu̍ṣṭi̱vardha̍nam| u̱rvā̱ru̱kami̍va̱ bandha̍nānmṛ̱tyormu̍kṣīya̱ mā'mṛtā̎t|| tryambakāya namaḥ||
||5||abhayaṅkarendraḥ
yata̍ indra̱ bhayā̍mahe̱ tato̍ no̱ abha̍yaṃ kṛdhi| magha̍vañcha̱gdhi tava̱ tanna̍ ū̱taye̱ viddviṣo̱ vimṛdho̍ jahi|| sva̱sti̱dā vi̱śaspati̍rvṛtra̱hā vimṛdho̍ va̱śī| vṛṣendra̍ḥ pu̱ra e̍tu naḥ svasti̱dā a̍bhayaṅka̱raḥ|| abhayaṅkarendrāya namaḥ||
||6||mṛtyuḥ
ye te̍ sa̱hasra̍ma̱yuta̱ṃ pāśā̱ mṛtyo̱ martyā̍ya̱ hanta̍ve| tān ya̱jñasya̍ mā̱yayā̱ sarvā̱nava̍ yajāmahe|| mṛtyave namaḥ||
||7||mūrdhātmā
mū̱rdhāna̍ṃ di̱vo a̍ra̱tiṃ pṛ̍thi̱vyā vai̎śvāna̱ramṛ̱tāya̍ jā̱tama̱gnim| ka̱vigͫ sa̱mrāja̱mati̍thi̱ṃ janā̍nāmā̱sannā pātra̍ṃ janayanta de̱vāḥ|| mūrdhātmane namaḥ||
||8||