Study
- Anukramaṇī
- Saṃhitā citations
- Source
tai॰brā॰ 2.7.4
na vai some̍na̱ soma̍sya sa̱vo̎'sti|
ha̱to hye̍ṣaḥ|
a̱bhiṣu̍to̱ hye̍ṣaḥ|
na hi ha̱taḥ sū̱yate̎|
sau̱mīgͫ sū̱tava̍śā̱mā la̍bhate|
somo̱ vai re̍to̱dhāḥ|
reta̍ e̱va tadda̍dhāti|
sau̱myarcā'bhiṣi̍ñcati|
re̱to̱dhā hye̍ṣā|
reta̱ḥ soma̍ḥ|
reta̍ e̱vāsmi̍ndadhāti|
yatkiṃ ca̍ rāja̱sūya̍mṛ̱te somam̎|
tathsarva̍ṃ bhavati|
aṣā̍ḍhaṃ yu̱thsu pṛta̍nāsu̱ paprim̎|
su̱va̱ṟṣāma̱phsvāṃ vṛ̱jana̍sya go̱pām|
bha̱re̱ṣu̱jāgͫ su̍kṣi̱tigͫ su̱śrava̍sam|
jaya̍nta̱ṃ tvāmanu̍ madema soma||10|| ॥TB 2.7.4॥
||1||