Study
- Anukramaṇī
- vivāhe snānādayaḥ
- Source
- याजुषमन्त्ररत्नाकरम् (मुद्रितग्रन्थः) पृष्ठम् ६०२ — मुद्रितग्रन्थस्य PDF-पाठात् स्वरसहितं यथावत् उद्धृतम्। कोष्ठकेषु सङ्ख्याः ग्रन्थस्य पृष्ठनिर्देशाः।
vivāhe snānādayaḥ
hira̍ṇyavarṇā̱ḥ śuca̍yaḥ pāva̱kāḥ praca̍kramurhi̱tvā'va̱dyamāpa̍ḥ. śa̱taṃ pa̱vitrā̱ vita̍tā̱ hyā̍su̱ tābhi̍ṣṭvā de̱vaḥ sa̍vi̱tā pu̍nātu..2.1..
||1||hira̍ṇyavarṇā̱ḥ śuca̍yaḥ pāva̱kā yāsu̍ jā̱taḥ ka̱śyapo̱ yāsva̱gniḥ. yā a̱gniṃ garbha̍ṃ dadhi̱re su̱varṇā̱stāsta̱ āpa̱ḥ śagͫ̄ syo̱nā bha̍vantu..2..
||2||yāsā̱gͫ rājā̱ varu̍ṇo̱ yāti̱ madhye̍ satyā'nṛ̱te a̍va̱paśya̱ñjanā̍nām. yā a̱gniṃ garbha̍ṃ dadhi̱re su̱varṇā̱stāsta̱ āpa̱ḥ śagͫ̄ syo̱nā bha̍vantu..3..
||3||yāsā̎ṃ de̱vā di̱vi kṛ̱ṇvanti̍ bha̱kṣaṃ yā a̱ntari̍kṣe bahu̱dhā nivi̍ṣṭāḥ. yā a̱gniṃ garbha̍ṃ dadhi̱re su̱varṇā̱stāsta̱ āpa̱ḥ śagͫ̄ syo̱nā bha̍vantu..4..
||4||śi̱vena̍ tvā̱ cakṣu̍ṣā paśyantvāpaḥ śi̱vayā̍ ta̱nvopa̍spṛśantu̱ tvaca̍ṃ te. ghṛ̱ta̱ścuta̱ḥ śuca̍yo̱ yāḥ pā̍va̱kāstāsta̱ āpa̱ḥ śagͫ̄ syo̱nā bha̍vantu..5..
||5||pari̍ tvā girvaṇo̱ gira̍ i̱mā bha̍vantu vi̱śvata̍ḥ. vṛ̱ddhāyu̱manu̱ vṛddha̍yo̱ juṣṭā̍ bhavantu̱ juṣṭa̍yaḥ..6..
||6||{ā̱śāsā̍nā saumana̱saṃ pra̱jāgͫ saubhā̎gyaṃ ta̱nūm. a̱gneranu̍vratā bhū̱tvā saṃ na̍hye sūkṛ̱tāya̱ kam..7..
||7||} pū̱ṣā tve̱to na̍yatu̱ hasta̱gṛhyā̱'śvinau̎ tvā̱ prava̍hatā̱gͫ rathe̍na. gṛ̱hān ga̍ccha gṛ̱hapa̍tnī̱ yathā'so̍ va̱śinī̱ tvaṃ vi̱datha̱māva̍dāsi..2.8..
||8||