ṛ॰saṃ॰ 7.49.1
sa̱mu̱drajye̍ṣṭhāḥ sali̱lasya̱ madhyā̍tpunā̱nā ya̱ntyani̍viśamānāḥ |
indro̱ yā va̱jrī vṛ̍ṣa̱bho ra̱rāda̱ tā āpo̍ de̱vīri̱ha māma̍vantu ॥RV 7.49.1॥
||1||yā āpo̍ di̱vyā u̱ta vā̱ srava̍nti kha̱nitri̍mā u̱ta vā̱ yāḥ sva̍ya̱ṃjāḥ |
sa̱mu̱drārthā̱ yāḥ śuca̍yaḥ pāva̱kāstā āpo̍ de̱vīri̱ha māma̍vantu ॥RV 7.49.2॥
||2||yāsā̱ṃ rājā̱ varu̍ṇo̱ yāti̱ madhye̍ satyānṛ̱te a̍va̱paśya̱ñjanā̍nām |
ma̱dhu̱ścuta̱: śuca̍yo̱ yāḥ pā̍va̱kāstā āpo̍ de̱vīri̱ha māma̍vantu ॥RV 7.49.3॥
||3||yāsu̱ rājā̱ varu̍ṇo̱ yāsu̱ somo̱ viśve̍ de̱vā yāsūrja̱ṃ mada̍nti |
vai̱śvā̱na̱ro yāsva̱gniḥ pravi̍ṣṭa̱stā āpo̍ de̱vīri̱ha māma̍vantu ॥RV 7.49.4॥
||4||