Study
- Anukramaṇī
- Saṃhitā citations
- Source
tai॰brā॰ 2.7.1
tri̱vṛthstomo̍ bhavati|
bra̱hma̱va̱rca̱saṃ vai tri̱vṛt|
bra̱hma̱va̱rca̱same̱vāva̍ rundhe|
a̱gni̱ṣṭo̱maḥ somo̍ bhavati|
bra̱hma̱va̱rca̱saṃ vā a̍gniṣṭo̱maḥ|
bra̱hma̱va̱rca̱same̱vāva̍ rundhe|
ra̱tha̱nta̱ragͫ sāma̍ bhavati|
bra̱hma̱va̱rca̱saṃ vai ra̍thanta̱ram|
bra̱hma̱va̱rca̱same̱vāva̍ rundhe|
pa̱ri̱sra̱jī hotā̍ bhavati||1||
a̱ru̱ṇo mi̍rmi̱rastriśu̍kraḥ|
e̱tadvai bra̍hmavarca̱sasya̍ rū̱pam|
rū̱peṇai̱va bra̍hmavarca̱samava̍ rundhe|
bṛha̱spati̍rakāmayata de̱vānā̎ṃ puro̱dhāṃ ga̍ccheya̱miti̍|
sa e̱taṃ bṛ̍haspatisa̱vama̍paśyat|
tamā'ha̍rat|
tenā̍yajata|
tato̱ vai sa de̱vānā̎ṃ puro̱dhāma̍gacchat|
yaḥ pu̍ro̱dhākā̍ma̱ḥ syāt|
sa bṛ̍haspatisa̱vena̍ yajeta||2||
pu̱ro̱dhāme̱va ga̍cchati|
tasya̍ prātaḥ sava̱ne sa̱nneṣu̍ nārāśa̱g̱ͫseṣu̍|
ekā̍daśa̱ dakṣi̍ṇā nīyante|
ekā̍daśa̱ mādhya̍ṃ dine̱ sava̍ne sa̱nneṣu̍ nārāśa̱g̱ͫseṣu̍|
ekā̍daśa tṛtīyasava̱ne sa̱nneṣu̍ nārāśa̱g̱ͫseṣu̍|
traya̍strigͫśa̱thsaṃ pa̍dyante|
traya̍strigͫśa̱dvai de̱vatā̎ḥ|
de̱vatā̍ e̱vāva̍ rundhe|
aśva̍ścatustri̱g̱ͫśaḥ|
prā̱jā̱pa̱tyo vā aśva̍ḥ||3||
pra̱jāpa̍tiścatustri̱g̱ͫśo de̱vatā̍nām|
yāva̍tīre̱va de̱vatā̎ḥ|
tā e̱vāva̍ rundhe|
kṛ̱ṣṇā̱ji̱ne̍'bhiṣi̍ñcati|
brahma̍ṇo̱ vā e̱tadrū̱pam|
yatkṛ̍ṣṇāji̱nam|
bra̱hma̱va̱rca̱senai̱vaina̱g̱ͫ sama̍rdhayati|
ājye̍nā̱bhiṣi̍ñcati|
tejo̱ vā ājyam̎|
teja̍ e̱vāsmi̍ndadhāti||4|| ॥TB 2.7.1॥
||1||