Study
- Anukramaṇī
- aṣṭakādayaḥ
- Source
- याजुषमन्त्ररत्नाकरम् (मुद्रितग्रन्थः) पृष्ठम् ६४१–६४२ — मुद्रितग्रन्थस्य PDF-पाठात् स्वरसहितं यथावत् उद्धृतम्। कोष्ठकेषु सङ्ख्याः ग्रन्थस्य पृष्ठनिर्देशाः।
aṣṭakādayaḥ
u̱kthya̍ścā'sya̍tirā̱traśca̱ sādya̍skrī̱śchanda̍sā sa̱ha. a̱pū̱pa̱ghṛ̱tāhu̍te̱ nama̍ste astu māgͫ sapi̱ppale̱ svāhā̎. bhūḥ pṛ̍thi̱vya̍gnina̱rcā'muṃ mayi̱ kāma̱ṃ niyu̍najmi̱ svāhā̎. bhuvo̍ vā̱yunā̱'ntari̍kṣeṇa̱ sāmnā̱'muṃ mayi̱ kāma̱ṃ niyu̍najmi̱ svāhā̎. sva̍rdivā̍''di̱tyena̱ yaju̍ṣā̱'muṃ mayi̱ kāma̱ṃ niyu̍najmi̱ svāhā̎.
||1||ja̱nada̍dbhi̱ratha̍rvāṅigarobhira̱muṃ mayi̱ kāma̱ṃ niyu̍najmi̱ svāhā̎. ro̱canāyā̍ji̱rāyā̱gnaye̍ de̱vajā̍tave̱ svāhā̎. ke̱tave̱ mana̍ve̱ brahma̍ṇe de̱vajā̍tave̱ svāhā̎. sva̱dhā svāhā̱'gnaye̍ kavya̱vāha̍nāya sva̱dhā svāhā̎.
||2||anna̍miva te dṛ̱śe bhū̍yāsa̱ṃ vastra̍miva te dṛ̱śe bhū̍yāsa̱ṃ vitta̍miva te dṛ̱śe bhū̍yāsamā̱śeva̍ te dṛ̱śe bhū̍yāsagͫ̄ śra̱ddheva̍ te dṛ̱śe bhū̍yāsa̱gͫ sagͫ̄ sra̍vantu̱ diśo̍ ma̱hīḥ samādhā̍vantu sū̱nṛtā̎ḥ. sarve̱ kāmā̍ a̱bhiya̍ntu mā pri̱yā a̱bhira̍kṣantu mā pri̱yāḥ. yaśo̍'si̱ yaśo̱'haṃ tvayi̍ bhūyāsamasau.
||3||(a̱ṅkau nya̱ṅkāva̱bhita̱ itye̱ṣā.) {a̱ṅkau nya̱ṅkāva̱bhito̱ ratha̱ṃ yau dhvā̱ntaṃ vā̍tā̱gramanu̍ sa̱ṃcara̍ntau dū̱rehe̍tirindri̱yāvā̎npata̱trī te no̱'gnaya̱ḥ papra̍yaḥ pārayantu..} adhva̍nāmadhvapate sva̱sti mā̱ saṃpā̍raya. a̱yaṃ vā̍ma̱śvinau̱ ratho̱ mā du̱ḥkhe mā su̱khe ri̍ṣat. ari̍ṣṭaḥ sva̱sti ga̍cchatu vivi̱ghnanpṛta̍nāya̱taḥ.
||4||aśvo̍si̱ hayo̱syatyo̍si̱ naro̱syarvā̍'si̱ sapti̍rasi vā̱jya̍si̱ vṛṣā̍'si nṛ̱maṇā̍ asi̱ yayu̱rnāmā̎syā''di̱tyānā̱ṃ patvā'nvi̍hi. ha̱sti̱ya̱śa̱sama̍si hastiyaśa̱sī bhū̍yāsa̱ṃ vaha̍ kāla̱vaha̱ śriya̍ṃ mā̱'bhiva̍ha. indra̍sya tvā̱ vajre̍ṇā̱bhi nida̍dhāmyasau. ava̍ jihvaka nijihva̱kāva̍ tvā ha̱viṣā̍ yaje.
||5||tatsa̱tyaṃ yada̱haṃ bravī̱myadha̍ro̱ mada̱sau va̍dā̱tsvāhā̎. ā te̱ vāca̍mā̱syā̎ṃ dada̱ ā ma̍na̱syāgͫ hṛda̍yā̱dadhi̍. yatra̍yatra te̱ vāṅinahi̍tā̱ tāṃ ta̱ āda̍de. tatsa̱tyaṃ yada̱haṃ bravī̱myadha̍ro̱ matpa̍dyasvāsau..21..
||6||