Study
- Anukramaṇī
- Saṃhitā citations
- Source
ṛ॰saṃ॰ 10.151
śra̱ddhayā̱gniḥ sami̍dhyate śra̱ddhayā̍ hūyate ha̱viḥ | śra̱ddhāṃ bhaga̍sya mū̱rdhani̱ vaca̱sā ve̍dayāmasi ॥RV 10.151.1॥
||1||pri̱yaṃ śra̍ddhe̱ dada̍taḥ pri̱yaṃ śra̍ddhe̱ didā̍sataḥ | pri̱yaṃ bho̱jeṣu̱ yajva̍svi̱daṃ ma̍ udi̱taṃ kṛ̍dhi ॥RV 10.151.2॥
||2||yathā̍ de̱vā asu̍reṣu śra̱ddhāmu̱greṣu̍ cakri̱re | e̱vaṃ bho̱jeṣu̱ yajva̍sva̱smāka̍mudi̱taṃ kṛ̍dhi ॥RV 10.151.3॥
||3||śra̱ddhāṃ de̱vā yaja̍mānā vā̱yugo̍pā̱ upā̍sate | śra̱ddhāṃ hṛ̍da̱yya1yākū̍tyā śra̱ddhayā̍ vindate̱ vasu̍ ॥RV 10.151.4॥
||4||śra̱ddhāṃ prā̱tarha̍vāmahe śra̱ddhāṃ ma̱dhyaṃdi̍na̱ṃ pari̍ | śra̱ddhāṃ sūrya̍sya ni̱mruci̱ śraddhe̱ śraddhā̍paye̱ha na̍: ॥RV 10.151.5॥
||5||