Śrīlakṣmīpuṇyāhamantrāḥ

Study

Anukramaṇī
Saṃhitā citations: RV 10.9.1
RV 10.9.2
RV 10.9.3
RV 10.190.1
RV 10.190.2
RV 10.190.3
Also in this book: Kalaśābhimantraṇam
Source

āpo̱ hi ṣṭhā ma̍yo̱bhuva̱stā na̍ ū̱rje da̍dhātana | ma̱he raṇā̍ya̱ cakṣa̍se ॥RV 10.9.1॥

||1||

yo va̍: śi̱vata̍mo̱ rasa̱stasya̍ bhājayate̱ha na̍: | u̱śa̱tīri̍va mā̱tara̍: ॥RV 10.9.2॥

||2||

tasmā̱ ara̍ṃ gamāma vo̱ yasya̱ kṣayā̍ya̱ jinva̍tha | āpo̍ ja̱naya̍thā ca naḥ ॥RV 10.9.3॥

||3||

ṛ̱taṃ ca̍ sa̱tyaṃ cā̱bhī̍ddhā̱ttapa̱so'dhya̍jāyata | tato̱ rātrya̍jāyata̱ tata̍: samu̱dro a̍rṇa̱vaḥ ॥RV 10.190.1॥

||4||

sa̱mu̱drāda̍rṇa̱vādadhi̍ saṃvatsa̱ro a̍jāyata | a̱ho̱rā̱trāṇi̍ vi̱dadha̱dviśva̍sya miṣa̱to va̱śī ॥RV 10.190.2॥

||5||

sū̱ryā̱ca̱ndra̱masau̍ dhā̱tā ya̍thāpū̱rvama̍kalpayat | diva̍ṃ ca pṛthi̱vīṃ cā̱'ntari̍kṣa̱matho̱ sva̍: ॥RV 10.190.3॥

||6||