9 tiraścīrāṅgirasa: | indra: | anuṣṭup |
eto̱ nvindra̱ṃ stavā̍ma śu̱ddhaṃ śu̱ddhena̱ sāmnā̍ | śu̱ddhairu̱kthairvā̍vṛ̱dhvāṃsa̍ṃ śu̱ddha ā̱śīrvā̍nmamattu ॥8.95.7॥
एतो॒ न्विन्द्रं॒ स्तवा॑म शु॒द्धं शु॒द्धेन॒ साम्ना॑ । शु॒द्धैरु॒क्थैर्वा॑वृ॒ध्वांसं॑ शु॒द्ध आ॒शीर्वा॑न्ममत्तु
indra̍ śu̱ddho na̱ ā ga̍hi śu̱ddhaḥ śu̱ddhābhi̍rū̱tibhi̍: | śu̱ddho ra̱yiṃ ni dhā̍raya śu̱ddho ma̍maddhi so̱myaḥ ॥8.95.8॥
इन्द्र॑ शु॒द्धो न॒ आ ग॑हि शु॒द्धः शु॒द्धाभि॑रू॒तिभि॑: । शु॒द्धो र॒यिं नि धा॑रय शु॒द्धो म॑मद्धि सो॒म्यः
indra̍ śu̱ddho hi no̍ ra̱yiṃ śu̱ddho ratnā̍ni dā̱śuṣe̍ | śu̱ddho vṛ̱trāṇi̍ jighnase śu̱ddho vāja̍ṃ siṣāsasi ॥8.95.9॥
इन्द्र॑ शु॒द्धो हि नो॑ र॒यिं शु॒द्धो रत्ना॑नि दा॒शुषे॑ । शु॒द्धो वृ॒त्राणि॑ जिघ्नसे शु॒द्धो वाजं॑ सिषाससि
6 somāhutirbhārgavaḥ| agniḥ| gāyatrī|
śuci̍: pāvaka̱ vandyo 'gne̍ bṛ̱had vi ro̍case | tvaṃ ghṛ̱tebhi̱rāhu̍taḥ ॥2.7.4॥
शुचि॑: पावक॒ वन्द्यो ऽग्ने॑ बृ॒हद् वि रो॑चसे । त्वं घृ॒तेभि॒राहु॑तः