Study
- Anukramaṇī
- patnyuvaśīkaraṇaṃ karma
- Source
- याजुषमन्त्ररत्नाकरम् (मुद्रितग्रन्थः) पृष्ठम् ६१५ — मुद्रितग्रन्थस्य PDF-पाठात् स्वरसहितं यथावत् उद्धृतम्। कोष्ठकेषु सङ्ख्याः ग्रन्थस्य पृष्ठनिर्देशाः।
patnyuvaśīkaraṇaṃ karma
i̱māṃ khanā̱myoṣa̍dhīṃ vī̱rudha̱ṃ bala̍vattamām| yayā̍ sa̱patnī̱ṃ bādha̍te̱ yayā̍ saṃvi̱ndate̱ pati̎m| u̱ttā̱napa̍rṇe̱ subha̍ge̱ saha̍māne̱ saha̍svati| sa̱patnī̎ṃ me̱ parā̍dhama̱ pati̍ṃ me̱ keva̍laṃ kṛdhi| utta̍rā̱'hamutta̍ra̱ utta̱redutta̍rābhyaḥ | athā̍ sa̱patnī̱ yā mamādha̍rā̱ sā'dha̍rābhyaḥ| na hya̍syai̱ nāma̍ gṛbhṇāmi̱ no a̱sminra̍mate̱ jane̎|
||1||parā̍me̱va pa̍rā̱vata̍gͫ sa̱patnī̎ṃ nāśayāmasi| a̱hama̍smi̱ saha̍mā̱nā'tha̱ tvama̍si sāsa̱hiḥ| u̱bhe saha̍svatī bhū̱tvā sa̱patnī̎ṃ me sahāvahai| upa̍ te'dhā̱gͫ saha̍mānāma̱bhi tvā̍'dhā̱gͫ sahī̍yasā| māmanu̱ pra te̱ mano̍ va̱tsaṃ gauri̍va dhāvatu pa̱thā vāri̍va dhāvatu||16||
||2||