Śaṅkara by tradition
oṃ pañcīkṛtampañcamahābhūtāni tatkāryaṃ ca sarvaṃ virāḍityucyate | etatsthulaśariramātmanaḥ | īndriyairarthopalabdhirjāgaritam | tadubhayābhimānyātmā viśvaḥ | etat trayamakāraḥ ||
||1||apañcīkṛtapañcamahābhūtāni pañcatanmātraṇi tatkāryaṃ ca pañca prāṇāḥ daśendriyāṇi manobuddhiśceti saptadaśakaṃ liṅkam bhautikaṃ hiraṇyagarbha ityucyate | etatsūkṣmaśariramātmanaḥ ||
||2||karaṇeṣūpasaṃhṛteṣu jāgaritasaṃskārajaḥ pratyayaḥ saviṣayaḥ svapna ityucyate | yadubhayābhimānyātmā taijasaḥ | etat trayamukāraḥ ||
||3||śarīradvayakāraṇamātmājñānaṃ sābhāsamavyākṛtamityucyate | etat kāraṇaśarīramātmanaḥ | tacca na sannāsannāpi sadasanna bhinnaṃ nābhinnaṃ nāpi bhinnābhinnaṃ kutaścit na niravayavaṃ na sāvayavaṃ nobhayaṃ kintu kevalabrahmātmaikatvajñānāpanodyam ||
||4||sarvaprakārajñānopasaṃhāre buddheḥ kāraṇātmanā'vasthānaṃ suṣuptiḥ | tadubhayāmimānyātmā prājñaḥ | etat trayam makāraḥ ||
||5||akāra ukāre ukāro makāre makāra oṅkāre oṅkāro'hamyeva | ahamātmā sākṣī kevalaścinmātrasvarūpaḥ nājñānaṃ nāpi tatkāryaṃ kintu nityaśuddhabuddhamuktasatyasbhāvaṃ paramānandādvayaṃ pratyagbhūtacaitanyaṃ brahmai vāhamasmītyabhedenāvasthānaṃ samādhiḥ ||
||6||tattvamasi brahmahamasmi prajñānamānandaṃ brahma ayamātmā brahma ityādiśrutibhyaḥ ||
||7||iti pañcīkaraṇaṃ bhavati ||
iti śrīśaṅkarācāryaviracitaṃ pañcīkaraṇam