Śrīśaṅkarabhagavatpādakṛtā
buddhyārūḍhaṃ sadā sarvaṃ dṛśyate yatra tatra vā |
mayā tasmāt paraṃ brahma sarvajñaścāsmi sarvagaḥ ||
||1||yathāmabuddhicārāṇāṃ sākṣī tadvat pareṣvapi |
naivāpoḍhuṃ na vādātuṃ śakyastasmāt paro hyaham ||
||2||vikāritvamaśuddhatvaṃ bhautikatvaṃ na cātmanaḥ |
aśeṣabuddhisākṣitvād buddhivac cālpavedanā ||
||3||maṇau prakāśyate yadvad raktādyākāratātape |
mayi saṃdṛśyate sarvamātapeneva tan mayā ||
||4||buddhau dṛśyaṃ bhaved buddhau satyāṃ nāsti viparyaye |
draṣṭā yasmāt sadā draṣṭā tasmād dvaitaṃ na vidyate ||
||5||avivekāt parābhāvaṃ yathā buddhiravet tathā |
vivekāt tu parādanyaḥ svayaṃ cāpi na vidyate ||
||6||