pāramparikam
mahāśāstā mahādevo mahādevasuto'vyayaḥ |
lokakartā lokabhartā lokahantā parātparaḥ ||
||1||trilokarakṣako dhanvī tapasvī bhūtasainyakaḥ |
mantravettā mahāvettā māruto jagadīśvaraḥ ||
||2||lokādhyakṣo'graṇīḥ śrīmān aprameyaparākramaḥ |
siṃhārūḍho gajārūḍho hayārūḍho maheśvaraḥ ||
||3||nānāśāstradharo'nargho nānāvidyāviśāradaḥ |
nānārūpadharo vīro nānāprāṇiniṣevitaḥ ||
||4||bhūteśaḥ pūjito bhṛtyo bhujaṅgābharaṇottamaḥ |
ikṣudhanvī puṣpabāṇo mahārūpo mahāprabhuḥ ||
||5||māyādevīsuto mānyo mahānīto mahāguṇaḥ |
mahāśaivo mahārudro vaiṣṇavo viṣṇupūjakaḥ ||
||6||vighneśo vīrabhadreśo bhairavo ṣaṇmukhadhruvaḥ |
meruśṛṅgasamāsīno munisaṅghaniṣevitaḥ ||
||7||devo bhadro jagannātho gaṇanātho gaṇeśvaraḥ |
mahāyogī mahāmāyī mahājñānī mahādhipaḥ ||
||8||devaśāstā bhūtaśāstā bhīmahāsaparākramaḥ |
nāgahāraśca nāgeśo vyomakeśaḥ sanātanaḥ ||
||9||kālajño nirguṇo nityo nityatṛpto nirāśrayaḥ |
lokāśrayo guṇādhīśaścatuḥṣaṣṭikalāmayaḥ ||
||10||ṛgyajuḥsāmarūpī ca mallakāsurabhañjanaḥ |
trimūrtirdaityamathano prakṛtiḥ puruṣottamaḥ ||
||11||suguṇaśca mahājñānī kāmadaḥ kamalekṣaṇaḥ |
kalpavṛkṣo mahāvṛkṣo vidyāvṛkṣo vibhūtidaḥ ||
||12||saṃsāratāpavicchettā paśulokabhayaṅkaraḥ |
rogahantā prāṇadātā paragarvavibhañjanaḥ ||
||13||sarvaśāstrārthatattvajño nītimān pāpabhañjanaḥ |
puṣkalāpūrṇasaṃyukto paramātmā satāṃ gatiḥ ||
||14||anantādityasaṅkāśaḥ subrahmaṇyānujo balī |
bhaktānukampī deveśo bhagavān bhaktavatsalaḥ ||
||15||iti śrī-hariharaputrāṣṭottaraśatanāmastotraṃ sampūrṇam