śivarahasyam
dhyānam
sindūrābhāṃ trinetrāmamṛtaśaśikalāṃ khecarīṃ ratnavastrāṃ
pīnottuṅgastanāḍhyāmabhinavavilasadyauvanārambharamyām |
nānālaṅkārayuktāṃ sarasijanayanāmindusaṅkrāntamūrtiṃ
devīṃ pāśāṅkuśāḍhyāmabhayavarakarāmannapūrṇāṃ namāmi ||
||1||stotram
annapūrṇā śivā devī bhīmā puṣṭiḥ sarasvatī |
sarvajñā pārvatī durgā śarvāṇī śivavallabhā ||
||2||vedavidyā mahāvidyā vidyādātrī viśāradā |
kumārī tripurā bālā lakṣmīḥ śrīrbhayahāriṇī ||
||3||bhavānī viṣṇujananī brahmādijananī tathā |
gaṇeśajananī śaktiḥ kumārajananī śubhā ||
||4||bhogapradā bhagavatī bhaktābhīṣṭapradāyinī |
bhavarogaharā bhavyā śubhrā paramamaṅgalā ||
||5||bhavānī cañcalā gaurī cārucandrakalādharā |
viśālākṣī viśvamātā viśvavandyā vilāsinī ||
||6||āryā kalyāṇanilayā rudrāṇī kamalāsanā |
śubhapradā śubhāvartā vṛttapīnapayodharā ||
||7||ambā saṃhāramathanī mṛḍānī sarvamaṅgalā |
viṣṇusaṃsevitā siddhā brahmāṇī surasevitā ||
||8||paramānandadā śāntiḥ paramānandarūpiṇī |
paramānandajananī parānandapradāyinī ||
||9||paropakāraniratā paramā bhaktavatsalā |
pūrṇacandrābhavadanā pūrṇacandranibhāṃśukā ||
||10||śubhalakṣaṇasampannā śubhānandaguṇārṇavā |
śubhasaubhāgyanilayā śubhadā ca ratipriyā ||
||11||caṇḍikā caṇḍamathanī caṇḍadarpanivāriṇī |
mārtaṇḍanayanā sādhvī candrāgninayanā satī ||
||12||puṇḍarīkaharā pūrṇā puṇyadā puṇyarūpiṇī |
māyātītā śreṣṭhamāyā śreṣṭhadharmātmavanditā ||
||13||asṛṣṭiḥ saṅgarahitā sṛṣṭihetuḥ kapardinī |
vṛṣārūḍhā śūlahastā sthitisaṃhārakāriṇī ||
||14||mandasmitā skandamātā śuddhacittā munistutā |
mahābhagavatī dakṣā dakṣādhvaravināśinī ||
||15||sarvārthadātrī sāvitrī sadāśivakuṭumbinī |
nityasundarasarvāṅgī saccidānandalakṣaṇā ||
||16||nāmnāmaṣṭottaraśatamambāyāḥ puṇyakāraṇam |
sarvasaubhāgyasiddhyarthaṃ japanīyaṃ prayatnataḥ ||
||17||etāni divyanāmāni śrutvā dhyātvā nirantaram |
stutvā devīṃ ca satataṃ sarvān kāmānavāpnuyāt ||
||18||iti śrīśivarahasye śrī-annapūrṇāṣṭottaraśatanāmastotraṃ sampūrṇam