pāramparikam
āñjaneyo mahāvīro hanumān mārutātmajaḥ |
tattvajñānapradaḥ sītādevīmudrāpradāyakaḥ ||
||1||aśokavanikācchettā sarvamāyāvibhañjanaḥ |
sarvabandhavimoktā ca rakṣovidhvaṃsakārakaḥ ||
||2||paravidyāparīhartā paraśauryavināśakaḥ |
paramantranirākartā parayantraprabhedakaḥ ||
||3||sarvagrahavināśī ca bhīmasenasahāyakṛt |
sarvaduḥkhaharaḥ sarvalokacārī manojavaḥ ||
||4||pārijātadrumūlasthaḥ sarvamantrasvarūpavān |
sarvatantrasvarūpī ca sarvayantrātmikastathā ||
||5||kapīśvaro mahākāyaḥ sarvarogaharaḥ prabhuḥ |
balasiddhikaraḥ sarvavidyāsampatpradāyakaḥ ||
||6||kapisenānāyakaśca bhaviṣyaccaturānanaḥ |
kumārabrahmacārī ca ratnakuṇḍaladīptimān ||
||7||cañcaladvālasannaddho lambamānaśikhojjvalaḥ |
gandharvavidyātattvajño mahābalaparākramaḥ ||
||8||kārāgṛhavimoktā ca śṛṅkhalābandhamocakaḥ |
sāgarottārakaḥ prājño rāmadūtaḥ pratāpavān ||
||9||vānaraḥ kesarīsūnuḥ sītāśokanivāraṇaḥ |
añjanāgarbhasambhūto bālārkasadṛśānanaḥ ||
||10||vibhīṣaṇapriyakaro daśagrīvakulāntakaḥ |
lakṣmaṇaprāṇadātā ca vajrakāyo mahādyutiḥ ||
||11||cirañjīvī rāmabhakto daityakāryavighātakaḥ |
akṣahantā kāñcanābhaḥ pañcavaktro mahātapāḥ ||
||12||laṅkiṇībhañjanaḥ śrīmān siṃhikāprāṇabhañjanaḥ |
gandhamādanaśailastho laṅkāpuravidāhakaḥ ||
||13||sugrīvasacivo dhīraḥ śūro daityakulāntakaḥ |
surārcito mahātejo rāmacūḍāmaṇipradaḥ ||
||14||kāmarūpī piṅgalākṣo vardhimainākapūjitaḥ |
kabalīkṛtamārtaṇḍamaṇḍalo vijitendriyaḥ ||
||15||rāmasugrīvasandhātā mahirāvaṇamardanaḥ |
sphaṭikābho vāgadhīśo navavyākṛtipaṇḍitaḥ ||
||16||caturbāhurdīnabandhurmahātmā bhaktavatsalaḥ |
sañjīvananagāhartā śucirvāgmī dhṛtavrataḥ ||
||17||kālanemipramathano harimarkaṭamarkaṭaḥ |
dāntaḥ śāntaḥ prasannātmā śatakaṇṭhamadāpahaḥ ||
||18||yogī rāmakathālolaḥ sītānveṣaṇapaṇḍitaḥ |
vajradaṃṣṭro vajranakho rudravīryasamudbhavaḥ ||
||19||indrajitprahitāmoghabrahmāstravinivārakaḥ |
pārthadhvajāgrasaṃvāsī śarapañjarahelakaḥ ||
||20||daśabāhurlokapūjyo jāmbavatprītivardhanaḥ |
sītāsametaśrīrāmapādasevādhurandharaḥ ||
||21||iti śrī-āñjaneyāṣṭottaraśatanāmastotraṃ sampūrṇam