Śaṅkara by tradition
nirupamanityaniraṃśake'pyakhaṇḍe
mayi citi sarvavikalpanādiśūnye |
ghaṭayati jagadīśajīvabhedaṃ
tvaghaṭitaghaṭanāpaṭīyasī māyā ||
||1||śrutiśatanigamāntaśodhakāna-
pyahaha dhanādinidarśanena sadyaḥ |
kaluṣayati catuṣpadādyabhinnā-
naghaṭitaghaṭanāpaṭīyasī māyā ||
||2||sukhacidakhaṇḍavibodhamadvitīyaṃ
viyadanalādivinirmite niyojya |
bhramayati bhavasāgare nitāntaṃ
tvaghaṭitaghaṭanāpaṭīyasī māyā ||
||3||apagataguṇavarṇajātibhede
sukhaciti vipraviḍādyahaṃkṛtiṃ ca |
sphuṭayati sutadāragehamohaṃ
tvaghaṭitaghaṭanāpaṭīyasī māyā ||
||4||vidhihariharavibhedamapyakhaṇḍe
bata viracayya budhānapi prakāmam |
bhramayati hariharabhedabhāvā-
naghaṭitaghaṭanāpaṭīyasī māyā ||
||5||iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau māyāpañcakam sampūrṇam