Study
- Anukramaṇī
- Also in this saṅgraha
- Source
52 dīrghatamā aucathyaḥ| 1-41 viśve devāḥ, 42 ādyardharcasya vāk, dvitīyasya āpaḥ, 43 ādyardharcasya śakadhūmaḥ, dvitīyasya somaḥ, 44 keśinaḥ (agniḥ sūryo vāyuśca,) 45 vāk, 46-47 sūryaḥ, 48 saṃvatsara kālacakram,49 sarasvatī, 50 sādhyāḥ, 51 sūryaḥ, parjanyāgnayo vā, 52 sarasvān, sūryo vā| triṣṭup 12, 15, 23, 29, 36, 41 jagatī, 42 prastāra paṃktiḥ, 51 anuṣṭap|
hi̱ṅkṛ̱ṇva̱tī va̍su̱patnī̱ vasū̍nāṃ va̱tsami̱cchantī̱ mana̍sā̱bhyāgā̍t |
du̱hāma̱śvibhyā̱ṃ payo̍ a̱ghnyeyaṃ sā va̍rdhatāṃ maha̱te saubha̍gāya ॥1.164.27॥
हि॒ङ्कृ॒ण्व॒ती व॑सु॒पत्नी॒ वसू॑नां व॒त्समि॒च्छन्ती॒ मन॑सा॒भ्यागा॑त् ।
दु॒हाम॒श्विभ्यां॒ पयो॑ अ॒घ्न्येयं सा व॑र्धतां मह॒ते सौभ॑गाय
11 gāthino viśvāmitraḥ| yūpaḥ, 6-10 yūpāḥ, 8 viśve devā vā, 11 vraścanaḥ | triṣṭup, 3, 7 anuṣṭup|
sami̍ddhasya̱ śraya̍māṇaḥ pu̱rastā̱d brahma̍ vanvā̱no a̱jara̍ṃ su̱vīra̍m |
ā̱re a̱smadama̍ti̱ṃ bādha̍māna̱ ucchra̍yasva maha̱te saubha̍gāya ॥3.8.2॥
समि॑द्धस्य॒ श्रय॑माणः पु॒रस्ता॒द् ब्रह्म॑ वन्वा॒नो अ॒जरं॑ सु॒वीर॑म् ।
आ॒रे अ॒स्मदम॑तिं॒ बाध॑मान॒ उच्छ्र॑यस्व मह॒ते सौभ॑गाय
vana̍spate śa̱tava̍lśo̱ vi ro̍ha sa̱hasra̍valśā̱ vi va̱yaṃ ru̍hema |
yaṃ tvāma̱yaṃ svadhi̍ti̱steja̍mānaḥ praṇi̱nāya̍ maha̱te saubha̍gāya ॥3.8.11॥
वन॑स्पते श॒तव॑ल्शो॒ वि रो॑ह स॒हस्र॑वल्शा॒ वि व॒यं रु॑हेम ।
यं त्वाम॒यं स्वधि॑ति॒स्तेज॑मानः प्रणि॒नाय॑ मह॒ते सौभ॑गाय
(58) 1-3 maitrāvaruṇirvasiṣṭha:, 4-6 vāsiṣṭha indrapramati:,7-9 vāsiṣṭho vṛṣagaṇa:,10 -12 vāsiṣṭho manyu :, 13-15 vāsiṣṭha upamanyu:, 16-18 vāsiṣṭho vyāghrapād , 19 -21 vāsiṣṭhaḥ śakti:, 22-24 vāsiṣṭhaḥ karṇaśrud ,25 -27 vāsiṣṭho mṛl̤īka:, 28-30 vāsiṣṭho vasukra:, 31-44 parāśara: śāktya:, 45-58 kutsa āṅgirasa: | pavamāna: soma: |triṣṭup |
indu̍rde̱vānā̱mupa̍ sa̱khyamā̱yantsa̱hasra̍dhāraḥ pavate̱ madā̍ya |
nṛbhi̱: stavā̍no̱ anu̱ dhāma̱ pūrva̱maga̱nnindra̍ṃ maha̱te saubha̍gāya ॥9.97.5॥
इन्दु॑र्दे॒वाना॒मुप॑ स॒ख्यमा॒यन्त्स॒हस्र॑धारः पवते॒ मदा॑य ।
नृभि॒: स्तवा॑नो॒ अनु॒ धाम॒ पूर्व॒मग॒न्निन्द्रं॑ मह॒ते सौभ॑गाय
9 sthauro'gniyutaḥ sthauro'gniyūpo vā|indraḥ triṣṭup|
a̱sya pi̍ba kṣu̱mata̱: prasthi̍ta̱syendra̱ soma̍sya̱ vara̱mā su̱tasya̍ |
sva̱sti̱dā mana̍sā mādayasvā'rvācī̱no re̱vate̱ saubha̍gāya ॥10.116.2॥
अ॒स्य पि॑ब क्षु॒मत॒: प्रस्थि॑त॒स्येन्द्र॒ सोम॑स्य॒ वर॒मा सु॒तस्य॑ ।
स्व॒स्ति॒दा मन॑सा मादयस्वाऽर्वाची॒नो रे॒वते॒ सौभ॑गाय