Śaṅkara by tradition
manobuddhyahaṅkāracittāni nāhaṃ na ca śrotrajihve na ca ghrāṇanetre |
na ca vyoma bhūmirna tejo na vāyuścidānandarūpaḥ śivo'haṃ śivo'ham ||
||1||na ca prāṇasaṃjño na vai pañcavāyurna vā saptadhāturna vā pañcakośaḥ |
na vākpāṇipādau na copasthapāyū cidānandarūpaḥ śivo'haṃ śivo'ham ||
||2||na me dveṣarāgau na me lobhamohau mado naiva me naiva mātsaryabhāvaḥ |
na dharmo na cārtho na kāmo na mokṣaścidānandarūpaḥ śivo'haṃ śivo'ham ||
||3||na puṇyaṃ na pāpaṃ na saukhyaṃ na duḥkhaṃ na mantro na tīrthaṃ na vedā na yajñāḥ |
ahaṃ bhojanaṃ naiva bhojyaṃ na bhoktā cidānandarūpaḥ śivo'haṃ śivo'ham ||
||4||na mṛtyurna śaṅkā na me jātibhedaḥ pitā naiva me naiva mātā na janma |
na bandhurna mitraṃ gururnaiva śiṣyaścidānandarūpaḥ śivo'haṃ śivo'ham ||
||5||ahaṃ nirvikalpo nirākārarūpo vibhurvyāpya sarvatra sarvendriyāṇām |
sadā me samatvaṃ na muktirna bandhaścidānandarūpaḥ śivo'haṃ śivo'ham ||
||6||iti śrīmacchaṅkarācāryaviracitaṃ ātmaṣaṭkaṃ sampūrṇam