śrīśaṅkarabhagavatpādakṛtam
nāgendrahārāya trilocanāya
bhasmāṅgarāgāya maheśvarāya |
nityāya śuddhāya digambarāya
tasmai nakārāya namaḥ śivāya ||
||1||mandākinī-salilacandana-carcitāya
nandīśvara-pramathanātha-maheśvarāya |
mandārapuṣpa-bahupuṣpa-supūjitāya
tasmai makārāya namaḥ śivāya ||
||2||śivāya gaurīvadanābja-vṛnda-
sūryāya dakṣādhvaranāśakāya |
śrīnīlakaṇṭhāya vṛṣadhvajāya
tasmai śikārāya namaḥ śivāya ||
||3||vasiṣṭha-kumbhodbhava-gautamārya-
munīndra-devārcitaśekharāya |
candrārka-vaiśvānaralocanāya
tasmai vakārāya namaḥ śivāya ||
||4||yakṣasvarūpāya jaṭādharāya
pinākahastāya sanātanāya |
divyāya devāya digambarāya
tasmai yakārāya namaḥ śivāya ||
||5||pañcākṣaramidaṃ puṇyaṃ yaḥ paṭhecchivasannidhau |
śivalokamavāpnoti śivena saha modate ||
||6||iti śrīmatparamahaṃsaparivrājakācāryasya śrī-govinda-bhagavatpūjya-pāda-śiṣyasya śrīmacchaṅkarabhagavataḥ kṛtau śrī-śivapañcākṣarastotraṃ sampūrṇam