Study
- Anukramaṇī
- indraḥ (pūrvasyāṃ diśi) · agniḥ (āgneyyām) · yamaḥ (dakṣiṇasyām) · nirṛtiḥ (nairṛtyām) · varuṇaḥ (paścimasyām) · vāyuḥ (vāyavyām) · somaḥ / kuberaḥ (uttarasyām) · īśānaḥ (aiśānyām) · ādityaḥ / antarikṣam (ūrdhvāyām) · pṛthivī / anantaḥ (adhastāt)
- Source
- Taittirīya / Ṛgveda corpus, as compiled in Yājuṣa Mantra Ratnākaram. Learn svara from a guru.
indraḥ (pūrvasyāṃ diśi)
trā̱tāra̱mindra̍mavi̱tāra̱mindra̱gͫ have̍have su̱hava̱gͫ śūra̱mindra̎m| hve nu śa̱kraṃ pu̍ruhū̱tamindra̍gͫ̄ sva̱sti no̍ ma̱ghavā̍ dhā̱tvindra̍ḥ|| indrāya namaḥ||
||1||agniḥ (āgneyyām)
tvaṃ no̍ agne̱ varu̍ṇasya vi̱dvān de̱vasya̱ heḍo'va̍ yāsisīṣṭhāḥ| yaji̍ṣṭho̱ vahni̍tama̱ḥ śośu̍cāno̱ viśvā̱ dveṣā̍ṃsi̱ pra mu̍mugdhya̱smat|| agnaye namaḥ||
||2||yamaḥ (dakṣiṇasyām)
su̱gaṃ na̍ḥ panthā̱mabha̍yaṃ kṛṇotu| yasmi̱nnakṣa̍tre ya̱ma eti̱ rājā̎| yasmi̍nnenama̱bhyaṣi̍ñcanta de̱vāḥ| tada̍sya ci̱tragͫ ha̱viṣā̍ yajāma|| yamāya namaḥ||
||3||nirṛtiḥ (nairṛtyām)
asu̍nvanta̱maya̍jamānamicchaste̱nasye̱tyāṃ taska̍ra̱syānve̍ṣi| a̱nyama̱smadi̍ccha̱ sā ta̍ i̱tyā namo̍ devi nirṛte̱ tubhya̍mastu|| nirṛtaye namaḥ||
||4||varuṇaḥ (paścimasyām)
tattvā̍ yāmi̱ brahma̍ṇā̱ vanda̍māna̱stadā śā̎ste̱ yaja̍māno ha̱virbhi̍ḥ| ahe̍ḍamāno varuṇe̱ha bo̱dhyuru̍śagͫsa̱ mā na̱ āyu̱ḥ pra mo̍ṣīḥ|| varuṇāya namaḥ||
||5||vāyuḥ (vāyavyām)
ā no̍ ni̱yudbhi̍ḥ śa̱tinī̍bhiradhva̱ram| sa̱ha̱sriṇī̍bhi̱rupa̍yāhi ya̱jñam| vāyo̍ a̱smin ha̱viṣi̍ mādayasva| yū̱yaṃ pā̍taḥ sva̱stibhi̱ḥ sadā̍ naḥ|| vāyave namaḥ||
||6||somaḥ / kuberaḥ (uttarasyām)
va̱yagͫ so̍ma vra̱te tava̍| mana̍sta̱nūṣu̱ bibhra̍taḥ| pra̱jāva̍nto aśīmahi| i̱ndrā̱ṇī de̱vī su̱bhagā̍su̱patnī̎|| somāya namaḥ||
||7||īśānaḥ (aiśānyām)
tamīśā̎na̱ṃ jaga̍tasta̱sthuṣa̱spatiṃᇺ dhiyaṃ ji̱nvamava̍se hūmahe va̱yam| pū̱ṣā no̱ yathā̱ veda̍sāmasa̍dvṛ̱dhe ra̍kṣi̱tā pā̱yurada̍bdhaḥ sva̱staye̎|| īśānāya namaḥ||
||8||ādityaḥ / antarikṣam (ūrdhvāyām)
a̱sme ru̱drā me̱hanā̱ parva̍tāso vṛtra̱hatye̱ bhara̍hūtai sa̱joṣā̎ḥ| yaḥ śaṃsa̍te stuva̱te dhāyi̍pa̱jra indra̍jyeṣṭhā a̱smām̐ a̍vantu de̱vāḥ|| ādhityāya namaḥ||
||9||pṛthivī / anantaḥ (adhastāt)
syo̱nā pṛ̍thi̱vi bhavā̍ nṛkṣa̱rā ni̱veśa̍nī| yacchā̍ na̱ḥ śarma̍ sa̱prathā̎ḥ|| anantāya namaḥ||
||10||