Study
- Anukramaṇī
- tai॰ā॰ 3.7
- Saṃhitā citations
- Source
- Taittirīya / Ṛgveda corpus, as compiled in Yājuṣa Mantra Ratnākaram. Learn svara from a guru.
tai॰ā॰ 3.7
brā̱hma̱ṇa eka̍hotā|
sa ya̱jñaḥ|
sa me̍ dadātu pra̱jāṃ pa̱śūnpuṣṭi̱ṃ yaśa̍ḥ|
ya̱jñaśca̍ me bhūyāt|
a̱gnirdviho̍tā|
sa bha̱rtā|
sa me̍ dadātu pra̱jāṃ pa̱śūnpuṣṭi̱ṃ yaśa̍ḥ|
bha̱rtā ca̍ me bhūyāt|
pṛ̱thi̱vī triho̍tā|
sa pra̍ti̱ṣṭhā||7||
sa me̍ dadātu pra̱jāṃ pa̱śūnpuṣṭi̱ṃ yaśa̍ḥ|
pra̱ti̱ṣṭhā ca̍ me bhūyāt|
a̱ntari̍kṣa̱ṃ catu̍rhotā|
sa vi̱ṣṭhāḥ|
sa me̍ dadātu pra̱jāṃ pa̱śūnpuṣṭi̱ṃ yaśa̍ḥ|
vi̱ṣṭhāśca̍ me bhūyāt|
vā̱yuḥ pañca̍hotā|
sa prā̱ṇaḥ|
sa me̍ dadātu pra̱jāṃ pa̱śūnpuṣṭi̱ṃ yaśa̍ḥ|
prā̱ṇaśca̍ me bhūyāt||8||
ca̱ndramā̱ḥ ṣaḍḍho̍tā|
sa ṛ̱tūnka̍lpayāti|
sa me̍ dadātu pra̱jāṃ pa̱śūnpuṣṭi̱ṃ yaśa̍ḥ|
ṛ̱tava̍śca me kalpantām|
annagͫ̍ sa̱ptaho̍tā|
sa prā̱ṇasya̍ prā̱ṇaḥ|
sa me̍ dadātu pra̱jāṃ pa̱śūnpuṣṭi̱ṃ yaśa̍ḥ|
prā̱ṇasya̍ ca me prā̱ṇo bhū̍yāt|
dyaura̱ṣṭaho̍tā|
so̍'nādhṛ̱ṣyaḥ||9||
sa me̍ dadātu pra̱jāṃ pa̱śūnpuṣṭi̱ṃ yaśa̍ḥ|
a̱nā̱dhṛ̱ṣyaśca̍ bhūyāsam|
ā̱di̱tyo nava̍hotā|
sa te̍ja̱svī|
sa me̍ dadātu pra̱jāṃ pa̱śūnpuṣṭi̱ṃ yaśa̍ḥ|
te̱ja̱svī ca̍ bhūyāsam|
pra̱jāpa̍ti̱rdaśa̍hotā|
sa i̱dagͫ sarvam̎|
sa me̍ dadātu pra̱jāṃ pa̱śūnpuṣṭi̱ṃ yaśa̍ḥ|
sarva̍ṃ ca me bhūyāt||10|| ॥TA 3.7॥
||1||