paurṇamāsyāṃ viśeṣeṇa kriyate| dīpāvalyāmamāvāsyāyāmaṣṭamyāṃ dvādaśyāṃ bhānusomaśukravāsareṣu māsapraveśadineṣu ca rātrau kartuṃ śakyate| sarvamaṅgaladhanadhānyavaṃśasamṛddhikāmaiḥ sarvaiḥ pūjyaḥ| kathā atra na mudritā|
Pūrvāṅgapūjā. Do this common opening first, then continue with the principal worship below. Pūrvāṅgapūjā
Pūrvāṅgapūjā
Hide
ācamanam
dhyānam
śuklāmbaradharaṃ viṣṇuṃ śaśivarṇaṃ caturbhujam|
prasannavadanaṃ dhyāyet sarvavighnopaśāntaye ||
prāṇāyāmaḥ — saṅkalpaḥ
apa upaspṛśya
mamopāttasamastaduritakṣayadvārā śrīparameśvaraprītyarthaṃ kariṣyamāṇasya karmaṇaḥ nirvighnena parisamāptyarthaṃ ādau vighneśvarapūjāṃ kariṣye|
mahadbhandanam
ābrahmalokādārohāt ālokāt lokaparvatāt|
ye vasanti dvijā devāstebhyo nityaṃ namo namaḥ ||
āsanapūjā
pṛthivyā merupṛṣṭha ṛṣiḥ| sutalaṃ chandaḥ| kūrmo devatā| āsane viniyogaḥ|
pṛthivi tvayā dhṛtā lokā devi tvaṃ viṣṇunā dhṛtā|
tvaṃ ca dhāraya māṃ devi pavitraṃ cāsanaṃ kuru ||
ghaṇṭāpūjā
ghaṇṭānādaṃ kṛtvā|
āgamārthaṃ tu devānāṃ gamanārthaṃ tu rakṣasām|
ghaṇṭāravaṃ karomyādau devatāhvānakāraṇam ||
vighneśvarapūjā
asmin haridrābimbe śrīvighneśvaraṃ dhyāyāmi|
āvāhayāmi| āsanaṃ samarpayāmi| pādayoḥ pādyaṃ samarpayāmi| arghyaṃ samarpayāmi| ācamanīyaṃ samarpayāmi| madhuparkaṃ samarpayāmi| snānaṃ samarpayāmi| ācamanīyaṃ samarpayāmi| vastraṃ samarpayāmi| upavītaṃ samarpayāmi| divyaparimalagandhān dhārayāmi| akṣatān samarpayāmi| puṣpaiḥ pūjayāmi|
| sumukhāya namaḥ |
| ekadantāya namaḥ |
| kapilāya namaḥ |
| gajakarṇikāya namaḥ |
| lambodarāya namaḥ |
| vikaṭāya namaḥ |
| vighnarājāya namaḥ |
| vināyakāya namaḥ |
| dhūmaketave namaḥ |
| gaṇādhyakṣāya namaḥ |
| phālacandrāya namaḥ |
| gajānanāya namaḥ |
| vakratuṇḍāya namaḥ |
| śūrpakarṇāya namaḥ |
| herambāya namaḥ |
| skandapūrvajāya namaḥ |
| siddhivināyakāya namaḥ |
| śrīmahāgaṇapataye namaḥ |
upacārāḥ
dhūpamāghrāpayāmi| dīpaṃ darśayāmi| nivedayāmi| karpūranīrājanaṃ darśayāmi| samastopacārapūjāṃ samarpayāmi|
prārthanā
vakratuṇḍa mahākāya sūryakoṭisamaprabha|
nirvighnaṃ kuru me deva sarvakāryeṣu sarvadā ||
iti prārthya| prāṇāyāmaḥ|
saṅkalpaḥ
śubhe śobhane muhūrte ādyabrahmaṇaḥ dvitīyaparādhe śvetavarāhakalpe vaivasvatamanvantare aṣṭāviṃśatitame kaliyuge prathame pāde jambūdvīpe bhāratavarṣe bharatakhaṇḍe merordakṣiṇe pārśve śakābde asmin vartamāne vyāvahārike prabhavādiṣaṣṭisaṃvatsarāṇāṃ madhye …… nāma saṃvatsare …… ayane …… ṛtau …… māse …… pakṣe …… śubhatithau …… vāsarayuktāyāṃ …… nakṣatrayuktāyāṃ śubhayogaśubhakaraṇasakalaviśeṣaṇaviśiṣṭāyāmasyāṃ śubhatithau mamopāttasamastaduritakṣayadvārā śrīparameśvaraprītyarthaṃ śrīsatyanārāyaṇaprītyarthaṃ yathāśakti dhyānāvāhanādiṣoḍaśopacāraiḥ satyanārāyaṇapūjāṃ kariṣye|
apa upaspṛśya| śrīvighneśvarāya namaḥ yathāsthānaṃ pratiṣṭhāpayāmi| śobhanārthe kṣemāya punarāgamanāya ca| iti vighneśvaramudrām|
kalaśapūjā
kalaśaṃ gandhapuṣpākṣatairabhyarcya| kalaśajalena tattaddevatānāma yojayet| pūjādravyāṇi ātmānaṃ ca prokṣya|
gaṅge ca yamune caiva godāvari sarasvati|
narmade sindhu kāveri jale'smin sannidhiṃ kuru ||
| gaṅgāyai namaḥ | |
| yamunāyai namaḥ | |
| godāvaryai namaḥ | |
| sarasvatyai namaḥ | |
| narmadāyai namaḥ | |
| sindhave namaḥ | |
| kāveryai namaḥ | puṣpaiḥ pūjayāmi| |
śaṅkhapūjā
kalaśodakena śaṅkhaṃ pūrayet| śaṅkhajalena pūjopakaraṇāni dravyāṇi ātmānaṃ ca triḥ prokṣya, punaḥ śaṅkhaṃ pūrayet|
tvaṃ purā sāgarotpanno viṣṇunā vidhṛtaḥ kare|
devaiśca pūjitaḥ sarvaiḥ pāñcajanya namo'stu te ||
ātmapūjā
deho devālayaḥ prokto jīvo devaḥ sanātanaḥ|
tyajāmyajñānanirmūlyaṃ so'haṃbhāvena pūjaye ||
pīṭhapūjā
| oṃ sakalaguṇātmaśaktiyuktāya yogapīṭhāya namaḥ |
| ādhāraśaktyai namaḥ |
| mūlaprakṛtyai namaḥ |
| ādivarāhāya namaḥ |
| ādikūrmāya namaḥ |
| anantāya namaḥ |
| pṛthivyai namaḥ |
| ādityādinavagrahadevatābhyo namaḥ |
| daśadikpālebhyo namaḥ |
gurudhyānam
gururbrahmā gururviṣṇurgururdevo maheśvaraḥ|
guruḥ sākṣāt paraṃ brahma tasmai śrīgurave namaḥ ||
śrīguruṃ dhyāyāmi|
Pradhānapūjā
dhyānam
śuklāmbaradharaṃ viṣṇuṃ śaśivarṇaṃ caturbhujam|
prasannavadanaṃ dhyāyet sarvavighnopaśāntaye ||
satyanārāyaṇadhyānam
satyanārāyaṇaṃ devaṃ vande pakṣīndrasaṃsthitam|
śuklavarṇaṃ pītavāsaṃ devadevaṃ caturbhujam ||
śaṅkhacakragadāpadmaṃ dhārayantaṃ manoharam|
kṣīrodatanayāyuktaṃ vanamālāvibhūṣitam ||
vande satyaṃ guṇātītaṃ guṇatrayasamanvitam|
lokanāthaṃ trilokeśaṃ kaustubhābharaṇaṃ harim ||
nīlavarṇaṃ pītavāsaṃ śrīvatsapadabhūṣitam|
govindaṃ gokulānandaṃ brahmādyairapi pūjitam ||
āvāhanam
āgaccha deva deveśa tejorāśe jagatpate|
kriyamāṇāṃ mayā pūjāṃ gṛhāṇa surasattama ||
śrīlakṣmīsahitaśrīsatyanārāyaṇaṃ sāṅgaṃ saparivāraṃ dhyāyāmi, āvāhayāmi ||
āsanam
nānāratnasamāyuktaṃ kārtasvaravibhūṣitam|
āsanaṃ devadeveśa prītyarthaṃ pratigṛhyatām ||
satyanārāyaṇāya namaḥ| āsanaṃ samarpayāmi ||
pādyam
gaṅgādisarvatīrthebhyo mayā prārthanayā hṛtam|
toyametat sukhasparśaṃ pādyārthaṃ pratigṛhyatām ||
satyanārāyaṇāya namaḥ| pādyaṃ samarpayāmi ||
arghyam
namaste devadeveśa namaste dharaṇīdhara|
namaste kamalākānta gṛhāṇārghyaṃ namo'stu te ||
satyanārāyaṇāya namaḥ| arghyaṃ samarpayāmi ||
ācamanīyam
karpūravāsitaṃ toyaṃ mandākinyāḥ samāhṛtam|
ācamyatāṃ jagannātha mayā dattaṃ hi bhaktitaḥ ||
satyanārāyaṇāya namaḥ| ācamanīyaṃ samarpayāmi ||
snānam
gaṅgā ca yamunā caiva narmadā ca sarasvatī|
tāpī payoṣṇī revā ca tābhyaḥ snānārthamāhṛtam ||
satyanārāyaṇāya namaḥ| payaḥsnānaṃ, dadhisnānaṃ, ghṛtasnānaṃ, madhusnānaṃ, śarkarāsnānaṃ ca samarpayāmi || tadanantaraṃ śuddhodakasnānaṃ samarpayāmi ||
gandhodakasnānam
haricandanasambhūtaṃ hariprīteśca gauravāt|
surabhipriya govinda gandhaṃ snānāya gṛhyatām ||
satyanārāyaṇāya namaḥ| gandhodakasnānaṃ samarpayāmi ||
abhyaṅgasnānam
abhyaṅgārthaṃ mahīpāla tailaṃ puṣpādisambhavam|
sugandhadravyasaṃmiśraṃ saṃgṛhāṇa jagatpate ||
satyanārāyaṇāya namaḥ| abhyaṅgasnānaṃ samarpayāmi || ācamanīyaṃ samarpayāmi || oṃ namo nārāyaṇāya iti dvādaśavāraṃ japet ||
vastram
taptakāñcanavarṇābhe anarghamṛdule śubhe|
pāhi māṃ puṇḍarīkākṣa vāsasī pratigṛhyatām ||
satyanārāyaṇāya namaḥ| vastrayugmaṃ samarpayāmi ||
kañcukī
navaratnādibhirbaddhāṃ sauvarṇaiścaiva tantubhiḥ|
nirmitāṃ kañcukīṃ bhaktyā gṛhāṇa parameśvari ||
mahālakṣmyai namaḥ| kañcukīṃ samarpayāmi || kaṇṭhasūtraṃ samarpayāmi| haridrāṃ samarpayāmi || kuṅkumaṃ samarpayāmi || kajjalaṃ samarpayāmi || sindūraṃ samarpayāmi| nānābharaṇāni samarpayāmi || nānāparimaladravyaṃ samarpayāmi ||
yajñopavītam
brahmaviṣṇumaheśaiśca nirmitaṃ brahmasūtrakam|
yajñopavītaṃ taddānāt prīyatāṃ kamalāpatiḥ ||
satyanārāyaṇāya namaḥ| yajñopavītaṃ samarpayāmi ||
gandhaḥ
gorocanaṃ candanadevadārukarpūrakṛṣṇāgarunāgarāṇi|
kastūrikākesaramiśritāni yathocitaṃ satya mayārpitāni ||
satyanārāyaṇāya namaḥ| gandhaṃ samarpayāmi ||
akṣatāḥ
śvetacandanasaṃyuktān kuṅkumena virājitān|
samarpaye'kṣatān deva nārāyaṇa namo'stu te ||
satyanārāyaṇāya namaḥ| akṣatān samarpayāmi ||
puṣpāṇi
sevantikāvakulacampakapāṭalābjaiḥ punnāgajātikaravīrarasālapuṣpaiḥ|
bilvapravālatulasīdalamālatībhistvāṃ pūjayāmi jagadīśvara me prasīda ||
satyanārāyaṇāya namaḥ| puṣpāṇi samarpayāmi ||
vaijayantīmālā
tulasīkundamandārapārijātāmbujaistathā|
pañcabhirgrathitā mālā vaijayantīti kathyate ||
satyanārāyaṇāya namaḥ| vaijayantīmālāṃ samarpayāmi ||
alaṅkārāḥ
kaṭisūtrāṅgulīye ca kuṇḍale makuṭaṃ tathā|
vanamālāṃ kaustubhaṃ ca gṛhāṇa puruṣottama ||
satyanārāyaṇāya namaḥ| nānālaṅkārān samarpayāmi ||
aṅgapūjā
| śrīsatyaparabrahmaṇe namaḥ | pādau pūjayāmi| |
| saṃkarṣaṇāya namaḥ | gulphau pūjayāmi| |
| kālātmane namaḥ | jānunī pūjayāmi| |
| viśvarūpāya namaḥ | jaṅghe pūjayāmi| |
| viśvāya namaḥ | kaṭiṃ pūjayāmi| |
| padmanābhāya namaḥ | nābhiṃ pūjayāmi| |
| paramātmane namaḥ | hṛdayaṃ pūjayāmi| |
| vaikuṇṭhāya namaḥ | kaṇṭhaṃ pūjayāmi| |
| sarvāstradhāriṇe namaḥ | bāhūn pūjayāmi| |
| vācaspataye namaḥ | mukhaṃ pūjayāmi| |
| haraye namaḥ | jihvāṃ pūjayāmi| |
| dāmodarāya namaḥ | dantān pūjayāmi| |
| sahasrākṣāya namaḥ | netre pūjayāmi| |
| keśavāya namaḥ | lalāṭaṃ pūjayāmi| |
| sarvātmane namaḥ | śiraḥ pūjayāmi| |
| śrīlakṣmīsahitaśrīsatyanārāyaṇāya namaḥ | sarvāṇyaṅgāni pūjayāmi| |
aṣṭottaraśatanāmārcanā
tulasīdalaiḥ arcanā ||
Satyanārāyaṇa aṣṭottaraśata nāmāvaliḥOpen as a separate page
- 1oṃ nārāyaṇāya namaḥ
- 2oṃ narāya namaḥ
- 3oṃ śauraye namaḥ
- 4oṃ cakrapāṇaye namaḥ
- 5oṃ janārdanāya namaḥ
- 6oṃ vāsudevāya namaḥ
- 7oṃ jagadyonaye namaḥ
- 8oṃ vāmanāya namaḥ
- 9oṃ jñānapañjarāya namaḥ
- 10oṃ śrīvallabhāya namaḥ
- 11oṃ jagannāthāya namaḥ
- 12oṃ caturmūrtaye namaḥ
- 13oṃ vyomakeśāya namaḥ
- 14oṃ hṛṣīkeśāya namaḥ
- 15oṃ śaṅkarāya namaḥ
- 16oṃ garuḍadhvajāya namaḥ
- 17oṃ nārasiṃhāya namaḥ
- 18oṃ mahādevāya namaḥ
- 19oṃ svayambhuve namaḥ
- 20oṃ bhuvaneśvarāya namaḥ
- 21oṃ śrīdharāya namaḥ
- 22oṃ devakīputrāya namaḥ
- 23oṃ pārthasārathaye namaḥ
- 24oṃ acyutāya namaḥ
- 25oṃ śaṅkhapāṇaye namaḥ
- 26oṃ parañjyotiṣe namaḥ
- 27oṃ ātmajyotiṣe namaḥ
- 28oṃ acañcalāya namaḥ
- 29oṃ śrīvatsāṅkāya namaḥ
- 30oṃ akhilādhārāya namaḥ
- 31oṃ sarvalokapratiprabhave namaḥ
- 32oṃ trivikramāya namaḥ
- 33oṃ trikālajñānāya namaḥ
- 34oṃ tridhāmne namaḥ
- 35oṃ karuṇākarāya namaḥ
- 36oṃ sarvajñāya namaḥ
- 37oṃ sarvagāya namaḥ
- 38oṃ sarvasmai namaḥ
- 39oṃ sarveśāya namaḥ
- 40oṃ sarvasākṣikāya namaḥ
- 41oṃ haraye namaḥ
- 42oṃ śārṅgiṇe namaḥ
- 43oṃ harāya namaḥ
- 44oṃ śeṣāya namaḥ
- 45oṃ halāyudhāya namaḥ
- 46oṃ sahasrabāhave namaḥ
- 47oṃ avyaktāya namaḥ
- 48oṃ sahasrākṣāya namaḥ
- 49oṃ akṣarāya namaḥ
- 50oṃ kṣarāya namaḥ
- 51oṃ gajārighnāya namaḥ
- 52oṃ keśavāya namaḥ
- 53oṃ keśimardanāya namaḥ
- 54oṃ kaiṭabhāraye namaḥ
- 55oṃ avidyāraye namaḥ
- 56oṃ kāmadāya namaḥ
- 57oṃ kamalekṣaṇāya namaḥ
- 58oṃ haṃsaśatrave namaḥ
- 59oṃ adharmaśatrave namaḥ
- 60oṃ kākutsthāya namaḥ
- 61oṃ khagavāhanāya namaḥ
- 62oṃ nīlāmbudadyutaye namaḥ
- 63oṃ nityāya namaḥ
- 64oṃ nityatṛptāya namaḥ
- 65oṃ nityānandāya namaḥ
- 66oṃ surādhyakṣāya namaḥ
- 67oṃ nirvikalpāya namaḥ
- 68oṃ nirañjanāya namaḥ
- 69oṃ brahmaṇyāya namaḥ
- 70oṃ pṛthivīnāthāya namaḥ
- 71oṃ pītavāsase namaḥ
- 72oṃ guhāśrayāya namaḥ
- 73oṃ vedagarbhāya namaḥ
- 74oṃ vibhave namaḥ
- 75oṃ viṣṇave namaḥ
- 76oṃ śrīmate namaḥ
- 77oṃ trailokyabhūṣaṇāya namaḥ
- 78oṃ yajñamūrtaye namaḥ
- 79oṃ ameyātmane namaḥ
- 80oṃ varadāya namaḥ
- 81oṃ vāsavānujāya namaḥ
- 82oṃ jitendriyāya namaḥ
- 83oṃ jitakrodhāya namaḥ
- 84oṃ samadṛṣṭaye namaḥ
- 85oṃ sanātanāya namaḥ
- 86oṃ bhaktapriyāya namaḥ
- 87oṃ jagatpūjyāya namaḥ
- 88oṃ paramātmane namaḥ
- 89oṃ asurāntakāya namaḥ
- 90oṃ sarvalokānāmantakāya namaḥ
- 91oṃ anantāya namaḥ
- 92oṃ anantavikramāya namaḥ
- 93oṃ māyādhārāya namaḥ
- 94oṃ nirādhārāya namaḥ
- 95oṃ sarvādhārāya namaḥ
- 96oṃ dharādhārāya namaḥ
- 97oṃ niṣkalaṅkāya namaḥ
- 98oṃ nirābhāsāya namaḥ
- 99oṃ niṣprapañcāya namaḥ
- 100oṃ nirāmayāya namaḥ
- 101oṃ bhaktavaśyāya namaḥ
- 102oṃ mahodārāya namaḥ
- 103oṃ puṇyakīrtaye namaḥ
- 104oṃ purātanāya namaḥ
- 105oṃ trikālajñāya namaḥ
- 106oṃ viṣṭaraśravase namaḥ
- 107oṃ caturbhujāya namaḥ
- 108oṃ śrīsatyanārāyaṇasvāmine namaḥ
dhūpaḥ
vanaspatirasodbhūto gandhāḍhyo gandha uttamaḥ|
āghreyaḥ sarvadevānāṃ dhūpo'yaṃ pratigṛhyatām ||
satyanārāyaṇāya namaḥ| dhūpam āghrāpayāmi ||
dīpaḥ
sājyaṃ trivartisaṃyuktaṃ vahninā yojitaṃ mayā|
dīpaṃ gṛhāṇa deveśa trailokyatimirāpaha ||
bhaktyā dīpaṃ prayacchāmi devāya paramātmane|
trāhi māṃ nirayād ghorād dīpajyotirnamo'stu te ||
satyanārāyaṇāya namaḥ| dīpaṃ darśayāmi ||
naivedyam
rambhāphalaṃ ghṛtaṃ kṣīraṃ godhūmasya ca cūrṇakam|
śarkarāyuktanaivedyaṃ sapādaṃ bhakṣyamuttamam ||
satyanārāyaṇāya namaḥ| naivedyaṃ samarpayāmi| madhye pānīyaṃ samarpayāmi|
tāmbūlam
pūgīphalaṃ sakarpūraṃ nāgavallīdalairyutam|
elālavaṅgasaṃyuktaṃ tāmbūlaṃ pratigṛhyatām ||
satyanārāyaṇāya namaḥ| tāmbūlaṃ samarpayāmi ||
karpūranīrājanam
karpūrakaṃ mahārāja rambhodbhūtaṃ ca dīpakam|
maṅgalārthaṃ mahīpāla saṃgṛhāṇa jagatpate ||
satyanārāyaṇāya namaḥ| karpūranīrājanaṃ samarpayāmi ||
pradakṣiṇam
yāni kāni ca pāpāni janmāntarakṛtāni ca|
tāni tāni vinaśyanti pradakṣiṇapade pade ||
anyathā śaraṇaṃ nāsti tvameva śaraṇaṃ mama|
tasmāt kāruṇyabhāvena rakṣa rakṣa ramāpate ||
satyanārāyaṇāya namaḥ| pradakṣiṇaṃ samarpayāmi ||
namaskāraḥ
namaḥ sarvahitārthāya jagadādhārahetave|
sāṣṭāṅgo'yaṃ praṇāmaste prayatnena mayā kṛtaḥ ||
satyanārāyaṇāya namaḥ| namaskārān samarpayāmi ||
rājopacārāḥ
gṛhāṇa parameśāna saratne chatracāmare|
darpaṇaṃ vyajanaṃ caiva rājabhogāya yatnataḥ ||
satyanārāyaṇāya namaḥ| chatraṃ samarpayāmi| cāmaraṃ samarpayāmi| gītaṃ samarpayāmi| nṛtyaṃ samarpayāmi| vādyaṃ samarpayāmi| samastarājopacārān samarpayāmi ||
mantrapuṣpam
vidyābuddhidhanaiśvaryaputrapautrādisampadaḥ|
puṣpāñjalipradānena dehi me īpsitaṃ varam ||
mantrapuṣpaṃ samarpayāmi ||
prārthanā
yanmayā bhaktiyuktena patraṃ puṣpaṃ phalaṃ jalam|
niveditaṃ ca naivedyaṃ tadgṛhāṇānukampayā ||
mantrahīnaṃ kriyāhīnaṃ vidhihīnaṃ janārdana|
yatpūjitaṃ mayā deva paripūrṇaṃ tadastu me ||
tvadīyaṃ vastu govinda tubhyameva samarpaye|
gṛhāṇa sumukho bhūtvā prasīda puruṣottama ||
amoghaṃ puṇḍarīkākṣaṃ nṛsiṃhaṃ daityasūdanam|
hṛṣīkeśaṃ jagannāthaṃ vāgīśaṃ varadāyakam|
śrīrādhāramaṇaṃ kṛṣṇaṃ keśavaṃ kamalāpatim|
dāmodaraṃ vāsudevaṃ mukundaṃ puruṣottamam ||
praṇamāmi sadā bhaktyā nārāyaṇamataḥ param|
durgame viṣame ghore śatrubhiḥ paripīḍite ||
kugrāme ca kusaṅge ca kurogajanane viṣe|
jalāgninṛpacorebhyaḥ rakṣa rakṣa janārdana ||
devadānavabhūtebhyaḥ vaneṣu vanavāsibhiḥ|
śastrebhyaḥ sarvaduḥkhebhyaḥ pāpebhyo rakṣa keśava|
nistārayasva sarveṣu tathā'niṣṭabhayeṣu ca|
nāmānyetāni saṃkīrtya cepsitaṃ phalamāpnuyāt || 5 ||
satyanārāyaṇaṃ devaṃ vande'haṃ kāmadaṃ prabhum|
līlayā vitataṃ viśvaṃ yena tasmai namo namaḥ || 6 ||
navāmbhojanetraṃ ramākelipātraṃ caturbāhucāmīkaraṃ cārugātram|
jagattrāṇahetuṃ ripordhūmaketuṃ sadā satyanārāyaṇaṃ naumi devam ||
vidhihīnaṃ kriyāhīnaṃ bhaktihīnaṃ yadarcitam|
pūrṇaṃ bhavatu tatsarvaṃ tvatprasādāt janārdana || 8 ||
rūpaṃ dehi yaśo dehi bhāgyaṃ keśava dehi me|
dharmān dehi dhanaṃ dehi sarvān kāmān pradehi me || 9 ||
āvāhanaṃ na jānāmi na jānāmi visarjanam|
pūjāvidhiṃ na jānāmi kṣamasva puruṣottama ||
samarpaṇam
anayā pūjayā śrīlakṣmīsahitaśrīsatyanārāyaṇaḥ prīyatām ||