pāramparikam
cāmuṇḍikāmbā śrīkaṇṭhaḥ pārvatī parameśvaraḥ |
mahārājñī mahādevaḥ sadārādhyā sadāśivaḥ ||
||1||śivārdhāṅgī śivārdhāṅgo bhairavī kālabhairavaḥ |
śaktitritayarūpāḍhyā mūrtitritayarūpavān ||
||2||kāmakoṭi-supīṭhasthā kāśīkṣetrasamāśrayaḥ |
dākṣāyaṇī dakṣavairiḥ śūlinī śūladhārakaḥ ||
||3||hrīṅkārapañjaraśukī hariśaṅkararūpavān |
śrīmadgaṇeśajananī ṣaḍānana-sujanmabhūḥ ||
||4||pañcapretāsanārūḍhā pañcabrahmasvarūpabhṛt |
caṇḍamuṇḍaśiraśchetrī jalandharaśiroharaḥ ||
||5||siṃhavāhā vṛṣārūḍhaḥ śyāmābhā sphaṭikaprabhaḥ |
mahiṣāsurasaṃhartrī gajāsuravimardanaḥ ||
||6||mahābalācalāvāsā mahākailāsavāsabhūḥ |
bhadrakālī vīrabhadro mīnākṣī sundareśvaraḥ ||
||7||bhaṇḍāsurādisaṃhartrī duṣṭāndhakavimardanaḥ |
madhukaiṭabhasaṃhartrī madhurāpuranāyakaḥ ||
||8||kālatrayasvarūpāḍhyā kāryatrayavidhāyakaḥ |
girijātā girīśaśca vaiṣṇavī viṣṇuvallabhaḥ ||
||9||viśālākṣī viśvanāthaḥ puṣpāstrā viṣṇumārgaṇaḥ |
kausumbhavasanopetā vyāghracarmāmbarāvṛtaḥ ||
||10||mūlaprakṛtirūpāḍhyā parabrahmasvarūpavān |
ruṇḍamālāvibhūṣāḍhyā lasadrudrākṣamālikaḥ ||
||11||manorūpekṣukodaṇḍā mahāmerudhanurdharaḥ |
candracūḍā candramaulirmahāmāyā maheśvaraḥ ||
||12||mahākālī mahākālo divyarūpā digambaraḥ |
bindupīṭhasukhāsīnā śrīmadoṅkārapīṭhagaḥ ||
||13||haridrākuṅkumāliptā bhasmoddhūlitavigrahaḥ |
mahāpadmāṭavīlolā mahābilvāṭavīpriyaḥ ||
||14||sudhāmayī viṣadharo mātaṅgī makuṭeśvaraḥ |
vedavedyā vedavājī cakreśī viṣṇucakradaḥ ||
||15||jaganmayī jagadrūpo mṛḍānī mṛtyunāśanaḥ |
rāmārcitapadāmbhojā kṛṣṇaputravarapradaḥ ||
||16||ramāvāṇīsusaṃsevyā viṣṇubrahmasusevitaḥ |
sūryacandrāgninayanā tejastrayavilocanaḥ ||
||17||cidagnikuṇḍasambhūtā mahāliṅgasamudbhavaḥ |
kambukaṇṭhī kālakaṇṭho vajreśī vajripūjitaḥ ||
||18||trikaṇṭakī tribhaṅgīśo bhasmarakṣā smarāntakaḥ |
hayagrīvavaroddhātrī mārkaṇḍeyavarapradaḥ ||
||19||cintāmaṇigṛhāvāsā mandarācalamandiraḥ |
vindhyācalakṛtāvāsā vindhyaśailāryapūjitaḥ ||
||20||manonmanī liṅgarūpo jagadambā jagatpitā |
yoganidrā yogagamyo bhavānī bhavamūrtimān ||
||21||śrīcakrātmarathārūḍhā dharaṇīdharasaṃsthitaḥ |
śrīvidyāvedyamahimā nigamāgamasaṃśrayaḥ ||
||22||daśaśīrṣasamāyuktā pañcaviṃśatiśīrṣavān |
aṣṭādaśabhujāyuktā pañcāśatkaramaṇḍitaḥ ||
||23||brāhmyādimātṛkārūpā śatāṣṭekādaśātmavān |
sthirā sthāṇustathā bālā sadyojāta umā mṛḍaḥ ||
||24||śivā śivaśca rudrāṇī rudraścaiveśvarīśvaraḥ |
kadambakānanāvāsā dārukāraṇyalolupaḥ ||
||25||navākṣarīmanustutyā pañcākṣaramanupriyaḥ |
navāvaraṇasampūjyā pañcāyatanapūjitaḥ ||
||26||dehasthaṣaṭcakradevī daharākāśamadhyagaḥ |
yoginīgaṇasaṃsevyā bhṛgvādipramathāvṛtaḥ ||
||27||ugratārāghorarūpaḥ śarvāṇī śarvamūrtimān |
nāgaveṇī nāgabhūṣo mantriṇī mantradaivataḥ ||
||28||jvalajjihvā jvalannetro daṇḍanāthā dṛgāyudhaḥ |
pārthāñjanāstrasandātrī pārthapāśupatāstradaḥ ||
||29||puṣpavaccakratāṭaṅkā phaṇirājasukuṇḍalaḥ |
bāṇaputrīvaroddhātrī bāṇāsuravarapradaḥ ||
||30||vyālakañcukasaṃvītā vyālayajñopavītavān |
navalāvaṇyarūpāḍhyā navayauvanavigrahaḥ ||
||31||nāṭyapriyā nāṭyamūrtistrisandhyā tripurāntakaḥ |
tantropacārasuprītā tantrādimavidhāyakaḥ ||
||32||navavallīṣṭavaradā navavīrasujanmabhūḥ |
bhramarajyā vāsukijyo bheruṇḍā bhīmapūjitaḥ ||
||33||niśumbhaśumbhadamanī nīcāpasmāramardanaḥ |
sahasrārāmbujārūḍhā sahasrakamalārcitaḥ ||
||34||gaṅgāsahodarī gaṅgādharo gaurī triyambakaḥ |
śrīśailabhramarāmbākhyā mallikārjunapūjitaḥ ||
||35||bhavatāpapraśamanī bhavaroganivārakaḥ |
candramaṇḍalamadhyasthā munimānasahaṃsakaḥ ||
||36||pratyaṅgirā prasannātmā kāmeśī kāmarūpavān |
svayamprabhā svaprakāśaḥ kālarātrī kṛtāntahṛt ||
||37||sadānnapūrṇā bhikṣāṭo vanadurgā vasupradaḥ |
sarvacaitanyarūpāḍhyā saccidānandavigrahaḥ ||
||38||sarvamaṅgalarūpāḍhyā sarvakalyāṇadāyakaḥ |
rājarājeśvarī śrīmadrājarājapriyaṅkaraḥ ||
||39||ardhanārīśvarasyedaṃ nāmnāmaṣṭottaraṃ śatam |
paṭhannarcan sadā bhaktyā sarvasāmrājyamāpnuyāt ||
||40||iti śrīskāndapurāṇe śrī-ardhanārīśvarāṣṭottaraśatanāmastotraṃ sampūrṇam