skandapurāṇam
dhyānam
mādhavomādhavāvīśau sarvasiddhividhāyinau |
vande parasparātmānau parasparanutipriyau ||
||1||stotram
govinda mādhava mukunda hare murāre
śambho śiveśa śaśiśekhara śūlapāṇe |
dāmodarācyuta janārdana vāsudeva
tyājyā bhaṭā ya iti santatamāmananti ||
||2||gaṅgādharāndhakaripo hara nīlakaṇṭha
vaikuṇṭha kaiṭabharipo kamaṭhābjapāṇe |
bhūteśa khaṇḍaparaśo mṛḍa caṇḍikeśa
tyājyā bhaṭā ya iti santatamāmananti ||
||3||viṣṇo nṛsiṃha madhusūdana cakrapāṇe
gaurīpate giriśa śaṅkara candracūḍa |
nārāyaṇāsuranibarhaṇā śārṅgapāṇe
tyājyā bhaṭā ya iti santatamāmananti ||
||4||mṛtyuñjayogra viṣamekṣaṇa kāmaśatro
śrīkānta pītavasanāmbudanīla śaure |
īśāna kṛttivasana tridaśaikanātha
tyājyā bhaṭā ya iti santatamāmananti ||
||5||lakṣmīpate madhuripo puruṣottamādya
śrīkaṇṭha digvasana śānta pinākapāṇe |
ānandakanda dharaṇīdhara padmanābha
tyājyā bhaṭā ya iti santatamāmananti ||
||6||sarveśvara tripurasūdana devadeva
brahmaṇyadeva garuḍadhvaja śaṅkhapāṇe |
tryakṣoragābharaṇa bālamṛgāṅkamaule
tyājyā bhaṭā ya iti santatamāmananti ||
||7||śrīrāma rāghava rameśvara rāvaṇāre
bhūteśa manmatharipo pramathādhinātha |
cāṇūramardana hṛṣīkapate murāre
tyājyā bhaṭā ya iti santatamāmananti ||
||8||śūlin girīśa rajanīśakalāvataṃsa
kaṃsapraṇāśana sanātana keśināśa |
bharga trinetra bhava bhūtapate purāre
tyājyā bhaṭā ya iti santatamāmananti ||
||9||gopīpate yadupate vasudevasūno
karpūragaura vṛṣabhadhvaja bhālanetra |
govardhanoddharaṇa dharmadhurīṇa gopa
tyājyā bhaṭā ya iti santatamāmananti ||
||10||sthāṇo trilocana pinākadhara smarāre
kṛṣṇāniruddha kamalākara kalmaṣāre |
viśveśvara tripathagārdrajaṭākalāpa
tyājyā bhaṭā ya iti santatamāmananti ||
||11||aṣṭottarādhikaśatena sucārunāmnāṃ
sandarbhitāṃ lalitaratnakadambakona |
sannāmakāṃ dṛḍhaguṇāṃ dvijakaṇṭhagāṃ yaḥ
kuryādimāṃsrajamaho sa yamaṃ na paśyet ||
||12||agastiruvāca
yo dharmarājaracitāṃ lalitaprabandhāṃ
nāmāvalīṃ sakalakalmaṣabījahantrīm |
dhīro'tra kaustubhabhṛtaḥ śaśibhūṣaṇasya
nityaṃ japet stanarasaṃ sa pibenna mātuḥ ||
||13||iti śrīskandamahāpurāṇe kāśīkhaṇḍapūrvārdhe yamaproktaṃ śrīhariharāṣṭottaraśatanāmastotraṃ sampūrṇam