Śrī ramaṇa paravidyā upaniṣat

lakṣmaṇaśarmaviracitā

Jump to verse

1–20

1. 1
2. 2
3. 3
4. 4
5. 5
6. 6
7. 7
8. 8
9. 9
10. 10
11. 11
12. 12
13. 13
14. 14
15. 15
16. 16
17. 17
18. 18
19. 19
20. 20

21–40

1. 21
2. 22
3. 23
4. 24
5. 25
6. 26
7. 27
8. 28
9. 29
10. 30
11. 31
12. 32
13. 33
14. 34
15. 35
16. 36
17. 37
18. 38
19. 39
20. 40

41–60

1. 41
2. 42
3. 43
4. 44
5. 45
6. 46
7. 47
8. 48
9. 49
10. 50
11. 51
12. 52
13. 53
14. 54
15. 55
16. 56
17. 57
18. 58
19. 59
20. 60

61–80

1. 61
2. 62
3. 63
4. 64
5. 65
6. 66
7. 67
8. 68
9. 69
10. 70
11. 71
12. 72
13. 73
14. 74
15. 75
16. 76
17. 77
18. 78
19. 79
20. 80

81–100

1. 81
2. 82
3. 83
4. 84
5. 85
6. 86
7. 87
8. 88
9. 89
10. 90
11. 91
12. 92
13. 93
14. 94
15. 95
16. 96
17. 97
18. 98
19. 99
20. 100

101–120

1. 101
2. 102
3. 103
4. 104
5. 105
6. 106
7. 107
8. 108
9. 109
10. 110
11. 111
12. 112
13. 113
14. 114
15. 115
16. 116
17. 117
18. 118
19. 119
20. 120

121–140

1. 121
2. 122
3. 123
4. 124
5. 125
6. 126
7. 127
8. 128
9. 129
10. 130
11. 131
12. 132
13. 133
14. 134
15. 135
16. 136
17. 137
18. 138
19. 139
20. 140

141–160

1. 141
2. 142
3. 143
4. 144
5. 145
6. 146
7. 147
8. 148
9. 149
10. 150
11. 151
12. 152
13. 153
14. 154
15. 155
16. 156
17. 157
18. 158
19. 159
20. 160

161–180

1. 161
2. 162
3. 163
4. 164
5. 165
6. 166
7. 167
8. 168
9. 169
10. 170
11. 171
12. 172
13. 173
14. 174
15. 175
16. 176
17. 177
18. 178
19. 179
20. 180

181–200

1. 181
2. 182
3. 183
4. 184
5. 185
6. 186
7. 187
8. 188
9. 189
10. 190
11. 191
12. 192
13. 193
14. 194
15. 195
16. 196
17. 197
18. 198
19. 199
20. 200

201–220

1. 201
2. 202
3. 203
4. 204
5. 205
6. 206
7. 207
8. 208
9. 209
10. 210
11. 211
12. 212
13. 213
14. 214
15. 215
16. 216
17. 217
18. 218
19. 219
20. 220

221–240

1. 221
2. 222
3. 223
4. 224
5. 225
6. 226
7. 227
8. 228
9. 229
10. 230
11. 231
12. 232
13. 233
14. 234
15. 235
16. 236
17. 237
18. 238
19. 239
20. 240

241–260

1. 241
2. 242
3. 243
4. 244
5. 245
6. 246
7. 247
8. 248
9. 249
10. 250
11. 251
12. 252
13. 253
14. 254
15. 255
16. 256
17. 257
18. 258
19. 259
20. 260

261–280

1. 261
2. 262
3. 263
4. 264
5. 265
6. 266
7. 267
8. 268
9. 269
10. 270
11. 271
12. 272
13. 273
14. 274
15. 275
16. 276
17. 277
18. 278
19. 279
20. 280

281–300

1. 281
2. 282
3. 283
4. 284
5. 285
6. 286
7. 287
8. 288
9. 289
10. 290
11. 291
12. 292
13. 293
14. 294
15. 295
16. 296
17. 297
18. 298
19. 299
20. 300

301–320

1. 301
2. 302
3. 303
4. 304
5. 305
6. 306
7. 307
8. 308
9. 309
10. 310
11. 311
12. 312
13. 313
14. 314
15. 315
16. 316
17. 317
18. 318
19. 319
20. 320

321–341

1. 321
2. 322
3. 323
4. 324
5. 325
6. 326
7. 327
8. 328
9. 329
10. 330
11. 331
12. 332
13. 333
14. 334
15. 335
16. 336
17. 337
18. 338
19. 339
20. 341

342–362

1. 342
2. 343
3. 344
4. 345
5. 346
6. 348
7. 349
8. 350
9. 351
10. 352
11. 353
12. 354
13. 355
14. 356
15. 357
16. 358
17. 359
18. 360
19. 361
20. 362

363–382

1. 363
2. 364
3. 365
4. 366
5. 367
6. 368
7. 369
8. 370
9. 371
10. 372
11. 373
12. 374
13. 375
14. 376
15. 377
16. 378
17. 379
18. 380
19. 381
20. 382

383–402

1. 383
2. 384
3. 385
4. 386
5. 387
6. 388
7. 389
8. 390
9. 391
10. 392
11. 393
12. 394
13. 395
14. 396
15. 397
16. 398
17. 399
18. 400
19. 401
20. 402

403–422

1. 403
2. 404
3. 405
4. 406
5. 407
6. 408
7. 409
8. 410
9. 411
10. 412
11. 413
12. 414
13. 415
14. 416
15. 417
16. 418
17. 419
18. 420
19. 421
20. 422

423–442

1. 423
2. 424
3. 425
4. 426
5. 427
6. 428
7. 429
8. 430
9. 431
10. 432
11. 433
12. 434
13. 435
14. 436
15. 437
16. 438
17. 439
18. 440
19. 441
20. 442

443–462

1. 443
2. 444
3. 445
4. 446
5. 447
6. 448
7. 449
8. 450
9. 451
10. 452
11. 453
12. 454
13. 455
14. 456
15. 457
16. 458
17. 459
18. 460
19. 461
20. 462

463–482

1. 463
2. 464
3. 465
4. 466
5. 467
6. 468
7. 469
8. 470
9. 471
10. 472
11. 473
12. 474
13. 475
14. 476
15. 477
16. 478
17. 479
18. 480
19. 481
20. 482

483–502

1. 483
2. 484
3. 485
4. 486
5. 487
6. 488
7. 489
8. 490
9. 491
10. 492
11. 493
12. 494
13. 495
14. 496
15. 497
16. 498
17. 499
18. 500
19. 501
20. 502

503–522

1. 503
2. 504
3. 505
4. 506
5. 507
6. 508
7. 509
8. 510
9. 511
10. 512
11. 513
12. 514
13. 515
14. 516
15. 517
16. 518
17. 519
18. 520
19. 521
20. 522

523–542

1. 523
2. 524
3. 525
4. 526
5. 527
6. 528
7. 529
8. 530
9. 531
10. 532
11. 533
12. 534
13. 535
14. 536
15. 537
16. 538
17. 539
18. 540
19. 541
20. 542

543–562

1. 543
2. 544
3. 545
4. 546
5. 547
6. 548
7. 549
8. 550
9. 551
10. 552
11. 553
12. 554
13. 555
14. 556
15. 557
16. 558
17. 559
18. 560
19. 561
20. 562

563–582

1. 563
2. 564
3. 565
4. 566
5. 567
6. 568
7. 569
8. 570
9. 571
10. 572
11. 573
12. 574
13. 575
14. 576
15. 577
16. 578
17. 579
18. 580
19. 581
20. 582

583–604

1. 583
2. 584
3. 585
4. 586
5. 587
6. 588
7. 589
8. 590
9. 591
10. 592
11. 593
12. 594
13. 595
14. 596
15. 597
16. 598
17. 599
18. 600
19. 603
20. 604

605–624

1. 605
2. 606
3. 607
4. 608
5. 609
6. 610
7. 611
8. 612
9. 613
10. 614
11. 615
12. 616
13. 617
14. 618
15. 619
16. 620
17. 621
18. 622
19. 623
20. 624

625–644

1. 625
2. 626
3. 627
4. 628
5. 629
6. 630
7. 631
8. 632
9. 633
10. 634
11. 635
12. 636
13. 637
14. 638
15. 639
16. 640
17. 641
18. 642
19. 643
20. 644

645–664

1. 645
2. 646
3. 647
4. 648
5. 649
6. 650
7. 651
8. 652
9. 653
10. 654
11. 655
12. 656
13. 657
14. 658
15. 659
16. 660
17. 661
18. 662
19. 663
20. 664

665–684

1. 665
2. 666
3. 667
4. 668
5. 669
6. 670
7. 671
8. 672
9. 673
10. 674
11. 675
12. 676
13. 677
14. 678
15. 679
16. 680
17. 681
18. 682
19. 683
20. 684

685–701

1. 685
2. 686
3. 687
4. 688
5. 689
6. 690
7. 691
8. 692
9. 693
10. 694
11. 695
12. 696
13. 697
14. 698
15. 699
16. 700
17. 701

śrīlakṣmaṇaśarmaṇā viracitā

maṅgalaṃ

ahaṃsvarūpeṇa samastajanto-

rvibhāntamantarvibhumaprameyam |

guruṃ gurūṇāmajamādidevaṃ

vandāmahe śrīramaṇaṃ dayābdhim ||

īśvaro gururātmeti mūrtibhedavibhāgine |

vyomavadvyāptadehāya dakṣiṇāmūrtaye namaḥ ||

||1||

Copy textCopy citationPin

māṇḍūkyamukhyopaniṣatsu diṣṭā

jñānābhidhā yā sahajātmaniṣṭhā |

sasādhanā tena nijānubhūtyā

sandarśitā sā pratipādyate'tra ||

||2||

Copy textCopy citationPin

samīkṣya sāṃsārikajīvanasya

duḥkhātmatāṃ kāmabhayāśrayatvāt |

dvābhyāṃ vimuktaṃ gurumetya buddhaṃ

vimuktimārgaṃ praṇipatya pṛcchet ||

||3||

Copy textCopy citationPin

brūyāt sa buddhaḥ paramaṃ rahasyaṃ

samastabuddhānubhavaprasiddham |

jānāsi cet svaṃ na tavāsti duḥkhaṃ

duḥkhī bhavestvaṃ yadi vetsi na svam ||

||4||

Copy textCopy citationPin

yataḥ suṣuptau na tavāsti duḥkhaṃ

tvayīdamāropitameva nānyat |

jijñāsayā svaṃ samavetya satyaṃ

nijasvarūpe sukharūpa āssva ||

||5||

Copy textCopy citationPin

artho'yamevaṃ guruṇopadiṣṭaḥ

sāraḥ samastaśrutiśīrṣavācām |

asyopadeśasya hi vistareṇa

vyākhyaiva sarvā nigamāntavāṇī ||

||6||

Copy textCopy citationPin

jñānasvarūpaṃ nijasatyamekaṃ

svayamprakāśaṃ hṛdi satyamasti |

saṃśāntacittena hṛdisthitiryā

sā tasya bodho'pi vimuktibhāvaḥ ||

||7||

Copy textCopy citationPin

ātmasvarūpā hṛdi bhāsamānā

sadaikarūpā vimalā citiśca |

brahmābhidhānaṃ jagato'khilasyā-

pyādhārasatyaṃ dvayamekameva ||

||8||

Copy textCopy citationPin

ādhārasatye vimale tu tasmin

nijasvarūpe manasopaklṛptam |

avidyayā viśvamamuṃ nimīlya

bhāti svayaṃ satyavadajñatāyām ||

||9||

Copy textCopy citationPin

nimīlya rajjuṃ bhujagaḥ svayaṃ san

mandāndhakāre sati bhāti yadvat |

ātmānamevaṃ bhuvanaṃ nimīlya

bhāti svayaṃ satyavadajñatāyām ||

||10||

Copy textCopy citationPin

avidyayā''tmā vapuṣā mitaśca

sukhī ca duḥkhī bhavapāśabaddhaḥ |

pratīyate'jño'pi pṛthak parasmā-

dātmā tu sākṣātpara eva nānyaḥ ||

||11||

Copy textCopy citationPin

saṃsāritā svasya tato mṛṣaiva

budhyeta tannirmanane pade tu |

"nahyastyavidyā manaso'tiriktā

manohyavidyā bhavabandharūpā" ||

||12||

Copy textCopy citationPin

vīkṣyāhimīkṣeta yathā na rajjuṃ

viśvaṃ sajīveśvaramātmarūpe |

avidyayā''ropitamīkṣamāṇo

na vīkṣate svaṃ paramārthasatyam ||

||13||

Copy textCopy citationPin

nimīlataḥ svo bhavitaiva tāva-

dyāvat svataḥ satyamidaṃ vibhāti |

tathā na bhāyānmanasi praṇaṣṭe

nāśāya tasmānmanaso yateta ||

||14||

Copy textCopy citationPin

nimīlitaṃ svaṃ manasā tamenaṃ

mithyāprapañcapravikalpanena |

svānveṣaṇenātmani niṣṭhitaḥ

sannunmīlya tasminpravilāpayedyaḥ ||

||15||

Copy textCopy citationPin

mano'pyavidyāmakhilaṃ prapañcaṃ

tenānubhūyeta nijaṃ svarūpam |

saṃsārahīnaṃ nirupādhikaṃ ca

brahmātmakaṃ kevalamadvitīyam ||

||16||

Copy textCopy citationPin

bhītyā'thavā janmamṛtipravāhāt

prapadyate ceccharaṇaṃ maheśam |

naśyedavidyā kṛpayaiva tasya

tadā sthitaḥ syānnijasatyabhāve ||

||17||

Copy textCopy citationPin

bhaktyā parasmai svanivedanaṃ yat

prapattimetāṃ nigadanti santaḥ |

tadbhaktirīśe navadhopadiṣṭā

kāryāmumukṣoḥ śravaṇādirūpā ||

||18||

Copy textCopy citationPin

Quote - Srimad Bhagavatam

śravaṇaṃ kīrtanaṃ viṣṇoḥ smaraṇaṃ pādasevanam |

arcanaṃ vandanaṃ dāsyaṃ sakhyamātmanivedanam ||

niṣṭhācalā sā nijasatyabhāve

jñānaṃ vimuktiḥ sahajā sthitiśca |

sthito'calastatra pade parasmin

nirastamoho bhavati prabuddhaḥ ||

||19||

Copy textCopy citationPin

niṣṭhāṃ paraṃ tāmadhigatya buddho

jīvaccharīro'pi vimukta eva |

karotyahantāṃ mamatāṃ na dehe

buddho hyato'sāvaśarīra eva ||

||20||

Copy textCopy citationPin

yannirmanaskaṃ padamevamuktaṃ

sukhaṃ tadātyantikamantahīnam |

sukhaṃ samāvṛtya manaḥ svayaṃ hi

sadaiva duḥkhaṃ vivṛṇoti jantoḥ ||

||21||

Copy textCopy citationPin

ṛjuḥ śuciḥ satyavacā amānī

dhīro viraktaśca gurau subhaktaḥ |

śamādiṣaṭkena yuto mumukṣuḥ

sthitiṃ parāṃ tāmacirāllabheta ||

||22||

Copy textCopy citationPin

dhīrakṣaṇaṃ yadvidadhāti sādhu-

rnirgṛhya vṛttīrnijamārgaṇāya |

tadeva dhīratvamihopadiṣṭaṃ

nāpekṣate'nyā khalu dhīratā'tra ||

||23||

Copy textCopy citationPin

bhajet prabuddhaṃ hi guruṃ mumukṣuḥ

svājñānanidrotthitamastamoham |

kathaṃ nu martyaḥ svayamaprabuddhaḥ

prabodhayedanyanarānabuddhān ||

||24||

Copy textCopy citationPin

īśādabhedena kṛtaiva buddhe

gurau subhaktirgaditā'tra sādhoḥ |

nirmohitāmetyacirāt tayaiva

buddhaḥ parasmānnahi kaścidanyaḥ ||

||25||

Copy textCopy citationPin

śamo damaścoparatistitikṣā

śraddhā gurorvāci samāhitatvam |

vidhīyate ṣaṭkamidaṃ mumukṣoḥ

sthiraṃ bhavedyena mano gaveṣe ||

||26||

Copy textCopy citationPin

Quote - tr. of Maharshi's Tamil work

viśrāntiṃ jaṭharasya me na vitarasyekāṃ ca nāḍīmaho

nānaśnan divase ca tiṣṭhasi kadāpyekāmaho nāḍikām |

no jānāsi madīyaduḥkhamatulaṃ he durvinīta tvayā |

sākaṃ jīvanamatra dehanilaye me durghaṭaṃ samprati ||

nijasvarūpānubhavaikavedyaṃ

tanneti netītyuditaṃ padaṃ hi |

vācā'pyanuktaṃ manasā'mataṃ ca

maunopadiṣṭaṃ guruṇā''dimena ||

||27||

Copy textCopy citationPin

atītya yajjāgaramukhyabhāvāṃ-

stanniṣprapañcaṃ bhavati praśāntam |

atasturīyaṃ padamavyayaṃ tad-

ityeṣa māṇḍūkyanirūpitārthaḥ ||

||28||

Copy textCopy citationPin

tisro hyavasthāḥ prabhavanti jāgrat

svapnaḥ suṣuptiśca samastajantoḥ |

ādhārabhūtā tritayasya cāsya

svājñānarūpā'sti suṣuptiranyā ||

||29||

Copy textCopy citationPin

asminnavasthātritaye samasta-

mantarbhavatyeva hi viśvametat |

asmādavasthātritayāt parastā-

dalaukikaṃ hyasti turīyasatyam ||

||30||

Copy textCopy citationPin

asvapnanidreti suṣuptiruktā

sasvapnanidrepyubhayaṃ tadanyat |

anidramasvapnakamastaviśvaṃ

padaṃ turīyaṃ hi vimuktidhāma ||

||31||

Copy textCopy citationPin

sandhau suṣupteratha jāgarasya

cidrūpiṇī nirmananā sthitiryā |

sā susthirā ced bhavitā kathañcit

saivocyate muktiriti prabuddhaiḥ ||

||32||

Copy textCopy citationPin

Quote - from Yoga Vasishtha

nidrādau jāgarasyānte yo bhāva upajayate |

taṃ bhāvaṃ bhāvayan sākṣādakṣayānandamaśnute ||

ajñānanidrāparibhūtabhāvāḥ

paśyanti dussvapnamimaṃ prapañcam |

paribhramanti tritaye'tra jīvā

yāvanna nidreyamapaiti bodhāt ||

||33||

Copy textCopy citationPin

nidrālurevaṃ sakalo'pi jantu-

rna ko'pi jāgarti hi jīvaloke |

tīrṇastisṛbhyo'jñatayā vimukto

buddhastu jāgarti turīyaniṣṭhaḥ ||

||34||

Copy textCopy citationPin

jāgarti buddho nijasatyabhāve

sametya niṣṭhāṃ tamasā vihīne |

nidrāti ca svapnamaye prapañce

svājñānamūḍhaiḥ paridṛśyamāne ||

||35||

Copy textCopy citationPin

tannaktamuktaṃ viduṣo hi viśvaṃ

naktaṃ tathā''tmā'viduṣo janasya |

niṣṭhāmatastāṃ sahajāṃ turīyāṃ

jāgratsuṣuptiṃ nigadanti budhāḥ ||

||36||

Copy textCopy citationPin

Quote - from BhagavadGita

yā niśā sarvabhūtānāṃ tasyāṃ jāgarti saṃyamī

yasyāṃ jāgrati bhūtāni sā niśā paśyato muneḥ ||

sajjāgradāditrayamasti yeṣāṃ

teṣāṃ turīyābhidhayā taduktam |

sat turyamevāsadidaṃ trayaṃ yat

turyābhidhā tasya bhavatyasādhu ||

||37||

Copy textCopy citationPin

svapne'pi jāgratyapi ceṣṭamānaṃ

manaḥ prapañcaṃ sṛjati svayaṃ hi |

gatvā suṣuptau bata bījabhāvaṃ

bhūyaḥ prabodhe sṛjati prapañcam ||

||38||

Copy textCopy citationPin

mano'ntato naśyati naiva yāvad

bhavedavasthātritayaṃ hi tāvat |

manovināśāddhi turīyaniṣṭhā

yatrāntataḥ śāmyati viśvametat ||

||39||

Copy textCopy citationPin

jñānābhidhā yadyapi sā''tmaniṣṭhā

jñātrādikena tritayena hīnā |

tatkiṃ vijānātyuta kena ko vā

jñānābhidhā svātmatayaiva niṣṭhā ||

||40||

Copy textCopy citationPin

ātmaiva yasminna bhavat samastaṃ

jānāti tasmin bata kena kiṃ nu |

ityātmanaḥ kevalataiva turye

sandarśitā'sti śrutiśīrṣavācā ||

||41||

Copy textCopy citationPin

sthānaṃ ca tadvāniti nāsti tasmin

bhedaḥ pade kaścana vāstavo yat |

ātmā'dvitīyaḥ paripūrṇa ekaḥ

sthānaṃ svayaṃ svasya hi san sa ekaḥ ||

||42||

Copy textCopy citationPin

Quote - Upanishad

sve mahimni pratiṣṭhitaḥ | athavā na mahimni ||

dvaitaṃ samastaṃ khalu nītamantaṃ

buddhena turye sthitimetya satye |

advaitaniṣṭhā'dhigatā'sti tene-

tyadvaitinaṃ tena tameva vidyāt ||

||43||

Copy textCopy citationPin

anātmani svātmatayā pratītyā

pratīyate dvaitamidaṃ hi sadvat |

evaṃvidhājñānavimuktabhāva-

madvaitaniṣṭhāṃ nigadanti buddhāḥ ||

||44||

Copy textCopy citationPin

advaitamevaṃ na mataṃ yathā'nya-

nnāsti pracāro manaso hi tatra |

advaitamuktaṃ nijasatyabhāve

niṣṭhaiva cintārahitā'stalokā ||

||45||

Copy textCopy citationPin

śāstroditārthādhigamena yastu

buddhvā'dvayatvaṃ matavaddhiyaiva |

tuṣyatyanenaiva vinā'nubhūtiṃ

nādvaitaniṣṭhā'dhigatā'sti tena ||

||46||

Copy textCopy citationPin

na tena dṛśyaṃ pravilāpitaṃ hi

svacitsvarūpe paramārthasatye |

śāstrārthabodhāt samavaiti yaḥ svaṃ

na tasya dehātmamatirvinaṣṭā ||

||47||

Copy textCopy citationPin

paśvādikebhyo'pyaviśeṣa eva

tasyocyate śaṅkaradeśikena |

paśutvametad gaditaṃ hi buddhai-

rvapurmitaṃ yat svamavaiti jantuḥ ||

||48||

Copy textCopy citationPin

na vyetyataḥ śāstravido narasya

jagat svataḥ satyamiti pratītiḥ |

tayā pratītyā satataṃ vimūḍhaḥ

paribhramatyeva bhave yathā'nye ||

||49||

Copy textCopy citationPin

vāgyantratulyo'yamudīryate ca

buddhvā'pi śāstrārthamaśāntacetāḥ |

apaṇḍitādapyavaro'yamukto

madādidoṣaiḥ paribhūtabhāvaḥ ||

||50||

Copy textCopy citationPin

bodhaṃ parokṣaṃ tamimaṃ vadanti

parokṣa ātmā tu na karhicit syāt |

nityāparokṣasya parokṣabodho

bodho yathārtho bhavitā kathaṃ nu ||

||51||

Copy textCopy citationPin

deho'hamasmītyanubhūtirūpo

bhavatyabodhaḥ khalu bandhahetuḥ |

bodho'hamasmīti vinā'nubhūtiṃ

kathaṃ vrajennāśamabodha eṣaḥ ||

||52||

Copy textCopy citationPin

dhiyā dhṛto'yaṃ hi parokṣabodho

na dhīpracāro'sti tu satsvarūpe |

daityaṃ yathā puṇyajanaṃ vadanti

vadantyabodhaṃ bata bodhanāmnā ||

||53||

Copy textCopy citationPin

yadā'rkatapto mṛgatṛṣṇikāyāṃ

snātvā narastāpavimuktimeti |

annaṃ paceccitragatāgninā vā

parokṣabodhena tadā'stu muktiḥ ||

||54||

Copy textCopy citationPin

tatsvānubhūtyā rahito'dvayatvaṃ

vācā vadan dvaitisamāna eva |

na gacchato vāṅmanase hi turyaṃ

tatra sthitasyāsti mataṃ na kiñcit ||

||55||

Copy textCopy citationPin

advaitinaḥ svān gaṇayanta āhu-

rjaganmṛṣā duḥkhamayaṃ jaḍaṃ ca |

ato'nyathaivetyapare vadanti

phale tu sarve'pi samā bhavanti ||

||56||

Copy textCopy citationPin

viśvaṃ paro jīva iti trirūpaṃ

vibhāti satyaṃ paramekameva |

jñānaṃ bhavenaiva tu vāda eṣa

jñānaṃ tvahaṅkāravināśa eva ||

||57||

Copy textCopy citationPin

nijasvarūpānubhave vinecchāṃ

matāgraheṇa pravadanti vādān |

astīti nāstītyapi rūpyarūpī-

tyekaṃ dvidhā nobhayathetyanantān ||

||58||

Copy textCopy citationPin

bhavatyanantāḥ khalu tarkavādāḥ

kvacitpratiṣṭhāṃ na hi yāti tarkaḥ |

alaukiko'sau khalu turyaniṣṭhā

jñeyā kathaṃ tarkadhiyā bhavet sā ||

||59||

Copy textCopy citationPin

mataṃ na kiñcidviduṣo'sti yasmāt

sajjeta vādeṣu kadā'pi nāsau |

sarvaṃ mataṃ sammatameva tasya

matiṃ na kasyāpyuta cālayet saḥ ||

||60||

Copy textCopy citationPin

dveṣaṃ vinā'nyeṣu mateṣu tasmā-

dvihāya vādānapi śāntacetāḥ |

yateta sādhuḥ svamatoktarītyā

mokṣecchayā sādhanatatparaḥ san ||

||61||

Copy textCopy citationPin

dvaitādvayatve bhavato mate dve

satyaṃ ca mithyā vadatāṃ prapañcam |

vādāvubhau cāpi vihāya śakyo

labdhuṃ svarūpānubhavo mumukṣoḥ ||

||62||

Copy textCopy citationPin

aduḥkhamiśraṃ sukhamantahīnaṃ

vāñchanti sarve khalu jantavo'pi |

sukhaṃ svabhāvo hi samastajanto-

stādṛksukhaṃ kveti hi cintanīyam ||

||63||

Copy textCopy citationPin

kasmin pade tat sukhamastyanantaṃ

labhyaṃ ca tat kena ca sādhanena |

dvayaṃ tadetad bhagavān mumukṣo-

ratyantavairāgyavato bravīti ||

||64||

Copy textCopy citationPin

priyā suṣuptirhi samastajantoḥ

priyatvahetuḥ sukharūpatā'syāḥ |

sukhāya tasyāṃ viṣayā na santi

kiṃ mūlakaṃ syānnu sukhaṃ suṣupteḥ ||

||65||

Copy textCopy citationPin

suṣuptiturye bhavataḥ samāne

dvayormano nāsti hi nāpi viśvam |

ātmā dvayorasti tu nityasatyaḥ

sa eva mūlaṃ hyubhayo sukhasya ||

||66||

Copy textCopy citationPin

anityamalpaṃ ca sukhaṃ suṣuptau

mano'sti tasyāṃ khalu bījabhāve |

turye prapūrṇaṃ sukhamastyananta-

mānandasaṃjñaṃ śrutiṣu prasiddham ||

||67||

Copy textCopy citationPin

tasyaiva mātrāṃ khalu jīvaloke

labdhvā ramante'khilajantavo'pi |

na syādadīdaṃ tu sukhasya mūlaṃ

loke kṣaṇārdhaṃ bata ko nu jīvet ||

||68||

Copy textCopy citationPin

preṣṭhaḥ samastasya tatasturīye

virājamānaḥ sukharūpakaḥ svaḥ |

preṣṭhā ca tasmādakhilasya janto-

rniṣṭhā turīyaiva na kācidanyā ||

||69||

Copy textCopy citationPin

turyaṃ padaṃ nityasukhasya dhāme-

tyevaṃ prabuddhādvidite'tha sādhoḥ |

ito viraktasya turīyalipso-

rjagadvicāreṇa phalaṃ kimasti ||

||70||

Copy textCopy citationPin

san vā'nyathā vā bhavatu prapañco

labdhavyamatrāsti kimasya sādhoḥ |

sat turyamadvaitamutānyathā vā-

'pyāstāṃ tadevepsitamasya nānyat ||

||71||

Copy textCopy citationPin

kimadvayaṃ sat kimuneti boddhuṃ

śakye hi turye sthitimetya satye |

śaknoti kastattvamado niboddhuṃ

bhrāmyannavasthātritaye vimugdhaḥ ||

||72||

Copy textCopy citationPin

kṣepo hi lomnāṃ nikarasya yuktaḥ

kṣurāpanītasya vinā parīkṣām |

tucchasya tadvajjagato'sya dānaṃ

carcāṃ vinā yujyata eva sādhoḥ ||

||73||

Copy textCopy citationPin

heyaṃ prapañcaṃ sa vihāya tūrṇa-

mantarmukhatvena yateta siddhyai |

antarmukhatvena hi sādhanaṃ syād

viśvaṃ tadarthaṃ nanu heyameva ||

||74||

Copy textCopy citationPin

paraṃ tu vairāgyabalena hīnā

jagat svataḥ satyamiti pratītyā |

na sādhate'ntarmukhatāṃ bhajante

teṣāmapekṣyo hi vicāra eṣaḥ ||

||75||

Copy textCopy citationPin

ete vicāreṇa gurūktarītyā

jaganna satyaṃ svata ityavetya |

tathaiva buddhyā'pyanusandadhānā

antarmukhatvaṃ śanakairbhajeyuḥ ||

||76||

Copy textCopy citationPin

yā laukikenānubhavena carcā

svabuddhiśaktyā'pi vṛthaiva sā syāt |

buddhaṃ śrayitvaiva guruṃ tu kuryāt

taddiṣṭarītyaiva jagadvicāram ||

||77||

Copy textCopy citationPin

ajñānamūlo'nubhavo hi sarvaḥ

sāṃsārikaḥ svapnasamo'jñapuṃsām |

mṛṣaiva sarvo'yamato mumukṣo-

rna hi pramāṇaṃ sadasadviveke ||

||78||

Copy textCopy citationPin

buddhānubhūtirhi paraṃ pramāṇaṃ

sādhosturīyasya padasya lipsoḥ |

sa eva tattvaṃ jagato'pyavaiti

bodhāt turīyasya sataḥ parasya ||

||79||

Copy textCopy citationPin

nijānubhūtiṃ ca vadan sa buddhaḥ

sandarśayiṣyatyamalāśca yuktīḥ |

praśnānanantāṃstu budho na kuryāt

sādhorna śaṅkāspadamāptavākyam ||

||80||

Copy textCopy citationPin

Quote - BhagavadGita

saṃśayātmā vinaśyati

na saṃśayānāṃ bhavitā virāmo

yāvanna turye sthitimeti bodhāt |

anto'sti tatraiva hi saṃśayānā-

mātyantikaḥ saṃśayiturvināśāt ||

||81||

Copy textCopy citationPin

Quote - Upanishad

bhidyate hṛdayagranthiḥ chidyante sarvasaṃśayāḥ |

kṣīyante cāsya karmāṇi tasmin dṛṣṭe parāvare ||

tarko'pratiṣṭho hi tato mumukṣuḥ

sadyo'ntatastarkamatiṃ vihāya |

śraddhāṃ samālambya gurorvacassu

taddiṣṭamārgeṇa yateta siddhyai ||

||82||

Copy textCopy citationPin

udeti śaṅkā yadi kasya seti

pṛcchan svatattvasya gaveṣaṇena |

labheta niṣṭhāṃ yadi turyabhāve

śaṅkā ca tadvānubhayaṃ ca naśyet ||

||83||

Copy textCopy citationPin

buddho gururvakti jaganmṛṣātvaṃ

sahetukaṃ svānubhavānurūpam |

satyopadeśaṃ tamimaṃ mumukṣuḥ

sacchraddhayā''lambya yateta siddhyai ||

||84||

Copy textCopy citationPin

jīveśvarau viśvamiti trirūpaṃ

jagat samastaṃ ca turīyasatye |

adhyastamevātmani mānasene-

tyajñānakāryaṃ bata sarvametat ||

||85||

Copy textCopy citationPin

satyevamajñānamidaṃ yadā tu

svajñānabhāsa bhajate vināśam |

kāryaṃ tadīyaṃ ca sahaiva naśyet

tamo yathā'rkaprabhayā prabhāte ||

||86||

Copy textCopy citationPin

bhātīdamajñānatamovilāse

na bhāti sujñānamahāprakāśe |

saccedidaṃ bhāti kuto na turye

satyātmanaścitprabhayā pradīpte ||

||87||

Copy textCopy citationPin

śiṣyeta yat svānubhave turīye

satyaṃ tadevānyadasatyameva |

satyatvamithyātvavibhāga eṣa

buddhopadeśairbhavati sphuṭo naḥ ||

||88||

Copy textCopy citationPin

yato'jñatāyāmanubhūyamānaṃ

tasmādasad dvaitamidaṃ niruktam |

ajñānanāśādanubhūyamānā

satyā bhavatyadvayatā''tmanastu ||

||89||

Copy textCopy citationPin

pade parasmin bhuvane vinaṣṭe

yaccinmayaḥ svo lasati svabhāsā |

śāntaḥ sa evādvaya ekakaḥ sa-

nnityasmadācāryanirūpitārthaḥ ||

||90||

Copy textCopy citationPin

svapnaḥ prabodhe nidhanaṃ prayātī-

tyato hi mithyetyavagamyate'sau |

jāgratprapañco'pi tathā''tmabhāve

vinaśyatītyasya mṛṣātvasiddhiḥ ||

||91||

Copy textCopy citationPin

parāṅmukhāsturyapadasya lābhād

vādāṃstu mugdhāḥ pravadantyanantān |

tajjanyaśaṅkāḥ śamayanti buddhā

muhyedyathā tairna mumukṣulokaḥ ||

||92||

Copy textCopy citationPin

ātmā śarīraṃ svayameva yeṣāṃ

so'yaṃ śarīrī bhavitā ca yeṣām |

noktaṃ hi tān pratyanṛtatvamasya

teṣāṃ bhavedviśvamidaṃ sadeva ||

||93||

Copy textCopy citationPin

jīveśvarau viśvamiti trayasya

mithyātvamuktaṃ hyavibhaktameva |

triṣvekakaṃ satyamavaiti yastu

dvayaṃ tadanyacca sadeva tasmai ||

||94||

Copy textCopy citationPin

mumukṣupuṃsāmupadiśyate tu

samānameva tritayaṃ mṛṣeti |

grāhyaṃ tathaiveha yathopadiṣṭaṃ

vimuktimicchadbhirabodhanāśāt ||

||95||

Copy textCopy citationPin

grāhyaḥ samagro'pyupadeśa eṣa

tyājyo'thavā buddhimatā samagram |

kaḥ kukkuṭīṃ kalpayituṃ samarthaḥ

pākāya cārdhaṃ prasavāya cārdham ||

||96||

Copy textCopy citationPin

kuto nu viśvaṃ saditi pratīta-

mitīdamādau pariśīlanīyam |

prapañcasattāpratipādanasya

bhāro'sti tadvaktṛśirastha eva ||

||97||

Copy textCopy citationPin

yadvīkṣyate viśvamato'jñalokaḥ

sadeva viśvaṃ manute hi sarvaḥ |

naitat pramāṇaṃ vyabhicāradoṣā-

nmarīcikārajjubhujaṅgamādau ||

||98||

Copy textCopy citationPin

yathā pratītaṃ bhuvanaṃ sadeve-

tyetanna siddhaṃ bhavatīkṣaṇena |

kimapyadhiṣṭhānasadasti yasmi-

nnidaṃ vibhātītyanumeyamatra ||

||99||

Copy textCopy citationPin

yadyadyathā bhāti na tat tatheti

vaijñānikaireva nirūpitaṃ hi |

dravyaṃ sunīrandhramiva pratītaṃ

cākāśakalpaṃ gaditaṃ yatastaiḥ ||

||100||

Copy textCopy citationPin

jānātyadhiṣṭhānasadasya yastu

turīyabhāve samupetya niṣṭhām |

buddhaḥ sa eva prabhaveddhi vaktuṃ

kimasya tattvaṃ bhavatīti nānyaḥ ||

||101||

Copy textCopy citationPin

bahirmukhatve sati ko nu vidyād

yathāvadātmānamuta prapañcam |

antarmukhatvena tu bodhadṛṣṭyā

jānāti tattvaṃ hyubhayośca buddhaḥ ||

||102||

Copy textCopy citationPin

kathaṃ nu māṃ jñāsyasi tattvatastvaṃ

jñātuṃ svamātmānamutāsamarthaḥ |

ityajñamartyaṃ hasati prapañca

ityevamūce bhagavān gururnaḥ ||

||103||

Copy textCopy citationPin

āvidyakatvājjagadīkṣaṇasya

vādaṃ nirādhāramimaṃ pradarśya |

jaganmṛṣātvaṃ prakaṭīkaroti

sphuṭaṃ gururno bhagavān prabuddhaḥ ||

||104||

Copy textCopy citationPin

śarīramevātmatayā'vagamya

tat satyamevetyapi niścayena |

pratyeti satyaṃ sakalaṃ hi rūpaṃ

sarvo'pi jantuḥ paridṛśyamānam ||

||105||

Copy textCopy citationPin

rūpāṇi sarvāṇi mṛṣaiva tasmā-

nna tāni satyāni hi buddhapuṃsaḥ |

yadasti satyaṃ tadarūpameva

na rūpi kiñcit paramārthadṛṣṭyā ||

||106||

Copy textCopy citationPin

dṛṣṭyaikayā paśyati rūpiṇaṃ svaṃ

sarūpakaṃ viśvamutājñamartyaḥ |

sā dṛṣṭirajñānamayīti hetoḥ

pramāṇahīnaiva hi viśvasattā ||

||107||

Copy textCopy citationPin

vapuḥprapañcāviti dṛśyamekaṃ

vīkṣā'pyavīkṣā'pyubhayoḥ sahaiva |

vinā''tmano rūpamidaṃ śarīraṃ

kiṃ nvīkṣate kaścana viśvametat ||

||108||

Copy textCopy citationPin

svāpnaṃ prapañcaṃ vapuṣā vihīnāḥ

paśyāma ityevamudīryate cet |

tisṛṣvavasthāsvapi cāsti dehaḥ

kadā'pyadehī na bhaveddhi jīvaḥ ||

||109||

Copy textCopy citationPin

dehāstrayaḥ santi hi sarvajantoḥ

sthūlo'pi sūkṣmo'pi ca kāraṇātmā |

manomayaḥ sūkṣma udīryate cā-

pyuktastyavidyaiva ca kāraṇākhyaḥ ||

||110||

Copy textCopy citationPin

uktaṃ śarīratritayaṃ yadetat

tat pañcakośātmakamucyate ca |

madhyaṃ trayaṃ sūkṣmaśarīramuktaṃ

kośo'ntimaḥ kāraṇadeha uktaḥ ||

||111||

Copy textCopy citationPin

yāvanna bodhāt tritayaṃ vinaśyet

syād dehavāneva hi jīvanāmā |

turīyabhāve hyaśarīratā'sti

sahaiva yasmiṃstritayaṃ vinaśyet ||

||112||

Copy textCopy citationPin

svāvidyayā kalpayante'nyadehaṃ

svapne mano'nyad bhuvanaṃ svayaṃ hi |

svāpnena dehena sahaiva suptaḥ

svāpnaṃ jagat paśyati na tvarūpaḥ ||

||113||

Copy textCopy citationPin

dehaṃ ca viśvaṃ ca samīkṣate hi

netreṇa dehāvayavena sarvaḥ |

kathaṃ pramāṇaṃ bhaviteyamīkṣā

viśvasya satyatvavicāraṇe'smin ||

||114||

Copy textCopy citationPin

dṛk syādyathā tādṛśameva dṛśyaṃ

dṛgāśrayo'yaṃ khalu dṛśyabhāvaḥ |

dṛk cet sarūpā'sti tathaiva dṛśyaṃ

dṛk cedarūpā'sti na rūpavīkṣā ||

||115||

Copy textCopy citationPin

bhātyajñatāyāṃ khalu sarvajantoḥ

prapañca ātmā dvitayaṃ sarūpam |

ajñānanāśe dvayamapyarūpa-

mananta ātmaiva hi dṛk tadānīm ||

||116||

Copy textCopy citationPin

jñānekṣayā hyātmani rūpahīne

yātyekatāṃ viśvamidaṃ sajīvam |

draṣṭā'pi dṛśyaṃ bhavato na yasyāṃ

tāṃ jñānavīkṣāṃ nigadanti buddhāḥ ||

||117||

Copy textCopy citationPin

cidrūpa ātmaiva hi niṣprapañca

ekaḥ pade sve pariśiṣṭa āste |

janmādiṣaḍbhāvavikārahīnaḥ

sa eva tasmād gaditaḥ svataḥ san ||

||118||

Copy textCopy citationPin

anantadṛṅnāma nigadyate'sau

paraḥ sa ātmā paripūrṇa ekaḥ |

na tasya dṛktvaṃ tu yathārthato'sti

satyātmano dṛśyavivarjitatvāt ||

||119||

Copy textCopy citationPin

acitsvarūpatvanivāraṇāya

kṛto dṛgityatra padaprayogaḥ |

jñānasvarūpatvamutādvayatvaṃ

tasyaiva mukte bhagavattamena ||

||120||

Copy textCopy citationPin

arūpiṇaḥ svasya sarūpatāṃ hi

matvekṣate viśvamidaṃ sarūpam |

avidyayā'dhyastamidaṃ samastaṃ

hyātmanyarūpe parasatyanante ||

||121||

Copy textCopy citationPin

anāmake'rūpiṇi citsvarūpe

tasminnavidyāparikalpitāni |

nāmāni rūpāṇi vibhānti sadvat

svaṃ rūpiṇaṃ paśyata eva puṃsaḥ ||

||122||

Copy textCopy citationPin

āvidyakatvaṃ jagadīkṣaṇasya

vispaṣṭamevaṃ guruṇopadiṣṭam |

evaṃ nirastā jagato'sya sattā

diṣṭā''tmanaḥ kevalatā'pi satyā ||

||123||

Copy textCopy citationPin

sthirīkarotyarthamimaṃ gururno

manomayatvaṃ jagato nirūpya |

tato mṛṣātvaṃ manaso'hamaśca

mūlājñatāyā api copadiśya ||

||124||

Copy textCopy citationPin

śabdādikā ye viṣayāsta eva

rūpaṃ hi viśvasya na kiñcidanyat |

pratītayaste manaso hi sarve

tadviśvametanmana eva nānyat ||

||125||

Copy textCopy citationPin

yadyasti viśvaṃ manaso vibhinna-

mabhānametasya kutaḥ suṣuptau |

cidrūpa ātmā'sti hi tatra satyo

yadīyabhāsā manaso manastvam ||

||126||

Copy textCopy citationPin

Quote - Vivekachudamani

yadi satyaṃ bhavedviśvaṃ suṣuptāvupalabhyatām |

yannoplabhyate kiñcidato'sat svapnavanmṛṣā ||

yadā manaśceṣṭitamasti puṃsāṃ

tadaiva viśvaṃ khalu bhāti teṣām |

manomayaṃ viśvamidaṃ hi tasmāt

svapne yathā jāgarite tathaiva ||

||127||

Copy textCopy citationPin

yathaiva jāgrajjagadevameva

svāpnaṃ svakāle pratibhāti sadvat |

jāgratprapañco vyavahārayogyo

yadvat tathā svāpna uta svakāle ||

||128||

Copy textCopy citationPin

svāpnaṃ yathā dṛśyamabhinnameva

cittād bhavet svapnadṛśo narasya |

dṛśyaṃ tathā jāgrati vīkṣakasya

cittād bhavet sarvamabhinnameva ||

||129||

Copy textCopy citationPin

manomayatve jagataḥ susiddhe

siddhaṃ mṛṣātvaṃ bhavatīti bhītāḥ |

bahiḥsthitatvaṃ jagato'jñamartyā

anekadhā sādhayituṃ yatante ||

||130||

Copy textCopy citationPin

jaganmṛṣātvaṃ gaditaṃ tu buddhaiḥ

svānveṣaṇāt turyapadasya lipsoḥ |

nānyān pratīdaṃ hyupadiṣṭamasti

tato vṛthaiveha tadīyavādāḥ ||

||131||

Copy textCopy citationPin

svāpnasya viśvasya mṛṣātmakatvaṃ

svapne na śaknoti hi ko'pi boddhum |

tathaiva jāgrad bhuvanaṃ mṛṣeti

śaknoti boddhuṃ na hi jāgare'smin ||

||132||

Copy textCopy citationPin

na doṣahīnaṃ bhavati pramāṇaṃ

bahiḥsthitatve jagato'sya kiñcit |

sādhyaṃ svapakṣaṃ bata siddhavattu

kṛtvaiva vādāṃsta ime vadanti ||

||133||

Copy textCopy citationPin

antarhi śabdādikabodhajanma

bahistu tatkāraṇamasti viśvam |

ityucyate ced vada san kathaṃ syā-

dantarbahiśceti vibhāga eṣaḥ ||

||134||

Copy textCopy citationPin

loke'nubhūtaḥ sakalo vibhāgo

dehāśrayeṇaiva hi bhāti sadvat |

dehasya sattāṃ prati na pramāṇaṃ

pṛthak kimapyasti samarpitaṃ taiḥ ||

||135||

Copy textCopy citationPin

alpaṃ mano viśvamidaṃ viśālaṃ

syādantaretanmanasaḥ kathaṃ nu |

ityeṣa vādo'pyuta mugdhataiva

viśālamuktaṃ mana eva buddhaiḥ ||

||136||

Copy textCopy citationPin

ākāśataścāpi bṛhanmano hi

tasmin hi khādīni bhavanti pañca |

cinniścalā brahma calā manaśce-

tyevaṃ mano brahmamayaṃ niruktam ||

||137||

Copy textCopy citationPin

suptau tavāsīt kimidaṃ na veti

śaṅkāsti cet pṛccha narānasuptān |

āsīdavicchinnatayaiva viśva-

mityeva teṣāmavagaccha vācā ||

||138||

Copy textCopy citationPin

evaṃ svapakṣaṃ bata siddhavattu

kṛtvaiva vādo'yamudīryate'jñaiḥ |

antarbhavantyeva hi te'pyasuptā

narāḥ prapañce'tra vicāryamāṇe ||

||139||

Copy textCopy citationPin

vīkṣāmahe tān manujānasuptān

vayaṃ prabudhyaiva hi naiva suptau |

asuptapuṃsāṃ na hi satyatāyāḥ

kiñcit pramāṇaṃ pṛthagasti dattam ||

||140||

Copy textCopy citationPin

te cāpyasuptā manasaiva viśvaṃ

jānanti no tena vinā kadā'pi |

sarvasya tanmānasameva viśvaṃ

svapne yathā jāgarite'pi tadvat ||

||141||

Copy textCopy citationPin

bhātyekarūpaṃ hi jagad bahūnā-

mityucyate cāsya bahiḥsthitatvam |

navīkṣakāṇāṃ bahutā yathārthe-

tyuktaiṣa vādo guruṇā nirastaḥ ||

||142||

Copy textCopy citationPin

anekataiṣā manasā kṛtaiva

svapne yathā jāgarite'pyabodhāt |

nānekatā bhāti hi vīkṣakānāṃ

suṣuptibhāve manasā vihīne ||

||143||

Copy textCopy citationPin

manaḥ prapañcaṃ sṛjati svayaṃ hi

svapne yathā jāgarite tathaiva |

svasṛṣṭameveti mano na vetti

svapne yathā jāgarite'pi tadvat ||

||144||

Copy textCopy citationPin

yathepsitaṃ sraṣṭumaśaktameva

mano'vaśaṃ sat sṛjati prapañcam |

ato hi viśvaṃ saditi pratītyā

bhrāntaṃ bhṛśaṃ saṃsarati svayaṃ ca ||

||145||

Copy textCopy citationPin

manorathe nāṭakavīkṣaṇe ca

tathā kathāsaṃśravaṇe'pi cittam |

pratyeti satyaṃ sakalaṃ svasṛṣṭa-

meṣa svabhāvo manaso hi nityaḥ ||

||146||

Copy textCopy citationPin

dṛṣṭerna sṛṣṭiḥ pṛthagasti kācid

dṛṣṭiśca sṛṣṭirdvayamekameva |

dṛṣṭervirāmo nidhanaṃ hi nānya-

nnaśyeddhi viśvaṃ nijatattvabodhāt ||

||147||

Copy textCopy citationPin

siddhe prapañcasya manomayatve

saccenmanaḥ san bhavitā prapañcaḥ |

asan prapañco'pi manastvasaccet

tato vicāryā manaso'tha sattā ||

||148||

Copy textCopy citationPin

kairlakṣaṇaiḥ syāt sadasadviveka

ityatra pūrvaṃ pariśīlanīyam |

sallakṣaṇaṃ laukikasammataṃ yat

tanna pramāṇaṃ khalu sadvicāre ||

||149||

Copy textCopy citationPin

kīro yathā śālmalibhūruhasya

lubdhaḥ phale vañcita eva yāti |

evaṃ svayaṃ vañcayataḥ svameva

mataṃ pramāṇaṃ bhavitā kathaṃ nu ||

||150||

Copy textCopy citationPin

dhīrindriyāṇyapyuta mānasaṃ ca

bhavantyavidyāparicārakāṇi |

ataḥ pramāṇāni hi laukikāni

naivopakurvanti vicāraṇe'smin ||

||151||

Copy textCopy citationPin

sallakṣaṇaṃ laukikasammataṃ yat

tadetadāvidyakamityasādhu |

sādhoḥ pramāṇaṃ gadito hi buddhaiḥ

satyatvamithyatvavibhāga eva ||

||152||

Copy textCopy citationPin

bhāsā svayā yadvilasatyajasraṃ

vinā vikāraṃ ca layodayābhyām |

tadeva satyaṃ hi tato'nyathā tu

sarvaṃ mṛṣaiveti vadanti buddhāḥ ||

||153||

Copy textCopy citationPin

kadā'pyasatyasya bhavenna sattā

bhavedasattā na sataḥ kadā'pi |

ityevamūce sadasadvivekaṃ

gītāsu kṛṣṇo bhagavān svayaṃ hi ||

||154||

Copy textCopy citationPin

ādyantayorbhāvavivarjitaṃ yan-

madhye'pi tad bhāvavihīnameva |

yaddeśakālapramitaṃ vibhāti

tatsatyatādhīrbata mugdhataiva ||

||155||

Copy textCopy citationPin

satyopamānaṃ gaditaṃ suvarṇaṃ

mithyopamānāni vibhūṣaṇāni |

satyaṃ suvarṇaṃ rucakānyapekṣya

vinaśvaratvādrucakāni mithyā ||

||156||

Copy textCopy citationPin

suvarṇamāsan rucakāni pūrvaṃ

tadeva madhye'pi tadeva cānte |

asanti satye vilasanti sadvat

svarṇe yathā santi vibhūṣaṇāni ||

||157||

Copy textCopy citationPin

rītyā'nayā viśvamidaṃ manaśca

dvayaṃ ca mithyaiva parīkṣamāṇe |

ityevamartho bhagavattamena

diṣṭo yathā tatkrama ucyate'tra ||

||158||

Copy textCopy citationPin

bhāsyaṃ jagad bhāsakamasya ceto

layodayau dve bhajataḥ sahaiva |

na bhātyavicchinnatayā dvayaṃ ce-

tyato dvayaṃ cāpi mṛṣeti vidyāt ||

||159||

Copy textCopy citationPin

bhavet tu yadyad viralaprakāśaṃ

tattajjaḍatvena paraprakāśyam |

jaḍasya sarvasya ca bhāsakaṃ yat

svayamprabhaṃ taddhi citisvabhāvam ||

||160||

Copy textCopy citationPin

svatattvabodhādahamādināśe

yacchiṣyate śāntapade parasmin |

satyaṃ tadanyannikhilaṃ mṛṣeti

jānīmahe'smad gurudevavāgbhiḥ ||

||161||

Copy textCopy citationPin

mano'pi mithyā yadi śūnyataiva

prāptā suṣuptau na hi kiñcidasti |

ye vādamevaṃ samudāharanti

svāneva te'jñā bata vismaranti ||

||162||

Copy textCopy citationPin

śūnyatvametadviditaṃ kathaṃ nu

naivāsya sākṣī yadi kaścidasti |

nissākṣikā naiva hi śūnyateya-

mato na śūnyatvamidaṃ yathārtham ||

||163||

Copy textCopy citationPin

śūnyatvavādo bhagavattamena

nissaṃśayaṃ hyasti nirasta evam |

nāsmākamatrāsti hi kā'pi śaṅkā

turye'sti śiṣṭaḥ khalu satya ātmā ||

||164||

Copy textCopy citationPin

ātmā svayañjyotirahaṃsvarūpo

bhāti svabhāsā hṛdi sarvajantoḥ |

sarvo'pyataḥ svaṃ samavaiti santaṃ

nāsmīti ko nvasti vadannṛloke ||

||165||

Copy textCopy citationPin

manye tato'smītyanumīyate tu

vṛttyā dhiyaḥ kaiścana naijasattā |

amī gajaṃ yāntamupekṣya mandāḥ

padāni vīkṣya pratiyanti paścāt ||

||166||

Copy textCopy citationPin

sarvānubhūtā'sti hi naijasattā

suṣuptibhāve manasā vihīne |

sukhaṃ mayā suptamiti bruvāṇaḥ

sukhasmṛtiṃ ca prakaṭīkaroti ||

||167||

Copy textCopy citationPin

anyānubhūtasmaraṇaṃ kutaḥ syāt

svenānubhūtaṃ hi sukhaṃ suṣupteḥ |

anyo'hamanyaḥ puruṣaḥ suṣupteḥ

pūrvaṃ ya āsīditi ko nu vakti ||

||168||

Copy textCopy citationPin

layodayābhyāṃ rahite hi tasmin

manaḥ saviśvaṃ layameti suptau |

udeti tasmācca punaḥ prabodhe

śūnyatvavādo'yamato mṛṣaiva ||

||169||

Copy textCopy citationPin

ādhārasadvastu vinā kathaṃ nu

viśvaṃ manaścetyubhayaṃ ca bhāyāt |

rajjuṃ vinā konviha vīkṣate'hiṃ

śuktiṃ vinā paśyati ko nu raupyam ||

||170||

Copy textCopy citationPin

astitvabhāne bhuvanasya yaccha-

dastyeva sat kiñcana citsvarūpam |

no cet kathaṃ dhīrudiyānmṛṣeda-

mastīti bhātītyapi laukikānām ||

||171||

Copy textCopy citationPin

tadbhāsyameva dvitayaṃ ca yasmāt

svayamprabhaṃ taccitirūpameva |

nātmasvarūpāt pṛthagasti satyaṃ

svayamprabhaṃ kiñcana kutracidvā ||

||172||

Copy textCopy citationPin

bodhodaye svātmani bhāsamāne

nārkendunakṣatragaṇā vibhānti |

tasyaiva bhāsā khalu bhānti tāni

bahirmukhasyājñajanasya loke ||

||173||

Copy textCopy citationPin

citā yayā bhāti jagat samastaṃ

bhāsā'pi yasyā manaso manastvam |

saivātmarūpaṃ bhavatīti heto-

rātmāstitāyāṃ na hi kā'pi śaṅkā ||

||174||

Copy textCopy citationPin

asmīti bodhaṃ na ruṇaddhyavidyā

bodho'hamasmīti tu bodhameva |

svaṃ vetti santaṃ khalu sarva eva

vihāya vaijñānikavādamugdhān ||

||175||

Copy textCopy citationPin

nityo'vyayaḥ santatabhānakaḥ svaḥ

sarvāsvavasthāsvapi satya āste |

tasminnadhiṣṭhānasati hyaśeṣa-

māropitaṃ viśvamidaṃ vibhāti ||

||176||

Copy textCopy citationPin

pūrṇasya tasyaiva cidātmakasya

satyasya sattāmupajīvya sadvat |

samānasaṃ viśvamidaṃ vibhāti

svāvidyayā mohitamānasānām ||

||177||

Copy textCopy citationPin

brahmaikakaṃ sat sakalasya jantoḥ

svayaṃ sadaivāhamahantayā'ntaḥ |

bhātyātmarūpeṇa ni nānya ātme-

tyeṣā'sti vāṇī bhagavattamasya ||

||178||

Copy textCopy citationPin

caitanyamasmīti madīyarūpa-

miti śrutā mosasanāmakena |

yā devavāṇī prathitā'sti tasyā

bhāvo'yamevetyapi so'yamūce ||

||179||

Copy textCopy citationPin

vijñāya satyātmatayā tameva

brahmātmakaṃ turyapade lasantam |

labdhveva kāmānakhilān sahaiva

sadaiva tṛptā hi lasanti buddhā ||

||180||

Copy textCopy citationPin

saiṣā viśuddhā citirātmarūpā

svājñasya viśvākṛtikā hi bhāti |

satyātmanītthaṃ viparītabuddhi-

rnijasvarūpānavabodhamūlā ||

||181||

Copy textCopy citationPin

āvidyakaṃ viśvamidaṃ sadaiva

samāvṛṇotyeva hi tatsvarūpam |

dhīrindriyāṇyapyuta mānasaṃ ca

bhavantyavidyāparicārakāṇi ||

||182||

Copy textCopy citationPin

ataḥ pramāṇāni hi laukikāni

pratyakṣamaitihyamutānumānam |

pratāraṇāyaiva bhavanti janto-

rnaivopakurvanti hi bodhalabdhyai ||

||183||

Copy textCopy citationPin

ataḥ kimāścaryamidaṃ yadajñā

matvā svataḥ satyamimaṃ prapañcam |

saṃsāriṇaṃ ca pratiyanti pūrṇaṃ

śivaṃ sadātmānamasaṅgamekam ||

||184||

Copy textCopy citationPin

niruktamevaṃ jagato mṛṣātvaṃ

naikopamānena subodhamasti |

ataḥ sphuṭīkartumidaṃ mumukṣo-

stisro gururvaktyupamāḥ krameṇa ||

||185||

Copy textCopy citationPin

bhramaḥ prapañcasya sadātmarūpe

rajjvāṃ yathā'heriti darśite'rthe |

uktopamāyā viṣamatvabuddhyā

śiṣyasya śaṅkā samudeti kācit ||

||186||

Copy textCopy citationPin

sarpabhramaḥ śāmyati rajjubodhā-

nnaivaṃ jagad bhrāntirapaiti sādhoḥ |

śrutyā'pi yuktyā vidite'pi tattve

pūrvaṃ yathā dṛśyata eva viśvam ||

||187||

Copy textCopy citationPin

jagadbhramo naiti parokṣabodhā-

nnirāspadeyaṃ khalu tena śaṅkā |

tathā'pi sandehanivāraṇāya

gururdvitīyāmupamāṃ bravīti ||

||188||

Copy textCopy citationPin

bhūyo'pi vīkṣā mṛgatṛṣṇikāyā

astyeva tattve vidite'pi tasyāḥ |

evaṃ niraste'pi ca saṃśaye'smi-

nnudeti bhūyo'pi ca saṃśayo'tra ||

||189||

Copy textCopy citationPin

kāryopayogīni hi jāgatāni

vastūni naivaṃ tu marīcikāmbhaḥ |

atrocyate svapnasamīkṣitāni

kāryopayogīni tathā'pi mithyā ||

||190||

Copy textCopy citationPin

kāryopayogīnyapi tadvadeva

mithyaiva vastūnyapi jāgatāni |

svapno hyayaṃ jāgaritābhidhānaḥ

svājñānanidrāvaśagasya jantoḥ ||

||191||

Copy textCopy citationPin

nidreyamajñānamayī na yāvad

vyapaiti sādhoraparokṣabodhāt |

svapno'nuvarteta hi jāgarākhyo

yasmiñjagatsatyavadeva bhāti ||

||192||

Copy textCopy citationPin

jñeyaṃ hi satyatvamabādhitatvaṃ

bādhyatvamevātra mṛṣātvaliṅgam |

ātmaiva sannityamabādhitatvā-

nmṛṣā jagad bādhyatayā''tmabodhe ||

||193||

Copy textCopy citationPin

ātmanyadhiṣṭhānasati hyaśeṣa-

māropitaṃ viśvamidaṃ vibhāti |

ato na viśvaṃ naraśa‍ṛṅgatulyaṃ

satyaṃ svato netyupadiśyate tu ||

||194||

Copy textCopy citationPin

bhedairanantaiḥ pravibhaktameva

pratīyate viśvamidaṃ hi sarvam |

bhedā ime cāpi bhavanti mithye-

tyarthaṃ gururno viśadīkaroti ||

||195||

Copy textCopy citationPin

bhedaṃ ca jīveśvarayostathā'nyān

pratyeti bhedān mana eva sarvān |

bhedapratītirmanaso hi dharmo

bhāve'manaske na hi santi bhedāḥ ||

||196||

Copy textCopy citationPin

manaḥ pratītyāmakameva tasmā-

dajñānubhūtaṃ bata bhedajātam |

sarvapratītermanasastu mūlaṃ

bhavatyanātmātmabhidāpratītiḥ ||

||197||

Copy textCopy citationPin

saiṣā śarīro'hamiti pratītiḥ

saṃsāravṛkṣasya nidānabhūtā |

pratītireṣā gaditājñataive-

tyāvidyakā eva samastabhedāḥ ||

||198||

Copy textCopy citationPin

jīvābhidhānaṃ mana eva bhedā-

navidyayā kalpayatīkṣate ca |

suṣuptibhāve'pi turīyabhāve

jīveśvarādyā na hi santi bhedāḥ ||

||199||

Copy textCopy citationPin

dvandvāni sarvāṇyapi ca tripuṭyo

bhavantyasatyānyata eva hetoḥ |

satyātmabhāve na hi santi tāni

na bādhyate turyapadastha etaiḥ ||

||200||

Copy textCopy citationPin

antarbahirjanmamṛtī samaṣṭi-

rvyaṣṭirjagatsṛṣṭilayau tamo bhāḥ |

ātmā'pyanātmā'pyuta bandhamuktī

jñātājñate jīva uteśvaraśca ||

||201||

Copy textCopy citationPin

svecchā ca daivaṃ ca sukhaṃ ca duḥkhaṃ

doṣā guṇāścāpyuta puṇyapāpe |

ityādyahaṅkāranidānakatvāt

svapnopamaṃ vakti guruḥ samastam ||

||202||

Copy textCopy citationPin

jñātā'pi tajjñeyamanātmasañjñaṃ

jñānaṃ tathā vaiṣayikaṃ tadīyam |

samastamevaṃ tripuṭiprakāraṃ

cāvidyakaṃ svapnasamaṃ niruktam ||

||203||

Copy textCopy citationPin

ātmanyavidyāparikalpitau dvau

jīveśvarākhyau bhavato na bhinnau |

upādhisambandhadhiyā bhideyaṃ

pratīyate satyavadajñatāyām ||

||204||

Copy textCopy citationPin

īśasya māyā gaditā'styupādhi-

rjīvasya tūpādhirabodha eva |

māyā'styadhīnā paramasya tasya

jīvastvavidyāparatantra eva ||

||205||

Copy textCopy citationPin

māyā'pyavidyā gadite tu śāstre

jīveśayorbhedanirūpaṇāya |

mithyaiva bhedo'yamabodhamūla-

stathā'pi satyo vyavahāradṛṣṭyā ||

||206||

Copy textCopy citationPin

dvaitaṃ bhavet satyavadeva tāvad

yāvanna jīvatvamapaiti bodhāt |

ato bhavet satyavadeva puṃsāṃ

bhedo hyayaṃ yadvadihānyabhedāḥ ||

||207||

Copy textCopy citationPin

viśvaṃ paro jīva iti trayasya

mṛṣātvamuktaṃ hyavibhaktameva |

na kukkuṭī kalpayituṃ hi śakyā

pākāya cārdhaṃ prasavāya cārdham ||

||208||

Copy textCopy citationPin

svaṃ dehinaṃ cāpyuta jīvabhūtaṃ

yo manyate'jñātanijasvarūpaḥ |

ātmaiva tasmai bhajatīśabhāvaṃ

tameva bhaktyā sa bhajedvimuktyai ||

||209||

Copy textCopy citationPin

satyāṃ viditvā'dvayatāṃ dhiyaiva

labdhuṃ svarūpānubhavaṃ tvaśaktaḥ |

kuryāt prayatnaṃ bhavabandhamuktyai

bhaktyā parasminnapi ca prapattyā ||

||210||

Copy textCopy citationPin

dhīrasya puṃso nijamārgaṇaṃ ca

bhīroḥ prapattiḥ puruṣe parasmin |

dvāveva mārgau gaditau mumukṣo-

rantarbhavantyatra samastamārgāḥ ||

||211||

Copy textCopy citationPin

anveṣayāhaṅkṛtimūlamanta-

rnāśāya tāmarpaya vā parasmai |

mārgo dvidhaivaṃ bhagavattamena

mumukṣupuṃsāṃ ramaṇena diṣṭaḥ ||

||212||

Copy textCopy citationPin

advaitinaṃ svaṃ gaṇayannadhīro

bhaktiṃ parasminnavarāṃ ca matvā |

vṛthaiva jīvatyabhajan ya īśaṃ

mugdhaḥ sa martyo malinantaraṅgaḥ ||

||213||

Copy textCopy citationPin

kūpe yathā rajjunibaddhakumbho

bhakto bhave'smin bhavitā tathaiva |

rajjuṃ vinā kūpanimagnakumbho

yathā tathā bhaktivihīnamartyaḥ ||

||214||

Copy textCopy citationPin

ya āsurīṃ sampadamāśrayante

na bhaktiracchā bhavitā he teṣām |

daivīmataḥ sampadamāśritaḥ san

bhaktiṃ parasmin vidadhīta sādhuḥ ||

||215||

Copy textCopy citationPin

lokaprasiddhā paramasya puṃsaḥ

kṛpeti śaktirbhavati trirūpā |

īśasvarūpā gururūpiṇī ca

satyātmarūpā ca turīyabhāve ||

||216||

Copy textCopy citationPin

kṛpā tu seyaṃ sthitireva tasya

parasya satyātmatayā hṛdantaḥ |

kṛpā svarūpaṃ hi parasya tasya

kṛpāṃ vinā nāsti hi tasya sattā ||

||217||

Copy textCopy citationPin

sadaiva jāgarti kṛpā parasya

kālo na ko'pyasti yadā na sā syāt |

jīvatyahantā tu narasya yāva-

dapekṣate sā puruṣasya yatnam ||

||218||

Copy textCopy citationPin

tyajenna kañcit karuṇā parasya

sarvān nayet sā hi vimuktimeva |

mucyanta eke tvacireṇa bandhā-

danye tu kālena cireṇa jīvāḥ ||

||219||

Copy textCopy citationPin

manyeta bhaktaḥ svayameva bhaktyā

paraṃ bhajāmīti na tadyathārtham |

dhāvantamajñaṃ bhavakānane'smin

paro hi gṛhṇātyanudhāvya mugdham ||

||220||

Copy textCopy citationPin

dayālurevaṃ hi pumān paro'sau

svameva yadyacchati bhaktibhājām |

nāśe'hamastatkṛpayā hi sādhu-

stasminna bhedena labheta niṣṭhām ||

||221||

Copy textCopy citationPin

kāntācalo'sau hi vikṛṣya jīvān

kṛtvā'calāṃstānapi bhakṣayitvā |

svasmin pade nityasukhe parasmin

premṇā sadā rakṣati turyabhāve ||

||222||

Copy textCopy citationPin

yathā'rṇavotthāmbudavṛṣṭijātā

bhūyo'rṇavaṃ yāti nadī svayonim |

bhrāntvā yathā khe suciraṃ ca pakṣī

viśrāntimāpnotyavaniṃ nivṛtya ||

||223||

Copy textCopy citationPin

evaṃ parasmādudito'pi jīvo

bhrāntvā bhave'smin suciraṃ kadācit |

yathā pravṛtto vinivṛtya bhūyaḥ

saṅgacchate taṃ puruṣaṃ svayonim ||

||224||

Copy textCopy citationPin

bhaktiḥ parasmin dvividho'padiṣṭā

cittasya puṃsaḥ paripākabhedāt |

ādau tu kīśārbhakarītibhaktiḥ

paścāccamārjārakiśorabhaktiḥ ||

||225||

Copy textCopy citationPin

abhyasya kīśārbhakabhaktimeva

bhaveṣvanekeṣu kathañcidante |

kṣīṇe tvahaṅkārabale nitāntaṃ

bhaktiṃ biḍālārbhakavat karoti ||

||226||

Copy textCopy citationPin

mārjāraḍimbhopamabhaktireva

prapattirapyātmanivedanaṃ ca |

seyaṃ viśuddhā manasaḥ prasādāt

kālena bodhena bhavet samānā ||

||227||

Copy textCopy citationPin

puṃsaḥ parasmai svanivedanaṃ tu

puṃsā bhavet tena kṛtaṃ yathārtham |

jānāti yaḥ svaṃ nijamārgaṇene-

tyuktā'sti vāṇī bhagavattamena ||

||228||

Copy textCopy citationPin

pṛthaktvamatyā'pyapṛthaktvamatyā'-

pyevaṃ ca bhaktirgaditā dvirūpā |

asaṃskṛtānāṃ prathamopadiṣṭā

susaṃskṛtānāmitarā praśastā ||

||229||

Copy textCopy citationPin

tamātmabhūtaṃ pṛthageva matvā

rūpe'pi nāmnā'pi ca taṃ prapūjya |

buddhiprasādāt paramaṃ ca dhāma

kālena yātyeva na tatra śaṅkā ||

||230||

Copy textCopy citationPin

nāmnā'pi rūpeṇa vihīnamīśaṃ

nāmnā'pi rūpe bhajate naraścet |

sa nāmarūpodbhavabandhamuktiṃ

bhajediti śrīramaṇopadeśaḥ ||

||231||

Copy textCopy citationPin

yāmeva niṣṭhāṃ labhate mumukṣu-

rdhyānādarūpasya sataḥ parasya |

labheta tāmeva hi daivasampa-

dyuktaḥ sarūpaṃ tamupāsya bhaktyā ||

||232||

Copy textCopy citationPin

bhajet tamekaṃ puruṣaṃ yatheṣṭaṃ

kenāpi nāmnā kvacanāpi rūpe |

parasya rūpeṣu na tāratamyaṃ

vīkṣeta dhīmān pariśuddhacetāḥ ||

||233||

Copy textCopy citationPin

ekaiva mūrtirbibhide tridhā sā

sāmānyameṣāṃ prathamāvaratvam |

evaṃ sphuṭaṃ mūrtibhidāmṛṣātva-

mūce kavīndraḥ kila kālidāsaḥ ||

||234||

Copy textCopy citationPin

sarvottamaṃ rūpamamuṣya buddhaḥ

svasmānna yastaṃ samavaiti bhinnam |

parātmaśakteḥ karuṇābhidhāyā

rūpaṃ dvitīyaṃ hi guruḥ prabuddhaḥ ||

||235||

Copy textCopy citationPin

ahaṃ svayaṃ buddha iti bravīti

gītāsu kṛṣṇo bhagavān svayaṃ yat |

īśādabhinnaṃ gaṇayet prabuddhaṃ

śāstroditaṃ tattvamamuṣya jānan ||

||236||

Copy textCopy citationPin

abhyarcayedātmavidaṃ mumukṣu-

rityasti vāṇī śrutimastakeṣu |

manvīta ced bhinnamamuṃ parasmāt

sā dhīrmumukṣoḥ pratihanti mārgam ||

||237||

Copy textCopy citationPin

devaṃ tvanātmānamupāsate ye

te sāmarasyena bhavanti hīnāḥ |

cireṇa kālena matiprasādā-

dapaiti keṣāñcana doṣa eṣaḥ ||

||238||

Copy textCopy citationPin

yathā mataṃ svena parasya rūpaṃ

rūpaṃ tadevekṣitumīhate'sau |

kadācidīkṣeta ca rūpamevaṃ

vīkṣā tvanityeyamato mṛṣaiva ||

||239||

Copy textCopy citationPin

sa eva sākṣāt puruṣaḥ paraḥ san

svataḥ pṛthak taṃ gaṇayannabodhāt |

bhaktyā tadīkṣāṃ yatate ca labdhu-

mito'nyadāścaryataraṃ kimasti ||

||240||

Copy textCopy citationPin

rūpekṣaṇaṃ rūpavivarjitasya

kathaṃ bhavet tasya yathārthavīkṣā |

tasyātmano'nātmavadīkṣaṇaṃ ca

satyekṣaṇaṃ tasya bhavet kathaṃ nu ||

||241||

Copy textCopy citationPin

rūpaṃ samastaṃ ca manomayaṃ ya-

dantarbhaved draṣṭari dṛśyarūpam |

draṣṭuḥ svarūpaṃ hi gaveṣaṇīyaṃ

tadeva tattvaṃ hi parasya puṃsaḥ ||

||242||

Copy textCopy citationPin

draṣṭuḥ svarūpaṃ ya upekṣya devaṃ

svato'nyavat paśyati bhaktiyogāt |

sa vīkṣate mānasarūpameve-

tyeṣā'sti vāṇī bhagavattamasya ||

||243||

Copy textCopy citationPin

draṣṭuḥ svarūpasya gaveṣaṇena

draṣṭurvināśāt pariśiṣyate yat |

tadekameva svayamātmarūpaṃ

rūpaṃ ca satyaṃ paramasya puṃsaḥ ||

||244||

Copy textCopy citationPin

jīvābhidhaṃ yatra mano nigīrṇaṃ

tenānnavadyāti tadātmabhāvam |

saivātmavīkṣā'pi parasya vīkṣe-

tyeṣā guroḥ śrīramaṇasya vāṇī ||

||245||

Copy textCopy citationPin

upāsanaṃ svātmatayaiva tasya

śrutervacobhirvihitaṃ mumukṣoḥ |

matvā svato'nyaṃ tamupāsate ye

śrutiḥ paśūṃstān bata vakti puṃsaḥ ||

||246||

Copy textCopy citationPin

hitvā''tmadevaṃ bhajate svato'nyaṃ

ya eṣa hastasthitakaustubhaṃ saḥ |

apāsya ratnaṃ vicinoti kiñci-

dityevamūce bhagavān vasiṣṭhaḥ ||

||247||

Copy textCopy citationPin

vapuṣyahantaiva hi pāpamādyaṃ

nirūpitaṃ yad bhagavattamena |

pāpādamuṣmāduditā parasya

svato'nyatādhīrapi pāpameva ||

||248||

Copy textCopy citationPin

pūrṇatvamuktaṃ śrutibhiḥ parasya

satyaṃ bhavatyātmatayaiva tasya |

tatpūrṇatāyā bata bhaṅga eva

pṛthaktvamatyā kriyate hi mūḍhaiḥ ||

||249||

Copy textCopy citationPin

abhedamatyā racitā tu bhakti-

statpūrṇatāṅgīkaraṇasya rītiḥ |

subhaktimetāmatipāvanīṃ ca

brūte mumukṣorbhagavān gururnaḥ ||

||250||

Copy textCopy citationPin

pradīpamādāya tamo'nudhāvan

naro yathā tadvadupāsako'pi |

pṛthaktvayopāsya paraṃ na yātī-

tyevaṃ ca diṣṭaṃ bhagavattamena ||

||251||

Copy textCopy citationPin

bhidāhamantāracitāṃ mṛṣeti

buddhvā bhajatyātmatayā yadīśam |

ato mumukṣoranayaiva bhaktyā

siddhyedahantānidhanaṃ javena ||

||252||

Copy textCopy citationPin

svato'nyamīśaṃ bata manyate yo

mṛṣaiva tenātmasamarpaṇaṃ hi |

mṛṣaiva coleṣu yathā vivāhe

syānnārikelasya phalasya dānam ||

||253||

Copy textCopy citationPin

anātmatāyāṃ paramasya puṃsaḥ

preṣṭhetaratvaṃ bata tasya siddham |

ātmaiva hi preṣṭha iti prasiddhaḥ

śrutyā'nubhūtyā'pi hi sarvajantoḥ ||

||254||

Copy textCopy citationPin

paraṃ prapadyeta vihāya dharmā-

nāropitānātmani jīvatādyān |

avocadevaṃ bhagavān gururno

gītāntimaślokanigūḍhamartham ||

||255||

Copy textCopy citationPin

puṃse parasmai svanivedanaṃ yat

sā bhaktiyogasya parā hi niṣṭhā |

kṣīṇe tvahaṅkārabale tadetad

viśuddhacittena bhavet tu sādhyam ||

||256||

Copy textCopy citationPin

laghvī yathā kāntaśilā mahatyā

vibhinnakoṭyāśrayaṇāt tathaiva |

jīvo'lpako mastakapādayogā-

daikyaṃ bhajet tena pareṇa puṃsā ||

||257||

Copy textCopy citationPin

iṣṭaṃ yathā te bhavatāt tathaiva

sarvātmanā'haṃ tvadadhīna eva |

evaṃ dhiyā tiṣṭhati yaḥ sadaiva

tenārpaṇaṃ svasya bhavedyathārtham ||

||258||

Copy textCopy citationPin

bhūbhāravoḍhā sa iti prapanna-

stasmin bharaṃ nyasya bhajet praśāntim |

vahan svayaṃ gopuradhāribimbo

yathā tathā syāt parihāsapātram ||

||259||

Copy textCopy citationPin

yāne yathā svīyabharaṃ niveśya

karoti yātrāmupaviśya tatra |

evaṃ parasmin svabharaṃ niveśya

samāpayet svāmiha lokayātrām ||

||260||

Copy textCopy citationPin

yathā nijāṃ dehakuṭumbacintāṃ

tyajedbharaṃ nyasya budhaḥ parasmin |

tyajettathā lokahitārthacintāṃ

tasmin samastaṃ ca bharaṃ niveśya ||

||261||

Copy textCopy citationPin

aniṣṭamiṣṭaṃ ca sukhaṃ ca duḥkhaṃ

kālopanītaṃ sahamāna eva |

śokaṃ mudaṃ cāpyabhajan subhaktaḥ

kālaṃ nayet tatparavādhiyaiva ||

||262||

Copy textCopy citationPin

yadā nigīrṇā kṛpayā parasya

naśyedahantā sahajātmabhāve |

nivedanaṃ svasya tadā parasmai

satyaṃ ca pūrṇaṃ ca bhaveddhi sādhoḥ ||

||263||

Copy textCopy citationPin

gaṇeśamūrterguḍanirmitasya

yathā'ṃśamādāya nivedanaṃ syāt |

tathā parasmai svanivedanaṃ syāt

svo nāma tasmānna hi kaścidanyaḥ ||

||264||

Copy textCopy citationPin

ātmā svayaṃ yat paramaḥ sa eva

nivedanaṃ kena kathaṃ ca kasmai |

yenāhamā bhedamavaiti tasmāt

tannāśa evātmanivedanaṃ hi ||

||265||

Copy textCopy citationPin

puṃse parasmai yadi ditsasi sva-

manviṣya pūrvaṃ svamavehi sākṣāt |

evaṃ svadānaṃ kṛtameva tasmā

ityasti vāṇī bhagavattamasya ||

||266||

Copy textCopy citationPin

ahaṅkṛtereva nitāntahānaṃ

namaskṛtestattvamudīryate ca |

jñānaṃ prapattiśca namaskṛtiśce-

tyetat trayaṃ tattvata ekameva ||

||267||

Copy textCopy citationPin

yathā na vīkṣāviṣayaḥ parātmā

bodhasya tadvadviṣayo na so'yam |

agocaratvānmanasaḥ parasya

vidyānmanastaṃ hyayathāvadeva ||

||268||

Copy textCopy citationPin

cidrūpa ātmaiva hi san paro ya-

nnaivāsti cit kācana tadvibhinnā |

jñātā na tasyāsti hi kaścidanyo

jñānasya nāsau viṣayo hi tasmāt ||

||269||

Copy textCopy citationPin

caitanyadīptirmanaso bhavedyā

tasyā nidānaṃ sa hi satya ātmā |

ato vibhinnaṃ bhavitā na tasmāt

kiñcinmanonāmakamatra satyam ||

||270||

Copy textCopy citationPin

caitanyamātmākṛtikaṃ hṛdanta-

rbhāsā svayā bhāskaravadvibhāti |

bhāsā''tmanastasya śaśāṅkavattu

jaḍaṃ manaścetanavadvibhāti ||

||271||

Copy textCopy citationPin

citisvabhāvaṃ na mano'sti yasmāt

tato mano yāti layaṃ suṣuptau |

citisvabhāvaḥ khalu satya ātmā

na yātyasau tena layaṃ kadā'pi ||

||272||

Copy textCopy citationPin

nimīlayatyeva mano hi nityaṃ

svapne'pi jāgratyapi tatsvarūpam |

līnaṃ suṣuptau ca mṛtaṃ turīye

mano vibudhyeta kathaṃ tamekam ||

||273||

Copy textCopy citationPin

svamūlamanviṣya manaḥ parasmin

yātyekatāṃ yat sahajātmabhāve |

sa eva satyaḥ paramasya bodha

ityasti vāṇī bhagavattamasya ||

||274||

Copy textCopy citationPin

bhinnau bhavetāṃ na hi tattvadṛṣṭyā

jīveśvarau dvāviti niścayena |

bhaktyā'thavā svātmagaveṣayogāt

tasminnabhedena labheta niṣṭhām ||

||275||

Copy textCopy citationPin

jñānājñate bhinnapade'jñate dve

sāṃsārike svājñajanānubhūte |

dvābhyāṃ vimukto bhavati prabuddho

dvandvaṃ mṛṣedaṃ khalu yadvadanyat ||

||276||

Copy textCopy citationPin

ubhe'pi caite bhavataḥ sahaiva

naikaṃ vinā'nyena bhavet kadā'pi |

svājñānamūlaṃ dvayamityataścā-

pyajñānameva dvitayaṃ samānam ||

||277||

Copy textCopy citationPin

jñātṛsvarūpāvagatiṃ vinaiva

jñātuṃ svato'nyadyatate hi sarvaḥ |

ajñānajaṃ jñānamidaṃ hi tasmā-

dajñānameveti gurūpadeśaḥ ||

||278||

Copy textCopy citationPin

jñātā'hamasmītyudiyādya eṣa

tadīyatattvāvagatiṃ vinaiva |

yadyadvijānāti dhiyendriyairvā

tattadvijānātyayathāvadeva ||

||279||

Copy textCopy citationPin

avidyamānaṃ bata viśvametat

sadvadvijānāti hi bodhahīnaḥ |

alaukikaṃ cāpi nijaṃ svarūpaṃ

jānāti loke bata jīvabhūtam ||

||280||

Copy textCopy citationPin

dhīrindriyāṇyapyapi mānasaṃ ca

bhavantyavidyāparicārakāṇi |

ataḥ pramāṇāni hi laukikāni

sammohanāyaiva bhavanti jantoḥ ||

||281||

Copy textCopy citationPin

jñātājñate dve bhavato'nubhūte

yenāhamā tasya kuto nu janma |

iti svatattvasya gaveṣaṇena

naṣṭe'hamākhye dvitayaṃ ca naśyet ||

||282||

Copy textCopy citationPin

jñānaṃ yathārthaṃ tvahamo vināśo

nijasvarūpe sahajā sthitirhi |

śiṣṭe na tasyāṃ bhavato'jñate dve

sāṃsārike dvaitavivarjitāyām ||

||283||

Copy textCopy citationPin

tāṃ jñānaniṣṭhāṃ nigadanti buddhā

jñānājñate dve bhavato na yasyām |

niṣṭhā parā sā viduṣo hi yasyāṃ

nāsti svato'nyaccidacitsvarūpam ||

||284||

Copy textCopy citationPin

apaṇḍitaḥ paṇḍita ātmavicca

trayo'pi cājñā hi samānameva |

ajñastṛtīyo'pi yato na tasya

svasmāt pṛthakkiñcana vedyamasti ||

||285||

Copy textCopy citationPin

niṣṭhāṃ gato'sau nijadhāmni satye

vandyaḥ samastairmanujaiḥ suraiśca |

puṃsaḥ parasmādapṛthaktayā'sau

mumukṣupuṃsāṃ bhajanīya eva ||

||286||

Copy textCopy citationPin

ajñānamantaṃ bhajatāṃ turīye

naśyet kuto jñānamuteti kecit |

pṛcchantyabodhātmakatāmabuddhvā

jñānābhidhasyāsya hi laukikasya ||

||287||

Copy textCopy citationPin

naivāsti bodhyaṃ na ca ko'pi boddhā

na cāsti bodho'pi turīyabhāve |

dvandvāni yadvanna bhavanti turye

tathā tripuṭyo'pi na tatra santi ||

||288||

Copy textCopy citationPin

ekaḥ sa ātmaiva hi turyabhāve

jñānājñatābhyāṃ rahitaścakāsti |

jñānasvarūpaḥ svayamavyayo ya-

cchūnyaṃ kathaṃ tat paramaṃ padaṃ syāt ||

||289||

Copy textCopy citationPin

caitanyabhāsā nijayaiva tasmin

bhātyātmarūpaṃ śivamadvitīyam |

na bhāsakaṃ tasya na tena bhāsyaṃ

satyaṃ kimapyasti turīyabhāve ||

||290||

Copy textCopy citationPin

nodeti nāpyastamudeti tasya

caitanyadīptiḥ satataikarūpā |

ādāya tasyaiva cidaṃśaleśaṃ

pratīyate cetanavanmano hi ||

||291||

Copy textCopy citationPin

matvā''tmanāśasya padaṃ turīyaṃ

bibhyatyamuṣmādavivekino ye |

vāñchanti te nityasukhāya gantuṃ

lokāntaraṃ divyamabuddhaśiṣyāḥ ||

||292||

Copy textCopy citationPin

loko yathā'yaṃ bhavitā mṛṣaiva

tathaiva lokā anṛtāḥ pare ca |

ātmaiva lokaḥ khalu buddhapuṃsaḥ

sa eva tasmād gaditaḥ svayaṃ san ||

||293||

Copy textCopy citationPin

kiṃ no dhanena prajayā'pi yeṣāṃ

ātmaiva loko bhavatīti buddhāḥ |

nāpi pravṛttiṃ na ca vā nivṛttiṃ

vāñchanti saṃśāntasamastakāmāḥ ||

||294||

Copy textCopy citationPin

ekaḥ sa bodhātmaka eva satyo

bodhaḥ prapañcākṛtirajñataiva |

bodhāt prapañcākṛtikāt prapañco

bhinno yato nāstyata eva mithyā ||

||295||

Copy textCopy citationPin

ajñānametat tamasā samānaṃ

na śakyamastīti tu vaktumetat |

tamo na yadvat sahate prakāśa-

majñānamevaṃ sahate na bodham ||

||296||

Copy textCopy citationPin

pratīyate'jñānamidaṃ parasmin

prapañcarūpaṃ sadivājñamartyaiḥ |

satye suvarṇe rucakānyasanti

sadvat pratītāni yathā bhavanti ||

||297||

Copy textCopy citationPin

satyaṃ suvarṇaṃ rucakānyasantī-

tyetat kathaṃ syāditi ced gurornaḥ |

dārṣṭāntikaṃ viśvamidaṃ mṛṣeti

sandarśanāyātra padaprayogaḥ ||

||298||

Copy textCopy citationPin

dārṣṭāntikasya sphuṭabodhanāya

sarvo'pi dṛṣṭānta udīryate yat |

vivakṣitārthāvagatiryathā syāt

tathaiva dṛṣṭāntanivedanāni ||

||299||

Copy textCopy citationPin

suvarṇamāsan rucakāni pūrvaṃ

tadeva madhye'pi tadeva cānte |

satyaṃ suvarṇaṃ rucakānyapekṣya

vinaśvaratvādrucakāni mithyā ||

||300||

Copy textCopy citationPin

anityataivātra mṛṣātvaliṅgaṃ

satyatvamuktaṃ khalu nityataiva |

ato'jñatā tajjamidaṃ ca viśvaṃ

rajjvāmahiryadvadasatyameva ||

||301||

Copy textCopy citationPin

paṭe prakāśena yute yathā vā

mṛṣaiva citrāṇyacale calanti |

tadvajjagaccitratatiśca seya-

māyāti saṃyāti mṛṣaiva satye ||

||302||

Copy textCopy citationPin

draṣṭā calaccitratatervibhinno

draṣṭā jagaccitratatāvabhinnaḥ |

viśeṣa evaṃ jagato'sti yasmāt

sadraṣṭṛkasyāsya mṛṣātvasiddhiḥ ||

||303||

Copy textCopy citationPin

yathā calaccitratatervirāme

paṭaprakāśo'sti viśuddha evam |

mṛṣā jagaccitratatervirāme

śiṣyeta śuddhā citirātmarūpā ||

||304||

Copy textCopy citationPin

pratikṣaṇaṃ nūtanameva citraṃ

vīkṣyāpi sarvaṃ manute yathaikam |

tathaikamajño manute hi vīkṣya

pratikṣaṇaṃ nūtanameva viśvam ||

||305||

Copy textCopy citationPin

ādhāravastre'pi tadīyabhāsā

yathā calaccitratatirvibhāti |

evaṃ prapañco'pi sadātmarūpe

tadīyasaṃvitprabhayaiva bhāti ||

||306||

Copy textCopy citationPin

ātmā svataḥ sannata eva heto-

rnaiva svataḥ satyamidaṃ hi viśvam |

vijñeyamevaṃ jagato mṛṣātvaṃ

sattā''tmanaścāpi cidātmakasya ||

||307||

Copy textCopy citationPin

deśena kālena vibhaktameva

svapne mano jāgarite samānam |

avaiti dehādisamastadṛśya-

mato vicāryā'styanayośca sattā ||

||308||

Copy textCopy citationPin

trayaṃ manomātramidaṃ pradiṣṭaṃ

deśo'pi kālo'pi nimittayogaḥ |

pāścātyadeśīyavipaścitā'sti

kāntābhidhānena suyuktivādaiḥ ||

||309||

Copy textCopy citationPin

sarvānubhūtyā'pi suṣuptibhāve

buddhānubhūtyā'pi turīyabhāve |

mṛṣātvametat prakaṭīkaroti

sphuṭaṃ mumukṣorbhagavān gururnaḥ ||

||310||

Copy textCopy citationPin

suṣuptibhāve manasi pralīne

turīyabhāve manasi praṇaṣṭe |

na ko'pi jānāti hi deśakālau

manomayaṃ taddvitayaṃ hi tasmāt ||

||311||

Copy textCopy citationPin

manaḥ saviśvaṃ sṛjati dvayaṃ ca

svapne yathā jāgarite tathaiva |

tābhyāṃ vinā vetti mano na kiñci-

deṣa svabhāvo manaso hi nityaḥ ||

||312||

Copy textCopy citationPin

deho'hamityajñatayaiva martyo

deśe'pi kāle'smyahamityavaiti |

deśe bhavāmo na hi nāpi kāle

dehā vayaṃ cedubhayorbhavema ||

||313||

Copy textCopy citationPin

dehā vayaṃ no na ca dehino vā

jīvā vayaṃ naiva kadā'pyabhūma |

asmāsu tau dvau manasopaklṛptau

hyavidyayā yadvadidaṃ samastam ||

||314||

Copy textCopy citationPin

mano'hamo janmabhuvaṃ vimṛgya

labheta śāntiṃ yadi turyabhāve |

tadā nigīryeta sadātmanaiva

sahāhamā taddvitayaṃ saviśvam ||

||315||

Copy textCopy citationPin

māyāmayaṃ kāraṇakāryarūpaṃ

sadeśakālaṃ bata viśvametat |

na vikriyāmeti kadācidātmā

deśena kālena nimittato vā ||

||316||

Copy textCopy citationPin

sadaikadhaivācyuta eka ātmā

kālātigo deśavivarjitaśca |

pūrṇaḥ prabuddhairanubhūyate yat

sa eva satyo na tu kiñcidanyat ||

||317||

Copy textCopy citationPin

bhūto'pi bhāvī ca bhavannitīme

kālasya bhedā api naiva satyāḥ |

bhūto'pi bhāvī bhavadāśrayau ca

bhavan svakāle bhavato hyubhau ca ||

||318||

Copy textCopy citationPin

ato bhavanneva samastakālo

vācaiva kurvanti vibhāgamevam |

ātmasvarūpaṃ khalu nityasatya-

mato bhavannāma tadeva nānyat ||

||319||

Copy textCopy citationPin

icchedatastattvamamuṣya boddhuṃ

turīyabhāvādhigamena sādhuḥ |

carceha bhūtasya ca bhāvino'pi

vinaikasaṅkhyāṃ gaṇaneti diṣṭā ||

||320||

Copy textCopy citationPin

astyekasaṅkhyaiva na kācidanyā

saṅkhyāḥ samastāśca tadātmikā hi ,

astyevamātmākṛtikā cideva

tadātmakaṃ sarvamidaṃ ca viśvam ||

||321||

Copy textCopy citationPin

yathaikasaṅkhyāmavagamya samyak

saṅkhyāṃ samastāmavagantumīṣṭe |

jñātvaivamekaṃ nijatattvameva

jānanti buddhā jagato'pi tattvam ||

||322||

Copy textCopy citationPin

bodhaḥ svato'nyasya vinā svabodha-

mabodha eveti gururbravīti |

svasminnabuddhe sati vetti yadyat

tattadvijānātyayathāvadeva ||

||323||

Copy textCopy citationPin

svasmin vibuddhe nijamārgaṇena

boddhuṃ svato'nyanna hi kiñcidasti |

buddhasya bhātyātmatayaiva sarva-

mātmā tataḥ sarva iti prasiddhaḥ ||

||324||

Copy textCopy citationPin

satyātmabhāve sthitimeva tasmāt

sarvajñatāṃ śrīramaṇo bravīti |

sarvajñatāṃ yāṃ gaṇayantyabuddhāḥ

saiṣājñataivetyapi vakti so'yam ||

||325||

Copy textCopy citationPin

nedaṃ śarīrāt pṛthagasti viśvaṃ

nedaṃ śarīraṃ manaso'sti bhinnam |

satyātmano nāsti mano vibhinna-

mātmaiva tasmādakhilaṃ ca viśvam ||

||326||

Copy textCopy citationPin

ahaṃ purā janmani kīdṛgāsa-

mitaḥ paraṃ cāpi kathaṃ bhaveyam |

īdṛgvicārā bata mugdhataiva

na janma lebhe hi kadācidātmā ||

||327||

Copy textCopy citationPin

vyaṣṭeḥ samaṣṭerapi cintanāni

nirarthakānyeva mumukṣupuṃsām |

cintāḥ samastāḥ prabhavanti yasya

tanmūlacintaiva hi muktidātrī ||

||328||

Copy textCopy citationPin

praśnāḥ kriyante'tra mudhaiva martyaiḥ

sṛṣṭaṃ jagat kena kathaṃ ca pūrvam |

kā nāma māyā kathamā'pyavidyā

kathaṃ nvabhūjjīva iti pramādāt ||

||329||

Copy textCopy citationPin

dṛṣṭerna sṛṣṭiḥ pṛthagasti kācid

dṛṣṭiśca sṛṣṭirdvayamekameva |

sā dṛṣṭirajñānamayīti heto-

stasyāḥ prahāṇaṃ nidhanaṃ hi satyam ||

||330||

Copy textCopy citationPin

māyābhidhānā paraśaktireva

manassu buddhīndriyabodharūpam |

vicitrametaṃ sṛjati prapañcaṃ

sa satyavad gṛhyata eva mugdhaiḥ ||

||331||

Copy textCopy citationPin

sadvadvicāreṇa mṛṣātmakasya

satyāt pramādo bhavitā dhruvaṃ hi |

na ca pramādādaparo'sti mṛtyuḥ

svo naṣṭakalpo'sti hi tena sādhoḥ ||

||332||

Copy textCopy citationPin

asminnavedīdyadi janmani svaṃ

tadaiva satyaṃ puruṣasya satyam |

na cedavedīdiha janmani svaṃ

tasyāvṛtaṃ syādanṛtena satyam ||

||333||

Copy textCopy citationPin

taddeśakālavanṛtau viditvā

vihāya viśvaṃ ca samastameva |

icchedadhiṣṭhānasadeva boddhuṃ

svātmasvarūpaṃ nijamārgaṇena ||

||334||

Copy textCopy citationPin

kartā'smyahaṃ karmaphalasya bhokte-

tyevaṃ naro yo manute sa eva |

dhīdaivayorbhedamavaiti satyaṃ

kartā'pi bhoktā na tu satya ātmā ||

||335||

Copy textCopy citationPin

iṣṭaṃ yadā karmaphalaṃ tadānīṃ

balīyasīṃ buddhimavaiti daivāt |

yadyanyathā karmaphalaṃ bhavettu

daivaṃ balīyo manute tadānīm ||

||336||

Copy textCopy citationPin

daivaṃ bhavet pūrvakṛtaṃ hi karma

dhiyā kṛtaṃ karma samastameva |

dhīdaivayordvandvamato mṛṣaiva

tayorvirodhaḥ kathamastu satyaḥ ||

||337||

Copy textCopy citationPin

dhīdaivayormūlamahaṅkṛtiryat

svānveṣaṇāt sā yadi nāśamīyāt |

dhīdaivayordvandvamidaṃ vinaśye-

nna vetti dhīdaivabhidaṃ prabuddhaḥ ||

||338||

Copy textCopy citationPin

buddho'manasko galitābhimānaḥ

saṅkalpaśūnyo'pi bhavenna kartā |

bhoktā'pi nāsau bhavitā kadā'pi

na vetti dhīdaivabhidāmato'sau ||

||339||

Copy textCopy citationPin

svo'buddhamartyasya ca nityabuddho

na sajjate karmasu naiti moham |

tatsannidhānena tu labdhasañjñā

pravartate dhīḥ svaguṇānurūpam || 340 ,,

cintāmato daivadhiyorvihāya

sāṃsārikīṃ cāpi samastacintām |

brahmātmakaṃ kevalamātmatattvaṃ

yateta boddhuṃ nijamārgaṇena ||

||341||

Copy textCopy citationPin

jīvābhidhāno jagadīkṣako ya-

stasminnigūḍhaṃ jagato'sya tattvam |

udetyayaṃ cedudiyācca viśvaṃ

līyeta viśvaṃ layametyayaṃ cet ||

||342||

Copy textCopy citationPin

tattattvamasyaiva nijānubhūtyā

jānan prabuddhaḥ samavaiti viśvam |

anye tu dehātmadhiyā'bhibhūtā

viśvaṃ vijānantyayathāvadeva ||

||343||

Copy textCopy citationPin

jīvo'jñatāyāḥ prathamaṃ svarūpaṃ

jīvo'ṅkuraḥ saṃsṛtidurdrumasya |

vibhūtirasyaiva jagat samastaṃ

nāśo'ntataścāsya vimukti bhāvaḥ ||

||344||

Copy textCopy citationPin

tamenamarthaṃ sugato guruścā-

pyūce tathā śaṅkaradeśikendraḥ |

brūte'pi cāsmadgururarthamenaṃ

vedāntasāro'pyayamartha eva ||

||345||

Copy textCopy citationPin

viśvaṃ svadṛśyaṃ na vinā kadā'pi

draṣṭā'sya jīvo bhavati pratītaḥ |

jīvo na ko'pyasti suṣuptibhāve

manomano'yaṃ hi yathā'sya dṛśyam ||

||346||

Copy textCopy citationPin

sahaiva dehena bhavet pratīto

jīvābhidho'yaṃ khalu sarvadā'pi |

mṛtau ca dehasya na pūrvadehaṃ

jahātyanādāya hi dehamanyam || 347 |

jīvo'yamevaṃ vapuṣo'pṛthaktvā-

dantarbhavatyeva jagatsvarūpe |

nityatvamasyaiva tu kalpayanti

śiṣyā abuddhasya gurorabuddhāḥ ||

||348||

Copy textCopy citationPin

vinā vicāraṃ bata jīvamenaṃ

dehīti cātmetyapi manyamānāḥ |

saṃsāritādyānapi cāsya dharmā-

nāropayantyātmani nityamukte ||

||349||

Copy textCopy citationPin

ato matāni prabhavanti nānā

satyātmanaḥ sarvamatātigasya |

baddhaṃ tamenaṃ bata manyamānā-

ścarantyanekānapi yogamārgān ||

||350||

Copy textCopy citationPin

kartṛtvabhoktṛtvaśarīritādyāḥ

saṃsāritā cāpyuta jīvadharmāḥ |

dharmā na te śuddhacidātmakasya

satyātmanaḥ saṅgavivarjitasya ||

||351||

Copy textCopy citationPin

svaṃ jīvabhūtaṃ bata manyate yo

dehātmabhāvo na hi tasya naṣṭaḥ |

bodhātmatāṃ svasya na budhyate ya-

stasyānivāryo vapurātmabhāvaḥ ||

||352||

Copy textCopy citationPin

ātmā suṣupto ca sukhasvarūpo

lokaiḥ samastairanubhūyate yat |

dehāt pṛthak svo bhavatīti boddhuṃ

śaknoti dhīmān khalu sūkṣmabuddhyā ||

||353||

Copy textCopy citationPin

nāṅgīkaroti hyata eva dhīmān

dehātmatāṃ svasya vicāraṇāyām |

tathā'pyavijñātanijasvarūpo

bhūyo'pi dehātmamatiṃ karoti ||

||354||

Copy textCopy citationPin

yāvanna jīvatvamativyapaiti

dehātmadhīrnaiva vināśamīyāt |

naśyettu sā turyapadasva lābhā-

dyatrānubhūyeta paraṃ svatattvam ||

||355||

Copy textCopy citationPin

jānāti yaḥ svaṃ paramadvitīyaṃ

turīyabhāve sthitimetya nityām |

na tasya jīvo'hamiti pratītiḥ

sa eva dehātmadhiyā vimuktaḥ ||

||356||

Copy textCopy citationPin

dehātmabhāvaṃ mana ātmabhāvaṃ

jīvātmabhāvaṃ ca mṛṣeti buddhvā |

bodhātmatāṃ svāmavagantumicchan

yateta sādhū ramaṇoktarītyā ||

||357||

Copy textCopy citationPin

vicāryamāṇe sati jīvatattve

buddhopadeśaiḥ pariśuddhabuddhyā |

āvidyako'yaṃ bata jīvanāmā

na tattvato'stīti subodhameva ||

||358||

Copy textCopy citationPin

manyanta ātmadvitayaṃ ca kecid

bhedena jīvātmaparātmanaśca |

jīvasya cātmeti paraṃ vadanti

jīvaḥ śarīraṃ paramasya ceti ||

||359||

Copy textCopy citationPin

jīvātmataivaṃ calamadhruvaṃ ya-

dātmā yathārthaḥ para eva nānyaḥ |

jīvābhidho'san para eva satya

ityucyate'smadguruṇā sphuṭaṃ ca ||

||360||

Copy textCopy citationPin

mṛṣātvavācī khalu jīvaśabdaḥ

satyatvavācī paraśabda eva |

jīvo mṛṣetyevamavetya sādhu-

rjīvātmabhāvaṃ prayateta hātum ||

||361||

Copy textCopy citationPin

jaivena rūpeṇa tameva dehe-

ṣvanupraviṣṭaṃ śrutayo vadanti |

ato na jīvo'sti pṛthak parasmā-

dityevamartho bhavati sphuṭaṃ naḥ ||

||362||

Copy textCopy citationPin

udeti jīvo na vilīyate ca

satyātmano naiva layodayau staḥ |

jīvā aneke ca sa eka eva

satyevamātmā kathamastu jīvaḥ ||

||363||

Copy textCopy citationPin

viśuddhacinmātratayā svataḥ san

na līyate svo hi suṣuptibhāve |

asan svato'jñānasamutthito'yaṃ

prayāti jīvastu layaṃ suṣuptau ||

||364||

Copy textCopy citationPin

suṣuptibhāve sukharūpako yo

lokaiḥ samastairanubhūyate ca |

turīyabhāve pariśiṣyate ca

śuddho'dvayaḥ san sa hi satya ātmā ||

||365||

Copy textCopy citationPin

suṣuptibhāve'pyahami pralīne

turīyabhāve'pyahami praṇaṣṭe |

vibhātyavicchinnatayetyasau svo

nigadyate'hampadalakṣitārthaḥ ||

||366||

Copy textCopy citationPin

brahmātmako'sāvahamityajasraṃ

svayaṃ vibhātyātmatayā hṛdantaḥ |

vapurmitaṃ jīvamimaṃ tu tasmin

pūrṇe pare'dhyasyati hanta mohāt ||

||367||

Copy textCopy citationPin

asmīti bodhaṃ na ruṇaddhyavidyā

bodho'hamasmīti tu bodhameva |

jānāti sarvo'pi hi naijasattāṃ

jānāti na svaṃ nirupādhikaṃ tat ||

||368||

Copy textCopy citationPin

nāhantayodeti cidātmakaḥ svo

jaḍo na deho'hamiti bravīti |

madhye tayoḥ kaścidudetyabodhe

vapuḥ pramāṇastvahamityasatyaḥ ||

||369||

Copy textCopy citationPin

ahaṃsvarūpā citirātmano yā

jaḍaṃ vapuścetyubhayośca yogāt |

udeti deho'hamiti pratītiḥ

pratītireṣaiva hi jīvarūpam ||

||370||

Copy textCopy citationPin

dehātmanorekatayā'vagatyā

pratīyate satyavadeṣa yasmāt |

taccijjaḍagranthiriti prathā'sya

bhavatyavidyāparikalpitasya ||

||371||

Copy textCopy citationPin

jaḍena dehena kadā'pi saṅgaḥ

satyātmano nāsti yathārthatastu |

naivodabhūt kaścana jīvanāmā

naivāpa jīvatvamasau ca pūrṇaḥ ||

||372||

Copy textCopy citationPin

svayamprakāśaṃ nirapekṣamekaṃ

caitanyamātmākṛtikaṃ hi satyam |

caitanyamanyanna hi kiñci-

dastītyacitsvarūpaḥ khalu jīva eṣaḥ ||

||373||

Copy textCopy citationPin

pratīyate cetanavattu jīva

ātmasvarūpasya cidaṃśayogāt |

ato hi vedāntina āhurenaṃ

jīvaṃ cidābhāsamasatsvarūpam ||

||374||

Copy textCopy citationPin

svayaṃ samāgatya yathā vivāhe

vadan varasyāsmi sakheti mithyā |

vadhūgṛhibhyo labhate saparyāṃ

jīvo'yamaṅgīkriyate tayā'jñaiḥ ||

||375||

Copy textCopy citationPin

ko'yaṃ kuto veti vicāryamāṇo

vadhūgṛhibhyaḥ svayameṣa dhāvet |

dhāvet tathaiva svayameṣa jīvaḥ

ko'yaṃ kuto veti vicāryamāṇaḥ ||

||376||

Copy textCopy citationPin

na rūpamasyāsti yathārthato yat

piśācavad dehagṛhe sthitasya |

tad deharakṣārthamayaṃ niyuktaḥ

piśāca eveti gururbravīti ||

||377||

Copy textCopy citationPin

na śiṣyate kiñcana rūpamasya

turīyabhāvādhigame gaveṣāt |

evaṃ prabuddho bhagavān gururno

mṛṣātvamasya prakaṭīkaroti ||

||378||

Copy textCopy citationPin

ādyā manovṛttiriyaṃ hyahandhī-

rato'nyadhīvṛttaya udbhavanti |

ato manaḥ sūkṣmavapuḥ prapañco

bhavo'pi bandho'pyameva nānyat ||

||379||

Copy textCopy citationPin

bandho'pi baddho'pyayameka eva

baddho'sti nāsmāditaro'tra kaścit |

svo nityamuktaprakṛtirhi satyaḥ

sa bandhamāpeti kathaṃ nu vācyam ||

||380||

Copy textCopy citationPin

asminnahannāmani jātamātre

sañjāyate viśvamidaṃ sahaiva |

asmin vilīne layameti viśvaṃ

tadviśvamasyaiva hi rūpamuktam ||

||381||

Copy textCopy citationPin

nityāparokṣo'pi sadaiva puṃsa

ātmā mahān preṣṭha uruprakāśaḥ |

durātmanā'haṅkṛtirūpakeṇa

hṛtaprabho yadvadalaṃ na bhāti ||

||382||

Copy textCopy citationPin

ācchādayatyeṣa mṛṣātmako'pi

satyātmarūpaṃ khalu jīvanāmā |

ato'jñapuṃsā bahubhirvikalpai-

rvikalpitaḥ svo'sti hi naṣṭakalpaḥ ||

||383||

Copy textCopy citationPin

bhānuprabhāsañjanitābhrapaṅkti-

stirodadhātyeva hi bhānurūpam |

tirodadhātyeva tathā''tmarūpaṃ

tasyaiva saṃvitprabhayodito'yam ||

||384||

Copy textCopy citationPin

kiṃ tena coreṇa kṛtaṃ na pāpa-

mātmāpahartretyapi vedavāṇī |

nindatyahandhīmuṣitātmatattvaṃ

pāpena tenaiva ca dūyamānam ||

||385||

Copy textCopy citationPin

yadādimaṃ pāpamūdīrayanti

krīstānugā mṛtyukaraṃ narāṇām |

karmādyapuṃso na hi tat paraṃ tu

vapuṣyahanteti gururbravīti ||

||386||

Copy textCopy citationPin

idaṃ narasyaiva hi pāpamuktaṃ

na hyasti puṃsāṃ naratā suṣuptau |

dehātmamatyaiva naratvadhīryat

dehātmadhīreva hi pāpamādyam ||

||387||

Copy textCopy citationPin

naṣṭiḥ samastā'pyaguṇaḥ samasto

duḥkhaṃ samastaṃ ca vapuṣyahandhīḥ |

lābhaḥ samasto'pi guṇaḥ samastaḥ

sukhaṃ samastaṃ ca tadīyanāśaḥ ||

||388||

Copy textCopy citationPin

ātmā'jñapuṃso'pyahamā vinaṣṭo

labdhvā'pi sarvaṃ kṛpaṇo hi so'yam |

svameva labdhvā tvahamo vināśā-

llabdhavyamanyanna hi vīkṣate jñaḥ ||

||389||

Copy textCopy citationPin

satyaṃ śarīraṃ bata manyamānā

ātmeti matvā'pyuta jīvameva |

vedāntavākyānayathāvadeva

buddhvā''tmanānātvamudīrayanti ||

||390||

Copy textCopy citationPin

yadyeka ātmā dvividho'sti doṣa

ekasya muktau sakalasya muktiḥ |

mucyeta no ko'pyathaveti mugdhā

mudhā vadantyaśrutaturyatattvāḥ ||

||391||

Copy textCopy citationPin

jīvā bhave'smin bahavo bhavantu

satyātmano naiva bahutvamiṣṭam |

nānā mṛṣaivāpyuta jīvarūpa-

mekaṃ ca satyaṃ śivamātmarūpam ||

||392||

Copy textCopy citationPin

aṃśāṃ na satyā hi citaḥ parasya

avidyayā'ṃśāḥ parikalpitā hi |

pade turīye viduṣo vibhāti

pūrṇā'vibhaktā ca niraṃśakā sā ||

||393||

Copy textCopy citationPin

cidekakā sarvagatā samā ca

tasyā vibhāgo viṣamo'jñataiva |

deśo na satyo hyata eva tasyāḥ

samo vibhāgo'pi ca nāsti satyaḥ ||

||394||

Copy textCopy citationPin

vispaṣṭamevaṃ guruṇopadiṣṭā

citaḥ parasyā avibhaktataiva |

muhyantvabuddhasya gurostu śiṣyā

asmākamatrāstu kathaṃ nu mohaḥ ||

||395||

Copy textCopy citationPin

siddhe mṛṣātve sati jīvanāmna-

ścintye kathaṃ bandhavimocane'sya |

na bandhamuktī bhavato'cyutasya

pūrṇasya satyātmana ekakasya ||

||396||

Copy textCopy citationPin

dehasya dikkālamitasya cāsya

tayoratītasya cidātmanaśca |

parasparādhyāsakṛtāvivekāt

pratīyate satyavadeṣa jīvaḥ ||

||397||

Copy textCopy citationPin

kvaciccharīre'hamiti pratītyā

tatsatyamevetyapi niścayena |

paśyannanekāni vapūṃśi sadva-

jjīvān pṛthak paśyati tatra tatra ||

||398||

Copy textCopy citationPin

ekaḥ śarīreṣvanṛteṣu satyo

vibhaktavadbhātyavibhakta ātmā |

pūrṇaṃ tamātmānamarūpamajño

matvā sarūpaṃ samavaityanekam ||

||399||

Copy textCopy citationPin

pratikṣaṇaṃ nūtanameva citraṃ

paśyan yathaikaṃ manute tathaiva |

pratikṣaṇaṃ vīkṣya navaṃ śarīraṃ

tatsarvamekaṃ manute'jñamartyaḥ ||

||400||

Copy textCopy citationPin

evaṃ sadā nūtana eva dehe

jīvaṃ navaṃ kalpayate'sya cittam |

ato hi buddhā nigadanti jīvaṃ

tamenameva kṣaṇikaṃ ca mithyā ||

||401||

Copy textCopy citationPin

deho'hamityuttamapūruṣaṃ ca

dehāntare madhyamapūruṣaṃ ca |

anyatra dehe prathamaṃ pumāṃsaṃ

paśyatyavijñātanijasvarūpaḥ ||

||402||

Copy textCopy citationPin

bhinnāstridhaivaṃ puruṣā na satyā

deho'hamityajñatayā pratītāḥ |

naṣṭe'hami svātmagaveṣaṇena

cidrūpa ātmaikaka eva bhāyāt ||

||403||

Copy textCopy citationPin

pratyeti yaḥ svaṃ bata jīvabhūtaṃ

jīvā aneke vilasanti tasya |

evaṃvidhā jñānavivarjitasya

bhāyānna buddhasya tu ko'pi jīvaḥ ||

||404||

Copy textCopy citationPin

striyaḥ pumāṃso bahavaścaranti

paṭaprakāśe khalu citramātrāḥ |

evaṃ carantyātmani citsvarūpe

jīvā aneke bata cittamātrāḥ ||

||405||

Copy textCopy citationPin

paṭaprakāśopamamātmatattvaṃ

citropamā eva bhavanti jīvāḥ |

ātmādvayatvaṃ paramārthamevaṃ

na bādhyate jīvabahutvabhānāt ||

||406||

Copy textCopy citationPin

ātmeti jīvasya viniścayena

pratyeti nānātvamihātmanāṃ ca |

satyaṃ tu nātmānamavaiti pūrṇaṃ

muhyatyato bhedadhiyā'pakṛṣṭaḥ ||

||407||

Copy textCopy citationPin

yathā śarāveṣu pṛthag jaleṣu

vibhāntyaneke pratibimbacandrāḥ |

tathaiva deheṣu manassu bhānti

jīvā aneke pratibimbamātrāḥ ||

||408||

Copy textCopy citationPin

yathārtha candro bhavitā yathaika

ātmā yathārtho'pi tathaika eva |

yathā ca nānā pratibimbacandrāḥ

vibhānti nāneva tathaiva jīvāḥ ||

||409||

Copy textCopy citationPin

pṛthag jalendornidhane vibhānti

yathaiva pūrvaṃ hi jalendavo'nye |

pṛthak cidābhāsamṛtau tathānye

pūrvaṃ yathā bhānti mṛṣaiva santaḥ ||

||410||

Copy textCopy citationPin

yo yo vijānāti nijaṃ svarūpaṃ

tasmai bhavo'yaṃ viratiṃ prayāti |

anye yathāpūrvamiha bhramanti

yāvadvijānanti nijaṃ na tattvam ||

||411||

Copy textCopy citationPin

eṣopamā mandamatibhya uktā

teṣāṃ mṛṣājñānamanūdya buddhaiḥ |

jīvo mṛṣaivetyavayanti ye tu

nirarthako'yaṃ bhavitā vivādaḥ ||

||412||

Copy textCopy citationPin

svapne yathā mānasamohajātā

jīvā aneke vilasanti sadvat |

tathā'jñapuṃsāṃ vilasantyaneke

jīvā ime jāgarite'pyasantaḥ ||

||413||

Copy textCopy citationPin

svānāṃ bahutvaṃ vadatāṃ pramāṇaṃ

nirastadoṣaṃ na hi kiñcidasti |

ātmādvayatve'styubhayaṃ pramāṇaṃ

buddhānubhūtiśca taduktayuktiḥ ||

||414||

Copy textCopy citationPin

ahaṃsvarūpeṇa sadaikadhā'nta-

rātmā śarīreṣu vibhāti yasmāt |

tat sarvadeheṣu sa eka eve-

tyasmadguruḥ śrīramaṇo bravīti ||

||415||

Copy textCopy citationPin

dhyeyā sadaivādvayatā prayatnād

varteta nādvaitadhiyā kriyāsu |

manyeta lokatritaye'dvayatvaṃ

manvīta naivaṃ guruṇā tu sākam ||

||416||

Copy textCopy citationPin

yathā'jñapuṃsāṃ bhuvanaṃ vibhāti

bhāyāt tathedaṃ viduṣaḥ kathaṃ nu |

yena prakāreṇa vibhāti viśvaṃ

buddhasya taṃ cāpi gururbravīti ||

||417||

Copy textCopy citationPin

īśo'pi jīvā jaḍavastujāta-

miti pratītaṃ jagadajñamartyaiḥ |

buddhasya bhātyātmatayā samastaṃ

hyāropitāṃśapravilāpanena ||

||418||

Copy textCopy citationPin

tat turyaniṣṭhāṃ sahajāmavāpya

jīvan vimukto vinivṛttamohaḥ |

nātmetarat kiñcana vīkṣate yat

kimapyasat tasya bhavet kathaṃ nu ||

||419||

Copy textCopy citationPin

tat svam śarīraṃ bhuvanaṃ ca satyaṃ

vadet prabuddho'pi ca yadvadajñaḥ |

bhāve dvayorasti mahāṃstu bhedo

nāropitāṃśo viduṣo hi bhāti ||

||420||

Copy textCopy citationPin

mumukṣupuṃse hi vivekadṛṣṭi-

rvidhīyate naiva vimuktapuṃsaḥ |

bhavenmumukṣoravivekadṛṣṭi-

rna sambhavet sā khalu buddhapuṃsaḥ ||

||421||

Copy textCopy citationPin

dehātmamatyā'jñajanaḥ sarūpaṃ

vapurmitaṃ cāpi hi manyate svam |

jño vettyanantaṃ svamarūpamekaṃ

bhāve bhidaivaṃ bhavati dvayośca ||

||422||

Copy textCopy citationPin

śarīramityajñajanekṣitaṃ yad

buddhasya bhātyatmatayaiva taddhi |

tadeva buddho'hamiti bravīti

hyupekṣya bodhena śarīrarūpam ||

||423||

Copy textCopy citationPin

satyaṃ prapañcaṃ vadatordvayośca

vākye samāne'pi bhidā'sti bhāve |

ajñasya bhedairhi nimīlitaṃ sat

satyaṃ yathāvadviduṣasya bhāti ||

||424||

Copy textCopy citationPin

ādhārasatyaṃ jagato'viditvā

samīkṣya cāropitavastujātam |

manvāna etat svata eva satyaṃ

bravīti satyaṃ jagadityavidvān ||

||425||

Copy textCopy citationPin

vibhātyadhiṣṭhānasadeva śuddha-

manāmarūpaṃ viduṣo hi sākṣāt |

nāropitaṃ bhāti hi tasya sadvat

vadenmṛṣā viśvamasau kathaṃ nu ||

||426||

Copy textCopy citationPin

ācchādakaṃ viśvamidaṃ parasya

svājñānasandūṣitalocanasya |

ācchādyate tena satā pareṇa

svajñānasaṃśodhitalocanasya ||

||427||

Copy textCopy citationPin

tattvaṃ vijānan mṛgatṛṣṇikāyā

bhūyo yathā paśyati tāmamūḍhaḥ |

paśyaṃstathā viśvamidaṃ prabuddho

na manyate satyamidaṃ yathā'jñaḥ ||

||428||

Copy textCopy citationPin

viśvaṃ yathā'jñaiḥ saditi pratītaṃ

naivaṃ hi satyaṃ tadidaṃ kathañcit |

satyaṃ yathedaṃ viduṣo vibhāti

janantyabuddhā na hi taṃ prakāram ||

||429||

Copy textCopy citationPin

yadajñapuṃsāṃ bahubhedabhinnaṃ

sarūpakaṃ svānyadivāvabhāti |

tadetadātmaiva hi buddhapuṃso

nirastabhedo'pyuta rūpahīnaḥ ||

||430||

Copy textCopy citationPin

atyantamithyā na hi viśvamuktaṃ

nedaṃ narāśvādiviṣāṇatulyam |

atyantamithyā yadi naiva bhāyād

bhāti tvadhiṣṭhānasadaṃśayogāt ||

||431||

Copy textCopy citationPin

mithyā hyadhiṣṭhānasatā vihīnaṃ

vandhyāsutādyaṃ na vibhāti kiñcit |

mithya tvadhiṣṭhānasati pratītaṃ

rajjvāṃ yathā'hiḥ sadivāvabhāti ||

||432||

Copy textCopy citationPin

sattā'pyasattā'pyubhayaṃ ca vācyaṃ

viśvasya nāstyatra virodhaleśaḥ |

sattā'styadhiṣṭhānasadaṃśayogā-

nmithyātvamāropitanāmarūpaiḥ ||

||433||

Copy textCopy citationPin

satyatvamaṅgīkṛtamevamasya

kiṃ tvetadastītyucitaṃ na vaktum |

sattāstite dve bhavato vibhinne

taducyate'stīti yat svataḥ sat ||

||434||

Copy textCopy citationPin

vadanti viśvaṃ vyavahārasatyaṃ

prātītikaṃ svapnasamīkṣitaṃ ca |

brahmādvitīyaṃ paramārthasatyaṃ

mudhā vikalpāsta ime hi bhedāḥ ||

||435||

Copy textCopy citationPin

ekasvarūpaiva hi satyatā'sti

na santi bhedāḥ khalu satyatāyām |

ato hyasatyaṃ dvitayaṃ samānaṃ

svapnekṣitaṃ jāgaritekṣitaṃ ca ||

||436||

Copy textCopy citationPin

viśvasya mithyātvamihopadiṣṭaṃ

svānveṣaṇāt turyapadasyalipsoḥ |

satyaṃ prapañcaṃ bata manyamāno

vidyāt kathaṃ svaṃ paramārthasatyam ||

||437||

Copy textCopy citationPin

yat satyavat syādanṛtasya bhānaṃ

jñānena tasyasti virāma eva |

saṃviddhivasvān khalu satya ātmā

tatsannidhāne kathamastvavidyā ||

||438||

Copy textCopy citationPin

astyajñatā cedatha kasya seti

praśno'tra jāgarti hi sādhakasya |

tenātmatattvaṃ parimṛgyate ce-

dajño'jñatā dve vrajato vināśam ||

||439||

Copy textCopy citationPin

ajñānamaṅgīkriyate'tra śāstre

jīvābhidhasyaiva hi kalpitasya |

naivātmano'ṅgīkṛtametadasti

sa nityabuddhaprakṛtirhi turyaḥ ||

||440||

Copy textCopy citationPin

sambadhyate naiva sahānṛtena

dvaitaprapañcena kadācidātmā |

deśena kālena nimittato vā

yatheha rajjurbhujagena sākam ||

||441||

Copy textCopy citationPin

uktā jagatkāraṇatā parasya

bhavatyasatyaiva hi tattvadṛṣṭyā |

parasya śaktistriguṇātmikā yā

māyābhidhā kāraṇamucyate sā ||

||442||

Copy textCopy citationPin

dve brahmaṇī hi śrutiṣu prasiddhe

nirbījakaṃ cāpi sabījakaṃ ca |

nirbījakaṃ brahma turīyasañjñaṃ

sabījakaṃ śaktimadīśarūpam ||

||443||

Copy textCopy citationPin

svabhāvato niścala eka ātmā

nṛtyaṃ karotīva tayā''tmaśaktyā |

līnā yadā sā tvacalasvarūpe

bhāyādasau niścala ekakaḥ san ||

||444||

Copy textCopy citationPin

māyeyamuktā vyavahāradṛṣṭyā

mithyājagatkāraṇapṛcchakānām |

māyā'pi tatkāryamidaṃ jagacca

dvayaṃ ca mithyā paramārthadṛṣṭyā ||

||445||

Copy textCopy citationPin

kā nāma māyā katamā'styavidyā

sṛṣṭaṃ jagatkena kathaṃ ca pūrvam |

kathaṃ nvabhūjjīva iti sma mohāt

praśnāḥ kriyante'tra mudhaiva martyaiḥ ||

||446||

Copy textCopy citationPin

māyedṛśī yannidhanānmumukṣu-

rlabheta niṣṭhāṃ nijasatsvarūpe |

na vetti buddho'pi tadīyarūpaṃ

sā prekṣyamāṇaiva hi nāśameti ||

||447||

Copy textCopy citationPin

Quote - Yoga Vasishtha

īdṛśī rāma māyeyaṃ yā svanāśena harṣadā |

na lakṣyate svabhāvo'syāḥ prekṣyamāṇaiva naśyati ||

manastayā brahma na paryaṇaṃsīt

jagattayā brahma na prayaṇaṃsīt |

brahmāsti naijāmalacitsvarūpā-

dapracyutaṃ kāladigādyatītam ||

||448||

Copy textCopy citationPin

nābhūjjaganna pralayaṃ vrajedvā

naivodabhūt kaścana jīvanāmā |

na baddhamuktau na ca sādhako vā

sarvottamaṃ satyamidaṃ niruktam ||

||449||

Copy textCopy citationPin

yathā calaccitratiprasṛtyā

nādhāravastraṃ bhajate vikāram |

na vikriyāmeti tathā parātmā

pratīyamāne sati ca prapañce ||

||450||

Copy textCopy citationPin

śrīśaṅkarācāryavareṇa so'yaṃ

siddhānta ukto'styasakṛt sphuṭaṃ ca |

anekadhā spaṣṭamimaṃ bravīti buddho

guruḥ śrīramaṇo'pi sādhoḥ ||

||451||

Copy textCopy citationPin

uktaṃ hi netāsti turīyameva

satyaṃ tadanyat tritayaṃ mṛṣeti |

uktaṃ ca satyasya sadādvayatvaṃ

dvaitaṃ ca nityaṃ ca mṛṣātvameva ||

||452||

Copy textCopy citationPin

na kiñcaneha tvadṛte'sti satyaṃ

tvamekakaḥ kāladigādyatītaḥ |

apāsya mithyābhramamāssva śānta

ityātmaniṣṭhā gaditā'sti tena ||

||453||

Copy textCopy citationPin

matsthāni bhūtāni na tattvadṛṣṭyā

madīyamāyaiva samastametat |

ityātmano'jātimuvāca satyāṃ

gītāsu kṛṣṇo bhagavān svayaṃ ca ||

||454||

Copy textCopy citationPin

pūrṇātmatāṃ svāmajahat paraṃ sat

svamāyayā pūrṇamidaṃ babhūva |

buddhasya pūrṇātmatayaiva bhātī-

tyajātiruktā śrutiśīrṣavācā ||

||455||

Copy textCopy citationPin

vismṛtya yat svaṃ vapurātmamatyā

bhrāntvā'pyasaṅkhyeṣu bhaveṣu cānte |

svatattvabodhāt bhavati sva eva

sa svapnalokāṭanataḥ prabodhaḥ ||

||456||

Copy textCopy citationPin

yathā manuṣyo madhupānamattaḥ

ko'haṃ nu kutrāhamiti papṛcchan |

ātmaiva sannevamihājñamartyaḥ

ko'haṃ kuto'haṃ nviti pṛcchati svam ||

||457||

Copy textCopy citationPin

astyātmano'ntarvapurityabuddhvā

tasmiñjaḍe'smītyabhimanyate yaḥ |

manyeta citrasthamasau tadīya-

mādhārabhūtaṃ bata vastrameva ||

||458||

Copy textCopy citationPin

svarṇāt pṛthag bhūṣaṇamasti kiṃ nu

svasmāt pṛthak kiṃ nu śarīramasti |

śarīrameva svamavaityabuddhaḥ

śuddhaṃ svameva svamavaiti buddhaḥ ||

||459||

Copy textCopy citationPin

tamekamātmānamanādisatyaṃ

maunopadeśād gururādimo'pi |

nibodhayāmāsa kathaṃ nu ko'pi

vācā vadan bodhayituṃ samarthaḥ ||

||460||

Copy textCopy citationPin

ityātmatattvaṃ bahudhoditaṃ cā-

pyanuktamevānu bhavaikavedyam |

tām svānubhūtiṃ niruṇaddhi cittaṃ

nirūḍhadehātmadhiyā mumukṣoḥ ||

||461||

Copy textCopy citationPin

śrutyaiva caivaṃ vimalāntaraṅgāḥ

sadyo'pi niṣṭhāṃ sahajāṃ labheran |

anyaistvahaṅkāravināśanāya

susādhanaṃ kiñcidanuṣṭhitavyam ||

||462||

Copy textCopy citationPin

antarhṛdi svaṃ vimalaṃ viśokaṃ

jijñāsayā'nviṣya labheta śāntim |

iti śrutirvakti guruśca mārgaṃ

ṛjuṃ svarūpānubhavāya sādhoḥ ||

||463||

Copy textCopy citationPin

jijñāsanaṃ nāma nigadyate'tra

nijasvarūpānubhavasya lipsā |

tayaiva hi svātmagaveṣaṇe'smi-

nnantarmukhatvaṃ bhavitā mumukṣoḥ ||

||464||

Copy textCopy citationPin

śrutiprasiddhaṃ bhavanaṃ parasya

satyātmabhūtasya hṛdākhyamasti |

sa eva sarvaṃ hi kathaṃ nu tasya

nirdiśyate sthānamidaṃ hṛdākhyam ||

||465||

Copy textCopy citationPin

prajñāsvarūpaṃ hṛdayaṃ hi satyaṃ

prajñāsvarūpaḥ sa ca satya ātmā |

ataḥ sa ātmā hṛdayaṃ hi satyaṃ

pratiṣṭhitaṃ sarvamidaṃ hi tasmin ||

||466||

Copy textCopy citationPin

tathā'pi buddhā nigamāntavāco

vidhātumantarmukhatāṃ gaveṣe |

antaḥ śarīre nilayaṃ hṛdākhyaṃ

diśanti tasyānilayasya puṃsaḥ ||

||467||

Copy textCopy citationPin

bahurmukhānyeva kilendriyāṇi

yataḥ prapañcena nimīlyate svaḥ |

upāya unmīlayituṃ svarūpaṃ

svānveṣaṇe'ntarmukhataiva sādhoḥ ||

||468||

Copy textCopy citationPin

Quote - Katha Upanishad

parāñci khāni vyatṛṇat svayambhūstasmāt parāṅ paśyati |

kaściddhīraḥ pratyagātmānamaikṣadāvṛttacakṣuramṛtatvamicchan ||

bandhasya mukteridamantaraṃ hi

sandarśitaṃ svānubhavena buddhaiḥ |

baddhasya puṃsaḥ samudetyahantā

nodetyahantā tu vimuktapuṃsaḥ ||

||469||

Copy textCopy citationPin

nityāparokṣo'pi sadaiva janto-

rātmā mahān preṣṭha uruprakāśaḥ |

durātmanā'haṅkṛtirūpakeṇa

hṛtaprabho yadvadalaṃ na bhāti ||

||470||

Copy textCopy citationPin

deho'hamasmītyanubhūtirūpo

bhavatyabodhaḥ khalu bandharūpaḥ |

bodho'hamasmīti vinā'nubhūtiṃ

kathaṃ nu nīyeta vināśameṣaḥ ||

||471||

Copy textCopy citationPin

deho'hamasmīti samudbhavantī

dhīrevarūpaṃ khalu jīvanāmnaḥ |

satyāṃśamasyaiva vivicya sādhu-

rgaveṣayejjanmabhuvaṃ tadīyam ||

||472||

Copy textCopy citationPin

nātyantamithyā khalu jīva eṣa

nāyaṃ hi vandhyātanayasya tulyaḥ |

ātmāhyadhiṣṭhānatayā'sti tasmā-

nmṛṣā'pi san satyavadeva bhāti ||

||473||

Copy textCopy citationPin

satyāṃśa etasya hi jīvanāmnaḥ

satyātmacaitanyamahaṃsvarūpam |

ādāya satyāṃśamimaṃ mumukṣuḥ-

rbhavet samartho nijamārgaṇāya ||

||474||

Copy textCopy citationPin

asyāsadaṃśaṃ vapurādisarvaṃ

vihāya śiṣṭāṃ nirupādhikāṃ tām |

satyātmano dīdhitivat susūkṣmā-

mahaṃsvarūpāṃ citimādadānaḥ ||

||475||

Copy textCopy citationPin

śvā svāminaṃ svaṃ samupaiti yadvat

tadgandhamādāya gaveṣayitvā |

labheta yatkiñcana magnavastu

nimajjya yadvat salile tathā vā ||

||476||

Copy textCopy citationPin

asyāhamo janmabhuvaṃ svatattvaṃ

vimṛgya ko'haṃ nu kuto'hameṣaḥ |

iti svatattvānububhūṣayā'nta-

rnimajjya niṣṭhāṃ sahajāṃ labheta ||

||477||

Copy textCopy citationPin

bahirmukhatvaṃ nijamārgaṇe'smin

vrajenmanaścedviṣayābhimukhyāt |

punarmano'ntarmukhameva kuryāt

sādhuḥ prayatnāt pravilāpadṛṣṭyā ||

||478||

Copy textCopy citationPin

taraṅgaphenādikamabdhimātraṃ

svāpnaṃ jagat svapnadṛgeva yadvat |

sarvaṃ jagaccāpyahameva nānya-

diti pratītiḥ pravilāpadṛṣṭiḥ ||

||479||

Copy textCopy citationPin

kasyedamevaṃ viṣayābhimukhya-

miti svatattvasya didṛkṣayā vā |

antarmukhīkṛtya punaḥ punaśca

mano niyuñjīta gaveṣayoge ||

||480||

Copy textCopy citationPin

kadā nu niṣṭhāṃ sahajāṃ labheye-

tyevaṃ nirutsāhamanā viṣīdan |

bhakto'thavā svātmagaveṣayogī

svayaṃ vimukterniruṇaddhi mārgam ||

||481||

Copy textCopy citationPin

utsāhasantoṣayutena bhāvyaṃ

mumukṣuṇā sāttvikamānasena |

anusmaran kālamṛṣātvamuktaṃ

mano niyuñjīta gaveṣayoge ||

||482||

Copy textCopy citationPin

praśnasya ko'smīti sadaiva sādho-

rdvārāṇi sarvatra ca sambhavanti |

dvāreṇa kenāpi gaveṣaṇe'smin

mano niyuñjīta punaḥ punaśca ||

||483||

Copy textCopy citationPin

nāsyottaraṃ kācanabuddhivṛtti-

rna vetti dhīstaṃ khalu turyasatyam |

asyottaraṃ svānubhavasturīye

naṣṭe'hami praṣṭari jīvanāmni ||

||484||

Copy textCopy citationPin

yo nirvikalpaḥ sahajaḥ samādhi-

statraiva bhāyāt sphuṭamātmatattvam |

anyatra dhīvṛttivimiśritatvād

bhāyādyathāvanna hi satya ātmā ||

||485||

Copy textCopy citationPin

niyuktamevaṃ tu mano gaveṣe

līyeta cenniṣphala eva yatnaḥ |

layāt prabodhyātha punaśca sādhu-

rmano niyuñjīta manogaveṣe ||

||486||

Copy textCopy citationPin

nāśo layaścetyubhayaprakāro

manonirodho guruṇā'sti diṣṭaḥ |

manolayasyānilarodhanādyā

bhavantyupāyā haṭhayogamārge ||

||487||

Copy textCopy citationPin

mano vilīnaṃ saha vāsanābhi-

rbhavāya paścāt punarudbhaveddhi |

naṣṭaṃ manaścennijamārgaṇena

nirvāsanaṃ bharjitabījavat syāt ||

||488||

Copy textCopy citationPin

badhnātyavidyā bata vāsanābhiḥ

svājñaṃ hi tā eva manaḥ svarūpam |

gaveṣaṇe syādyadi jāgarūkaṃ

manastu tāsāṃ bhavitā'tha nāśaḥ ||

||489||

Copy textCopy citationPin

jñānodayaḥ syānmanaso vināśā-

nnaṣṭāsu sarvāsyapi vāsanāsu |

muktirniruktā'khilavāsanānā-

mātyantiko nāśa iti prabuddheḥ ||

||490||

Copy textCopy citationPin

kṣurasya dhārā niśitā yathaivaṃ

mārgo hyayaṃ svātmavicāranāmā |

rāgo layaścetyubhayaṃ vihāya

tiṣṭhet sadaikāgradhiyā gaveṣe ||

||491||

Copy textCopy citationPin

anyeṣu yogeṣu hi jīvanāmā

san ko'pi karmādikadoṣayuktaḥ |

astīti matvaiva ca doṣahīnaṃ

vidhātumenaṃ yatate hi yogī ||

||492||

Copy textCopy citationPin

karmitvanāśāya ca karmayogo

vibhaktināśāya ca bhaktiyogaḥ |

viyoganāśāya ca rājayogo-

'pyabodhanāśāya ca bodhayogaḥ ||

||493||

Copy textCopy citationPin

sa eva sākṣāt puruṣaḥ paraḥ san

svasmāt pṛthak svaṃ gaṇayannabuddhaḥ |

tenaikyamicchan yatate ca yogai-

rhāsyaṃ hi tasmāditarat kimasti ||

||494||

Copy textCopy citationPin

ādāya jīvasya cidaṃśameva

tanmūlabhūtātmagaveṣaṇena |

nirdoṣa ātmaiva hi bhātyananto

na śiṣyate kaścana tatra jīvaḥ ||

||495||

Copy textCopy citationPin

ato mahāyogasamākhyako'yaṃ

nānyo'sya yogasya samo'dhiko vā |

antarbhavantyatra samastayogā

aṅgāni te hyasya yathocitaṃ syuḥ ||

||496||

Copy textCopy citationPin

jīvodayasthānagaveṣaṇaṃ yat

sa eka evākhilayogamārgāḥ |

sa karmayogo'pyuta bhaktiyogaḥ

sa rājayogo'pyuta bodhayogaḥ ||

||497||

Copy textCopy citationPin

praśnasvarūpo hi gaveṣa eva

na dhyānavat sādhanametaduktam |

hṛnmajjanaṃ sambhavati hyanena

praśnena na dhyānaparamparābhiḥ ||

||498||

Copy textCopy citationPin

kecinnididhyāsanamācaranti

śrutvā'pi matvā'pi nijaṃ svarūpam |

anyo hi mārgo'yamutānya eva

svānveṣarūpo ramaṇopadiṣṭaḥ ||

||499||

Copy textCopy citationPin

brahmātmanostat tvamasītyabheda-

śchāndogyavedāntanirūpito'sti |

abheda eṣa pratipādyate ca

vācyārthalakṣyārthavivecanena ||

||500||

Copy textCopy citationPin

vākye'tra tacchabdaniveditasya

carcāṃ vinā tvampadalakṣitasya |

satyātmanastattvagaveṣaṇasya

kartavyatāṃ śrīramaṇo bravīti ||

||501||

Copy textCopy citationPin

evaṃ gaveṣeṇa bhavenmumukṣo-

rhṛnmajjanāt svānubhavasturīye |

na syānnididhyāsanamasya kāryaṃ

nānena kāryaṃ mananaṃ ca dīrgham ||

||502||

Copy textCopy citationPin

śrutyodite tattvamasīti vākye

dhyānaṃ na kiñcidvihitaṃ hi sādhoḥ |

uktā parasyaiva turīyabhāve

buddhena satyātmatayā'nubhūtiḥ ||

||503||

Copy textCopy citationPin

tattvaṃ svakaṃ yannirupādhikaṃ tad

brahmeti vedāntagirā susiddhe |

brahmātmanorekatayā'nubhūtyai

svānveṣaṇāt kiṃ karaṇīyamanyat ||

||504||

Copy textCopy citationPin

vihāya dehātmamatiṃ vimṛgya

svameva buddhvā hṛdi niṣṭhitasya |

bhātyātmarūpaḥ para eva sākṣā-

dityarthako hi śrutiśīrṣavāṇī ||

||505||

Copy textCopy citationPin

nijasvarūpasya gaveṣaṇaṃ yat

sākṣād bhavet sādhanametadeva |

uktaṃ nididhyāsanamaṅgasya

dehātmadhīnirmathanāya sādhoḥ ||

||506||

Copy textCopy citationPin

hṛnmajjanaṃ svātmagaveṣaṇe'smin

na sambhaved durbalamānasasya |

vṛttiṣvanekāsu vibhajyamānaṃ

nitāntamalpaṃ manaso balaṃ hi ||

||507||

Copy textCopy citationPin

ekāgratā yā manaso gaveṣe

manobalaṃ nāma tadeva nānyat |

īdṛg balaṃ yasya bhavet sa eva

dhīraḥ svadhīrakṣaṇakauśalena ||

||508||

Copy textCopy citationPin

dhyānena vardheta manobalaṃ yat

tad dhyānamaṅgaṃ nijamārgaṇasya |

dhyānānmano niścalatāṃ prasādhya

tataḥ svatattvaṃ mṛgayeta dhīraḥ ||

||509||

Copy textCopy citationPin

ahaṃsvarūpā citirātmano yā

sarvottamaṃ dhyeyamidaṃ mumukṣoḥ |

majjedanenaiva mano hṛdanta

ityasmadācaryavaropadeśaḥ ||

||510||

Copy textCopy citationPin

śāntiṃ nayan kevalakumbhakena

cittaṃ vinā pūrakarecakābhyām |

sajjeta cet svātmagaveṣayoge

hṛnmajjanaṃ syānmanaso mumukṣoḥ ||

||511||

Copy textCopy citationPin

dehaṃ pṛthakkṛtya nijasvarūpe

viśramya tiṣṭhedyadi citsvarūpe |

ahammatistasya vināśametī-

tyevaṃ vasiṣṭho bhagavānavocat ||

||512||

Copy textCopy citationPin

ātmānamanviṣya manaḥ kayā'pi

śaktyā gṛhītaṃ hṛdaye nimajjet |

tatrātmanaścitprabhayā nigīrṇaṃ

mano'hamā sākamupaiti nāśam ||

||513||

Copy textCopy citationPin

śaktiḥ kṛpākhyā khalu sā parasya

satyātmabhūtasya hṛdi sthitasya |

vidyāmayī sā hi samarpya tasyai

svameva sādhurbhavitā kṛtārthaḥ ||

||514||

Copy textCopy citationPin

jñānāgninā viśvamidaṃ pradagdhaṃ

sahāhamā yatra mahāśmaśāne |

cidvyomni tatrāhamahantayā''tmā

sadāśivo nṛtyati kevalaḥ san ||

||515||

Copy textCopy citationPin

tadeva cidvyoma hi tatsvarūpaṃ

nṛtyedasau tatra kathaṃ nvarūpaḥ |

ānandarūpatvamamuṣya diṣṭa-

mevaṃ hi tanniścalanṛtyameva ||

||516||

Copy textCopy citationPin

na tatra māyā'sti na kā'pyavidyā

na deśakālau na ca ko'pi jīvaḥ |

tasmin pade nirmalacitsvarūpa

ātmaika evāsti na kiñcidanyat ||

||517||

Copy textCopy citationPin

māyābhidhānā parameśaśaktiḥ

sarvaṃ jagadyatpariṇāma eva |

naṣṭaiva seyaṃ hyacale parasmin

sākaṃ svakāryairapi turyabhāve ||

||518||

Copy textCopy citationPin

vibhātyatasturyapade praśānte

satyātmarūpaṃ pratibandhahīnam |

tasmin pade svātmatayā'vaśiṣṭo

nigadyate mukta iti prabuddhaiḥ ||

||519||

Copy textCopy citationPin

suduḥkhitā strī śvaśurasya gehe

māturgṛhe śāntimupaiti yadvat |

evaṃ manaḥ saṃsṛtiduḥkhataptaṃ

nivṛtya mūlaṃ nijameva śāntam ||

||520||

Copy textCopy citationPin

yathā naraḥ svapnasamutthitaḥ san

svāpnaṃ janaṃ paśyati naiva kañcit |

ajñānanidrotthita evameko

na vīkṣate kañcidapi svato'nyam ||

||521||

Copy textCopy citationPin

yastanmayānandanimagna āste

svānyasya bodhena vinā'dvayatve |

padaṃ tadīyaṃ sahajaṃ praśāntaṃ

dhīgocaratvaṃ bhajatāṃ kathaṃ nu ||

||522||

Copy textCopy citationPin

vinaṣṭacittaṃ nijasatyabhāve

vinaṣṭadehaṃ ca vinaṣṭalokam |

jñātuṃ prabuddhaṃ bhavitā samarthaḥ

svabuddhiśaktyaiva kathaṃ nu martyaḥ ||

||523||

Copy textCopy citationPin

alakṣaṇaṃ tanna mano'pi mantuṃ

śaknoti turyaṃ na vaco'pi vaktum |

atannirāsena tu bodhayanti

vedāntavāco'pi hi tatsvarūpam ||

||524||

Copy textCopy citationPin

vācā'pi vaktuṃ manasā'pi mantuṃ

śakyaṃ yadalpaṃ khalu tatsamastam |

agocaratvānmanaso dhiyo'pi

bhūmeti jānanti tamātmaniṣṭhāḥ ||

||525||

Copy textCopy citationPin

yadyat prabuddhairnigamāntavākyaiḥ

satyaṃ paraṃ pratyupadiṣṭamasti |

tattatphalaṃ śiṣyamṛṣāgrahāṇāṃ

nirāsa eveti vadanti buddhāḥ ||

||526||

Copy textCopy citationPin

sītā yathā dāśarathiṃ dideśa

niṣedhanādanyanṛpātmajānām |

tathātmano rūpamatannirāsai-

rvedāntavācaḥ pratipādayanti ||

||527||

Copy textCopy citationPin

artho na vedyo na ca vedanīyaḥ

svayamprabhaḥ kevala eka ātmā |

tamo nirāsena vinā na kiñcit

gurūpadeśaiḥ kriyate hi sādhoḥ ||

||528||

Copy textCopy citationPin

jñānātmakaḥ svo hi tirohito'jñaiḥ

prāpañcikajñānamayaistamobhiḥ |

tamāṃsi tānyeva gurūpadeśā

nirasya sādhuṃ hi kṛtārthayanti ||

||529||

Copy textCopy citationPin

yathā'vakāśaṃ janayenna ko'pi

nirodhakāpākaraṇaṃ vihāya |

tathā''tmalābhāya na kāryamanya-

ddhitvā mṛṣājñānanirāsamasti ||

||530||

Copy textCopy citationPin

labdhavya ātmā bhavitā kathaṃ nu

nāsau vinaṣṭaḥ khalu tattvadṛṣṭyā |

yenāhamā''tmā'sti tu naṣṭakalpo

nāśastadīyo bhavitā''tmalābhaḥ ||

||531||

Copy textCopy citationPin

parā ca paśyantyuta madhyamā ca

vāg vaikharī ceti catuḥprakārā |

sā vāk parā nāma tu maunameva

tadeva rūpaṃ ca sataḥ parasya ||

||532||

Copy textCopy citationPin

vāg vaikharī madhyamavākprasūtā

vāg vīkṣamāṇā'sti tadīyamātā |

tasyāḥ parā vāgiti suprasiddhā

vāk saiva maunaṃ para citsvarūpam ||

||533||

Copy textCopy citationPin

vyākhyā yathārthā'pyuta maunameva

sthitasya buddhasya pade turīye |

vāg vaikharī bhedamatiprasūtā

vadet paraṃ taṃ kathamastabhedam ||

||534||

Copy textCopy citationPin

ato hi maunena dideśa rūpa-

mātmasvarūpasya guruḥ purāṇaḥ |

maunena vāco manaso'pi pūrve

śiṣyā abudhyanta tadīyarūpam ||

||535||

Copy textCopy citationPin

guroḥ prabuddhasya hi maunabhāvāt

svayaṃ prabuddhāśca bhavanti santaḥ |

vācopadeśāḥ prabhavanti naiva

tattvaṃ paraṃ bodhayituṃ yathāvat ||

||536||

Copy textCopy citationPin

guroḥ prabuddhasya yadasti maunaṃ

śaktistadīyā na hi mānameti |

maunopadeśaḥ paramo hi tasmāt

tenaiva sādhorhi manaḥpraśāntiḥ ||

||537||

Copy textCopy citationPin

dīkṣā tridhoktā guruṇā prayojyā

nirīkṣaṇadhyānakarābhimarśāḥ |

gurostu maunasthitisamprayuktāṃ

bravīti dīkṣāṃ paramāṃ gururnaḥ ||

||538||

Copy textCopy citationPin

maunopadeśādapi maunabhāve

sthitvaiva labhyā bhavatītyataśca |

maunaṃ padaṃ taṃ nigadanti buddhā

maunī vadanneva sa samprabuddhaḥ ||

||539||

Copy textCopy citationPin

sakṛdvibhātaṃ padamavyaṃ ta-

ccaitanyabhānoḥ prabhayaiva tasya |

ataḥ pramādāccyutirātmabhāvā-

nna buddhapuṃso bhavitā kadācit ||

||540||

Copy textCopy citationPin

attā samastasya carācarasyā-

pyātmeti vedāntagirā yaduktam |

nirdiśyate tena tadīyabhāsā

grāso'sya viśvasya tamomayasya ||

||541||

Copy textCopy citationPin

nigīrya sarvaṃ ghanaviśvarūpaṃ

caitanyabhāsā nijayā parātmā |

eko'dvayo bhātyaruṇācaleśa

iti svarūpaṃ guruṇā'sti gītam ||

||542||

Copy textCopy citationPin

brahmātmabhāvaṃ pratipadya turye

vimucyate svo bhavabandhapāśāt |

ityeṣa vādo na bhavedyathārtho

nahi svarūpāccyutirātmano'bhūt ||

||543||

Copy textCopy citationPin

na śvetimānaṃ navameti dhautaṃ

vastraṃ svabhāvo hyayamasya yadvat |

brahmatvamātmā nahi yāti bodhād

brahmatvamātmaprakṛtirhi nityaḥ ||

||544||

Copy textCopy citationPin

brahmajña ātmajña iti prasiddhe

buddhasya puṃso bhavato'bhidhe dve |

brahmaiva cātmaiva yataḥ sa buddho

jñāte ubhe tena kathaṃ bhavetām ||

||545||

Copy textCopy citationPin

abrahmatādhīrahitatvameva

brahmajñatoktā na tu kācidanyā |

ātmajñatā nāma bhavedanātma-

nyātmatvamatyā rahitatvameva ||

||546||

Copy textCopy citationPin

tattvaṃ svamanviṣya parasya tasya

satyātmano'nnatvamupetya turye |

kathaṃ nu tasmānnijasatsvarūpāt

tiṣṭhet pṛthak kaścana buddhanāmā ||

||547||

Copy textCopy citationPin

advaitaniṣṭhāmanubhūya turye

jīvet pṛthaktvena kathaṃ parasmāt |

tad brahmanirvāṇamudīritaṃ hi

kṛṣṇena sākṣāt parameṇa puṃsā ||

||548||

Copy textCopy citationPin

nirdiśyate brahma yathaiva śāstre

nirdiśyate buddhapumāṃstathaiva |

brahmasvarūpaṃ khalu saṃvideva

buddhasvarūpaṃ na tato'sti bhinnam ||

||549||

Copy textCopy citationPin

nātmadvayaṃ kasyacidasti yasmāt

tad vedmi māmityapi neti hāsye |

vedyatvamātmā na kadā'pi yātī-

tyeṣā'sti vāṇī bhagavattamasya ||

||550||

Copy textCopy citationPin

advaitaniṣṭhetyuditā'sti seya-

mupādhinirmuktanijasvarūpe |

yato na tasmāt pṛthagasti pūrṇaṃ

brahmābhidhānaṃ parasatyamekam ||

||551||

Copy textCopy citationPin

advaitatā sā viduṣā'nubhūtā

satyātmanasturyapadādhigatyā |

na sādhanābhyāsabalena siddhā

satyātmanaḥ sā khalu nityasiddhā ||

||552||

Copy textCopy citationPin

dvaitaṃ bhavet satyamidaṃ hi tāvad

yāvad bhavet sādhanatatparatvam |

siddhau bhavedadvayatodbhavastu

dvaitapraṇāśāditi kecidāhuḥ ||

||553||

Copy textCopy citationPin

neme vijānanti tu turyatattvaṃ

kālātigaṃ cānuditaprapañcam |

advaitamādyantavivarjitaṃ hi

dvaitaṃ sadikkālamasat sadaiva ||

||554||

Copy textCopy citationPin

mithyābhramasyaiva virāma uktaḥ

śāstre mumukṣorahamo vināśāt |

satyaṃ na bodhena vināśamīyā-

nna bhāsate kiñcidasat turīye ||

||555||

Copy textCopy citationPin

dvaitaṃ bhavet satyamidaṃ sadaiva

jñāne'pi naivāsya bhavedvināśaḥ |

advaitasiddhirna bhavet kadā'pī-

tyeṣa matirdūrataraiva sādhoḥ ||

||556||

Copy textCopy citationPin

satyā sadaivādvayatā''tmano'sau

svānveṣaṇe satyapi cātmalābhe |

labdhvo'bhavadyo daśamo gaveṣāt

pūrvaṃ ca so'yaṃ daśamo hi nānyaḥ ||

||557||

Copy textCopy citationPin

jānantyajātiṃ paravastuno ye

māṇḍūkyavedāntanirūpyamāṇām |

tattve pare niścitabuddhayaste

muhyanti naitādṛśamugdhavādaiḥ ||

||558||

Copy textCopy citationPin

na bhītikāmau bhavato'dvayatve

sthitasya buddhasya yathā'jñapuṃsaḥ |

dvaitekṣayā mohitamānasānāṃ

nṛṇāmubhe kāmabhaye'nivārye ||

||559||

Copy textCopy citationPin

bhītirdvitīyāddhi bhaveditīdaṃ

bhītyāspadaṃ dvaitamidaṃ pradiṣṭam |

bhedapratītyā muṣitātmabhāvo

nātyeti bhītiṃ khalu ko'pi jantuḥ ||

||560||

Copy textCopy citationPin

vidvānagamye manaso'pi vācā-

mānandarūpātmani modamānaḥ |

bibhetyasau naiva kutaścaneti

śrutyoditā niścalatā turīye ||

||561||

Copy textCopy citationPin

nodeti kāmo'pi hi ko'pi turye

mṛto hyayaṃ kāmayitā'hamākhyaḥ |

sarvāṃśca kāmān samakālameva

labdhveva buddho'sti hi nityatṛptaḥ ||

||562||

Copy textCopy citationPin

ātmaiva sarvaṃ hi tadīyalābhe

labdhavyamanyanna hi kiñcidasti |

tadāptakāmo gadito'pyakāmaḥ

śāstre prabuddho'sti hi yadvadīśaḥ ||

||563||

Copy textCopy citationPin

sākṣātkṛtaṃ yena nijaṃ svarūpaṃ

sa kasya kāmāya ca kiṃ samicchan |

tapyeta dehātmadhiyeti vakti

buddhasya kāmānudayaṃ śrutirhi ||

||564||

Copy textCopy citationPin

dehātmanā saṃsthita eva kāmī

buddhastu dehātmadhiyā vimuktaḥ |

svakaṃ śarīraṃ samavaiti buddhaḥ

śarīramanyasya yathā tathaiva ||

||565||

Copy textCopy citationPin

sukhasya nāsvādanamasti turye

sukhitvaduḥkhitvamatī na tatra |

sukhasya duḥkhasya vilakṣaṇaṃ tat

turyaṃ padaṃ dvandvavivarjitatvāt ||

||566||

Copy textCopy citationPin

na śiṣyate kaścana tatra kośaḥ

svarūpasaṅkocakaro'jñapuṃsām |

akhaṇḍa ātmā nirupādhiko hi

virājate tatra viyatsamānaḥ ||

||567||

Copy textCopy citationPin

nirvāṇasañjñāṃ sugato gururyāṃ

dideśa niṣṭhāṃ bhavaduḥkhahantrīm |

kośe samaste galite turīye

pade sthitiḥ seti gururjagāda ||

||568||

Copy textCopy citationPin

na saṃśayānāmudayo'sti tatra

pumān prabuddhaḥ sthitadhīrhi nityam |

āste sa saṅkalpavikalpahīnaḥ

praśāntagambhīratayā'stacetāḥ ||

||569||

Copy textCopy citationPin

Quote - Upanishad

bhidyate hṛdayagranthiḥ chidyante sarvasaṃśayāḥ |

kṣīyante cāsya karmāṇi tasmin dṛṣṭe parāvare ||

ādyantahīnaṃ svamavetya bodhāt

sa mṛtyumatyetyapi samprabuddhaḥ |

pumānabuddhvā'mṛtamātmatattvaṃ

nātyeti mṛtyuṃ bata ko'pi loke ||

||570||

Copy textCopy citationPin

lebhe janiṃ yaḥ parame svamūle

vicārya kasmādahamityudāraḥ |

sa eva jātaḥ sa ca nityajāto

navo navo'yaṃ satataṃ munīndraḥ ||

||571||

Copy textCopy citationPin

ityevamācāryavareṇa diṣṭā

brahmātmabhāve sahaje sthitasya |

niṣṭhā parā sarvavikārahīnā

nirāmayā kāladigādyatītā ||

||572||

Copy textCopy citationPin

ajñasya loke maraṇāya janma

mṛtistadīyā jananāya bhūyaḥ |

tasmādime janmamṛtī mṛṣaive-

tyasmabhyamuktaṃ bhagavattamena ||

||573||

Copy textCopy citationPin

mṛtiryathārthā tvahamo vināśo

janiryathārthā sahajātmaniṣṭhā |

dvandvairvimuktaṃ padamavyaṃ tad

yatraikatāṃ janmamṛtī bhajete ||

||574||

Copy textCopy citationPin

advaitabhāve sthitimetya nityāṃ

bhedān kathaṃ paśyatu samprabuddhaḥ |

bhedākulaṃ bhāti yadajñapuṃsāṃ

viśvaṃ tadātmaiva hi buddhapuṃsaḥ ||

||575||

Copy textCopy citationPin

abhedadṛṣṭiḥ samadarśanaṃ ce-

tyetad dvayaṃ yad viduṣo vadanti |

tad bhedadṛṣṭyā rahitatvameva

na kevalatve khalu vīkṣaṇāni ||

||576||

Copy textCopy citationPin

svameva sarvatra ca nityabuddhaṃ

buddhaḥ pumān paśyati na svato'nyam |

tanmanyate'jñaṃ kamapīha nāsau

sarve prabuddhā hi tadīyadṛṣṭyā ||

||577||

Copy textCopy citationPin

yathā caret kaścana supta eva

tathaiva buddho jagati kriyāsu |

dṛśyeta jānanniva lokabhedān

bhedānajānannapi sarvadaiva ||

||578||

Copy textCopy citationPin

buddhasya cājñasya bhidā sphuṭāsyā-

nnindā nutiścetyubhayośca dṛśyā |

dvayorna bhedaṃ samavaiti buddho

dvandvaṃ mṛṣedaṃ khalu yadvadanyat ||

||579||

Copy textCopy citationPin

vijñāya vedāntanigūḍhamarthaṃ

vihāya viśvaṃ tṛṇavat samastam |

aprāpya niṣṭhāṃ nijasatyabhāve

svasyaiva tattvasya gaveṣaṇena ||

||580||

Copy textCopy citationPin

aluptadehātmamatirvimuhyan

yaḥ satyavajjīvabhidāmavaiti |

yātyeva so'yaṃ hyavaśo'pi dāsyaṃ

vārāṅganāyā nutināmikāyāḥ ||

||581||

Copy textCopy citationPin

kamapyajānan puruṣaṃ svato'nya-

mapracyutaḥ svīyapadāt prabuddhaḥ |

nindānutibhyāṃ na vikārameti

nindā nutirvā svakṛteva tasmai ||

||582||

Copy textCopy citationPin

dehīva martyaḥ paridṛśyamāno

nāsau śarīrī nirahaṅkṛtiryat |

sūkṣmaṃ vapustasya na dehapāte

niryāti kintu pravilīyate'tra ||

||583||

Copy textCopy citationPin

satyaṃ prapañcaṃ bata manyamānā

rūpaṃ prabuddhasya vadanti kecit |

tasyecchayā'rūpiṇa eva rūpaṃ

kadācana syāditi kecidāhuḥ ||

||584||

Copy textCopy citationPin

rūpasya sarvasya nidānabhūtā

naṣṭā hyahantā nijatattvabodhāt |

rūpāṇyato'santi hi buddhapuṃsa-

stanmugdhataiṣā bata rūpavārtā ||

||585||

Copy textCopy citationPin

abhūdidaṃ pūrvamatha praṇaṣṭa-

mityevamuktiśca na yujyate yat |

rūpī na ko'pyasti hi tattvadṛṣṭyā

rūpī prabuddho bhavitā kathaṃ nu ||

||586||

Copy textCopy citationPin

bhāve turīye sahaje sthitasya

buddhasya dehatritayaṃ vinaiva |

icchā'pi rūpagrahaṇe kathaṃ syāt

seyaṃ vṛthā pāmararañjanī vāk ||

||587||

Copy textCopy citationPin

nadī yathā vāridhimetya tasmin

hitvā nadīrūpamupaityabhedam |

evaṃ prabuddho'pi vihāya rūpaṃ

parātpare puṃsi bhajatyabhedam ||

||588||

Copy textCopy citationPin

evaṃ śrutirvakti hi rūpahānā-

daikyaṃ parasmin viduṣasturīye |

jīvanvimukto'pyaśarīra eva

śarīriṇaṃ svaṃ na hi manyate'sau ||

||589||

Copy textCopy citationPin

buddhasya rūpaṃ prati yo'hamākhyo

vādī bhavet tasya vināśa eva |

bravīti muktiṃ bhagavān gururya-

nnirarthako'yaṃ bata rūpavādaḥ ||

||590||

Copy textCopy citationPin

ato na niryāti hi dehapāte

sūkṣmaṃ vapustasya yathā'jñapuṃsām |

vilīyate'traiva hi tat svamūle

na śiṣyate kiñcana nirgamāya ||

||591||

Copy textCopy citationPin

prabuddhapuṃsāṃ bahutā'pi martyaiḥ

pratīyamānā na bhavedyathārthā |

prāpañcikā eva hi sarvabhedā

na niṣprapañce khalu te bhavanti ||

||592||

Copy textCopy citationPin

buddhaḥ pumāneṣa mayā'dya dṛṣṭo

drakṣyāmyato'nyānapi buddhapuṃsaḥ |

iti bruvāṇo viduṣāṃ svarūpaṃ

na vetti saccitsukharūpamekam ||

||593||

Copy textCopy citationPin

ajānataḥ svaṃ bata buddhamanta-

rvibhānti buddhā bahavo vibhinnāḥ |

taṃ svātmabhūtaṃ samavaiti yastu

na tasya nānātvamidaṃ yathārtham ||

||594||

Copy textCopy citationPin

ādyo gururyo munisattamānāṃ

dideśa maunena paraṃ padaṃ svam |

paścācca yaḥ śaṅkaradeśikendraḥ

sa eva hi śrīramaṇo gururnaḥ ||

||595||

Copy textCopy citationPin

yannityasiddhaṃ nijatattvamanta-

stadātmanā susthitireva turye |

siddhiryathārthā na tu kācidanye-

tyasmadguruḥ śrīramaṇo bravīti ||

||596||

Copy textCopy citationPin

labdhavya ātmeti matirna satyā

nāsau vinaṣṭaḥ khalu tattvadṛṣṭyā |

vadanti buddhā ata eva satyaṃ

taṃ nityasiddhaṃ nikhilasya jantoḥ ||

||597||

Copy textCopy citationPin

bhūmānamātmānamato'nyadalpaṃ

śrutirvadantī diśatīmamartham |

vikrīya taṃ viśvamidaṃ samastaṃ

krītvā'pi martyaḥ kṛpaṇo hi śocyaḥ ||

||598||

Copy textCopy citationPin

ato hyakārpaṇyapadaṃ turīyaṃ

kārpaṇyamanyacchrutayo vadanti |

pūrṇo hi samrāḍiva samprabuddho

bhikṣāmaṭaṃścāpi na dainyameti ||

||599||

Copy textCopy citationPin

vadanti siddhīraṇimādikāṃstu

bahirmukhā bhogaparā vimūḍhāḥ |

vaktiśrutirmandadhiyāṃ kathañcit

prarocanārthaṃ bata tāśca siddhīḥ ||

||600||

Copy textCopy citationPin

āvidyakāḥ svapnasamāḥ yatastā

na tāsu mohaṃ bhajate vivekī |

pūrṇasturīye sthitimetya satye

buddho na muhyedanṛtāsu tāsu || 601 |

ityātmalābhasya samo'nyalābho

nāstīti buddhaiḥ prakaṭīkṛte'pi |

matvā''tmanāśasya padaṃ turīyaṃ

bibhyatyamuṣmādavivekinastu || 602 |||

prayānti vṛddhiṃ viduṣasturīye

sthitasya tejo dhiṣaṇā balaṃ ca |

yathā vasantasya samāgamena

saundaryamukhyāḥ suguṇāstarūṇām ||

||603||

Copy textCopy citationPin

śamādikā ye suguṇā mumukṣo-

ryatnena sampādya ca rakṣaṇīyāḥ |

svābhāvikāste viduṣo bhavanti

sa nirguṇaḥ sadguṇaśevadhiśca ||

||604||

Copy textCopy citationPin

nāśe'hamastanna hi kā'pi naṣṭi-

rnaivātmanāśasya padaṃ turīyam |

ahantayā''tmā'sti tu naṣṭakalpo

nāśe'hamo naśyati naṣṭireṣā ||

||605||

Copy textCopy citationPin

eṣo'ntato'haṅkṛtināśa eva

dharmārthakāmā api satyavāṇī |

sannyāsamaune ca tapo'pi yogaḥ

satyaṃ parasmai svanivedanaṃ ca ||

||606||

Copy textCopy citationPin

bhavantyasatyāni tadākhyakāni

vapuṣyahantāmalinīkṛtāni |

svābhāvikānyeva bhavanti tāni

sthitasya satyātmatayā turīye ||

||607||

Copy textCopy citationPin

alaṅkṛtī dve viduṣo nirukte

kartavyahāniḥ kṛtakṛtyatā ca |

ajñānamūlaṃ hyubhayaṃ narasya

kartavyatā cāpyakṛtārthatā ca ||

||608||

Copy textCopy citationPin

na karmasādhyaṃ viduṣo'sti yasmāt

kiñcinna kartavyamihāsti tasya |

kartavyamatrāsti tu yasya kiñcit

sa mohapāśairbata baddha eva ||

||609||

Copy textCopy citationPin

pṛcchanti kecit kimu buddhapuṃso

dhyānaṃ na kāryaṃ bhavatīti mugdhāḥ |

gatvā videśān nanu śikṣaṇīyā

buddhena martyā iti pṛcchyate'nyaiḥ ||

||610||

Copy textCopy citationPin

ahaṃ tadasmītyanusandadhāno

bhavenna buddhaḥ khalu sādhako'sau |

dhyānaṃ tadasmīti tu buddhapuṃsā

dhyānaṃ naro'smīti yathā nareṇa ||

||611||

Copy textCopy citationPin

yadvismṛtaṃ tatsmṛtireva yuktā

nāvismṛtasya smṛtirasti loke |

na vismṛtaṃ yad viduṣā''tmatattvaṃ

tasya smṛtistena kathaṃ ghaṭeta ||

||612||

Copy textCopy citationPin

dhyānaṃ yathārthaṃ tu sataḥ parasya

niṣṭhaiva cintārahitātmabhāve |

nirantaraṃ dhyānamidaṃ na hātuṃ

śakyaṃ na kartuṃ viduṣā kadā'pi ||

||613||

Copy textCopy citationPin

kvacit pradeśe sthitavat prabuddhaḥ

sandṛśyamāno'pi viyatsamo'sau |

tiṣṭhan sadā sve sahaje samādhau

vyāpnoti śaktyā bhuvanaṃ samastam ||

||614||

Copy textCopy citationPin

avatyasau svānatidūrataścā-

pyacintyaśaktyā nijayā prabuddhaḥ |

vinaiva cintāṃ sahaje samādhau

sthito'pi san santatamastacittaḥ ||

||615||

Copy textCopy citationPin

karoti cintāṃ kimu ko'pi nṝṇāṃ

svapnekṣitānāṃ manujaḥ prabudhya |

tathā'jñanṝṇāṃ na karoti cintāṃ

svājñānanidrotthita ātmabodhāt ||

||616||

Copy textCopy citationPin

guṇānasau trīnativartate ya-

dato na doṣāḥ prabhavanti tasmin |

karmātra yadyat kurute prabuddha-

stattad bhaviṣyatyanavadyameva ||

||617||

Copy textCopy citationPin

atyeti śāstrāṇyata eva buddho

nibadhyate tairna hi nirmanaskaḥ |

bhavantyavidvadviṣayāṇi tāni

te hyeva kartṛtvadhiyā vidheyāḥ ||

||618||

Copy textCopy citationPin

pratiṣṭhito yatra pade prabuddho

bhavantyavedāḥ khalu tatra vedāḥ |

devā adevā iti tasya bhāvo

nirdiśyate hi śrutiśīrṣavācā ||

||619||

Copy textCopy citationPin

buddhopadeśān manujo'nutiṣṭhed

buddhaiḥ kṛtaṃ karma tu nānutiṣṭhet |

buddhopadeśāḥ paramaṃ pramāṇaṃ

na karma teṣāṃ tu tathā pramāṇam ||

||620||

Copy textCopy citationPin

sarvāṃśca yogānatigatya tiṣṭhan

turye'cyuto buddhapumān bhave'tra |

yogīva vā bhogivadeva vā syāt

tau yogabhogau bhavato na satyau ||

||621||

Copy textCopy citationPin

śiṣyopadeśe samudīrite dve

bandho vimuktirbhavato na satye |

dvandvāni sarvāṇi mṛṣeti siddhe

dvandvaṃ tadetat kathamastu satyam ||

||622||

Copy textCopy citationPin

ātmā svayaṃ nityavimukta eva

baddhastvavidyodita jīva eva |

tat tattvato nāsti hi kā'pi mukti-

rbandhapratītyaiva hi mukticintā ||

||623||

Copy textCopy citationPin

kasyāsti bandho'yamiti svatattvaṃ

mumukṣuranviṣyati cet tadante |

ātmā'nubhūyeta hi nityamukta

ityasti vāṇī bhagavattamasya ||

||624||

Copy textCopy citationPin

ajātireva prakaṭīkṛtā hi

śrutyā'pi buddhaiśca sataḥ parasya |

tasyaiva satyātmatayā sthitatvāt

sa bandhamāpeti kathaṃ nu vācyam ||

||625||

Copy textCopy citationPin

satyo hi bandho yadi nāntamīyā-

danādiraṅgīkriyate hi bandhaḥ |

sāntādimatvācca bhavedvimukti-

rbandhasya mithyātvamato'nivāryam ||

||626||

Copy textCopy citationPin

baddho'bhavaṃ pūrvamathāsmi mukta

ityevamuktiṃ śa‍ṛṇumo na buddhāt |

kālātigā sā padavī hi turyā

cintyaṃ bhavejjanma kathaṃ tadīyam ||

||627||

Copy textCopy citationPin

naivāgataṃ kiñcana matsvarūpe

sadaikadhaivāsmi vikārahīnaḥ |

ityevamūce bhagavān hi pṛṣṭo

labdhā vimuktirbhavatā kadeti ||

||628||

Copy textCopy citationPin

puryāṃ satāṃ paṇḍharināmikāyāṃ

yāmaḥ kadā tāmiti gītamādau |

prāptā vayaṃ tāmiti gītamante

yadvat tathaiveha vimuktivārtā ||

||629||

Copy textCopy citationPin

svapne bhramitvā svagṛhaṃ nivṛtya

bhūyo'pi tatraiva gataḥ suṣuptim |

prabudhya paśyet svagṛhe yathā svaṃ

muktistathaiveti gururjagāda ||

||630||

Copy textCopy citationPin

nityānubhūte mama satsvarūpe

sthito'smi mithyā hyanubhūtayo'nyāḥ |

iti prabodhena matiprasādo

bhavedvimuktirna kimapyapūrvam ||

||631||

Copy textCopy citationPin

buddhasya nityo mahimā'sti so'yaṃ

vṛddhikṣayau tasya na karmaṇeti |

aniṣṭamiṣṭaṃ ca phalaṃ kṛtasya

na karmaṇaḥ syādviduṣaḥ kadā'pi ||

||632||

Copy textCopy citationPin

yathā kathāsaṃśravaṇe sudūraṃ

dhiyā gato naiva kathāṃ śa‍ṛṇoti |

karmāṇi kurvannapi buddha evaṃ

nirvāsanatvānmanaso na kartā ||

||633||

Copy textCopy citationPin

savāsanatvānmanasastu kartā

bhavatyakurvannapi cājñamartyaḥ |

svapne yathā'dreḥ śikharādadhastāt

pateccharīre sati niścale'pi ||

||634||

Copy textCopy citationPin

śarīramātreṇa kṛtaṃ na karma

manaḥkṛtaṃ yat tu tadeva karma |

nācetanaṃ kartṛ bhaveccharīraṃ

mano bhavet kartṛ tu cetanatvāt ||

||635||

Copy textCopy citationPin

prārabdhavegena caranti karma

dehendriyaprāṇamanāṃsi yadyat |

na lipyate tena pumān prabuddha

ityuktavān śrībhagavān gururnaḥ ||

||636||

Copy textCopy citationPin

na lipyate sṛṣṭyavanādi karma

kurvannapīśaḥ khalu tadvadeva |

na lipyate karmabhiratra buddho

bhidā tayornāsti hi tattvadṛṣṭyā ||

||637||

Copy textCopy citationPin

aśnaṃśca gacchaṃśca vadan smaraṃśca

karmāṇi kurvanniva lakṣyate'jñaiḥ |

kartā'pi bhoktā na tu tattvato'sau

sa hīśvarādhīnasamastavṛttiḥ ||

||638||

Copy textCopy citationPin

kartā yadi svaḥ sa bhaveddhi bhoktā

kartṛtvanāśe nijamārgaṇena |

sākaṃ vinaśyet trividhaṃ ca karma

vimuktimetāṃ samavehi nityām ||

||639||

Copy textCopy citationPin

bhuṅkte yathā nidritabālako'nnaṃ

svamātṛdattaṃ na tu vetti bhuktam |

evaṃ prabuddho'pi hi karmajanyaṃ

bhuṅkte phalaṃ bhoktṛtayā vinaiva ||

||640||

Copy textCopy citationPin

kartā na ko'pyasti hi tattvadṛṣṭyā

svajñājñayorasti bhideyameva |

kartā'hamasmītyabhimanyate'jño

buddhasya nodeti tu kartṛtādhīḥ ||

||641||

Copy textCopy citationPin

āgāmikarmāṇyapi sañcitāni

naśyanti buddhasya punarna janma |

prārabdhakarma tvavaśiṣṭamastī-

tyuktirna satyā paramārthadṛṣṭyā ||

||642||

Copy textCopy citationPin

yathā mṛte bhartari satyamuṣya

śiṣyeta bhāryā'vidhavā na kā'pi |

evaṃ mṛte kartari naiva karma

phalapradaṃ kiñcana śiṣṭamasti ||

||643||

Copy textCopy citationPin

yathā prabodhe sati naiva karma

svapne kṛtaṃ kiñcana śiṣṭamasti |

karmājñatāyāṃ caritaṃ tathaiva

satyātmabodhe sati nāsti śiṣṭam ||

||644||

Copy textCopy citationPin

prārabdhamastīti vacaḥ śrutīnāṃ

bhavedidaṃ tvajñadhiyo'nurodhaḥ |

tadīyadṛṣṭyā phalamasti tasya

buddhaḥ śarīrī bata tanmatena ||

||645||

Copy textCopy citationPin

priyāpriye na spṛśato hi buddhaṃ

dehaṃ vinaiva sthitamātmabhāve |

naiṣphalyamevaṃ viduṣaḥ kṛtīnāṃ

vedāntavācaiva niruktamasti ||

||646||

Copy textCopy citationPin

kṛtte'pi dagdhe viduṣaḥ śarīre

cyutirna tasyāsti nijasvarūpāt |

yathā guḍaṃ cūrṇitamagnitaptaṃ

tyajenna mādhuryarasaṃ svakīyam ||

||647||

Copy textCopy citationPin

sadehamuktiśca videhamukti-

rukte ubhe hyajñadhiyo'nuvṛtyā |

dehī bhavennaiva hi ko'pi mukto

bhaveddhi muktiḥ sakalaikarūpā ||

||648||

Copy textCopy citationPin

prārabdhaśaktirbhavitā hi dehe

nātmasvarūpe'sti tu śaktirasya |

tasmai svadeho viduṣā'rpito yat

kathaṃ nu bādhyeta sa tena buddhaḥ ||

||649||

Copy textCopy citationPin

prārabdhakarmārpita dehako'sau

buddho'sti dehe mamatā vinaiva |

evaṃ sphuṭaṃ śaṅkaradeśikena

diṣṭaṃ manīṣābhidhapañcake'sti ||

||650||

Copy textCopy citationPin

sūkṣmaṃ śarīraṃ viduṣo'sti śiṣṭa-

mityucyate cediha kāraṇākhyam |

ajñānarūpaṃ nidhanaṃ gataṃ yat

sūkṣmeṇa saṅgo viduṣaḥ kathaṃ syāt ||

||651||

Copy textCopy citationPin

brahmāstyasaṅgaṃ hi tathaiva buddho

bhavatyasaṅgo hi bhave yathā kham |

vapurvikārā uta mānasāśca

buddhaṃ kathañcinna hi saṃspṛśanti ||

||652||

Copy textCopy citationPin

jāgarti yo naijapade prabuddho

yāne suṣuptasya samaḥ sa uktaḥ |

yānasya tulyaṃ gaditaṃ śarīraṃ

turaṅgavaccāpi daśendriyāṇi ||

||653||

Copy textCopy citationPin

gatiṃ sthitiṃ vājiviyojanaṃ ca

yānasya no vetti hi tatra suptaḥ |

evaṃ suṣuptaśca śarīrayāne

na vetti buddho hi śarīrabhāvān ||

||654||

Copy textCopy citationPin

buddhastu tiṣṭhan sahaje samādhau

karmāṇi kurvanniva lakṣyate'jñaiḥ |

nānā'pyavasthā bhajatīva bhāti

tā vīkṣya muhyantyavivekinastu ||

||655||

Copy textCopy citationPin

suptiḥ samādhiśca śarīraceṣṭā

iti tridhā bhānti hi tasya bhāvāḥ |

enāṃśca bhinnā iti manyate'jño

vilokya buddhasya śarīramātram ||

||656||

Copy textCopy citationPin

sadaikadhaivāsti tu samprabuddha-

stasya sthitirnityasamādhireva |

na karmabhistasya virodhaleśo

na karmaṇāṃ tena virodhaleśaḥ ||

||657||

Copy textCopy citationPin

dve nirvikalpe hi samādhiniṣṭhe

syāt kevalaikā sahajābhidyā'nyā |

na kevalāṃ prāpya bhavet prabuddhaḥ

sa eva buddhaḥ sahajasthito yaḥ ||

||658||

Copy textCopy citationPin

yaḥ kevalo nāma samādhiruktaḥ

sa yoginaḥ syānmanaso layena |

samādhirutthānamiti prasiddhe

sthitī vibhinne bhavato'sya loke ||

||659||

Copy textCopy citationPin

manaḥ samādhau bata yogino'sya

savāsanaṃ hyeva bhavedvilīnam |

sthitvā samādhau suciraṃ ca so'yaṃ

vyutthāpyate vāsanayā bhavāya ||

||660||

Copy textCopy citationPin

yadā samādherayamutthitaḥ syāt

pūrvojjhitāṃ saṃsṛtimādadāti |

sammohanadravyavinaṣṭabodhaḥ

karmāsamāptaṃ pratibudhya yadvat ||

||661||

Copy textCopy citationPin

saṃsāramevaṃ pratipadya yogī

bhūyaḥ samādhiṃ praviśet prayatnāt |

buddhastvayatnaḥ sahajasthitatvā-

nna taṃ vimuñcatyapi nādadāti ||

||662||

Copy textCopy citationPin

na saṃsṛtiṃ yāti kadā'pi buddhaḥ

samādhireva prakṛtirhi tasya |

vinā samādhiṃ sa kadā'pi nāstī-

tyataḥ samādhiḥ sahajābhidho'yam ||

||663||

Copy textCopy citationPin

apracyuto'sau nijasatyabhāvāt

sthitaḥ sadā sve sahaje samādhau |

jīvan vimukto vyavahartumīṣṭe

loke yathā śaṅkaradeśikādyāḥ ||

||664||

Copy textCopy citationPin

yogī yadā kevalabhāvamagna-

stadā na śaknoti hi karma kartum |

yadotthito'sau bhavitā samādheḥ

karoti karmājñatayā tadānīm ||

||665||

Copy textCopy citationPin

tattvopadeśe'pi mumukṣupuṃsāṃ

bhavet samartho na sa yogimartyaḥ |

tiṣṭhān sadaivācyuta eva turye

śāstā samartho'sti tu buddha eva ||

||666||

Copy textCopy citationPin

nāṅgīkṛtā'sau sahajā sthitiśced

gītādiśāstrāṇi mṛṣeti siddhyet |

buddhopadeśairbharitatvahetoḥ

śāstraṃ pramāṇaṃ hi mumukṣupuṃsām ||

||667||

Copy textCopy citationPin

paramparā'sau khalu buddhapuṃsāṃ

mumukṣulokoddharaṇārthameva |

rakṣatyavicchinnatayā sadaiva

sujñānaśāstrasya susampradāyam ||

||668||

Copy textCopy citationPin

antyaṃ pramāṇaṃ hi nijānubhūti-

rna saṃśayānāmudayo'sti yatra |

tāvat pramāṇāni hi buddhavāco

labhyeta yāvanna tathānubhūtiḥ ||

||669||

Copy textCopy citationPin

gatvā'mbudhiṃ tanmayatāṃ gatāyā

nadyāḥ samo buddha udīrito'sti |

kūpe nimagnasya ghaṭasya tulyo

rajjvā nibaddhasya tu kevalasthaḥ ||

||670||

Copy textCopy citationPin

ghaṭaḥ sarajjurhi vikṛṣyamāṇo

rajjvā bahiryāti punaśca kūpāt |

evaṃ manaḥ kevalabhāvamagnaṃ

vikṛṣyate vāsanayā bhavāya ||

||671||

Copy textCopy citationPin

naiṣkarmyamevaṃ sahajasthitasya

sphuṭīkṛtaṃ no bhagavattamena |

vidvānakartā'pi bhavan svabhāvāt

kartā mahāṃścāpi bhavatyasaṅgaḥ ||

||672||

Copy textCopy citationPin

satsaṅgatirnāma nigadyate yā

buddhasya puṃsaḥ khalu saṅgatiḥ sā |

artho bhaved brahma hi satpadasya

tadātmako'sau bhavitā hi buddhaḥ ||

||673||

Copy textCopy citationPin

brahmaiva sarvo'pi hi ko viśeṣaḥ

prabuddhapuṃsīti na śaṅkanīyam |

ahantayā'nyatra hṛtaprabhaṃ sat

pūrṇaprabhaṃ tattu vibhāti buddhe ||

||674||

Copy textCopy citationPin

saṅgaṃ prabuddhasya bhajan mumukṣuḥ

saṅgāt samastādapi muktimeti |

nissaṅgabhāvena nirastamoho

yātyekatāṃ niścalacitsvarūpe ||

||675||

Copy textCopy citationPin

satsaṅgasañjātanijasvarūpā-

nveṣeṇa labhyaṃ paramaṃ padaṃ yat |

śāstrārthabodhācchravaṇādibhirvā

sādhyaṃ na tannetarasādhanairvā ||

||676||

Copy textCopy citationPin

satsaṅgatiṃ ced bhajate mumukṣu-

ścaret kimarthaṃ niyamān yathā'nye |

śīto vahed dakṣiṇamārutaścet

kimarthamicched vyajanaṃ tadānīm ||

||677||

Copy textCopy citationPin

tāpaṃ śaśī kalpataruśca dainyaṃ

harecca gaṅgā bata pāpamātram |

vīkṣā satāṃ nāśayati trayaṃ ca

na tatsamaṃ kiñcana vidyate'nyat ||

||678||

Copy textCopy citationPin

samāni sadbhirna jalātmakāni

tīrthāni devāśca mṛdādimātrāḥ |

punanti tāni hyatidīrghakālāt

sandarśanādeva punanti buddhāḥ ||

||679||

Copy textCopy citationPin

gaṅgāmbhasi snānaphalaṃ vināśaḥ

pāpasya puṃso na tu pāpakartuḥ |

saṅgāt satāṃ naśyati pāpakartā

na tatsamaṃ pāvanamasti loke ||

||680||

Copy textCopy citationPin

mṛtyuñjayo'sau tripurāntako'sau

smarāntako'sau narakāntakaśca |

sa hīśvarāṇāmapi cātmabhūta-

stameva sarve'pi hi pūjayanti ||

||681||

Copy textCopy citationPin

nītaṃ yadantaṃ vapuṣāṃ trayaṃ ca

jñānena tena tripurāntako'sau |

nīto'hamākhyo nidhanaṃ ca tene-

tyataḥ sa buddho narakāntakaśca ||

||682||

Copy textCopy citationPin

ahaṃ svayaṃ buddha iti bravīti

gītāsu kṛṣṇo bhagavān svayaṃ yat |

na ko'pi tasyāsti samo'dhiko vā

na mīyate tanmahimā kathañcit ||

||683||

Copy textCopy citationPin

yataḥ prabuddhaḥ para eva sākṣāt

tasyopadeśāḥ paramaṃ pramāṇam |

tataḥ paraṃ tasya vacobhireva

prāmāṇyamasti śrutiśīrṣavācām ||

||684||

Copy textCopy citationPin

parātmaśakteḥ karuṇābhidhāyā

rūpaṃ dvitīyaṃ hi guruḥ prabuddhaḥ |

ataḥ subhaktyā svaguruṃ prabuddhaṃ

bhajan mumukṣurbhavitā kṛtārthaḥ ||

||685||

Copy textCopy citationPin

śaktiḥ śubhā kācana sannidhāne

buddhasya puṃso'sti sudūrataśca |

tyajeta no ko'pi tayā gṛhītaḥ

paraṃ tu nīyeta vimuktimeva ||

||686||

Copy textCopy citationPin

vyāghreṇa yadvaddhariṇo gṛhīto

tadannatāmeti tathaiva sādhuḥ |

dhruvaṃ prabuddhena dṛśā gṛhīta-

stadbhāvametīti gururjagāda ||

||687||

Copy textCopy citationPin

bahiḥ sthito'ntarmukhatāṃ vidhāyā-

pyantaḥ sthito'ntaśca vikṛṣya cittam |

pare pade sve vidadhāti niṣṭhāṃ

sādhoḥ prabuddho hi guruḥ svaśaktyā ||

||688||

Copy textCopy citationPin

agocaro'sau vacaso dhiyo'pi

niṣṭhā hi buddhasya pade parasmin |

bodhāya sādhostu yathākathañcit

kiñcit prabuddhairidamuktamasti ||

||689||

Copy textCopy citationPin

vyākhyāta evaṃ sahajātmabhāvaḥ

sasādhano'sau guruṇopadiṣṭaḥ |

athopadeśeṣviha sāra eṣa

nirucyate sādhvavadhāraṇāya ||

||690||

Copy textCopy citationPin

viśvaṃ svadṛśyaṃ ca tadīkṣakaṃ svaṃ

jānāti loke sakalo'pi jantuḥ |

svataśca satyaṃ dvayamapyavaiti

mohastvayaṃ saṃsṛtiheturasya ||

||691||

Copy textCopy citationPin

satyaṃ svataścedubhayaṃ tadetat

bhāyādvicchinnatayā sadaiva |

kadā'pi bhātaṃ ca kadāpyabhātaṃ

bhavet tu yat tat kathamastu satyam ||

||692||

Copy textCopy citationPin

prakāśate mānasaceṣṭayaiva

svapne'pi jāgratyubhayaṃ tadetat |

bhāti dvayaṃ naiva suṣuptibhāve

tato manomātramidaṃ dvayaṃ ca ||

||693||

Copy textCopy citationPin

yasmin mano yāti layaṃ ca yasmā-

dudeti bhūyo'pi tadeva satyam |

layodayābhyāṃ rahitaṃ tadetat

satyaṃ svato muktipadaṃ mumukṣoḥ ||

||694||

Copy textCopy citationPin

sattāpradaṃ tajjagato'khilasya

brahmābhidhānaṃ paripūrṇamekam |

caitanyadīptiṃ manase tadeva

dadāti caitanyavivarjitāya ||

||695||

Copy textCopy citationPin

antarhṛdi svātmatayā tadeva

sākṣīva niścintanamastyasaṅgam |

ācchādyate tattu bahirmukhatve

mṛṣāprapañcena manomayena ||

||696||

Copy textCopy citationPin

ato na taṃ kaścana vetti loke

paśyannidaṃ satyavadeva mohāt |

śarīramevātmatayā'pi matvā

bhrāmyatyasaṅkhyeṣu bhaveṣu duḥkhī ||

||697||

Copy textCopy citationPin

tenātmarūpeṇa pareṇa viśva-

mācchādanīyaṃ tu manovināśāt |

bhāyāt tadaiva pratibandhahīnaṃ

hyātmasvarūpaṃ vimalaṃ yathāvat ||

||698||

Copy textCopy citationPin

vivekavairāgyayuto vimuktyai

gurūktamārgeṇa yadā yateta |

mūle nije brahmaṇi janma labdhvā

vimucyate'sau bhavabandhapāśaiḥ ||

||699||

Copy textCopy citationPin

kṛtvā mano'ntarmukhamastacintaṃ

nimajya cāntarnijamārgaṇena |

manovināśena vinaṣṭamoho

bhavedvimuktaḥ sa naraḥ prabuddhaḥ ||

||700||

Copy textCopy citationPin

parātparaṃ yat sakalātmabhūta-

masmadguruḥ śrīramaṇo babhūva |

yāvad bhaviṣyatyahamo vināśaḥ

sahasraśaḥ santu namāṃsi tasmai ||

||701||

Copy textCopy citationPin

|| oṃ namo bhagavate śrīramaṇāya ||