Study
- Anukramaṇī
- Saṃhitā citations
- Source
tai॰brā॰ 2.7.5
yo vai some̍na sū̱yate̎|
sa de̍vasa̱vaḥ|
yaḥ pa̱śunā̍ sū̱yate̎|
sa de̍vasa̱vaḥ|
ya iṣṭyā̍ sū̱yate̎|
sa ma̍nuṣyasa̱vaḥ|
e̱taṃ vai pṛtha̍ye de̱vāḥ prāya̍cchan|
tato̱ vai so'pyā̍ra̱ṇyānā̎ṃ paśū̱nāma̍sūyata|
yāva̍tī̱ḥ kiya̍tīśca pra̱jā vāca̱ṃ vada̍nti|
tāsā̱g̱ͫ sarvā̍sāgͫ sūyate||11||
ya e̱tena̱ yaja̍te|
ya u̍ cainame̱vaṃ veda̍|
nā̱rā̱śa̱g̱ͫ̄syarcā'bhiṣi̍ñcati|
ma̱nu̱ṣyā̍ vai narā̱śagͫsa̍ḥ|
ni̱hnutya̱ vāvaitat|
athā̱bhiṣi̍ñcati|
yatkiṃ ca̍ rāja̱sūya̍manuttarave̱dīkam̎|
tathsarva̍ṃ bhavati|
ye me̍ pañcā̱śata̍ṃ da̱duḥ|
aśvā̍nāgͫ sa̱dhastu̍tiḥ|
dyu̱mada̍gne̱ mahi̱ śrava̍ḥ|
bṛ̱hatkṛ̍dhi ma̱ghonā̎m|
nṛ̱vada̍mṛta nṛ̱ṇām||12|| ॥TB 2.7.5॥
||1||