8 kuśikaḥ saubharaḥ, rātrirvā bhāradvājī| rātriḥ| gāyatrī|
rātrī̱ vya̍khyadāya̱tī pu̍ru̱trā de̱vya1kṣabhi̍: | viśvā̱ adhi̱ śriyo̍'dhita ॥10.127.1॥
orva̍prā̱ ama̍rtyā ni̱vato̍ de̱vyu1dvata̍: | jyoti̍ṣā bādhate̱ tama̍: ॥10.127.2॥
niru̱ svasā̍ramaskṛto̱ṣasa̍ṃ de̱vyā̍ya̱tī | apedu̍ hāsate̱ tama̍: ॥10.127.3॥
sā no̍ a̱dya yasyā̍ va̱yaṃ ni te̱ yāma̱nnavi̍kṣmahi | vṛ̱kṣe na va̍sa̱tiṃ vaya̍: ॥10.127.4॥
ni grāmā̍so avikṣata̱ ni pa̱dvanto̱ ni pa̱kṣiṇa̍: | ni śye̱nāsa̍ścida̱rthina̍: ॥10.127.5॥
yā̱vayā̍ vṛ̱kyaṃ1 vṛka̍ṃ ya̱vaya̍ ste̱namū̍rmye | athā̍ naḥ su̱tarā̍ bhava ॥10.127.6॥
upa̍ mā̱ pepi̍śa̱ttama̍: kṛ̱ṣṇaṃ vya̍ktamasthita | uṣa̍ ṛ̱ṇeva̍ yātaya ॥10.127.7॥
upa̍ te̱ gā i̱vāka̍raṃ vṛṇī̱ṣva du̍hitardivaḥ | rātri̱ stoma̱ṃ na ji̱gyuṣe̍ ॥10.127.8॥
pariśiṣṭam
ā rā̎tri̱ pārthi̍va̱ṃ raja̍ḥ pi̱tara̍ḥ prāyu̱ dhāma̍bhiḥ | di̱vaḥ satām̎si bṛha̱tī vi ti̍ṣṭha sa̱ ā tve̱ṣaṃ va̍rtate tama̍ḥ
||1||ye te̎ rātri nṛ̱cakṣa̍so yu̱ktāso̎ na̱vatirnava̍ | aśīti̍ḥ saṃtva̱ṣṭā̱ u̱to te̎ sapta̱ sapta̍tīḥ
||2||rātrī̱ṃ prapa̍tye ja̱nanī̎ṃ sa̱rvabhū̎taniveśa̍nīm | bha̱drāṃ bha̱gava̍tīṃ kṛ̱ṣṇā̱ṃ vi̱śvasya̍ jaga̱to ni̍śām
||3||sa̱mve̱śi̱nī̎ṃ sa̱ṃya̱mi̱nī̱ṃ gra̱hana̍kṣatra̱māli̍nīm | prapa̍nno̱'haṃ śi̍vāṃ rā̱trī̱ṃ bha̱dre pā̎rama̱śīma̍hi (bha̱dre pārama̱śīma̱hyoṃ nama̍ḥ)
||4||sto̱ṣyā̱mi̱ prayato̱ devī̎ṃ śa̱raṇyā̎ṃ bahvṛ̱capri̍yām | sa̱ha̱sra̱saṃhi̍tāṃ du̱rgām jā̱tave̎dase sunavāma̱ somam̎
||5||śā̱ntya̱rtha̱ṃ tad dvi̱jā̱tīnā̎ṛ̱ṣibhi̍ḥ soma̱pāśri̍tāḥ | ṛkve̎de̱ tvaṃ saṃmūtpa̱nā'rā̎trīya̱to ni da̍hāti̱ veda̍ḥ
||6||ye tvā̎ṃ de̱vi pra̱ patya̎nti brā̱hmaṇā̎ havya̱vāha̍nīm | a̱vi̱tyā̱ bahu̍vityā̱ vā̱ sana̍ḥ parṣa̱dati̍ durgāṇi̱ viśvā̎
||7||ye a̱knivar̎ṇāṃ śu̍bhāṃ sau̱myāṃ kī̱rtayi̍ṣyanti̱ ye dvi̍jāḥ| tā̱mstā̱ra̱ya̱ti̱ durgā̎ṇi nā̱veva sindhu̎ṃ duri̱tātya̱gniḥ
||8||durge̎ṣu viṣame ghore̎ saṅgrāme̎ ripusaṅka̍ṭe | agnicorani̍pāteṣu duṣṭhagra̍hanivāriṇi duṣṭhagra̍hanivāriṇyonnama̍ḥ
||9||durgeṣu̱ viṣ̍meṣu̱ tva̎ṃ sa̱ṅgrāme̎ṣu va̱neṣu̍ ca | mo̱ha̱yi̱tvā 'pra̍patya̱mnte te̱ṣāṃ me̎ abha̱yaṃ ku̍ru | te̱ṣāṃ me abha̱yaṃ ku̍ruvonnama̍ḥ
||10||ke̱śi̱nī̎ṃ sarva̍bhūtā̱nā̱ṃ pa̱ñcamī̎ti ca̱ nāma̍ ca | sā̱ mā̱ṃ sa̱mā̱ ni̱śā̱ devī̎ sa̱rvata̍ḥ pari̱ rakṣa̍tu | sa̱rvata̍ḥ pari̱ rakṣa̱tvonnama̍ḥ
||11||tāma̱gniva̎rṇā̱ṃ tapasā jvala̱mtīṃ vai̎roca̱nīṃ kar̎mapha̱leṣu juṣṭā̎ṃ | du̱rgā̱ṃ de̱vīṃ śara̍ṇama̱haṃ prapa̍dye su̱tara̍si tarase̱ namaḥ | su̱tara̍si tarase̱ nama̍ḥ
||12||durgā̎ duṟgeṣu̍ sthāne̱ṣu śa̱ṃ no de̎vīra̱bhi̍ṣṭaye | ya i̱maṃ du̱rgāsta̍vaṃ pu̱ṇyaṃ rā̱traurā̎trau sa̱dā pa̍ṭhet
||13||rātriḥ kuśi̍kaso̱bha̱ro̱ rātri̱rvā bhā̎radvā̱jī rātri̱stavo̎ gāya̱trī | rātarī̎sū̱ktaṃ jape̍nni̱tya̱ṃ ta̱tkāla̍mupapa̱dya̍te
||14||ulū̎kayātuṃ śīśī̱lūka̍yātuṃ ja̱hi śvayā̎tumu̱ta koka̍yātum | su̱pa̱rṇayā̎tumuta gṛ̍dhrayātuṃ dṛ̱ṣade̎va pramṛ̍ṇa̱ rakṣa̍ indra
||15||pi̱śaṅga̍bhṛṣaṭi̱mambhṛ̱ṇaṃ pi̱śāci̍mindra̱ saṃ mṛ̍ṇa | sarva̱ṃ rakṣo̱ nibar̎haya
||16||hi̱masya̍ tvā ja̱rāyu̍ṇā śāle̱ pari̎ vyayāmasi | (uta̱ hra̱do hi̍ no dhiyo̱gnirda̍dātu bheṣa̱jam)
||17||śīśī̎tahra̱do hi̍ no dhiyo̱gnirda̍dātu bheṣa̱jam | anti̱kāma̱gnima̍janaya̍ dūrvā̎da̍ḥ śī̱śīlāga̍mat
||18||a̱jātaputrapa̱kṣāyā̎ hṛ̱daya̱ṃ mama̍ dūyate | vipu̍la̱ṃ vana̎ṃ ba̱hvākā̎śaṃ cara̍ jātaveda̱ḥ kāmā̎ya
||19||mā̱ṃ ca̱ rakṣa̱ putrā̎ṃśca śara̍ṇamabhū̱t tava̍ | pi̱~ṇgākṣa̱ lohi̱tagrī̎va kṛ̱ṣṇava̎rṇa na̱mostu̍ te
||20||a̱smānni̱barha̍rasyenā̱ṃ sā̱gara̍syorma̱yo ya̍thā | indra̍ḥ kṣa̱traṃ da̍dātu̱ varū̍ṇama̱bhi ṣim̎catu
||21||śa̱tra̱vo̱ nidha̍naṃ yā̱ntu̱ ja̱ya tva̎ṃ brahma̱teja̍sā
||22||ka̱pi̱la̱ja̱ṭī̎ṃ sarva̍bhakṣa̱ṃ cā̱gniṃ pra̍tyakṣa̱ daiva̍tam
||23||va̱ru̱ṇa̱ṃ ca̱ va̱śā̱myagre̎ ma̱ma pu̍trāṃśca̱ rakṣa̍tu (ma̱ma pu̍trāṃśca̱ rakṣa̱tvonnama̍ḥ)
||24||sāgra̎ṃ va̱rṣaśa̱taṃ jī̎va pi̱ba khā̎da ca̱ moda̍ ca
||25||du̱:khi̱tā̱ṃśca dvi̍jāṃścai̱va pra̱jāṃ ca̍ paśu̱ pāla̍ya
||26||yāva̍dā̱dityasta̍pati̱ yāva̍dbhrājati̱ candra̍māḥ | yā̱va̱dvā̱yuḥ plavā̎yati̱ tāva̍jjīva̱ jayā̎ jaya
||27||yena̍ ke̱na pra̍kāre̱ṇa ko̱ hi nā̎ma nu̱ jīva̍ti | pare̎ṣā̱mupa̍kārārthaṃ ya̱jjīva̍ti sa̱ jīva̍ti | e̱tā̱ṃ vai̱śvānarī̎ṃ sa̱rvade̎vānna̱mostu̍ te
||28||na co̍ra̱bhaya̱ṃ na ca̍ sarpa̱bhaya̱ṃ na ca̍ vyāghra̱bhaya̱ṃ na ca̍ mṛtyu̱bhayam̎ | ya̱syā̱pa̱mṛ̱tyurna ca mṛ̱tyuḥ sarvam̎ labhate̱ sarva̎ṃ jayate
||29||