स्वस्त्यात्रेयः ॥ विश्वे देवाः ॥ ११-१३ जगती त्रिष्टुब्वा:, १४-१५ अनुष्टुप् ॥
||
sva̱sti no̍ mimītāma̱śvinā̱ bhaga̍: sva̱sti de̱vyadi̍tirana̱rvaṇa̍: |
sva̱sti pū̱ṣā asu̍ro dadhātu naḥ sva̱sti dyāvā̍pṛthi̱vī su̍ce̱tunā̍ ॥5.51.11॥
||
sva̱staye̍ vā̱yumupa̍ bravāmahai̱ soma̍ṃ sva̱sti bhuva̍nasya̱ yaspati̍: |
bṛha̱spati̱ṃ sarva̍gaṇaṃ sva̱staye̍ sva̱staya̍ ādi̱tyāso̍ bhavantu naḥ ॥5.51.12॥
viśve̍ de̱vā no̍ a̱dyā sva̱staye̍ vaiśvāna̱ro vasu̍ra̱gniḥ sva̱staye̍ |
de̱vā a̍vantvṛ̱bhava̍: sva̱staye̍ sva̱sti no̍ ru̱draḥ pā̱tvaṃha̍saḥ ॥5.51.13॥
sva̱sti mi̍trāvaruṇā sva̱sti pa̍thye revati |
sva̱sti na̱ indra̍ścā̱gniśca̍ sva̱sti no̍ adite kṛdhi ॥5.51.14॥
sva̱sti panthā̱manu̍ carema sūryācandra̱masā̍viva |
puna̱rdada̱tāghna̍tā jāna̱tā saṃ ga̍memahi ॥5.51.15॥
खिल सूक्तानि
sva̱styaya̍na̱ṃ tārkṣya̱mari̍ṣṭanemiṃ ma̱hadbhū̎taṃ vāya̱saṃ de̱vatā̎nām |
a̱su̱ra̱ghnamindra̍sakhaṃ sa̱matsu̍ bṛ̱hadyaśo̱ nāva̍mi̱vā ru̍hema
||1||a̱ṃho̱muca̍mā̱ṅgi̍rasa̱ṃ gaya̎ṃ ca sva̱styā̎tre̱yaṃ mana̍sā ca̱ tārkṣya̎m |
praya̍tapāṇiḥ śa̱raṇaṃ prapa̍dye sva̱sti sa̎ṃbā̱dheṣvabha̍yaṃ no astu
||2||