Study
- Anukramaṇī
- Saṃhitā citations
- Also in this saṅgraha
- Source
9 madhucchandā vaiśvāmitraḥ | agniḥ| gāyatrī|
a̱gnimī̍l̤e pu̱rohi̍taṃ ya̱jñasya̍ de̱vamṛ̱tvija̍m| hotā̍raṃ ratna̱dhāta̍mam ॥1.1.1॥
अ॒ग्निमी॑ळे पु॒रोहि॑तं य॒ज्ञस्य॑ दे॒वमृ॒त्विज॑म्। होता॑रं रत्न॒धात॑मम्
9 madhucchandā vaiśvāmitraḥ | agniḥ| gāyatrī| 16 agstyo maitrāvaruṇiḥ | (viṣaghnopaniṣad)| anuṣṭup, 10-12 mahā paṃktiḥ, 13 mahabṛhatī|
ku̱ṣu̱mbha̱kastada̍bravīd gi̱reḥ pra̍vartamāna̱kaḥ |
vṛści̍kasyāra̱saṃ vi̱ṣama̍ra̱saṃ vṛ̍ścika te vi̱ṣam ॥1.191.16॥
कु॒षु॒म्भ॒कस्तद॑ब्रवीद् गि॒रेः प्र॑वर्तमान॒कः ।
वृश्चि॑कस्यार॒सं वि॒षम॑र॒सं वृ॑श्चिक ते वि॒षम्
16 gṛtsamada(āṅgirasaḥ śaunahotraḥ paścād) bhārgavaḥ śaunakaḥ| agniḥ|jagatī|
tvama̍gne̱ dyubhi̱stvamā̍śuśu̱kṣaṇi̱stvama̱dbhyastvamaśma̍na̱spari̍ |
tvaṃ vane̍bhya̱stvamoṣa̍dhībhya̱stvaṃ nṛ̱ṇāṃ nṛ̍pate jāyase̱ śuci̍: ॥2.1.1॥
त्वम॑ग्ने॒ द्युभि॒स्त्वमा॑शुशु॒क्षणि॒स्त्वम॒द्भ्यस्त्वमश्म॑न॒स्परि॑ ।
त्वं वने॑भ्य॒स्त्वमोष॑धीभ्य॒स्त्वं नृ॒णां नृ॑पते जायसे॒ शुचि॑:
3 gṛtsamada (āṅgirasaḥ śaunahotraḥ paścād) bhārgavaḥ śaunakaḥ| śakuntaḥ(-kapiñjalarūpīndraḥ)| jagatī, 2 atiśakvarī aṣṭirvā|
ā̱vada̱ṃstvaṃ śa̍kune bha̱dramā va̍da tū̱ṣṇīmāsī̍naḥ suma̱tiṃ ci̍kiddhi naḥ |
yadu̱tpata̱n vada̍si karka̱rirya̍thā bṛ̱had va̍dema vi̱dathe̍ su̱vīrā̍: ॥2.43.3॥
आ॒वदं॒स्त्वं श॑कुने भ॒द्रमा व॑द तू॒ष्णीमासी॑नः सुम॒तिं चि॑किद्धि नः ।
यदु॒त्पत॒न् वद॑सि कर्क॒रिर्य॑था बृ॒हद् व॑देम वि॒दथे॑ सु॒वीरा॑:
23 gāthino viśvāmitraḥ| agniḥ| triṣṭup|
soma̍sya mā ta̱vasa̱ṃ vakṣya̍gne̱ vahni̍ṃ cakartha vi̱dathe̱ yaja̍dhyai |
de̱vām̐ acchā̱ dīdya̍d yu̱ñje adri̍ṃ śamā̱ye a̍gne ta̱nva̍ṃ juṣasva ॥3.1.1॥
सोम॑स्य मा त॒वसं॒ वक्ष्य॑ग्ने॒ वह्निं॑ चकर्थ वि॒दथे॒ यज॑ध्यै ।
दे॒वाँ अच्छा॒ दीद्य॑द् यु॒ञ्जे अद्रिं॑ शमा॒ये अ॑ग्ने त॒न्वं॑ जुषस्व
18 gāthino viśvāmitraḥ 16-18 jamadagnirvā|1-3 indrāvaruṇau, 4-6 bṛhaspatiḥ, 7-9 pūṣā, 10-12 savitā, 13-15 somaḥ, 16-18 mitrāvaruṇau| gāyatrī, 1-3 triṣṭup|
gṛ̱ṇā̱nā ja̱mada̍gninā̱ yonā̍vṛ̱tasya̍ sīdatam | pā̱taṃ soma̍mṛtāvṛdhā ॥3.62.18॥
गृ॒णा॒ना ज॒मद॑ग्निना॒ योना॑वृ॒तस्य॑ सीदतम् । पा॒तं सोम॑मृतावृधा
20 vāmadevo gautamaḥ| agniḥ, 2-5 agnīvaruṇau vā| triṣṭup, 1 agniḥ, 2 atijagatī, 3 dhṛtiḥ|
tvāṃ hya̍gne̱ sada̱mitsa̍ma̱nyavo̍ de̱vāso̍ de̱vama̍ra̱tiṃ nye̍ri̱ra iti̱ kratvā̍ nyeri̱re |
ama̍rtyaṃ yajata̱ martye̱ṣvā de̱vamāde̍vaṃ janata̱ prace̍tasa̱ṃ viśva̱māde̍vaṃ janata̱ prace̍tasam ॥4.1.1॥
त्वां ह्य॑ग्ने॒ सद॒मित्स॑म॒न्यवो॑ दे॒वासो॑ दे॒वम॑र॒तिं न्ये॑रि॒र इति॒ क्रत्वा॑ न्येरि॒रे ।
अम॑र्त्यं यजत॒ मर्त्ये॒ष्वा दे॒वमादे॑वं जनत॒ प्रचे॑तसं॒ विश्व॒मादे॑वं जनत॒ प्रचे॑तसम्
11 vāmadevo gautamaḥ| agniḥ, sūryo vā''po vā gāvo vā ghṛtastutirvā| triṣṭup, 11 jagatī|
dhāma̍n te̱ viśva̱ṃ bhuva̍na̱madhi̍ śri̱tama̱ntaḥ sa̍mu̱dre hṛ̱dya1ntarāyu̍ṣi |
a̱pāmanī̍ke sami̱the ya ābhṛ̍ta̱stama̍śyāma̱ madhu̍mantaṃ ta ū̱rmim ॥4.58.11॥
धाम॑न् ते॒ विश्वं॒ भुव॑न॒मधि॑ श्रि॒तम॒न्तः स॑मु॒द्रे हृ॒द्य१न्तरायु॑षि ।
अ॒पामनी॑के समि॒थे य आभृ॑त॒स्तम॑श्याम॒ मधु॑मन्तं त ऊ॒र्मिम्
12 budhagaviṣṭhirāvātreyau| agniḥ| triṣṭup|abo̍dhya̱gniḥ sa̱midhā̱ janā̍nā̱ṃ prati̍ dhe̱numi̍vāya̱tīmu̱ṣāsa̍m | ya̱hvā i̍va̱ pra va̱yāmu̱jjihā̍nā̱: pra bhā̱nava̍: sisrate̱ nāka̱maccha̍
9 evayāmarudātreyaḥ| marutaḥ| atijagatī|
gantā̍ no ya̱jñaṃ ya̍jñiyāḥ su̱śami̱ śrotā̱ hava̍mara̱kṣa e̍va̱yāma̍rut |
jyeṣṭhā̍so̱ na parva̍tāso̱ vyo̍mani yū̱yaṃ tasya̍ pracetasa̱: syāta̍ du̱rdharta̍vo ni̱daḥ ॥5.87.9॥
गन्ता॑ नो य॒ज्ञं य॑ज्ञियाः सु॒शमि॒ श्रोता॒ हव॑मर॒क्ष ए॑व॒याम॑रुत् ।
ज्येष्ठा॑सो॒ न पर्व॑तासो॒ व्यो॑मनि यू॒यं तस्य॑ प्रचेतस॒: स्यात॑ दु॒र्धर्त॑वो नि॒दः
13 bārhaspatyo bharadvāja: | agni : | triṣṭup |
tvaṃ hya̍gne pratha̱mo ma̱notā̱ 'syā dhi̱yo abha̍vo dasma̱ hotā̍ |
tvaṃ sī̍ṃ vṛṣannakṛṇordu̱ṣṭarī̍tu̱ saho̱ viśva̍smai̱ saha̍se̱ saha̍dhyai ॥6.1.1॥
त्वं ह्य॑ग्ने प्रथ॒मो म॒नोता॒ ऽस्या धि॒यो अभ॑वो दस्म॒ होता॑ ।
त्वं सीं॑ वृषन्नकृणोर्दु॒ष्टरी॑तु॒ सहो॒ विश्व॑स्मै॒ सह॑से॒ सह॑ध्यै
19 pāyurbhāradvāja: | { saṃgrāmāśiṣa: } 1 varma, 2 dhanu:, 3 jyā , 4 ārtnī, iṣudhi:, 6 [ pūrvārdha:] sārathi :, 6 {uttarārdha:} raśmaya: , 7 aśvā: , 8 ratha: , 9 rathagopā:, 10 brāhmaṇa–pitṛ-soma-dyāvā-pṛthivī-pūṣāṇa: ; 11-12, 15-16 iṣava:, 13 pratoda:, 14 hastaghna:, 17 yuddhabhūmi-kavaca–brahmaṇaspatyādaya:, 18 varma–soma–varuṇā:, 19 devabrahmāṇī| triṣṭup ; 6,10 jagatī; 12,13,15,16,19 anuṣṭup , 17 paṅkti: |
yo na̱: svo ara̍ṇo̱ yaśca̱ niṣṭyo̱ jighā̍ṃsati | de̱vāstaṃ sarve̍ dhūrvantu̱ brahma̱ varma̱ mamānta̍ram ॥6.75.19॥
यो न॒: स्वो अर॑णो॒ यश्च॒ निष्ट्यो॒ जिघां॑सति । दे॒वास्तं सर्वे॑ धूर्वन्तु॒ ब्रह्म॒ वर्म॒ ममान्त॑रम्
25 maitrāvaruṇirvasiṣṭha:| agni: | virāṭ ,19-25 triṣṭup |
a̱gniṃ naro̱ dīdhi̍tibhira̱raṇyo̱rhasta̍cyutī janayanta praśa̱stam |
dū̱re̱dṛśa̍ṃ gṛ̱hapa̍timatha̱ryum ॥7.1.1॥
अ॒ग्निं नरो॒ दीधि॑तिभिर॒रण्यो॒र्हस्त॑च्युती जनयन्त प्रश॒स्तम् ।
दू॒रे॒दृशं॑ गृ॒हप॑तिमथ॒र्युम्
25 maitrāvaruṇirvasiṣṭha:| {rākṣoghnaṃ} indrāsomau , 8 ,16 ,19 -22 indra:, 9, 12-13 soma:, 10-14 agni:,11 devā:, 17 grāvāṇa:, 18 maruta:, 23 {pūrvārdhasya} vasiṣṭhāśī:, {uttarārdhasya} pṛthivyantarikṣe| triṣṭup , 1-6,18, 21 ,23 jagatī ; 7 jagatī triṣṭubvā, 25 anuṣṭup |
vi ti̍ṣṭhadhvaṃ maruto vi̱kṣvi1cchata̍ gṛbhā̱yata̍ ra̱kṣasa̱: saṃ pi̍naṣṭana |
vayo̱ ye bhū̱tvī pa̱taya̍nti na̱ktabhi̱rye vā̱ ripo̍ dadhi̱re de̱ve a̍dhva̱re ॥7.104.18॥
वि ति॑ष्ठध्वं मरुतो वि॒क्ष्वि१च्छत॑ गृभा॒यत॑ र॒क्षस॒: सं पि॑नष्टन ।
वयो॒ ये भू॒त्वी प॒तय॑न्ति न॒क्तभि॒र्ये वा॒ रिपो॑ दधि॒रे दे॒वे अ॑ध्व॒रे
(34) 1-2 pragātho ( ghaura : ) kāṇva: ; 3-29 meghātithi – medhyātithī kāṇvau, 30-33 plāyogirāsaṅga:, 34 āṅgirasī śaśvatī ṛṣikā | indra:,30 -34 āsaṅga:| 1-4 pragātha:= ( viṣamā bṛhatī, samā satobṛhatī ), 5-32 bṛhatī, 33-34 triṣṭup |
mā ci̍da̱nyadvi śa̍ṃsata̱ sakhā̍yo̱ mā ri̍ṣaṇyata | indra̱mitsto̍tā̱ vṛṣa̍ṇa̱ṃ sacā̍ su̱te muhu̍ru̱kthā ca̍ śaṃsata ॥8.1.1॥
मा चि॑द॒न्यद्वि शं॑सत॒ सखा॑यो॒ मा रि॑षण्यत । इन्द्र॒मित्स्तो॑ता॒ वृष॑णं॒ सचा॑ सु॒ते मुहु॑रु॒क्था च॑ शंसत
14 saubhari: kāṇva: |agni:; 14 agnāmaruta: | bṛhatī; 5 virāḍrūpā; 7,9,11,13 satobṛhatī ; 8,12 kakup ; 10 hrasīyasī; 14 anuṣṭup |
āgne̍ yāhi ma̱rutsa̍khā ru̱drebhi̱: soma̍pītaye | sobha̍ryā̱ upa̍ suṣṭu̱tiṃ mā̱daya̍sva̱ sva̍rṇare ॥8.103.14॥
आग्ने॑ याहि म॒रुत्स॑खा रु॒द्रेभि॒: सोम॑पीतये । सोभ॑र्या॒ उप॑ सुष्टु॒तिं मा॒दय॑स्व॒ स्व॑र्णरे
10 madhucchandā vaiśvāmitra:| pavamāna: soma: | gāyatrī |
svādi̍ṣṭhayā̱ madi̍ṣṭhayā̱ pava̍sva soma̱ dhāra̍yā | indrā̍ya̱ pāta̍ve su̱taḥ ॥9.1.1॥
स्वादि॑ष्ठया॒ मदि॑ष्ठया॒ पव॑स्व सोम॒ धार॑या । इन्द्रा॑य॒ पात॑वे सु॒तः
4 kaśyapo mārīca: | pavamāna: soma: | paṅkti: |
ṛṣe̍ mantra̱kṛtā̱ṃ stomai̱: kaśya̍podva̱rdhaya̱ngira̍: |
soma̍ṃ namasya̱ rājā̍na̱ṃ yo ja̱jñe vī̱rudhā̱ṃ pati̱rindrā̍yendo̱ pari̍ srava ॥9.114.2॥
ऋषे॑ मन्त्र॒कृतां॒ स्तोमै॒: कश्य॑पोद्व॒र्धय॒न्गिर॑: ।
सोमं॑ नमस्य॒ राजा॑नं॒ यो ज॒ज्ञे वी॒रुधां॒ पति॒रिन्द्रा॑येन्दो॒ परि॑ स्रव
7 trita āptyaḥ agniḥ| triṣṭup|
agre̍ bṛ̱hannu̱ṣasā̍mū̱rdhvo a̍sthānnirjaga̱nvāntama̍so̱ jyoti̱ṣāgā̍t |
a̱gnirbhā̱nunā̱ ruśa̍tā̱ svaṅga̱ ā jā̱to viśvā̱ sadmā̍nyaprāḥ ॥10.1.1॥
अग्रे॑ बृ॒हन्नु॒षसा॑मू॒र्ध्वो अ॑स्थान्निर्जग॒न्वान्तम॑सो॒ ज्योति॒षागा॑त् ।
अ॒ग्निर्भा॒नुना॒ रुश॑ता॒ स्वङ्ग॒ आ जा॒तो विश्वा॒ सद्मा॑न्यप्राः
4 saṃvanana āṅgirasaḥ| 1 agniḥ,2-4 saṃjñānam| anuṣṭup , 3 triṣṭup|
sa̱mā̱nī va̱ ākū̍tiḥ samā̱nā hṛda̍yāni vaḥ | sa̱mā̱nama̍stu vo̱ mano̱ yathā̍ va̱: susa̱hāsa̍ti ॥10.191.4॥
स॒मा॒नी व॒ आकू॑तिः समा॒ना हृद॑यानि वः । स॒मा॒नम॑स्तु वो॒ मनो॒ यथा॑ व॒: सुस॒हास॑ति