navarātre kanyāpūjāvat suvāsinīmapi ambikārūpeṇa āsane upaveśya sarvopacāraiḥ pūjayet| ante durgāsaptaślokīṃ durgāpañcaratnastotraṃ ca paṭhet|
Pūrvāṅgapūjā. Do this common opening first, then continue with the principal worship below. Pūrvāṅgapūjā
Pūrvāṅgapūjā
Hide
ācamanam
dhyānam
śuklāmbaradharaṃ viṣṇuṃ śaśivarṇaṃ caturbhujam|
prasannavadanaṃ dhyāyet sarvavighnopaśāntaye ||
prāṇāyāmaḥ — saṅkalpaḥ
apa upaspṛśya
mamopāttasamastaduritakṣayadvārā śrīparameśvaraprītyarthaṃ kariṣyamāṇasya karmaṇaḥ nirvighnena parisamāptyarthaṃ ādau vighneśvarapūjāṃ kariṣye|
mahadbhandanam
ābrahmalokādārohāt ālokāt lokaparvatāt|
ye vasanti dvijā devāstebhyo nityaṃ namo namaḥ ||
āsanapūjā
pṛthivyā merupṛṣṭha ṛṣiḥ| sutalaṃ chandaḥ| kūrmo devatā| āsane viniyogaḥ|
pṛthivi tvayā dhṛtā lokā devi tvaṃ viṣṇunā dhṛtā|
tvaṃ ca dhāraya māṃ devi pavitraṃ cāsanaṃ kuru ||
ghaṇṭāpūjā
ghaṇṭānādaṃ kṛtvā|
āgamārthaṃ tu devānāṃ gamanārthaṃ tu rakṣasām|
ghaṇṭāravaṃ karomyādau devatāhvānakāraṇam ||
vighneśvarapūjā
asmin haridrābimbe śrīvighneśvaraṃ dhyāyāmi|
āvāhayāmi| āsanaṃ samarpayāmi| pādayoḥ pādyaṃ samarpayāmi| arghyaṃ samarpayāmi| ācamanīyaṃ samarpayāmi| madhuparkaṃ samarpayāmi| snānaṃ samarpayāmi| ācamanīyaṃ samarpayāmi| vastraṃ samarpayāmi| upavītaṃ samarpayāmi| divyaparimalagandhān dhārayāmi| akṣatān samarpayāmi| puṣpaiḥ pūjayāmi|
| sumukhāya namaḥ |
| ekadantāya namaḥ |
| kapilāya namaḥ |
| gajakarṇikāya namaḥ |
| lambodarāya namaḥ |
| vikaṭāya namaḥ |
| vighnarājāya namaḥ |
| vināyakāya namaḥ |
| dhūmaketave namaḥ |
| gaṇādhyakṣāya namaḥ |
| phālacandrāya namaḥ |
| gajānanāya namaḥ |
| vakratuṇḍāya namaḥ |
| śūrpakarṇāya namaḥ |
| herambāya namaḥ |
| skandapūrvajāya namaḥ |
| siddhivināyakāya namaḥ |
| śrīmahāgaṇapataye namaḥ |
upacārāḥ
dhūpamāghrāpayāmi| dīpaṃ darśayāmi| nivedayāmi| karpūranīrājanaṃ darśayāmi| samastopacārapūjāṃ samarpayāmi|
prārthanā
vakratuṇḍa mahākāya sūryakoṭisamaprabha|
nirvighnaṃ kuru me deva sarvakāryeṣu sarvadā ||
iti prārthya| prāṇāyāmaḥ|
saṅkalpaḥ
śubhe śobhane muhūrte ādyabrahmaṇaḥ dvitīyaparādhe śvetavarāhakalpe vaivasvatamanvantare aṣṭāviṃśatitame kaliyuge prathame pāde jambūdvīpe bhāratavarṣe bharatakhaṇḍe merordakṣiṇe pārśve śakābde asmin vartamāne vyāvahārike prabhavādiṣaṣṭisaṃvatsarāṇāṃ madhye …… nāma saṃvatsare …… ayane …… ṛtau …… māse …… pakṣe …… śubhatithau …… vāsarayuktāyāṃ …… nakṣatrayuktāyāṃ śubhayogaśubhakaraṇasakalaviśeṣaṇaviśiṣṭāyāmasyāṃ śubhatithau mamopāttasamastaduritakṣayadvārā śrīparameśvaraprītyarthaṃ śrīdurgālakṣmīsarasvatīsvarūpamahātripurasundarīprītyarthaṃ śarannavarātramahotsavāṅgatayā śrīmahātripurasundarīsvarūpasuvāsinīpūjāṃ kariṣye|
apa upaspṛśya| śrīvighneśvarāya namaḥ yathāsthānaṃ pratiṣṭhāpayāmi| śobhanārthe kṣemāya punarāgamanāya ca| iti vighneśvaramudrām|
kalaśapūjā
kalaśaṃ gandhapuṣpākṣatairabhyarcya| kalaśajalena tattaddevatānāma yojayet| pūjādravyāṇi ātmānaṃ ca prokṣya|
gaṅge ca yamune caiva godāvari sarasvati|
narmade sindhu kāveri jale'smin sannidhiṃ kuru ||
| gaṅgāyai namaḥ | |
| yamunāyai namaḥ | |
| godāvaryai namaḥ | |
| sarasvatyai namaḥ | |
| narmadāyai namaḥ | |
| sindhave namaḥ | |
| kāveryai namaḥ | puṣpaiḥ pūjayāmi| |
śaṅkhapūjā
kalaśodakena śaṅkhaṃ pūrayet| śaṅkhajalena pūjopakaraṇāni dravyāṇi ātmānaṃ ca triḥ prokṣya, punaḥ śaṅkhaṃ pūrayet|
tvaṃ purā sāgarotpanno viṣṇunā vidhṛtaḥ kare|
devaiśca pūjitaḥ sarvaiḥ pāñcajanya namo'stu te ||
ātmapūjā
deho devālayaḥ prokto jīvo devaḥ sanātanaḥ|
tyajāmyajñānanirmūlyaṃ so'haṃbhāvena pūjaye ||
pīṭhapūjā
| oṃ sakalaguṇātmaśaktiyuktāya yogapīṭhāya namaḥ |
| ādhāraśaktyai namaḥ |
| mūlaprakṛtyai namaḥ |
| ādivarāhāya namaḥ |
| ādikūrmāya namaḥ |
| anantāya namaḥ |
| pṛthivyai namaḥ |
| ādityādinavagrahadevatābhyo namaḥ |
| daśadikpālebhyo namaḥ |
gurudhyānam
gururbrahmā gururviṣṇurgururdevo maheśvaraḥ|
guruḥ sākṣāt paraṃ brahma tasmai śrīgurave namaḥ ||
śrīguruṃ dhyāyāmi|
Pradhānapūjā
dhyānam
śuklāmbaradharaṃ viṣṇuṃ śaśivarṇaṃ caturbhujam|
prasannavadanaṃ dhyāyet sarvavighnopaśāntaye ||
dhyānam āvāhanam
namo devyai mahādevyai śivāyai satataṃ namaḥ|
namaḥ prakṛtyai bhadrāyai niyatāḥ praṇatāḥ sma tām||
āgaccha varade devi daityadarpanipātini|
pūjāṃ gṛhāṇa sumukhi namaste śaṅkarapriye||
devīṃ dhyāyāmi, āvāhayāmi||
āsanam
anekaratnasaṃyuktaṃ nānāmaṇigaṇānvitam|
kārtasvaramayaṃ divyaṃ āsanaṃ pratigṛhyatām||
devyai namaḥ| āsanaṃ samarpayāmi||
pādyam
gaṅgādisarvatīrthebhyaḥ ānītaṃ toyamuttamam|
pādyaṃ te'haṃ pradāsyāmi gṛhāṇa parameśvari||
devyai namaḥ| pādyaṃ samarpayāmi||
arghyam
gandhākṣataiśca saṃyuktaṃ phalapuṣpayutaṃ śubham|
arghyaṃ gṛhāṇa me devi prasīda parameśvari||
devyai namaḥ| arghyaṃ samarpayāmi||
ācamanīyam
gaṅgāgodāvarīrevāyamunābhyaḥ samāhṛtam|
toyaṃ cācamanīyārthaṃ suśītaṃ pratigṛhyatām||
devyai namaḥ| ācamanīyaṃ samarpayāmi||
madhuparkaḥ
dadhimadhvājyasaṃyuktaṃ pātrayugmasamanvitam|
madhuparkaṃ gṛhāṇa tvaṃ varadā bhava śobhane||
devyai namaḥ| madhuparkaṃ samarpayāmi||
snānam
mandākinyāḥ samānītaiḥ hemāmbhoruhavāsitaiḥ|
snānaṃ kuruṣva deveśi salilaiśca sugandhibhiḥ||
devyai namaḥ| snāpayāmi| ācamanīyaṃ samarpayāmi||
vastram
paṭṭacelayugaṃ devi kañcukena samanvitam|
paridhehi kṛpāṃ kṛtvā durge durgatināśini||
devyai namaḥ| vastrayugmaṃ samarpayāmi||
upavītam
svarṇasūtramayaṃ divyaṃ brahmaṇā nirmitaṃ purā|
upavītaṃ mayā dattaṃ gṛhāṇa parameśvari||
devyai namaḥ| upavītaṃ samarpayāmi||
gandhaḥ
śrīkhaṇḍacandanaṃ divyaṃ gandhāḍhyaṃ sumanoharam|
vilepanaṃ ca deveśi candanaṃ pratigṛhyatām||
devyai namaḥ| gandhān dhārayāmi|| gandhopari haridrākuṅkumaṃ samarpayāmi|| kajjalaṃ samarpayāmi|| saubhāgyasūtraṃ samarpayāmi|| darpaṇakaṅkatādisaubhāgyadravyāṇi samarpayāmi|| sugandhiparimaladravyāṇi samarpayāmi||
akṣatāḥ
akṣatān nirmalān śuddhān muktāmaṇisamanvitān|
kuṅkumāktān gṛhāṇemān dehi me nirmalāṃ dhiyam||
devyai namaḥ| akṣatān samarpayāmi||
puṣpamālā
sugandhaiḥ puṣpanicayaiḥ grathitāṃ puṣpamālikām|
arpaye tava śobhārthaṃ gṛhāṇa parameśvari||
devyai namaḥ| puṣpamālāṃ samarpayāmi|| puṣpaiḥ pūjayāmi||
aṅgapūjā
| durgāyai namaḥ | pādau pūjayāmi|| |
| mahākālyai namaḥ | gulphau pūjayāmi|| |
| maṅgalāyai namaḥ | jānunī pūjayāmi|| |
| kātyāyanyai namaḥ | ūrū pūjayāmi|| |
| bhadrakālyai namaḥ | kaṭiṃ pūjayāmi|| |
| kamalavāsinyai namaḥ | nābhiṃ pūjayāmi|| |
| śivāyai namaḥ | udaraṃ pūjayāmi|| |
| kṣamāyai namaḥ | hṛdayaṃ pūjayāmi|| |
| umāyai namaḥ | hastau pūjayāmi|| |
| mahāgauryai namaḥ | dakṣabāhuṃ pūjayāmi|| |
| vaiṣṇavyai namaḥ | vāmabāhuṃ pūjayāmi|| |
| ramāyai namaḥ | skandhau pūjayāmi|| |
| skandamātre namaḥ | kaṇṭhaṃ pūjayāmi|| |
| mahiṣamardinyai namaḥ | netre pūjayāmi|| |
| siṃhavāhinyai namaḥ | mukhaṃ pūjayāmi|| |
| māheśvaryai namaḥ | śiraḥ pūjayāmi|| |
| kātyāyanyai namaḥ | sarvāṇyaṅgāni pūjayāmi|| |
lalitāṣṭottaraśatanāmabhiḥ arcanam
Lalitā aṣṭottaraśata nāmāvaliḥOpen as a separate page
- 1oṃ aiṃ hrīṃ śrīṃ rajatācalaśṛṅgāgramadhyasthāyai namo namaḥ
- 2oṃ aiṃ hrīṃ śrīṃ himācalamahāvaṃśapāvanāyai namo namaḥ
- 3oṃ aiṃ hrīṃ śrīṃ śaṅkarārdhāṅgasaundaryaśarīrāyai namo namaḥ
- 4oṃ aiṃ hrīṃ śrīṃ lasanmarakatasvacchavigrahāyai namo namaḥ
- 5oṃ aiṃ hrīṃ śrīṃ mahātiśayasaundaryalāvaṇyāyai namo namaḥ
- 6oṃ aiṃ hrīṃ śrīṃ śaśāṅkaśekharaprāṇavallabhāyai namo namaḥ
- 7oṃ aiṃ hrīṃ śrīṃ sadāpañcadaśātmaikyasvarūpāyai namo namaḥ
- 8oṃ aiṃ hrīṃ śrīṃ vajramāṇikyakaṭakakirīṭāyai namo namaḥ
- 9oṃ aiṃ hrīṃ śrīṃ kastūrītilakollāsitaniṭalāyai namo namaḥ
- 10oṃ aiṃ hrīṃ śrīṃ bhasmarekhāṅkitalasanmastakāyai namo namaḥ
- 11oṃ aiṃ hrīṃ śrīṃ vikacāmbhoruhadalalocanāyai namo namaḥ
- 12oṃ aiṃ hrīṃ śrīṃ śaraccāmpeyapuṣpābhanāsikāyai namo namaḥ
- 13oṃ aiṃ hrīṃ śrīṃ lasatkāñcanatāṭaṅkayugalāyai namo namaḥ
- 14oṃ aiṃ hrīṃ śrīṃ maṇidarpaṇasaṅkāśakapolāyai namo namaḥ
- 15oṃ aiṃ hrīṃ śrīṃ tāmbūlapūritasmeravadanāyai namo namaḥ
- 16oṃ aiṃ hrīṃ śrīṃ supakvadāḍimībījaradanāyai namo namaḥ
- 17oṃ aiṃ hrīṃ śrīṃ kambupūgasamacchāyakandharāyai namo namaḥ
- 18oṃ aiṃ hrīṃ śrīṃ sthūlamuktāphalodārasuhārāyai namo namaḥ
- 19oṃ aiṃ hrīṃ śrīṃ girīśabaddhamāṅgalyamaṅgalāyai namo namaḥ
- 20oṃ aiṃ hrīṃ śrīṃ padmapāśāṅkuśalasatkarābjāyai namo namaḥ
- 21oṃ aiṃ hrīṃ śrīṃ padmakairavamandārasumālinyai namo namaḥ
- 22oṃ aiṃ hrīṃ śrīṃ suvarṇakumbhayugmābhasukucāyai namo namaḥ
- 23oṃ aiṃ hrīṃ śrīṃ ramaṇīyacaturbāhusaṃyuktāyai namo namaḥ
- 24oṃ aiṃ hrīṃ śrīṃ kanakāṅgadakeyūrabhūṣitāyai namo namaḥ
- 25oṃ aiṃ hrīṃ śrīṃ bṛhatsauvarṇasaundaryavasanāyai namo namaḥ
- 26oṃ aiṃ hrīṃ śrīṃ bṛhannitambavilasajjaghanāyai namo namaḥ
- 27oṃ aiṃ hrīṃ śrīṃ saubhāgyajātaśṛṅgāramadhyamāyai namo namaḥ
- 28oṃ aiṃ hrīṃ śrīṃ divyabhūṣaṇasandoharañjitāyai namo namaḥ
- 29oṃ aiṃ hrīṃ śrīṃ pārijātaguṇādhikyapadābjāyai namo namaḥ
- 30oṃ aiṃ hrīṃ śrīṃ supadmarāgasaṅkāśacaraṇāyai namo namaḥ
- 31oṃ aiṃ hrīṃ śrīṃ kāmakoṭimahāpadmapīṭhasthāyai namo namaḥ
- 32oṃ aiṃ hrīṃ śrīṃ śrīkaṇṭhanetrakumudacandrikāyai namo namaḥ
- 33oṃ aiṃ hrīṃ śrīṃ sacāmararamāvāṇīvījitāyai namo namaḥ
- 34oṃ aiṃ hrīṃ śrīṃ bhaktarakṣaṇadākṣiṇyakaṭākṣāyai namo namaḥ
- 35oṃ aiṃ hrīṃ śrīṃ bhūteśāliṅganodbhūtapulakāṅgyai namo namaḥ
- 36oṃ aiṃ hrīṃ śrīṃ anaṅgajanakāpāṅgavīkṣaṇāyai namo namaḥ
- 37oṃ aiṃ hrīṃ śrīṃ brahmopendraśiroratnarañjitāyai namo namaḥ
- 38oṃ aiṃ hrīṃ śrīṃ śacīmukhyāmaravadhūsevitāyai namo namaḥ
- 39oṃ aiṃ hrīṃ śrīṃ līlākalpitabrahmāṇḍamaṇḍalāyai namo namaḥ
- 40oṃ aiṃ hrīṃ śrīṃ amṛtādimahāśaktisaṃvṛtāyai namo namaḥ
- 41oṃ aiṃ hrīṃ śrīṃ ekātapatrasāmrājyadāyikāyai namo namaḥ
- 42oṃ aiṃ hrīṃ śrīṃ sanakādisamārādhyapādukāyai namo namaḥ
- 43oṃ aiṃ hrīṃ śrīṃ devarṣibhiḥ stūyamānavaibhavāyai namo namaḥ
- 44oṃ aiṃ hrīṃ śrīṃ kalaśodbhavadurvāsapūjitāyai namo namaḥ
- 45oṃ aiṃ hrīṃ śrīṃ mattebhavaktraṣaḍvaktravatsalāyai namo namaḥ
- 46oṃ aiṃ hrīṃ śrīṃ cakrarājamahāyantramadhyavartyai namo namaḥ
- 47oṃ aiṃ hrīṃ śrīṃ cidagnikuṇḍasambhūtasudehāyai namo namaḥ
- 48oṃ aiṃ hrīṃ śrīṃ śaśāṅkakhaṇḍasaṃyuktamakuṭāyai namo namaḥ
- 49oṃ aiṃ hrīṃ śrīṃ mattahaṃsavadhūmandagamanāyai namo namaḥ
- 50oṃ aiṃ hrīṃ śrīṃ vandārujanasandohavanditāyai namo namaḥ
- 51oṃ aiṃ hrīṃ śrīṃ antarmukhajanānandaphaladāyai namo namaḥ
- 52oṃ aiṃ hrīṃ śrīṃ pativratāṅganābhīṣṭaphaladāyai namo namaḥ
- 53oṃ aiṃ hrīṃ śrīṃ avyājakaruṇāpūrapūritāyai namo namaḥ
- 54oṃ aiṃ hrīṃ śrīṃ nitāntasaccidānandasaṃyuktāyai namo namaḥ
- 55oṃ aiṃ hrīṃ śrīṃ sahasrasūryasaṃyuktaprakāśāyai namo namaḥ
- 56oṃ aiṃ hrīṃ śrīṃ ratnacintāmaṇigṛhamadhyasthāyai namo namaḥ
- 57oṃ aiṃ hrīṃ śrīṃ hānivṛddhiguṇādhikyarahitāyai namo namaḥ
- 58oṃ aiṃ hrīṃ śrīṃ mahāpadmāṭavīmadhyanivāsāyai namo namaḥ
- 59oṃ aiṃ hrīṃ śrīṃ jāgratsvapnasuṣuptīnāṃ sākṣibhūtyai namo namaḥ
- 60oṃ aiṃ hrīṃ śrīṃ mahāpāpaughapāpānāṃ vināśinyai namo namaḥ
- 61oṃ aiṃ hrīṃ śrīṃ duṣṭabhītimahābhītibhañjanāyai namo namaḥ
- 62oṃ aiṃ hrīṃ śrīṃ samastadevadanujaprerakāyai namo namaḥ
- 63oṃ aiṃ hrīṃ śrīṃ samastahṛdayāmbhojanilayāyai namo namaḥ
- 64oṃ aiṃ hrīṃ śrīṃ anāhatamahāpadmamandirāyai namo namaḥ
- 65oṃ aiṃ hrīṃ śrīṃ sahasrārasarojātavāsitāyai namo namaḥ
- 66oṃ aiṃ hrīṃ śrīṃ punarāvṛttirahitapurasthāyai namo namaḥ
- 67oṃ aiṃ hrīṃ śrīṃ vāṇīgāyatrīsāvitrīsannutāyai namo namaḥ
- 68oṃ aiṃ hrīṃ śrīṃ ramābhūmisutārādhyapadābjāyai namo namaḥ
- 69oṃ aiṃ hrīṃ śrīṃ lopāmudrārcitaśrīmaccaraṇāyai namo namaḥ
- 70oṃ aiṃ hrīṃ śrīṃ sahasraratisaundaryaśarīrāyai namo namaḥ
- 71oṃ aiṃ hrīṃ śrīṃ bhāvanāmātrasantuṣṭahṛdayāyai namo namaḥ
- 72oṃ aiṃ hrīṃ śrīṃ satyasampūrṇavijñānasiddhidāyai namo namaḥ
- 73oṃ aiṃ hrīṃ śrīṃ śrīlocanakṛtollāsaphaladāyai namo namaḥ
- 74oṃ aiṃ hrīṃ śrīṃ śrīsudhābdhimaṇidvīpamadhyagāyai namo namaḥ
- 75oṃ aiṃ hrīṃ śrīṃ dakṣādhvaravinirbhedasādhanāyai namo namaḥ
- 76oṃ aiṃ hrīṃ śrīṃ śrīnāthasodarībhūtaśobhitāyai namo namaḥ
- 77oṃ aiṃ hrīṃ śrīṃ candraśekharabhaktārtibhañjanāyai namo namaḥ
- 78oṃ aiṃ hrīṃ śrīṃ sarvopādhivinirmuktacaitanyāyai namo namaḥ
- 79oṃ aiṃ hrīṃ śrīṃ nāmapārāyaṇābhīṣṭaphaladāyai namo namaḥ
- 80oṃ aiṃ hrīṃ śrīṃ sṛṣṭisthititirodhānasaṅkalpāyai namo namaḥ
- 81oṃ aiṃ hrīṃ śrīṃ śrīṣoḍaśākṣarīmantramadhyagāyai namo namaḥ
- 82oṃ aiṃ hrīṃ śrīṃ anādyantasvayambhūtadivyamūrtyai namo namaḥ
- 83oṃ aiṃ hrīṃ śrīṃ bhaktahaṃsaparīmukhyaviyogāyai namo namaḥ
- 84oṃ aiṃ hrīṃ śrīṃ mātṛmaṇḍalasaṃyuktalalitāyai namo namaḥ
- 85oṃ aiṃ hrīṃ śrīṃ bhaṇḍadaityamahāsattvanāśanāyai namo namaḥ
- 86oṃ aiṃ hrīṃ śrīṃ krūrabhaṇḍaśiraśchedanipuṇāyai namo namaḥ
- 87oṃ aiṃ hrīṃ śrīṃ dhātryacyutasurādhīśasukhadāyai namo namaḥ
- 88oṃ aiṃ hrīṃ śrīṃ caṇḍamuṇḍaniśumbhādikhaṇḍanāyai namo namaḥ
- 89oṃ aiṃ hrīṃ śrīṃ raktākṣaraktajihvādiśikṣaṇāyai namo namaḥ
- 90oṃ aiṃ hrīṃ śrīṃ mahiṣāsuradorvīryanigrahāyai namo namaḥ
- 91oṃ aiṃ hrīṃ śrīṃ abhrakeśamahotsāhakāraṇāyai namo namaḥ
- 92oṃ aiṃ hrīṃ śrīṃ maheśayuktanaṭanatatparāyai namo namaḥ
- 93oṃ aiṃ hrīṃ śrīṃ nijabhartṛmukhāmbhojacintanāyai namo namaḥ
- 94oṃ aiṃ hrīṃ śrīṃ vṛṣabhadhvajavijñānabhāvanāyai namo namaḥ
- 95oṃ aiṃ hrīṃ śrīṃ janmamṛtyujarārogabhañjanāyai namo namaḥ
- 96oṃ aiṃ hrīṃ śrīṃ videhamuktavijñānasiddhidāyai namo namaḥ
- 97oṃ aiṃ hrīṃ śrīṃ kāmakrodhādiṣaḍvarganāśanāyai namo namaḥ
- 98oṃ aiṃ hrīṃ śrīṃ rājarājārcitapadasarojāyai namo namaḥ
- 99oṃ aiṃ hrīṃ śrīṃ sarvavedāntasaṃsiddhasutattvāyai namo namaḥ
- 100oṃ aiṃ hrīṃ śrīṃ śrīvīrabhaktavijñānanidhānāyai namo namaḥ
- 101oṃ aiṃ hrīṃ śrīṃ aśeṣaduṣṭadanujasūdanāyai namo namaḥ
- 102oṃ aiṃ hrīṃ śrīṃ sākṣācchrīdakṣiṇāmūrtimanojñāyai namo namaḥ
- 103oṃ aiṃ hrīṃ śrīṃ hayamedhāgrasampūjyamahimāyai namo namaḥ
- 104oṃ aiṃ hrīṃ śrīṃ dakṣaprajāpatisutaveṣāḍhyāyai namo namaḥ
- 105oṃ aiṃ hrīṃ śrīṃ sumabāṇekṣukodaṇḍamaṇḍitāyai namo namaḥ
- 106oṃ aiṃ hrīṃ śrīṃ nityayauvanamāṅgalyamaṅgalāyai namo namaḥ
- 107oṃ aiṃ hrīṃ śrīṃ mahādevasamāyuktaśarīrāyai namo namaḥ
- 108oṃ aiṃ hrīṃ śrīṃ mahādevaratotsukamahādevyai namo namaḥ
dhūpaḥ
daśāṅgaṃ gugguluṃ dhūpaṃ candanāgarusaṃyutam|
samarpitaṃ mayā bhaktyā mahādevi pragṛhyatām||
devyai namaḥ| dhūpaṃ samarpayāmi||
dīpaḥ
sājyaṃ trivartisaṃyuktaṃ vahninā yojitaṃ mayā|
dīpaṃ gṛhāṇa deveśi trailokyatimirāpaham||
devyai namaḥ| dīpaṃ darśayāmi||
naivedyam
annaṃ svādurasaiḥ ṣaḍbhiḥ śākavargaiḥ samanvitam|
naivedyaṃ gṛhyatāṃ devi bhakṣyabhojyādisaṃyutam||
devyai namaḥ| amṛtopahāraṃ nivedayāmi| ācamanīyaṃ samarpayāmi||
phalāni
nārikelaṃ ca nāraṅgaṃ kaliṅgaṃ dāḍimaṃ tathā|
urvārukaṃ ca kadalīṃ phalāni ca gṛhāṇa me||
devyai namaḥ| phalāni samarpayāmi||
tāmbūlam
pūgīphalasamāyuktāṃ nāgavallīdalairyutām|
elālavaṅgakarpūraiḥ vīṭikāṃ te samarpaye||
devyai namaḥ| tāmbūlaṃ samarpayāmi|| karpūranīrājanaṃ samarpayāmi||
mantrapuṣpāñjaliḥ
mandārapārijātādi pāṭalīketakāni ca|
jātīcampakapuṣpāṇi gṛhāṇemāni śobhane||
devyai namaḥ| mantrapuṣpāñjaliṃ samarpayāmi||
pradakṣiṇanamaskārāḥ
sarvamaṅgalamāṅgalye śive sarvārthasādhike|
śaraṇye tryambake gauri nārāyaṇi namo'stu te||
śaraṇāgatadīnārtaparitrāṇaparāyaṇe|
sarvasyārtihare devi nārāyaṇi namo'stu te||
devyai namaḥ| pradakṣiṇanamaskārān samarpayāmi||
prārthanā
vidhehi devi kalyāṇaṃ vidhehi paramāṃ śriyam|
rūpaṃ dehi jayaṃ dehi yaśo dehi dviṣo jahi||
mantrahīnaṃ kriyāhīnaṃ bhaktihīnaṃ sureśvari|
yatpūjitaṃ mayā devi paripūrṇaṃ tadastu me||
durgāsaptaślokī
durgāsaptaślokīṃ durgāpañcaratnastavaṃ ca paṭhet|
jñānināmapi cetāṃsi devī bhagavatī hi sā|
balādākṛṣya mohāya mahāmāyā prayacchati||
durge smṛtā harasi bhītimaśeṣajantoḥ svasthaiḥ smṛtā matimatīva śubhāṃ dadāsi|
dāridryaduḥkhabhayahāriṇi kā tvadanyā sarvopakārakaraṇāya sadārdracittā||
sarvamaṅgalamāṅgalye śive sarvārthasādhike|
śaraṇye tryambake gauri nārāyaṇi namo'stu te||
śaraṇāgatadīnārtaparitrāṇaparāyaṇe|
sarvasyārtihare devi nārāyaṇi namo'stu te||
sarvasvarūpe sarveśe sarvaśaktisamanvite|
bhayebhyastrāhi no devi durge devi namo'stu te||
rogānaśeṣānapahaṃsi tuṣṭā ruṣṭā tu kāmān sakalānabhīṣṭān|
tvāmāśritānāṃ na vipannarāṇāṃ tvāmāśritā hyāśrayatāṃ prayānti||
sarvābādhāpraśamanaṃ trailokyasyākhileśvari|
evameva tvayā kāryamasmadvairivināśanam||
śrīdurgāpañcaratnastotram
śrīkāñcīkāmakoṭipīṭhādhipa jagadguru śrīcandraśekharendrasarasvatīśrīpādaiḥ kṛtam|
te dhyānayogānugatā apaśyan tvāmeva devīṃ svaguṇairnigūḍhām|
tvameva śaktiḥ parameśvarasya māṃ pāhi sarveśvari mokṣadātri||
devātmaśaktiḥ śrutivākyagītā maharṣilokasya puraḥ prasannā|
guhā paraṃ vyoma sataḥ pratiṣṭhā māṃ pāhi sarveśvari mokṣadātri||
parāsya śaktiḥ vividhaiva śrūyase śvetāśvavākyoditadevi durge|
svābhāvikī jñānabalakriyā te māṃ pāhi sarveśvari mokṣadātri||
devātmaśabdena śivātmabhūtā yatkūrmavāyavyavacovivṛtyā|
tvaṃ pāśavicchedakarī prasiddhā māṃ pāhi sarveśvari mokṣadātri||
tvaṃ brahmapucchā vividhā mayūrī brahmapratiṣṭhāsyupadiṣṭagītā|
jñānasvarūpātmatayākhilānāṃ māṃ pāhi sarveśvari mokṣadātri||
samarpaṇam
anena śarannavarātramahotsavapuṇyakāle kṛtena śrīmahātripurasundarīsvarūpasuvāsinīpūjanena bhagavatī sarvātmikā śrīmahātripurasundarī prīyatām|
oṃ tatsat brahmārpaṇamastu||