āṣāḍhapūrṇimāyāṃ gurupūrṇimāyāṃ viśeṣataḥ kāryā| sannyāsināṃ vyāsapūjā pṛthagvidhikā| svaguroḥ śrīdakṣiṇāmūrteḥ śrīśaṅkarabhagavatpādānāṃ vā citrapaṭaṃ nidhāya pūjayet| ekākī saṅghaśo vā kartuṃ śakyate|
Pūrvāṅgapūjā. Do this common opening first, then continue with the principal worship below. Pūrvāṅgapūjā
Pūrvāṅgapūjā
Hide
ācamanam
dhyānam
śuklāmbaradharaṃ viṣṇuṃ śaśivarṇaṃ caturbhujam|
prasannavadanaṃ dhyāyet sarvavighnopaśāntaye ||
prāṇāyāmaḥ — saṅkalpaḥ
apa upaspṛśya
mamopāttasamastaduritakṣayadvārā śrīparameśvaraprītyarthaṃ kariṣyamāṇasya karmaṇaḥ nirvighnena parisamāptyarthaṃ ādau vighneśvarapūjāṃ kariṣye|
mahadbhandanam
ābrahmalokādārohāt ālokāt lokaparvatāt|
ye vasanti dvijā devāstebhyo nityaṃ namo namaḥ ||
āsanapūjā
pṛthivyā merupṛṣṭha ṛṣiḥ| sutalaṃ chandaḥ| kūrmo devatā| āsane viniyogaḥ|
pṛthivi tvayā dhṛtā lokā devi tvaṃ viṣṇunā dhṛtā|
tvaṃ ca dhāraya māṃ devi pavitraṃ cāsanaṃ kuru ||
ghaṇṭāpūjā
ghaṇṭānādaṃ kṛtvā|
āgamārthaṃ tu devānāṃ gamanārthaṃ tu rakṣasām|
ghaṇṭāravaṃ karomyādau devatāhvānakāraṇam ||
vighneśvarapūjā
asmin haridrābimbe śrīvighneśvaraṃ dhyāyāmi|
āvāhayāmi| āsanaṃ samarpayāmi| pādayoḥ pādyaṃ samarpayāmi| arghyaṃ samarpayāmi| ācamanīyaṃ samarpayāmi| madhuparkaṃ samarpayāmi| snānaṃ samarpayāmi| ācamanīyaṃ samarpayāmi| vastraṃ samarpayāmi| upavītaṃ samarpayāmi| divyaparimalagandhān dhārayāmi| akṣatān samarpayāmi| puṣpaiḥ pūjayāmi|
| sumukhāya namaḥ |
| ekadantāya namaḥ |
| kapilāya namaḥ |
| gajakarṇikāya namaḥ |
| lambodarāya namaḥ |
| vikaṭāya namaḥ |
| vighnarājāya namaḥ |
| vināyakāya namaḥ |
| dhūmaketave namaḥ |
| gaṇādhyakṣāya namaḥ |
| phālacandrāya namaḥ |
| gajānanāya namaḥ |
| vakratuṇḍāya namaḥ |
| śūrpakarṇāya namaḥ |
| herambāya namaḥ |
| skandapūrvajāya namaḥ |
| siddhivināyakāya namaḥ |
| śrīmahāgaṇapataye namaḥ |
upacārāḥ
dhūpamāghrāpayāmi| dīpaṃ darśayāmi| nivedayāmi| karpūranīrājanaṃ darśayāmi| samastopacārapūjāṃ samarpayāmi|
prārthanā
vakratuṇḍa mahākāya sūryakoṭisamaprabha|
nirvighnaṃ kuru me deva sarvakāryeṣu sarvadā ||
iti prārthya| prāṇāyāmaḥ|
saṅkalpaḥ
śubhe śobhane muhūrte ādyabrahmaṇaḥ dvitīyaparādhe śvetavarāhakalpe vaivasvatamanvantare aṣṭāviṃśatitame kaliyuge prathame pāde jambūdvīpe bhāratavarṣe bharatakhaṇḍe merordakṣiṇe pārśve śakābde asmin vartamāne vyāvahārike prabhavādiṣaṣṭisaṃvatsarāṇāṃ madhye …… nāma saṃvatsare …… ayane …… ṛtau …… māse …… pakṣe …… śubhatithau …… vāsarayuktāyāṃ …… nakṣatrayuktāyāṃ śubhayogaśubhakaraṇasakalaviśeṣaṇaviśiṣṭāyāmasyāṃ śubhatithau mamopāttasamastaduritakṣayadvārā śrīparameśvaraprītyarthaṃ śrīguruprītyarthaṃ jñānavivekaśrutadhāraṇamedhāvāgmitvādisiddhyarthaṃ śrīgurupūjāṃ kariṣye|
apa upaspṛśya| śrīvighneśvarāya namaḥ yathāsthānaṃ pratiṣṭhāpayāmi| śobhanārthe kṣemāya punarāgamanāya ca| iti vighneśvaramudrām|
kalaśapūjā
kalaśaṃ gandhapuṣpākṣatairabhyarcya| kalaśajalena tattaddevatānāma yojayet| pūjādravyāṇi ātmānaṃ ca prokṣya|
gaṅge ca yamune caiva godāvari sarasvati|
narmade sindhu kāveri jale'smin sannidhiṃ kuru ||
| gaṅgāyai namaḥ | |
| yamunāyai namaḥ | |
| godāvaryai namaḥ | |
| sarasvatyai namaḥ | |
| narmadāyai namaḥ | |
| sindhave namaḥ | |
| kāveryai namaḥ | puṣpaiḥ pūjayāmi| |
śaṅkhapūjā
kalaśodakena śaṅkhaṃ pūrayet| śaṅkhajalena pūjopakaraṇāni dravyāṇi ātmānaṃ ca triḥ prokṣya, punaḥ śaṅkhaṃ pūrayet|
tvaṃ purā sāgarotpanno viṣṇunā vidhṛtaḥ kare|
devaiśca pūjitaḥ sarvaiḥ pāñcajanya namo'stu te ||
ātmapūjā
deho devālayaḥ prokto jīvo devaḥ sanātanaḥ|
tyajāmyajñānanirmūlyaṃ so'haṃbhāvena pūjaye ||
pīṭhapūjā
| oṃ sakalaguṇātmaśaktiyuktāya yogapīṭhāya namaḥ |
| ādhāraśaktyai namaḥ |
| mūlaprakṛtyai namaḥ |
| ādivarāhāya namaḥ |
| ādikūrmāya namaḥ |
| anantāya namaḥ |
| pṛthivyai namaḥ |
| ādityādinavagrahadevatābhyo namaḥ |
| daśadikpālebhyo namaḥ |
gurudhyānam
gururbrahmā gururviṣṇurgururdevo maheśvaraḥ|
guruḥ sākṣāt paraṃ brahma tasmai śrīgurave namaḥ ||
śrīguruṃ dhyāyāmi|
Pradhānapūjā
dhyānam
śuklāmbaradharaṃ viṣṇuṃ śaśivarṇaṃ caturbhujam|
prasannavadanaṃ dhyāyet sarvavighnopaśāntaye ||
śrīgurudhyānam
gururbrahmā gururviṣṇuḥ gururdevo maheśvaraḥ|
guruḥ sākṣātparaṃ brahma tasmai śrīgurave namaḥ||
nityānandaṃ paramasukhadaṃ kevalaṃ jñānamūrtiṃ bhāvātītaṃ gaganasadṛśaṃ tattvamasyādilakṣyam|
ekaṃ nityaṃ vimalamacalaṃ sarvadhīsākṣibhūtaṃ viśvātītaṃ triguṇarahitaṃ sadguruṃ taṃ namāmi||
paṭe śrīguruṃ dṛṣṭvā manasā dhyāyet| śrīgurave namaḥ| śrīguruṃ dhyāyāmi| śrīguruṃ āvāhayāmi|
āsanam
ajñānatimirāndhasya jñānāñjanaśalākayā|
cakṣurunmīlitaṃ yena tasmai śrīgurave namaḥ||
śrīgurave namaḥ| āsanaṃ samarpayāmi||
pādyam
caitanyaṃ śāśvataṃ śāntaṃ vyomātītaṃ nirañjanam|
nādabindukalātītaṃ tasmai śrīgurave namaḥ||
śrīgurave namaḥ| pādyaṃ samarpayāmi||
arghyam
akhaṇḍamaṇḍalākāraṃ vyāptaṃ yena carācaram|
tatpadaṃ darśitaṃ yena tasmai śrīgurave namaḥ||
śrīgurave namaḥ| arghyaṃ samarpayāmi||
ācamanīyam
sthāvaraṃ jaṅgamaṃ vyāptaṃ yatkiñcitsacarācaram|
tvaṃpadaṃ darśitaṃ yena tasmai śrīgurave namaḥ||
śrīgurave namaḥ| ācamanīyaṃ samarpayāmi||
madhuparkaḥ
cinmayaṃ vyāpitaṃ sarvaṃ trailokyaṃ sacarācaram|
asitvaṃ darśitaṃ yena tasmai śrīgurave namaḥ||
śrīgurave namaḥ| madhuparkaṃ samarpayāmi||
snānam
saccidānandarūpāya vyāpine paramātmane|
namaḥ śrīgurunāthāya prakāśānandamūrtaye||
śrīgurave namaḥ| snapayāmi| ācamanīyaṃ samarpayāmi||
vastram
jñānaśaktiṃ samāruhya tattvamālāvibhūṣiṇe|
bhuktimuktipradātre te tasmai śrīgurave namaḥ||
śrīgurave namaḥ| vastrāṇi dhārayāmi|| yajñopavītaṃ samarpayāmi|
gandhaḥ
anekajanmasaṃprāptakarmadharmavidāhine|
jñānānalpaprabhāveṇa tasmai śrīgurave namaḥ||
śrīgurave namaḥ| gandhāndhārayāmi| gandhopari haridrākuṅkumaṃ dhārayāmi| akṣatānsamarpayāmi|
puṣpāṇi
dhyānamūlaṃ gurormūrtiḥ pūjāmūlaṃ guroḥ padam|
mantramūlaṃ gurorvākyaṃ mokṣamūlaṃ guroḥ kṛpā||
śrīgurave namaḥ| puṣpāṇi samarpayāmi|| puṣpaiḥ pūjayāmi|
arcanam
śrīdakṣiṇāmūrteḥ śrīśaṅkarabhagavatpādānāṃ svagurūṇāṃ vā aṣṭottaraśatanāmāvalyāpi arcanaṃ kartuṃ śakyate|
| gurave namaḥ |
| paramagurave namaḥ |
| parameṣṭhigurave namaḥ |
| parātparagurave namaḥ |
| satyānandasvarūpāya namaḥ |
| bodhaikasukhakāriṇe namaḥ |
| vedāntavedyāya namaḥ |
| buddhisākṣiṇe namaḥ |
| śāntātmane namaḥ |
| guhyatamāya namaḥ |
| acintyāya namaḥ |
| aprameyāya namaḥ |
| anādinidhanāya namaḥ |
| amānine namaḥ |
| mānadāya namaḥ |
| puṇyaślokāya namaḥ |
| yogine namaḥ |
| śiṣyaśikṣaṇadakṣāya namaḥ |
| lokasaṃsthitihetave namaḥ |
| svanuṣṭhitasvadharmāya namaḥ |
| dharmamārgapradarśine namaḥ |
| śamādiṣaṭkāśrayāya namaḥ |
| sthitaprajñāya namaḥ |
| dhīmate namaḥ |
| bhaktahārdatamobhedadivyatejaḥsvarūpiṇe namaḥ |
| śrīgurave namaḥ |
mānasārcanam
mānasapūjāyām|
satyānandasvarūpāya bodhaikasukhakāriṇe|
namo vedāntavedyāya gurave buddhisākṣiṇe||
namaḥ śāntātmane tubhyaṃ namo guhyatamāya ca|
acintyāyāprameyāya anādinidhanāya ca||
amānine mānadāya puṇyaślokāya yogine|
śiṣyaśikṣaṇadakṣāya lokasaṃsthitihetave||
svanuṣṭhitasvadharmāya dharmamārgapradarśine|
śamādiṣaṭkāśrayāya sthitaprajñāya dhīmate||
bhaktahārdatamobhedadivyatejaḥsvarūpiṇe||
dhūpaḥ
nityaṃ śuddhaṃ nirābhāsaṃ nirākāraṃ nirañjanam|
nityabodhaṃ cidānandaṃ guruṃ brahma namāmyaham||
śrīgurave namaḥ| dhūpamāghrāpayāmi| ācamanīyaṃ samarpayāmi|
dīpaḥ
yatsatyena jagatsatyaṃ yatprakāśena bhāti yat|
yadānandena nandanti tasmai śrīgurave namaḥ||
śrīgurave namaḥ| dīpaṃ darśayāmi| ācamanīyaṃ samarpayāmi|
mahānaivedyam
vande'haṃ saccidānandaṃ bhāvātītaṃ jagadgurum|
nityaṃ pūrṇaṃ nirākāraṃ nirguṇaṃ tvātmasaṃsthitam||
śrīgurave namaḥ| amṛtaṃ mahānaivedyaṃ nivedayāmi| ācamanīyaṃ samarpayāmi| tāmbūlaṃ samarpayāmi|
karpūranīrājanam
nirastasarvasandehaṃ ekīkṛtya sudarśanam|
rahasyaṃ yo darśayati bhajāmi gurumīśvaram||
śrīgurave namaḥ| karpūranīrājanaṃ samarpayāmi||
pradakṣiṇanamaskārāḥ
hṛdambuje karṇikamadhyasaṃsthasiṃhāsane saṃsthitadivyamūrtim|
vande guruṃ candrakalāprakāśaṃ saccitsukhābhīṣṭavaraṃ dadhānam||
śrīgurave namaḥ| pradakṣiṇanamaskārān samarpayāmi||
gurustutiḥ
vande gurupadadvandvaṃ avāṅmanasagocaram|
raktaśuklaprabhāmiśramatarkyaṃ traipuraṃ mahaḥ||
brahmādyaśeṣagurupāramparyakrameṇa svagurupādāmbujaṃ yāvatpraṇamāmi|
mannāthaḥ śrījagannātho madguruḥ śrījagadguruḥ|
svātmaiva sarvabhūtātmā tasmai śrīgurave namaḥ||
guruḥ śivo gururdevo gururbandhuḥ śarīriṇām|
gururātmā gururjīvo guroranyanna vidyate||
brahmānandaṃ paramasukhadaṃ yogināmapyagamyaṃ dvandvātītaṃ gaganasadṛśaṃ tattvamasyādilakṣyam|
ekaṃ nityaṃ vimalamacalaṃ sarvadhīsākṣibhūtaṃ viśvātītaṃ triguṇarahitaṃ sadguruṃ taṃ namāmi||
śrīdakṣiṇāmūrtistutiḥ
gurave sarvalokānāṃ bhiṣaje bhavarogiṇām|
nidhaye sarvavidyānāṃ dakṣiṇāmūrtaye namaḥ||
citraṃ vaṭatarormūle vṛddhāḥ śiṣyā gururyuvā|
gurostu maunaṃ vyākhyānaṃ śiṣyāstu chinnasaṃśayāḥ||
maunavyākhyāprakaṭitaparabrahmatattvaṃ yuvānaṃ varṣiṣṭhāntevasadṛṣigaṇairāvṛtaṃ brahmaniṣṭhaiḥ|
ācāryendraṃ karakalitacinmudramānandamūrtiṃ svātmārāmaṃ muditavadanaṃ dakṣiṇāmūrtimīḍe||
jñānānandamayaṃ devaṃ nirmalasphaṭikākṛtim|
ādhāraṃ sarvavidyānāṃ hayagrīvamupāsmahe||
śrīgurupādukāpañcakam
dakṣiṇāmūrtyaṣṭakaṃ dakṣiṇāmūrtivarṇamālāstotraṃ ca paṭhitvā praṇamet|
jagajjanistemalayālayābhyām agaṇyapuṇyodayabhāvitābhyām|
trayīśirojātaniveditābhyāṃ namo namaḥ śrīgurupādukābhyām|| 1||
vipattamastomavikartanābhyāṃ viśiṣṭasaṃpattivivardhanābhyām|
namajjanāśeṣaviśeṣadābhyāṃ namo namaḥ śrīgurupādukābhyām|| 2||
samastadustarkakalaṅkapaṅkāpanodanaprauḍhajalāśayābhyām|
nirāśrayābhyāṃ nikhilāśrayābhyāṃ namo namaḥ śrīgurupādukābhyām|| 3||
tāpatrayādityakarārditānāṃ chāyāmayībhyāmatiśītalābhyām|
āpannasaṃrakṣaṇadīkṣitābhyāṃ namo namaḥ śrīgurupādukābhyām|| 4||
yato giro'prāpya dhiyā samastāḥ hriyā nivṛttāḥ samameva nityāḥ|
tābhyāmajeśācyutabhāvitābhyāṃ namo namaḥ śrīgurupādukābhyām|| 5||
samarpaṇam
anayā pūjayā śrīguruḥ prīyatām|
oṃ tatsadbrahmārpaṇamastu|