pāramparikam
dhyānam
śaktihastaṃ virūpākṣaṃ śikhivāhaṃ ṣaḍānanam |
dāruṇaṃ ripurogaghnaṃ bhāvaye kukkuṭadhvajam ||
||1||stotram
skando guhaḥ ṣaṇmukhaśca phālanetrasutaḥ prabhuḥ |
piṅgalaḥ kṛttikāsūnuḥ śikhivāho dviṣaḍbhujaḥ ||
||2||dviṣaṇṇetraḥ śaktidharaḥ piśitāśaprabhañjanaḥ |
tārakāsurasaṃhārī rakṣobalavimardanaḥ ||
||3||mattaḥ pramattonmattaśca surasainyasurakṣakaḥ |
devasenāpatiḥ prājñaḥ kṛpālurbhaktavatsalaḥ ||
||4||umāsutaḥ śaktidharaḥ kumāraḥ krauñcadāraṇaḥ |
senānīragnijanmā ca viśākhaḥ śaṅkarātmajaḥ ||
||5||śivasvāmī gaṇasvāmī sarvasvāmī sanātanaḥ |
anantamūrtirakṣobhyaḥ pārvatīpriyanandanaḥ ||
||6||gaṅgāsutaḥ śarodbhūta āhūtaḥ pāvakātmajaḥ |
jṛmbhaḥ prajṛmbha ujjṛmbhaḥ kamalāsanasaṃstutaḥ ||
||7||ekavarṇo dvivarṇaśca trivarṇaḥ sumanoharaḥ |
caturvarṇaḥ pañcavarṇaḥ prajāpatirahaḥpatiḥ ||
||8||agnigarbhaḥ śamīgarbho viśvaretā surārihā |
haridvarṇaḥ śubhakaro vaṭuśca paṭuveṣabhṛt ||
||9||pūṣā gabhastirgahanaścandravarṇaḥ kalādharaḥ |
māyādharo mahāmāyī kaivalyaḥ śaṅkarātmajaḥ ||
||10||viśvayonirameyātmā tejoyoniranāmayaḥ |
parameṣṭhī parabrahma vedagarbho virāṭsutaḥ ||
||11||pulindakanyābhartā ca mahāsārasvatāvṛtaḥ |
āśritākhiladātā ca coraghno roganāśanaḥ ||
||12||anantamūrtirānandaḥ śikhaṇḍī-kṛtaketanaḥ |
ḍambhaḥ paramaḍambhaśca mahāḍambho vṛṣākapiḥ ||
||13||kāraṇotpatti-dehaśca kāraṇātīta-vigrahaḥ |
anīśvaro'mṛtaḥ prāṇaḥ prāṇāyāmaparāyaṇaḥ ||
||14||viruddhahanto vīraghno raktaśyāmagalo'pi ca
subrahmaṇyo guhaḥ prīto brahmaṇyo brāhmaṇapriyaḥ
vaṃśavṛddhikaro vedavedyo'kṣayaphalapradaḥ ||
||15||iti śrī-subrahmaṇyāṣṭottaraśatanāmastotraṃ sampūrṇam