Śrīśaṅkarabhagavatpādakṛtā
sūkṣmatāvyāpite jñeye gandhāderuttarottaram |
pratyagātmāvasāneṣu pūrvapūrvaprahāṇataḥ ||
||1||śārīrā pṛthivī tāvad yāvad bāhyā pramāṇataḥ |
abādīni ca tattvāni tāvaj jñeyāni kṛtsnaśaḥ ||
||2||vāyvādīnāṃ yathotpatteḥ pūrvaṃ khaṃ sarvagaṃ tathā |
ahamekaḥ sadā sarvaścinmātraḥ sarvago'dvayaḥ ||
||3||brahmādyāḥ sthāvarāntā ye prāṇino mama pūḥ smṛtāḥ |
kāmakrodhādayo doṣā jāyeran me kuto'nyataḥ ||
||4||bhūtadoṣaiḥ sadāspṛṣṭaṃ sarvabhūtasthamīśvaram |
nīlaṃ vyoma yathā bālo dūṣṭaṃ māṃ vīkṣate janaḥ ||
||5||maccaitanyāvabhāsyatvāt sarvaprāṇidhiyāṃ sadā |
pūrmama prāṇinaḥ sarve sarvajñasya vipāpmanaḥ ||
||6||janimaj jñānavijñeyaṃ svapnajñānavadiṣyate |
nityaṃ nirviṣayaṃ jñānaṃ tasmād dvaitaṃ na vidyate ||
||7||jñāturjñātirhi nityoktā suṣupte tvanyaśūnyataḥ |
jāgrajjñātistvavidyātastad grāhyaṃ cāsadiṣyatām ||
||8||rūpavattvādyasattvān na dṛṣṭyādeḥ karmatā yathā |
evaṃ vijñānakarmatvaṃ bhūmno nāstīti gamyate ||
||9||