ānandarāmāyaṇam
dhyānam
vāmāṅge raghunāyakasya rucire yā saṃsthitā śobhanā
yā viprādhipayānaramyanayanā yā viprapālānanā |
vidyutpuñjavirājamānavasanā bhaktārtisaṅkhaṇḍanā
śrīmadrāghavapādapadmayugalanyastekṣaṇā sā'vatu ||
||1||stotram
śrīsītā jānakī devī vaidehī rāghavapriyā |
ramā'vanisutā rāmā rākṣasāntaprakāriṇī ||
||2||ratnaguptā mātuluṅgī maithilī bhaktatoṣadā |
padmākṣajā kañjanetrā smitāsyā nūpurasvanā ||
||3||vaikuṇṭhanilayā mā śrīrmuktidā kāmapūraṇī |
nṛpātmajā hemavarṇā mṛdulāṅgī subhāṣiṇī ||
||4||kuśāmbikā divyadā ca lavamātā manoharā |
hanumadvanditapadā mugdhā keyūradhāriṇī ||
||5||aśokavanamadhyasthā rāvaṇādikamohinī |
vimānasaṃsthitā subhrūḥ sukeśī raśanānvitā ||
||6||rajorūpā sattvarūpā tāmasī vahnivāsinī |
hemamṛgāsaktacittā vālmīkyāśramavāsinī ||
||7||pativratā mahāmāyā pītakauśeyavāsinī |
mṛganetrā ca bimboṣṭhī dhanurvidyāviśāradā ||
||8||saumyarūpā daśarathasnuṣā cāmaravījitā |
sumedhāduhitā divyarūpā trailokyapālinī ||
||9||annapūrṇā mahālakṣmīrdhīrlajjā ca sarasvatī |
śāntiḥ puṣṭiḥ kṣamā gaurī prabhā'yodhyānivāsinī ||
||10||vasantaśītalā gaurī snānasantuṣṭamānasā |
ramānāmabhadrasaṃsthā hemakumbhapayodharā ||
||11||surārcitā dhṛtiḥ kāntiḥ smṛtirmedhā vibhāvarī |
laghūdarā varārohā hemakaṅkaṇamaṇḍitā ||
||12||dvijapatnyarpitanijabhūṣā rāghavatoṣiṇī |
śrīrāmasevāniratā ratnatāṭaṅkadhāriṇī ||
||13||rāmavāmāṅgasaṃsthā ca rāmacandraikarañjanī |
sarayūjalasaṅkrīḍākāriṇī rāmamohinī ||
||14||suvarṇatulitā puṇyā puṇyakīrtiḥ kalāvatī |
kalakaṇṭhā kambukaṇṭhā rambhorurgajagāminī ||
||15||rāmārpitamanā rāmavanditā rāmavallabhā |
śrīrāmapadacihnāṅkā rāmarāmetibhāṣiṇī ||
||16||rāmaparyaṅkaśayanā rāmāṅghrikṣālinī varā |
kāmadhenvannasantuṣṭā mātuluṅgakare dhṛtā ||
||17||divyacandanasaṃsthā śrīrmūlakāsuramardinī |
evamaṣṭottaraśataṃ sītānāmnāṃ supuṇyadam ||
||18||phalaśrutiḥ
ye paṭhanti narā bhūmyāṃ te dhanyāḥ svargagāminaḥ |
aṣṭottaraśataṃ nāmnāṃ sītāyāḥ stotramuttamam ||
||19||japanīyaṃ prayatnena sarvadā bhaktipūrvakam |
santi stotrāṇyanekāni puṇyadāni mahānti ca ||
||20||nānena sadṛśānīha tāni sarvāṇi bhūsura |
stotrāṇāmuttamaṃ cedaṃ bhuktimuktipradaṃ nṛṇām ||
||21||evaṃ sutīkṣṇa te proktamaṣṭottaraśataṃ śubham |
sītānāmnāṃ puṇyadaṃ ca śravaṇānmaṅgalapradam ||
||22||naraiḥ prātaḥ samutthāya paṭhitavyaṃ prayatnataḥ |
sītāpūjanakāle'pi sarvavāñchitadāyakam ||
||23||iti śrī-ānandarāmāyaṇe śrīsītāṣṭottaraśatanāmastotraṃ sampūrṇam