bhaviṣyapurāṇam
navagrahāṇāṃ sarveṣāṃ sūryādīnāṃ pṛthak pṛthak |
pīḍā ca duḥsahā rājan jāyate satataṃ nṛṇām ||
||1||pīḍānāśāya rājendra nāmāni śṛṇu bhāsvataḥ |
sūryādīnāṃ ca sarveṣāṃ pīḍā naśyati śṛṇvataḥ ||
||2||ādityaḥ savitā sūryaḥ pūṣā'rkaḥ śīghrago raviḥ |
bhagastvaṣṭā'ryamā haṃso helistejonidhirhariḥ ||
||3||dinanātho dinakaraḥ saptasaptiḥ prabhākaraḥ |
vibhāvasurvedakartā vedāṅgo vedavāhanaḥ ||
||4||haridaśvaḥ kālavaktraḥ karmasākṣī jagatpatiḥ |
padminībodhako bhānurbhāskaraḥ karuṇākaraḥ ||
||5||dvādaśātmā viśvakarmā lohitāṅgastamonudaḥ |
jagannātho'ravindākṣaḥ kālātmā kaśyapātmajaḥ ||
||6||bhūtāśrayo grahapatiḥ sarvalokanamaskṛtaḥ |
japākusumasaṅkāśo bhāsvānaditinandanaḥ ||
||7||dhvāntebhasiṃhaḥ sarvātmā lokanetro vikartanaḥ |
mārtaṇḍo mihiraḥ sūrastapano lokatāpanaḥ ||
||8||jagatkartā jagatsākṣī śanaiścarapitā jayaḥ |
sahasraraśmistaraṇirbhagavān bhaktavatsalaḥ ||
||9||vivasvānādidevaśca devadevo divākaraḥ |
dhanvantarirvyādhihartā dadrukuṣṭhavināśanaḥ ||
||10||carācarātmā maitreyo'mito viṣṇurvikartanaḥ |
lokaśokāpahartā ca kamalākara ātmabhūḥ ||
||11||nārāyaṇo mahādevo rudraḥ puruṣa īśvaraḥ |
jīvātmā paramātmā ca sūkṣmātmā sarvatomukhaḥ ||
||12||indro'nalo yamaścaiva nairṛto varuṇo'nilaḥ |
śrīda īśāna induśca bhaumaḥ saumyo guruḥ kaviḥ ||
||13||saurirvidhuntudaḥ ketuḥ kālaḥ kālātmako vibhuḥ |
sarvadevamayo devaḥ kṛṣṇaḥ kāmapradāyakaḥ ||
||14||ya etairnāmabhirmartyo bhaktyā stauti divākaram |
sarvapāpavinirmuktaḥ sarvarogavivarjitaḥ ||
||15||putravān dhanavāñchrīmān jāyate sa na saṃśayaḥ |
ravivāre paṭhedyastu nāmānyetāni bhāsvataḥ ||
||16||pīḍāśāntirbhavettasya grahāṇāṃ ca viśeṣataḥ |
sadyaḥ sukhamavāpnoti cā''yurdīrghaṃ ca nīrujam ||
||17||iti śrī-bhaviṣyapurāṇe āditya aṣṭottaraśatanāmastotraṃ sampūrṇam