padmapurāṇam
dhyānam
śrīrāghavaṃ daśarathātmajamaprameyaṃ
sītāpatiṃ raghukulānvayaratnadīpam |
ājānubāhumaravindadalāyatākṣaṃ
rāmaṃ niśācaravināśakaraṃ namāmi ||
||1||stotram
śrīrāmo rāmacandraśca rāmabhadraśca śāśvataḥ |
rājīvalocanaḥ śrīmān rājendro raghupuṅgavaḥ ||
||2||jānakīvallabho jaitro jitāmitro janārdanaḥ |
viśvāmitrapriyo dāntaḥ śaraṇyatrāṇatatparaḥ ||
||3||vālipramathano vāgmī satyavāk satyavikramaḥ |
satyavrato vratadharaḥ sadā hanumadāśrayaḥ ||
||4||kausaleyaḥ kharadhvaṃsī virādhavadhapaṇḍitaḥ |
vibhīṣaṇaparitrātā harakodaṇḍakhaṇḍanaḥ ||
||5||saptatālaprabhettā ca daśagrīvaśiroharaḥ |
jāmadagnyamahādarpadalanastāḍakāntakṛt ||
||6||vedāntapāro vedātmā bhavabandhaikabheṣajaḥ |
dūṣaṇatriśiroriśca trimūrtistriguṇastrayī ||
||7||trivikramastrilokātmā puṇyacāritrakīrtanaḥ |
trilokarakṣako dhanvī daṇḍakāraṇyavāsakṛt ||
||8||ahalyāpāvanaścaiva pitṛbhakto varapradaḥ |
jitendriyo jitakrodho jitalobho jagadguruḥ ||
||9||ṛkṣavānarasaṅghātī citrakūṭasamāśrayaḥ |
jayantatrāṇavaradaḥ sumitrāputrasevitaḥ ||
||10||sarvadevādhidevaśca mṛtavānarajīvanaḥ |
māyāmārīcahantā ca mahābhogo mahābhujaḥ ||
||11||sarvadevastutaḥ saumyo brahmaṇyo munisattamaḥ |
mahāyogo mahodāraḥ sugrīvasthirarājyadaḥ ||
||12||sarvapuṇyādhikaphalaḥ smṛtaḥ sarvāghanāśanaḥ |
ādipuruṣo mahāpuruṣaḥ paramaḥ puruṣastathā ||
||13||puṇyodayo mahāsāraḥ purāṇaḥ puruṣottamaḥ |
smitavaktro mitabhāṣī pūrvabhāṣī ca rāghavaḥ ||
||14||anantaguṇagambhīro dhīro dāntaguṇottamaḥ |
māyāmānuṣacāritro mahādevābhipūjitaḥ ||
||15||setukṛjjitavārīśaḥ sarvatīrthamayo hariḥ |
śyāmāṅgaḥ sundaraḥ śūraḥ pītavāsā dhanurdharaḥ ||
||16||sarvayajñādhipo yajño jarāmaraṇavarjitaḥ |
śivaliṅgapratiṣṭhātā sarvāghagaṇavarjitaḥ ||
||17||paramātmā paraṃ brahma saccidānandavigrahaḥ |
parañjyotiḥ parandhāma parākāśaḥ parātparaḥ ||
||18||pareśaḥ pāragaḥ pāraḥ sarvabhūtātmakaḥ śivaḥ |
iti śrīrāmacandrasya nāmnāmaṣṭottaraṃ śatam ||
||19||phalaśrutiḥ
guhyād guhyataraṃ devi tava snehāt prakīrtitam |
yaḥ paṭhecchṛṇuyād vā'pi bhaktiyuktena cetasā ||
||20||sa sarvairmucyate pāpaiḥ kalpakoṭiśatodbhavaiḥ |
jalāni sthalatāṃ yānti śatravo yānti mitratām ||
||21||rājāno dāsatāṃ yānti vahnayo yānti saumyatām |
ānukūlyaṃ ca bhūtāni sthairyaṃ yānti calāḥ śriyaḥ ||
||22||anugrahaṃ grahā yānti śāntimāyāntyupadravāḥ |
paṭhato bhaktibhāvena narasya girisambhave ||
||23||yaḥ paṭhet parayā bhaktyā tasya vaśyaṃ jagattrayam |
yaṃ yaṃ kāmaṃ prakurute taṃ tamāpnoti kīrtanāt ||
||24||kalpakoṭisahasrāṇi kalpakoṭiśatāni ca |
vaikuṇṭhe modate nityaṃ daśapūrvairdeśāparaiḥ ||
||25||rāmaṃ dūrvādalaśyāmaṃ padmākṣaṃ pītavāsasam |
stuvanti nāmabhirdivyairna te saṃsāriṇo janāḥ ||
||26||rāmāya rāmabhadrāya rāmacandrāya vedhase |
raghunāthāya nāthāya sītāyāḥ pataye namaḥ ||
||27||imaṃ mantraṃ mahādevi japanneva divāniśam |
sarvapāpavinirmukto viṣṇusāyujyamāpnuyāt ||
||28||iti śrī-pādme mahāpurāṇe uttarakhaṇḍe umāmaheśvarasaṃvāde rāmacandrāṣṭottaraśatanāmakathanaṃ nāmaikāśītyadhikadviśatatame'dhyāye śrīrāmacandrāṣṭottaraśatanāmastotraṃ sampūrṇam