Study
- Anukramaṇī
- śivasaṅkalpasūktam
- Source
- Taittirīya / Ṛgveda corpus, as compiled in Yājuṣa Mantra Ratnākaram. Learn svara from a guru.
śivasaṅkalpasūktam
yene̱daṃ bhū̱taṃ bhuva̍naṃ bhavi̱ṣyat pari̍gṛhītama̱mṛte̍na̱ sarva̎m| yena̍ ya̱jñastā̱yate̍ sa̱ptaho̍tā̱ tanme̱ mana̍ḥ śi̱vasa̍ṅkalpamastu||
||1||yasmi̱nnṛca̱ḥ sāma̱ yajū̍gͫ̄ṣi̱ yasmi̱n prati̍ṣṭhitā rathanā̱bhāva̍rāḥ| yasmi̎ṃści̱ttagͫ sarva̱mota̍ṃ pra̱jānā̱ṃ tanme̱ mana̍ḥ śi̱vasa̍ṅkalpamastu||
||2||yajjāgra̍to dū̱ramu̱daiti̱ daiva̱ṃ tadu̍ su̱ptasya̱ tathai̱vaiti̍| dū̱ra̱ṅga̱maṃ jyoti̍ṣā̱ṃ jyoti̱reka̱ṃ tanme̱ mana̍ḥ śi̱vasa̍ṅkalpamastu||
||3||yene̱daṃ viśvā̱ jaga̍to ba̱bhūva̱ yade̱vāpi̍ maha̱to jā̱tave̍dāḥ| tade̱vāgnistama̍so̱ jyoti̱reka̱ṃ tanme̱ mana̍ḥ śi̱vasa̍ṅkalpamastu||
||4||yena̱ dyauḥ pṛ̍thi̱vī cā̱ntari̍kṣaṃ ca̱ ye parva̍tāḥ pra̱diśo̱ diśa̍śca| yene̱daṃ jaga̱dvyāpta̍ṃ pra̱jānā̱ṃ tanme̱ mana̍ḥ śi̱vasa̍ṅkalpamastu||
||5||vedā̱hame̱taṃ puru̍ṣaṃ ma̱hānta̍mādi̱tyava̍rṇa̱ṃ tama̍sa̱ḥ para̍stāt| yasya̱ yoni̱ṃ pari̱paśya̍nti̱ dhīrā̱stanme̱ mana̍ḥ śi̱vasa̍ṅkalpamastu||
||6||parā̎tpa̱rata̍raṃ cai̱va̱ ya̱tparā̎ccaiva̱ yatpa̍ram| ya̱tparā̍tpa̍rato jñe̱ya̱ṃ tanme̱ mana̍ḥ śi̱vasa̍ṅkalpamastu||
||7||parā̎tpa̱rata̍ro bra̱hmā̱ ta̱tparā̎tpara̱to ha̍riḥ| ta̱tparā̍tpa̍rato'dhī̱śa̱stanme̱ mana̍ḥ śi̱vasa̍ṅkalpamastu||
||8||kailā̍sa̱śikha̍re ra̱mye̱ śa̱ṅkara̍sya śi̱vāla̍ye| de̱vatā̎statra̍ moda̱nte̱ tanme̱ mana̍ḥ śi̱vasa̍ṅkalpamastu||
||9||kailā̍sa̱śikha̍rāvā̱sa̱ṃ hi̱mava̍dgi̱risaṃsthi̍tam| nīla̍ka̱ṇṭhaṃ tri̍ṇetra̱ṃ ca̱ tanme̱ mana̍ḥ śi̱vasa̍ṅkalpamastu||
||10||trya̍mbakaṃ yajāmahe suga̱ndhiṃ pu̍ṣṭi̱vardha̍nam| u̱rvā̱ru̱kami̍va̱ bandha̍nānmṛ̱tyormu̍kṣīya̱ mā'mṛtā̱ttanme̱ mana̍ḥ śi̱vasa̍ṅkalpamastu||
||11||vi̱śvata̍ścakṣuru̱ta vi̱śvato̍mukho vi̱śvato̍hasta u̱ta vi̱śvata̍spāt| saṃbā̱hubhyā̱ṃ nama̍ti̱ saṃpata̍trai̱rdyāvā̍pṛthi̱vī ja̱naya̍n deva eka̱stanme̱ mana̍ḥ śi̱vasa̍ṅkalpamastu||
||12||