Study
- Anukramaṇī
- Saṃhitā citations
- Source
tai॰brā॰ 2.7.10
pra̱jāpa̍tirakāmayata ba̱horbhūyā̎nthsyā̱miti̍|
sa e̱taṃ pa̍ñcaśāra̱dīya̍mapaśyat|
tamā'ha̍rat|
tenā̍yajata|
tato̱ vai sa ba̱horbhūyā̍nabhavat|
yaḥ kā̱maye̍ta ba̱horbhūyā̎nthsyā̱miti̍|
sa pa̍ñcaśāra̱dīye̍na yajeta|
ba̱hore̱va bhūyā̎nbhavati|
ma̱ru̱thsto̱mo vā e̱ṣaḥ|
ma̱ruto̱ hi de̱vānā̱ṃ bhūyi̍ṣṭhāḥ||30||
ba̱hurbha̍vati|
ya e̱tena̱ yaja̍te|
ya u̍cainame̱vaṃ veda̍|
pa̱ñca̱śā̱ra̱dīyo̍ bhavati|
pañca̱ vā ṛ̱tava̍ḥ saṃvathsa̱raḥ|
ṛ̱tuṣve̱va sa̍ṃvathsa̱re prati̍ tiṣṭhati|
atho̱ pañcā̎kṣarā pa̱ṅktiḥ|
pāṅkto̍ ya̱jñaḥ|
ya̱jñame̱vāva̍ rundhe|
sa̱pta̱da̱śagͫ̄ stomā̱ nāti̍ yanti|
sa̱pta̱da̱śaḥ pra̱jāpa̍tiḥ|
pra̱jāpa̍te̱rāptyai̎||31|| ॥TB 2.7.10॥
||1||