Study
- Anukramaṇī
- Saṃhitā citations
- Source
tai॰saṃ॰ 1.8.14
27 soma̍sya̱ tviṣi̍rasi̱ tave̍va me̱ tviṣi̍rbhūyāda̱mṛta̍masi mṛ̱tyormā̍
pāhi di̱dyonmā̍ pā̱hyave̎ṣṭā danda̱śūkā̱ nira̍sta̱ṃ namu̍ce̱ḥ śira̍ḥ || somo̱
rājā̱ varu̍ṇo de̱vā dha̍rma̱suva̍śca̱ ye | te te̱ vācagͫ̍ suvantā̱ṃ te te̎
prā̱ṇagͫ su̍vantā̱ṃ te te̱ cakṣu̍ḥ suvantā̱ṃ te te̱ śrotragͫ̍ suvantā̱g̱ͫ
soma̍sya tvā dyu̱mnenā̱bhiṣi̍ñcāmya̱gne
28 steja̍sā̱ sūrya̍sya̱ varca̱sendra̍syendri̱yeṇa̍ mi̱trāvaru̍ṇayorvī̱rye̍ṇa
ma̱rutā̱moja̍sā kṣa̱ttrāṇā̎ṃ kṣa̱ttrapa̍tira̱syati̍ di̱vaspā̍hi
sa̱māva̍vṛtrannadha̱rāgudī̍cī̱rahi̍ṃ bu̱dhniya̱manu̍ sa̱ṃcara̍ntī̱stāḥ
parva̍tasya vṛṣa̱bhasya̍ pṛ̱ṣṭhe nāva̍ścaranti sva̱sica̍ iyā̱nāḥ || rudra̱
yatte̱ krayī̱ para̱ṃ nāma̱ tasmai̍ hu̱tama̍si ya̱meṣṭa̍masi | prajā̍pate̱ na
tvade̱tānya̱nyo viśvā̍ jā̱tāni̱ pari̱ tā ba̍bhūva | yatkā̍māste juhu̱mastanno̍
astu va̱yagg syā̍ma̱ pata̍yo rayī̱ṇām || a̱gne staikā̍daśa ca ॥TS 1.8.14॥
||1||