Study
- Anukramaṇī
- Saṃhitā citations
- Source
ṛ॰saṃ॰ 10.191
saṃsa̱midyu̍vase vṛṣa̱nnagne̱ viśvā̍nya̱rya ā | i̱l̤aspa̱de sami̍dhyase̱ sa no̱ vasū̱nyā bha̍ra ॥RV 10.191.1॥
||1||saṃ ga̍cchadhva̱ṃ saṃ va̍dadhva̱ṃ saṃ vo̱ manā̍ṃsi jānatām | de̱vā bhā̱gaṃ yathā̱ pūrve̍ saṃjānā̱nā u̱pāsa̍te ॥RV 10.191.2॥
||2||sa̱mā̱no mantra̱: sami̍tiḥ samā̱nī sa̍mā̱naṃ mana̍: sa̱ha ci̱ttame̍ṣām |
sa̱mā̱naṃ mantra̍ma̱bhi ma̍ntraye vaḥ samā̱nena̍ vo ha̱viṣā̍ juhomi ॥RV 10.191.3॥
||3||sa̱mā̱nī va̱ ākū̍tiḥ samā̱nā hṛda̍yāni vaḥ | sa̱mā̱nama̍stu vo̱ mano̱ yathā̍ va̱: susa̱hāsa̍ti ॥RV 10.191.4॥
||4||