Study
- Anukramaṇī
- upanayane samidādhānam
- Source
- याजुषमन्त्ररत्नाकरम् (मुद्रितग्रन्थः) पृष्ठम् ६२३ — मुद्रितग्रन्थस्य PDF-पाठात् स्वरसहितं यथावत् उद्धृतम्। कोष्ठकेषु सङ्ख्याः ग्रन्थस्य पृष्ठनिर्देशाः।
upanayane samidādhānam
pari̍ tvā'gne̱ pari̍ mṛjā̱myāyu̍ṣā ca̱ dhane̍na ca| su̱pra̱jāḥ pra̱jayā̍ bhūyāsagͫ su̱vīro̍ vi̱raiḥ su̱varcā̱ varca̍sā su̱poṣa̱ḥ poṣai̎ḥ su̱gṛho̍ gṛ̱haiḥ su̱pati̱ḥ patyā̍ sume̱dhā me̱dhayā̍ su̱brahmā̎ brahmacā̱ribhi̍ḥ| a̱gnaye̍ sami̱dhamāhā̍rṣaṃ bṛha̱te jā̱tave̍dase|
||1||yathā̱ tvama̍gne sa̱midhā̍ sami̱dhyasa̍ e̱vaṃ mā̱māyu̍ṣā̱ varca̍sā sa̱nyā me̱dhayā̎ pra̱jayā̍ pa̱śubhi̍rbrahmavarca̱senā̱nnādye̍na̱ same̍dhaya̱ svāhā̎| edho̎'syedhiṣī̱mahi̱ svāhā̎| sa̱mida̍si same̱dhiṣī̱mahi̱ svāhā̎| tejo̍'si̱ tejo̱ mayi̍ dhehi̱ svāhā̎| apo̍ a̱dyānva̍cāriṣa̱gͫ rase̍na̱ sama̍sṛkṣmahi|
||2||paya̍svāgͫ agna̱ āga̍ma̱ṃ taṃ mā̱ sagͫsṛ̍ja̱ varca̍sā̱ svāhā̎| saṃ mā̎'gne̱ varca̍sā sṛja pra̱jayā̍ ca̱ dhane̍na ca̱ svāhā̎| vi̱dyunme̍ asya de̱vā indro̍ vi̱dyātsa̱harṣi̍bhi̱ḥ svāhā̎| a̱gnaye̍ bṛha̱te nākā̍ya̱ svāhā̎| dyāvā̍pṛthi̱vībhyā̱gͫ̄ svāhā̎|
||3||e̱ṣā te̍ agne sa̱mittayā̱ vardha̍sva̱ cāpyā̍yasva ca̱ tayā̱'haṃ vardha̍māno bhūyāsamā̱pyāya̍mānaśca̱ svāhā̎| yo mā̎'gne bhā̱gina̍gͫ sa̱ntamathā̍bhā̱gaṃ cikī̍rṣati| abhā̱gama̍gne̱ taṃ ku̍ru̱ māma̍gne bhā̱gina̍ṃ kuru̱ svāhā̎| sa̱midha̍mā̱dhāyā̎gne̱ sarva̍vrato bhūyāsa̱gͫ̄ svāhā̎|
||4||